نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   ابراهيمو فتش هلالي ..... بتوصية من فليهمسون ..!! .... مين يصدق ؟ (http://vb.alhilal.com/showthread.php?t=871708)

هدف تسلل 04/03/2010 02:24 AM

ابراهيمو فتش هلالي ..... بتوصية من فليهمسون ..!! .... مين يصدق ؟
 


ابراهيمو فتش : واخيرا رجعت لنا يالطيارة ..

فليهمسون : أكيد رجعت لأنكم اصلا مالكم غناة عني ..

أقول خل عنك بس ترى انا الي اقنعت المدرب يرجعك للمنتخب
لأني بصراحة مااعرف ألعب وأبدع الا اذا شفتك جمبي ..

خل عنك عاد الغشمره يابراهيموه .. تراك زودها حبتين

يعني مانت مصد ق اني انا الي أقنعت المدرب برجعتك.. ؟
الا مصدق مصدق .. مسوي لي فيها راعي فزعة ..
ماعندك ماعند جدتي ..

هااااااه.. وش قلت ..؟

لالا ماقلت شي .. أقول ماقصرت ..!

ايه أحسب ..؟

الا قل لي ويلي وش اخبارك في السعودية مع ناديك الهلال ..
يقولون انك مبدع هناك ومسوي زحمة .. والناس حاطتك فوق راسها .. وابعد عن الطريق
وش السالفة يالشايب ؟

انا الشايب يالزرافة ..

ههههاي حلوووة زرافة ...طالعة من بؤك زي الحلاوة

عشان ماتعودها تقول لي يالشايب ..

أبشر على ها الخشم.. بس كمل ..
بالله عليك الوضع كيف هناك صاير.. وأجواء اللعب هناك كيف ..
ودي أعرف سر انبساطك وقعدتك عندهم ..؟

يووووه يابراهيموه ياهي وناسة .. ياهي سعاده .. ياهي فله مابعدها فله ..!!
ودي بس تجي تتأكد وتتشوف بعينك .. صدقني الي يجي لها النادي خذها مني
مبسوط على طووول ..وماراح تصدق الا لما تشوف بعينك ..!!

من جد تتكلم ؟
اجل من عم ..!! اي والله أكلمك من جد ..

طيب قول .. والله شوقتني.. ياهوووه ..

صدقني صدقني لو تجي يابراهيموه للزعيم والله تشوف العز بعينه ..

وش قصدك ؟ فلوس ..؟ عندي فلوس الدنيا .. وماقاصرني شي

عارف يابو خشم سلة سيف انك شبعان فلوس ومدسمين شواربك البرشا بفلوس الدنيا..
قصدي يابو الشباب .. الأجواء في الزعيم غير ..
والله شفت راحة نفسية عجيبة في هالنادي ماشفتها فيي نادي قبله..
شكل غير ..
جو غير ..
كل شي غير ..
نادي كله كله كله خير ..

ادارة زي الحلاوة ..
أجواء كلها احترام وتقدير ..
بطولات مالها حد ..
وجمهووووره .. يوووووه .. ياهو جمهور فوق الخيال..
صدقني كانك في البرشا وأحسن بعد..
عشقهم لفريقهم عشق يفوق الخيااال ..

أقولك طايرين فيني .. لدرجة من حبي لهم قلت ياحسافة سنين عمري بس الي راحت علي ..
وكل ما شفتهم يشجعون ويلي .. ويلي .. قلت والله حرام أحد يخذل هالجمهور الطيب..
صرت العب بحماس أكثر واكثر ..ألين صرت نجمهم اللامع ..


من جدك ويلي تتكلم ؟..

اي والله .. ماتشوفني راجع شباب ونشاط وحيوية وفن أحسن من أول ..
صدقني في الزعيم هذا سر عجيب أنا عجزت أفهمه ..
نادي تعيش فيه جو صحي ونفسي مريح مريح بالمررررة

فريق يجبرك تحبه وتعشقه وتحترمه وتعشق جمهوره غصب عنك
فريق كله بطولات و ألقاب وذهب ..مايعرف الا الذهب ..!! وش تبي أكثر من كذا ..

يقطع شيطانك ولي .. والله شوقتني .. وحمستني أسمع أكثر..
كمل .. وش فيه بعد ..؟؟


عندهم يابو الشباب رئيس نادي .. ياهو رئيس ماشاء الله تبارك الله ..
رجل محترم .. فعلا محترم .. رئيس أمير بمعنى الكلمة..مو عشانه من الأسرة المالكة ..لالا ..
ياخي هذا امير في تواضعه وطيبته وخلقه وشهامته وتعاملة .. يااااااااه .. يااااااااه ..
ياخي لو اتكلم عن هذا الرجل من الحين للصبح ما وفيت حقه ..

وكل ماقلت عن هالرئيس تلقاه في النايب حقه بعد .. ياهم ناس في قمة القمم !!
وأعضاء شرف ملتمين مع ناديهم مثل اليد الوحده ..
ماشاء الله تبارك الله ..

والله كلامك سحرني ياويلي .. قولي وش كمان في هالنادي الخيالي ..؟

عندهم ياطويل العمر مدير كرة أنا بصراحة ماشفت مثله اداري ناجح يبهرك بحيوته وسياسته
وفكره..يعني بيني وبينك جامع مقومات الادارة الناجحة ..
بعدين تراه معروف .. تاريخه يشهد له .. ويكفيك انه اسطورة من الأساطير الي ماينساها التاريخ
أكيد بتعرفه يابراهيموه وغصب أصلا تعرفه لأنه شخصية ماينساها تاريخ كرة القدم..
واسمه لامع في سماء العالمية ومن نجوم كاس العالم .. تخيل مثل بلده 4 مرات ..

اووووه ..بس ...بس عرفته.. قصدك سامي الجابر .. ؟

عليك نووووور.. هو بعينه ..!!

وش خليت ياويلي .. ساااامي الجابر ..هذ اللاعب أصلا معروف ومشهور ودخل التاريخ من أو سع أبوابه ..
ياحظه بصراحة .. عقبالي وعقبالك ندخل التاريخ مثله ..

انت بس شد حيلك وربك يعين ..

طيب ..كمل ...وش فيه بعد في هالنادي العريق..؟

عندنا وانا اخوك مدرب داهية يعشق اللعب الهجومي والبطولات ..
مايعترف بالأسماء .. رجل صارم وحازم ماعنده خربطيشن الي بيجتهد ويحرص على التمارين والانضباط
ويسمع التعليمات ويطبق المطلوب منه ..والا يقضب الباب حتى لو كان انت بابريهموه ..؟

أخس والله مهوب سهل ذا..؟؟

اجل وش تحسب .. بس شف انجازاته ..
تصور من جا هالمدرب ماانهزم الفريق الا مرة وحدة بس
وحقق بطولتين بطولة الدوري وكاس ولي العهد السعودي ..
تخيل يابرهيموه بطولة الدوري حققها قبل نهايتها بثلاث جولات ..!!

اوف أوف . حقق بطولة الدوري قبل نهايته بثلاث جولات !!
يااااااه ..!! هذا انجاز عالمي..
والله خطير ذا المدرب.. كمل ؟


اووووه ياحليلك ولسه ما بعد شفت شيء ..
الرجال ناوي يكوش على البطولات الباقية الآسيوية والعالمية ..وكاس الملك بعد ..!!



يقطع شيطانك ياويلي ...صراحة
شوقتني وعيشتني في خيال.. كمل كمل . وش بعد...؟

عاد تعال أعلمك عن جمهور هاالفريق .. يا عنده جمهور خيااااال ..
مثل جمهور البرشا تقريبا.. في كل مكان تلقاه ..
جمهور يعشق متعة كرة القدم ..جمهور دايم مبسوط الله لايلومه قبله فوز وبطولات وذهب ..
يعني بالسويدي جمهوره دايم فرحان ومبسووط عل ىالآخر ..:yes:

اسمع ويلي مابدهاش ترى خلاص أنا قررت اترك برشلونه
وأجي عندكم في الزعيم .. بس أبي فزعتك وتتوسط لي .. وأبشر بالسعي والي يرضيك ..

أقول رححححح هناك الله يستر عليك .. صاحي انت ..؟ تبي تجي عشان يسحبون علي ؟
معصي .. ثم معصي .. أنا ماصدقت أتقلم معهم وتجي تاخذها بارده مبرده ..!!
أقوول ..خلك في ناديك أصرف لك..

طيب طيب هين ياويلي مو الشرههة عليك
الشرهة على توسط لك وخلاك ترجع للمنتخب ياتعبان ..؟

ههههههههه زعلت !!.. أفا ..أفا عليك بس ..أمزح معك ..
ولايهمك .. أول ما ارجع بعد المباراة أتوسط لك عندهم ..
ولك مني وعد .. تطقها في الهلال بإذن الله .. وقل ماقاله ويلي ..

كفوووو ياويلد الديره ..

ماعليك زوووود حبيبي..

يالله تصبح على خير

وانت من اهله .. باي ..

طوط .. طوط .. طوط

خلصت الحتووووتة..
ان شاء الله أعجبتكم ..

حبينا نتسلى هالأيام بعد توقف مطاردت الكورة لنبحر بشيء من الخيال والدعابة اللطيفة
في عالم المجنونة..
نعم هو نوع من الخيال أشبه مايكون بالحقيقة ..
لكن مين يدري ؟ يمكن بكرة الهلال يكون أشهر أند ية العالم ..
طالما نحن نملك مقومات النجاح والطموووووح فما المانع إذاً..

وما ذلك على الله بعزيز ..!!

دمتم بود:ba:

مرعب الخصوووم20 04/03/2010 10:31 AM

يالله وش الاسلوب المذهل اذهلتني باسلوبك الرايع شكرا لك

<<هـلاليــة>> 04/03/2010 10:53 AM

يعطيك العافية على ماكتبت روووووعة

!"احلى هلالية"! 04/03/2010 10:56 AM

انت رووووووووووووووووووووووعـــــــــه ..
انت خطيــــــــــــــره ..
انت فنـــــــــــــــــان ..

وربي تحمست مع المكالمه هع هع هع ..

لكن زعلني شي واحد ماذكرته :cry: ..
ماذكرت الله بالمحادثه ..
على الاقل لو قاال ابروو قوول ماشااء الله :d ..
ولا قاال ويلي ماشااء الله على الهلال :d .. كان افضل ..
عشان كل من يقرا راح يقرا ماشااء الله :yes: ..
لان العيــن حق .. ويمكن يجي احد ولا يذكر الله .. ويصر بهلالنا شي لاقدر الله :cry: ..


تــرى يمديك تعدل فيها شووي وتكتب ماشااء الله بالمكالمه :razz::rose: ..


الله يحفظك ياهــلال ..
ماشــااااء الله عليــك يازعيـــم ..
الله يحفظ الزعيم في كل وقت ..
الله لايغير علينا ..
اللهم احفظ الزعيــم من كل حاقد حاسد في راسه شر ..
اللهم وفق الهلال اينما حل وارتحل ..
اللهم وفق الهلال فووق كل ارض وتحت كل سما ..

مشكوور على الموضووع ..
الله يعطيك العافيه ..
لاعدمنااك ..
لك ودـي .. :ga:



..

..

♥ Wily9 In My 04/03/2010 10:56 AM

هههههههههههههههههههههه

اسلــوب إبدآع التفكــير ,,,

هلالي لون السماء 04/03/2010 10:59 AM

اسمع ويلي مابدهاش ترى خلاص أنا قررت اترك برشلونه
وأجي عندكم في الزعيم .. بس أبي فزعتك وتتوسط لي .. وأبشر بالسعي والي يرضيك ..



يعطيك العافيه على هالسوالف

ماهو هين وليهامسون

راعي واسطات

الله يسعدك اخوي

alfares1004 04/03/2010 10:59 AM

حسيت انهم من جد يتكلمون خخخخخخخخ


حوار حلو ممتع وشيق بين ابو خليل و ولهامسون ..

مو ناقصهم الا بريق شاهي وراس معسل على هالسوالف خخخخخخخ

الجوكر14 04/03/2010 11:07 AM

هع هع

حركآآت المكأألمه

وآآصل في موضوع المكآلمآت هع

♥ⒿⒶⓃⓇⒶⓁ♥ 04/03/2010 11:14 AM

يالله وش الاسلوب المذهل اذهلتني باسلوبك الرايع شكرا لك

غروك وغيروك FD 04/03/2010 11:23 AM

هههههههههههههههههه عقبال ماتحقق الكلام

عبد الحميد محمد 04/03/2010 11:24 AM

يعطيك العافية على ماكتبت روووووعة

خليو 100 04/03/2010 11:35 AM

الله يعطيم العافيه ما شاء الله على الاسلوب وماشاء الله على الهلال

RYo0oNe 04/03/2010 11:39 AM

انت رووووووووووووووووووووووعـــــــــه ..
انت خطيــــــــــــــره ..
انت فنـــــــــــــــــان ..

وربي تحمست مع المكالمه هع هع هع ..

لكن زعلني شي واحد ماذكرته ..
ماذكرت الله بالمحادثه ..
على الاقل لو قاال ابروو قوول ماشااء الله ..
ولا قاال ويلي ماشااء الله على الهلال .. كان افضل ..
عشان كل من يقرا راح يقرا ماشااء الله ..
لان العيــن حق .. ويمكن يجي احد ولا يذكر الله .. ويصر بهلالنا شي لاقدر الله ..

تــرى يمديك تعدل فيها شووي وتكتب ماشااء الله بالمكالمه ..

الله يحفظك ياهــلال ..
ماشــااااء الله عليــك يازعيـــم ..
الله يحفظ الزعيم في كل وقت ..
الله لايغير علينا ..
اللهم احفظ الزعيــم من كل حاقد حاسد في راسه شر ..
اللهم وفق الهلال اينما حل وارتحل ..
اللهم وفق الهلال فووق كل ارض وتحت كل سما ..

مشكوور على الموضووع ..
الله يعطيك العافيه ..
لاعدمنااك ..
لك ودـي ..



..

..

ولد هبآل 04/03/2010 11:48 AM

يالله وش الاسلوب المذهل اذهلتني باسلوبك الرايع شكرا لك

هلالي- مانشستراوي 04/03/2010 11:50 AM

هههه

حلوه.!||

:

:

لاهـنـ‘ت

مجنون الهلال الزعيم8 04/03/2010 11:56 AM

مشكووور وموضوعك روووووعة
مشكوور وموضوعك رووووووعة

.هلالي ومرفوع راسي. 04/03/2010 11:57 AM

يعطيك العافية على ماكتبت روووووعة

هـلآلـي مـ ح ـنـكـ 04/03/2010 11:58 AM

عوآفي آخوي

بكل تجرد وصدق اسلوب ممتع ورائع جداً لطرح أمنيه تدور في مخيلتكـ
أحسست وأني استمع لمحادثه مابين ابراهيمموفتش وويلهامسون رائع بكل ماتحمله الكلمه من معناء.

وودي و ووردي

النادر 9 04/03/2010 11:58 AM

يعطيك العافية على ماكتبت
روووووعة

أبو طارق* 04/03/2010 11:59 AM

يا خي والله اسلوبك روعة .. ما شاء الله عليك
وإن شاء الله يجي ابراهيموووه ..هههههههه

яk๏̯ōήi 04/03/2010 12:00 PM

روووووووووووووع ــه
...............

H1 هلالي نمبر1 04/03/2010 12:02 PM

ههههههههههههههههههههههههههههاي

حلوه

moooooooo1 04/03/2010 12:07 PM

يؤ يؤ يؤ يؤ يؤ وي وي وي وي شو هاالاسلووووب الاحلى من رائع روووعه جناااااااااان
يعطيك الف الف الف الف الف عاااافيه وننظر المزيد .......~

أخ غدربي زماني 04/03/2010 12:14 PM

:alzaeem:
إسلووووووب راقي جدآ
:alzaeem:

:alzaeem:
يعطيك ألف عافيه
:alzaeem:

قناص المشاش 04/03/2010 12:14 PM

كـلام كبيـروالكبيـر اللـه سبحانـهياررب يا كريـم إبعـد عـن هلالنـا كـل حاسـدألـف شكـر على الطـرح

محبوب نواف 04/03/2010 12:15 PM

ماعنده خربطيشن

^
^
^

هههههههههههههههههه
:d:d:d
اعجبتني خربطيشن

يعطيك آلف عافيه بصرااحه روووعه

..

منآحي قردآحي 04/03/2010 12:15 PM

عيشتنا الجو
وكنهم قدامي
ههههههههههههه


يسعدك ربي ،،

الZعEم 04/03/2010 12:15 PM

ما شاء الله ممتاز
روووووووووووعه الى الامام
بالتوفيق للزعيم

احمدالحدادي 04/03/2010 12:17 PM

ههههههههههههههههههههه
ماشاءالله عليك ويعطيك العافيه ع الموضوع الرااااااااااااائع

فهد السويقي 04/03/2010 12:18 PM

رووعة كتبت فأبدعت بأسلوب خيالي

abo.3abd 04/03/2010 12:18 PM

يعطيك العافية على ماكتبت روووووعة

راحتي، قرب الزعيم :$ 04/03/2010 12:20 PM

يعطيك العافيه .. أخوي : وتسلم يمناك

^~NASOOR~^ 04/03/2010 12:21 PM

حلووووووووووووووووووه.......

P.Guardiola 04/03/2010 12:23 PM

يا ربااااه على المكالمه

والله المكالمه من جد عجبتني

هلالي اسيا 2007 04/03/2010 12:29 PM

رووووووووووووووعه

يآبطــل

والف الف شكررررررررررررررر على الموضوع

وابراهيمو فيتش بيجي مافيه شي غريب

$$هلالي من زماني$$ 04/03/2010 12:34 PM

مشكوووووووووووووووور


بس




لا يكثر

عبدالعزيز القحطاني 04/03/2010 12:35 PM

روووووووعه الاسلوب بصراحه .. الله يعطيك الف عافيه

fai9al222 04/03/2010 12:36 PM

اسلوبك رووووووووعه يالغالي

تحياتي

أبو عزوووز الوايلي 04/03/2010 12:38 PM

ههههههههههههههههههههههههههه

اضغاث احلام :)

7moot AL HILAL 04/03/2010 12:40 PM

يديييك العاااااااااافيه على المجهوووووود

عبدالمجيد الحقوي 04/03/2010 12:40 PM

يالله وش الاسلوب المذهل اذهلتني باسلوبك الرايع شكرا لك

كيكه مشويه 04/03/2010 12:42 PM

ههههههههههههههههههههههه
يعطيك العافيه

ܔܛ خيالــ ܔܛ. 04/03/2010 12:47 PM

ابراهيمو فتش لاعبي المفضل ياليت يجي الهلال بسس غالي غالي

مستـ عزوووزـــر 04/03/2010 12:52 PM

ههههههه حسستني انهم يقشمون حب

عموما مشكوووور

أبوعبدالعزيز20 04/03/2010 12:54 PM

يالله وش الاسلوب المذهل اذهلتني باسلوبك الرايع شكرا لك

ابداااااااااع والله

..........

مخاوي الذئاب 04/03/2010 12:58 PM

ماشاء الله عليك اسلوب رائع لك مستقبل ان شاء الله في الراوايات تصدقنا ها المكالمه

hiLali Heart 04/03/2010 01:02 PM

اهنيك على خيالك الواسع يا بطل :d

والله نتمنى ايبرا هلالي :)

عووافي وننتظر جديد خيالك الواسع :d

~

رسـ2006ـاوي 04/03/2010 01:02 PM

يالله وش الاسلوب المذهل اذهلتني باسلوبك الرايع شكرا لك

nassoo 04/03/2010 01:04 PM

ماشاءلله عليك ابداااع استمر استمر ........ الله يوفقك .......اما ابراهيموفتش يجي حمااااس......

البطولات تتكلم 04/03/2010 01:06 PM

ابداااااااااااااااااااااااع

يا سلام عليك فكرة حلوه وكلام احلى

مشكور

Faisal-al3nzi 04/03/2010 01:07 PM

رووووعة يابطل
مكووور ويعطيك العافية

i6aly 04/03/2010 01:08 PM

حلوووه اسلووبك ،، تسلم ..

اموت على تياغو نيفيز 04/03/2010 01:12 PM

يعطيك الف عااااافيه
على الموووضوع

C.R.7 04/03/2010 01:18 PM

صراحه سماجه ومبالغه زايده عن اللزوووم ..!!

ولودي990 04/03/2010 01:20 PM

مشكور على القصه الرائعه
ومتى ان شاء الله نستقبل ابرا بالمطار ؟؟؟ ههههههه

بولاااطف 04/03/2010 01:23 PM

هههههههههههههه
يعطيك العافيه على هالسالفه
:alzaeem: ااااااه يابراهيموفيتش

ألمستشار الهلالي 04/03/2010 01:26 PM

مشاء الله عليك والله رائع

عـ_ـأشـ_ـق 20 القنأص 04/03/2010 01:27 PM

وش تحس فيه ياكاتب الموضوع!؟؟



يااقل خيرا او اسكت

e6allee 04/03/2010 01:28 PM

حلوه بس متزوجه خخخخخخخخخخخخخخخخخخخخخخخ
والله ابراهيموا فتش مانبيه نبي ولي خخخخخخخخخخخخ<< حامض على بوزك ابراهيموا فتش :)
بس يوم يقول ولي لابراهيموا فتش يالزرافه ههههههههههههههههههههههههههههههه

Gawahr 04/03/2010 01:35 PM

رووووعه

شكرا ويعطيك العافيه

............


الوقت المعتمد في المنتدى بتوقيت جرينتش +3.
الوقت الان » 09:44 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd