بوني سيرا ...


بصراحه .. آتمنى الليقا هذا الموسم للريال مدريد ..
فريق الموسم هذا يعجبني جداٌ .. خاصة ً اذا لعب بدون كرستيانو رونالدو ..

آعتقد من الظلم عدم اشراك فان ديير فارت كآساسي .. صراحة لاعب كبير
يملك آداء رائع .. وآيضا ً في كل مشاركة له مع الفريق تشاهده يقدم مستوى كبير ..

* بخصوص لقاء برشلونة و العامرية .. آعتقد آن برشلونة جنا ضريبة تخلية
عن نجمها السابق سامويل آيتو .. آيبرا آبدا آبدا ً .. لا يجيد بـ تركيبة برشلونة
آداءه وبكل صراحه سلبي على الفريق ..
واعود واقولها مره آخرى بأن برشلونة يملك فريق كبير و لكن لا يملك حارس كبير ..!!



* اللي آمس آسعدني .. هدف بويول في مرمى فريقه ..

مبرووك للـ ملكي وعقبال الدوري

هيجوين .. فان ديير فاارت .. آكسابي آلونسو

بصراحة يعجبني الريال ..تعجبي بآختصار الكرة الحلوة

يعطيكم العافية يا شباب ..

.


فشل ؟!!
تابعته الفترة اللي راحت كثير مع البرسا .. ما تأقلم مع الفريق كويس .. ماهو عاجبه الجو .. فقد بريقه .. مدري وش السبب .. بس الوكاد ابرا مع برشلونة سيء .

الريال لو يلعب بهالروح صعب يخسر .. تخيلت لو المباراة انتهت 2/2 والله يا بيجي سب على راؤول يوم يقلب مدافع لاشبيليه قبل الهدف .. حسيت ان رونالدو بيتوطى في بطنه الا شوي

الدوري ولع وهذا المطلوب .. ابي اشوف مناتف فوق .. كويس اشبيليه انهزم لان الظاهر فالنسيا مواريها هزيمة .. مع العقدة راسينغ والغيابات من النوع اللي جب لك كريك وشل .. ايمري والله اني حاس فيك .. لكن لا تمحوق واجد ولعب مبزرة والعب على قوتك الهجومية كود الامور تسلك

الف مبروك الفوز ليلة امبارح
وبصراحه اشبيليا قدم مباراه ممتعه
بس الاهداف جاءت باخطاء تشابي وهذا الفرق
سرعة التعويض بعكس البارسا
بنزيمه فقيده البارح بجد
كاكا جاري البحث مع بعض اللمسات
كرستي بدع بس يبي مساحات يبي شي اسمه شوووووت
راموس تجي يعني تجي
اعجبني هدفه الي بالغصب
توه احلوووو الليغا بجد
والقادم مذهله

بداية هاردلك لبرشلونه على التعادل ومبروك للريال الفوز ،،،


غباء الآدمي اللي في الصورة أو حماقته اتوقعها من أهم أسباب خسارة اشبيليه لمباراة البارحة ... بدأ المباراة صح بخمسة لاعبين في منطقة الوسط ومهاجم وحيد ومشى معاه الحظ زيادة بأنه أنهى الشوط الأول متقدم بالنتيجة رغم الفرص الضائعة الكثيرة للريال ، لكن مع كذا خبصها بتغييره في الشوط الثاني بدخول كانوتية بديل لكابيل اللي كان عامل شغل كبير بمساندة الدفاع وفي نفس الوقت التقليل من تقدم راموس على الجهة اليمنى ... تهور وفكر يلعب بمهاجمين للاستفادة من المرتدات لكنه فرغ خط الوسط للاعبي الريال ، وبعد ماسجل راموس التعادل انتبه للخطأ وسحب نيغريدو ونزل اللاعب دوشر في وسط الملعب من جديد لكن ماقدر يوقف قدام الضغط المتواصل للريال ونشوته بعد التعادل وتصميمه على الفوز .

في البدايه مبروك للمدريدستا جميعاً وعقبال مانحتفل بتخطي ليون ..
الإسبوع القادم ..

بصراحه المباراه امس مجنووونه بس لو هجوين كملها وجايب من الفرص
الاربع الضايعه فرصتين بس يالبيه لكن قدر الله وماشاء فعل وبصراحه و
بوجهة نظري الريال أمس ماقدم الا شوي من مستواه ولا عشرين بالميه < وش
عنده كحيلان لا جد يعني المباراه امس لو اربيليوا و الونسو بيومه والله
ان تصير مذبحه في الملعب وخصوصا الونسو وهي المتسبب الاول في الهدفين
وشرود ذهني غير عادي اتمنى يتفاداه مستقبلا ً والا بتزحلط علينا كل مباراه نلعبها
لان مركزه حسّاس جدا , رونالدو ماقصر البارح وسوا شغل عدل والله وخصوصا
سدحة نافاز مدري كابيل في اخر الشوط الاول .

الف مبروك بيلي , الف مبروك فلورنتينو , الف مبروك مدريد ..




مشجعي برشلونة عساكم عرفتم التحكيم منهو واقفن معهٌ ؟

إقتباس الرسالة الأصلية كتبت بواسطة Blanco Soul مشجعي برشلونة عساكم عرفتم التحكيم منهو واقفن معهٌ ؟

ما أدري أخوي إذا تقصد الفاول اللي جاء منه الهدف ولو ماسجل منه ميسي الهدف ما أحد جاب طاري التحكيم ... حالة وحدة كانت تقدير الحكم لها انها لمصلحة برشلونه ... على كل إذا راح أتصيد أي لقطة في المباراة فيه لقطة ابرا يوم يشوته المدافع داخل منطقة الجزاء في الشوط الأول وبعدها لقطة ميسي وحالة دفع من لاعب الميريا داخل منطقة الجزاء قبل مايكملها في المرمى بالرأس واللي انطرد بسببها جوارديولا بعد الاحتجاج عليها ... هذي لقطتين فيها اشتباه واضح بأنها ضربات جزاء للبرسا والحكم مشاها واعتبرها بتقديره حالات عادية مافيها شي ... حتى هدفهم الأول ارجع للقطة وتلاحظ ان اللاعب قبل الارتقاء ساحب توريه من الفانيلة ... وبالآخر علشان فاول صار التحكيم واقف معنا ... يعني حتى وانتم متصدرين الحين ماتتركون سالفة التحكيم .

السلام عليكم ورحمة الله وبركاته

هاردلك جماهيرنا الفريق ماكان في الفورمه بصراحه ماادري ليه ..!
الف مبروك الريال مستوى خرافي بصراحه وروح عاليه تحسدون عليها
الحق ينقال الريال امس كان فريق ممتع وكان متكاتف بشده
لاكن ان شاء الله تسقطون قريباً
موفقين جميعاً

إقتباس أربيلوآ مع نفاس بس مدري ليش ما عطاه أحمر هي نفس حاله إبرآ بس التحيكم !!

اسمه التحكيم اولا ..

اذا كان ابرا ما يستحق الطرد فعلى كرة القدم السلام ... اخوي فيه شيء اسمه الظرب المتعمد بلا كرة .. لقطة اربيلوا في كورة بينهم ، وما انكر انها تستحق الانذار .. لكن ان ابرا ما يستاهل الطرد .. غريبة شوي .. بعيد عن التحكيم .. سؤال لمحبي البرسا وخصوصا ابو سلطان وانس وحسين واسامة وبندر ، قيموا لي ابرا من 10 منذ بداية الموسم .. 11 هدف سجلها في الدوري .. ولكن هل هو مرضي ..

البرسا امس المفروض انه يفوز .. فرق متهالك .. دفاع مفتوح جدا كان امام البرسا ولكن ما كان فيه جرأة التسديد الا من ميسي وكلها بسيطة للحارس ، كمان فيه اكثر من لقطة كان ميسي فيها اناني وكان بإمكانه يمرر ، مستوى انييستا امس ؟!؟!؟! ... في المقابل دفاع البرسا كان متقدم كثير ومدرب الـميريا تأخر كثير في تنزيل غويتوم ، واللي من دخل سبب ازمة لدفاعات البرسا ، وكمان فيه فرديات من لاعبي الميريا لو كانوا جماعيين فيها لحسموا المباراة .


هارد لك برشلونة

يعطيكم العافية
و بالتوفيق للريال

إقتباس Madridi اذا كان ابرا ما يستحق الطرد فعلى كرة القدم السلام ... اخوي فيه شيء اسمه الظرب المتعمد بلا كرة .. لقطة اربيلوا في كورة بينهم ، وما انكر انها تستحق الانذار .. لكن ان ابرا ما يستاهل الطرد .. غريبة شوي .. بعيد عن التحكيم ..

إقتباس مشجعي برشلونة عساكم عرفتم التحكيم منهو واقفن معهٌ ؟