قآآدمين يآآسيا ( نآآدي القرن & السد ) تصويري - نادي الهلال السعودي - شبكة الزعيم

هلالي292 · #1 02/03/2010, 04:04 PM

مسآآآء الزعمآآآء

يومـ الثلاثاء الموافق 23 فبراير تمـ الانطلاق لدوله قطر الشقيقهـ << احسه بنت مع كلمه شقيقهـ
طلعت انا وواحد من الشبيبهـ وبدايهـ الطريق شفت جوالي
وجلست افكر افكر افكر وانا اسوق مقدر ادخل البي بي رميت الطارهـ لخويي
وقلت انت خذ الروحه وانا لي الرجعهـ

قال طيب
عاد ماذكر وش صار بالطريق كنت بس ماسك الجوال

وصلنا الحدود على الساعه 1 مشينا بسرعه بدون اي مشاكل او اي جمركهـ
بعدها وصلنا الدوحه الساعهـ 2:20 جلسنا ندور ندور نبي سكن ومعنا شباب
يدورون ومعلقين اعلام الهلال

المدينه فاضيه مابوهـ الا حنا ندور

المهمـ اخر شيء سكنا بغرفهـ وعاد رحنا جبنا من ماك ورجعنا

تعشيان ونمنا
عاد قما بكرا الساعه 11 وجلسنا شويات وصلينا الظهر والعصر وطلعنا
رحنا للملعب الساعه 2 الظهر وهذي الصورهـ اول مارحنا الملعب

قالوا لنا خير وش تبون

قلنا هاه نبي ندخل << متعودين على الاستاد
يعني حنا حسبناها اذا مباراه بالاستاد الساعه 8 يفتح الاستاد الساعه 4
والمباراه كانت الساعه 6 يعني يفتح المفروض 2 عاد طردونا وكان معنا
هلاليين كثار مطرودين

عاد رحنا نتمشى نتمشى لين صارت الساعه
4 وصلنا وكان زحمه عند البوابه للحين مافتحوها يقولون انتظروا لين
4:30

: جلسنا ننتظر ونشوف من القزاز فيه كرسبي كريم

وحركات ودلع عاد الهنود الي يبيعون جايبين همبرجرات وبيتزا وعصيرات
وببسي عايله بس يصبونه بكيسان

صار عليهم زحمه ماقد شافوها
اتوقع ابد

عاد شريت همبرجرين وببسيين << اهم شيء طريقه يكونون ثنين

ويوم جيت ادخل جلست افكر هاه يدخلون مايدخلون << وش اسوي بالاستاد ممنوع المويه
الا يدخلون عادي ,

; << ينرحم

عاد دخلنا وتشجيع وتشجيع فجاه راح صوتي قبل ماتبدا المباراهـ

موب وقتك ياصوت تروح الصراحهـ مالك داعي الا راح صرت بعد كل كلمه
تجي ححح

عاد شوفوا هالصور بعدين نكمل وش صار

هنا اللوحهـ الي تقول روحوا هناك النادي

هنا سيارات اخوينا السعوديين

هناك تحسون كانه هنود اي سعودي نسلم عليه

الزحف الجماهيري الكبير

<< تحسون انه قويه هالكلمه

هنا الجمهور عند البوابهـ ونشجع ونقول ياهلال عزك عزنا يآآآهلال

وهذي لافتهـ

<< احلف بس

سامي والبقيهـ اسامي

ايـــهـ والله كلنا معكمـ

فجآآهـ وبدون اي تنبيه لقيت ذا الولد مرزوز قدامي عاد صورتهـ

دخول الدعيع والعتيبي

هنا سامي وجريتس قبل ماتبدا المباراهـ

هنا دخول الزعيم لتحميهـ قبل المباراهـ

هذولا الناس جايبينهم ناس كثار باكثر من 40 باص والمشكوك
انهمـ مع اخوانا المستعربهـ

يعني ملبسينهمـ شمغ وكذا

وهنا صورهـ لتشجيع الجماهير

دخول الاعبين

وهنا صورهـ للجماهير اخرى

وهذي صورهـ للمشجع المؤدب الرايق

وهنا صورهـ عامهـ للملعب

هذا قصتهـ قصهـ وكان الدعيع يشرب مويه وهذا ينادي
تكفى ابي مويتك ويصارخ

والدعيع رمى له المويهـ
واخذها ورفعها

والصورهـ معدله بعزل الالوان

الكتيبهـ الزرقاء

وحركهـ جريتس كالعادهـ

يالبى شيباتهـ بس

تذكرون ذولاك حقين الباصات شوفوا هذولي بعض من باصاتهمـ

وهنا من افراح بعض الجماهير يوم طلعنا بالشارع ( تصوير خويي )

وبعدها طلعنا نتمشى وشفنا بعض من اخويانا السعوديين

قالوا
هاه بتروحون الفندق قلنا قدام بس وين عاد دلونا مكان ورحنا هناك
وكانوا لسى ماجو الاعبين عاد ويوم جو كان زحمهـ وهذي بعض الصور لهمـ

وهكذا خلص يوم طويل ورحنا اكلنا بمطعم اسمهـ دايري كوين اتوقع

بعدين رجعنا ونمنا

ادري تآآآخرت آآقوى شيء بتنزيل الموضوع

بس وش اسمهـ انا قاصد عشان الزحمهـ والكشخات الي بالبدايهـ

بعدين انزل موضوعي بركادهـ

كان معكمـ مراسلكمـ من الدوحهـ هلالي 292

حمروش الحفراوي · #2 02/03/2010, 04:25 PM

عوأإأإأإأإأإأإإأأأإفـــي يألغلأ

اهم شـي الزعيم بيض وجيـهكم

ز ع ي م 511 · #3 02/03/2010, 04:30 PM

مشكور اخوي على الصور الرائعه..

<<هـلاليــة>> · #4 02/03/2010, 04:36 PM

يعطيك ألف عافية
و بالتوفيق للزعيم

هلالي اسيا 2007 · #5 02/03/2010, 04:55 PM

تسلم يامبدع

والف الف شكر لحضورك لقطر

...........وبنسبه لجمهور السد

ترى نصهم اجااااانب

شافهم انا

لما طلعت من الملعب

الى اشوف كورين او فلبينين والله مدري
واعمارهم ماتتعدى الـ 15

..........

شاكر لك
سلام ..