02/03/2010, 01:39 PM
|
| زعيــم مميــز | | تاريخ التسجيل: 23/03/2008 المكان: tabuk
مشاركات: 2,409
| |
|
تحديت ياسر بـ500 والسبب فقراوي مندس+ونذرت بذبيحتين لو اخسر من الكاسر
السلام عليكم ورحمة الله وبركاته
هذا أول موضوع اكتبه في منتدانا الغالي..وتشرفني زيارتكم وتعليقاتكم..لاكن بعد اذنكم انا بكتب بالعاميه
قبل فتره وبالتحديد من وقت نزول مستوى ياسر كنت اقول ياربي هذا وش فيه
(هذي عين ولا هو شبع من الكوره ولا ايش بالضبط)
وكنت ابي اكتب عن هذا الموضوع ولاكن خفت بصراحه من اني احصل تعليق على موضوعي مكتوب فيه (المدسوس ، جاسوس فقراوي)
وقلت مالك غير حل واحد..انتظر لين يصير عدد مشاركاتي فوق الـ500 عشان اسكر باب أقاويل الزعماء (مشاركاته قليله..فقراوي ياحليله)
تمر الايام وانا ادعي لياسر في كل صلاة انه يرجع لنا مثل ما كان قناص ما ينهزم الهلال في مباراة يسجل فيها هدف..ونذرت لو رجع ياسر مثل اول لذبح خروفين لوجه الله(والله غالي عندي يابو عبدالعزيز) لو تدري
ومع الايام كانت مشاركاتي تزيد يوم بعد يوم وقررت ان تكون المشاركه رقم 502 هي انتقاد لياسر القحطاني على مستواه
لاكن سواها ياسر وخسرت التحدي ,,وكأنه يقول لحظه ( القناص موجود ) كفيت ووفيت يابو عبدالعزيز ,, وأخسر انا التحدي , وهذا شرف لي ان اخسره امام قناص كاسر ياما ابدعني بلعبه
رجع القنااااص مثل اول قوة ضاربه..ورجع امام من؟...امام (قطر) و (السد) و ( كوزمن )
ما تدرون وش صار لمن سجل الهدف الاول...... (عيني ندةً) ومع الهدف الثاني اقسم بالله (قشعر جسمي من طريقة الهدف) وخلاني أفررر بيتنا والغرف والاسياب حتى شغالتنا دخلت المطبخ وسكرة الباب (طار عقلها)
الحين وقت الاعتذار يا ياسر ,, وهذا وقت الاعتذار يا جمهور الزعيم
تسرعت في الحكم عليك يالقناص ,, ولكن هذا من حبي لك وخوفي عليك
ولحسن حظي مشاركتي الــ502 مو انتقاد ,, الا اعتذاراً للكاسر ياسر وقدام الملايين من جمهور الزعيم
تعلمت منك يا ياسر(عدم التسرع) وعلمتني اكون واثق من انسان احبه دام انا خابر ان عنده الكثير والكثير تعلمت من الكاسر اكون شجاع (واعتذر امام الملايين من الزعماء)
عاش الزعيم..وفديت عشاقه..اللهم انصر الهلال فوق كل ارض وتحت كل سماء
تحياتي لكم |
الوضع الشجري
