مازالت معاناة جمهور الهلال مستمره... ارجوا النشر.. - صفحة رقم 3 - نادي الهلال السعودي - شبكة الزعيم

«Ăbu MâŖZǾĢ» · #31 26/02/2010, 03:42 PM

حسبي الله ونعم الوكيييل .. لابد يشووفوون حل والله ما صارت

هلالي دلع · #32 26/02/2010, 04:52 PM

هلالي بلجيكي ولايهونون الباقين

وربي كل كلمة قلتها 100%
وانا من ضمن اللي حاضرين بالباصات
وكنت جاي من الرياض بطياره عشان اطلع معاكم
بس للاسف صارت هالمهازل كلها وانا تضررت يمكن اكثر واحد
لانه راح علي حجزي مرتين كله على حساب هالتاخيرات والمهازل اللي صارت بالجمارك
وماحصلت الا حجز الساعه 12 الظهر يوم الخميس ولا بعد انتظار يعني مو اكييد اطلع بالطياره
يعني تخيلو جاي مواصل من الثلاثاء والاربعار راح يومنا كله بالباص
ونفس الشي صباح الخميس ولله معاااانات يا جماهير الهلال
بس الحمدلله اني حصلت لي واسطه ورجعت للرياض
وانا كتبت موضوع بخصوص هالمشكله اول ماوصلت للبيت
بس للاسف الاشراف حذف الموضوع مدري شنو السبب!!؟؟
انا انقهرت منهم لاني ابي اعرف سبب حذفهم لموضوعي كله عشان ماتطلع فاضايح موبايلي!!!؟؟
خلونا نكون واقعيين و واضحين عشان نعرف نتفادى هالمشاكل اللي صارت في الرحلات القادمه

واهم شي ان هالموضوع يوصل للامير عبدالرحمن بن مساعد شخصياً
لانه هو اللي بعد الله سبحانه بيحل الموضوع وياخذ حقنا

اعذروني على الاطاله بس ولله من القهررر اللي فيني والغبنه
قمت اتكلم وفيه اشياء كثيرره بخاطري بس للاسف الاشراف مو راضي يخليني انزل موضوع!!!

مشكوور اخوي بلجيكي على هالموضوع
والله يكثر من امثاااالك

تحياتي لك

وليد -ABO AL · #33 26/02/2010, 05:14 PM

ماتقول الى حسبي الله ونعم الوكيل

كثرت المضايقات حتى بالرياض

هلالي بلجيكي · #34 26/02/2010, 07:20 PM

الف شكر للجميع على مرورهم...

وباذن الله ان الموضوع يووصل للامير : عبدالرحمن بن مساعد
او نائبه الامير: نواف بن سعد.

وان شاءلله الامور تنحل بتوفيق الله ثم بجهود الاداره الهلاليه..

عاشق فريقي الهلال · #35 26/02/2010, 08:28 PM

الله يعطيك العافيه وماقصرت

zizo521 · #36 26/02/2010, 10:57 PM

كان في تعطيل في الحدود بصوره مبالغ فيها حنا وصلنا الحدود الساعه 2.45 وخلصنا من منفذنا في 30 دقيقه والسبب تعطل سستم الكاونتر اللي كنا فيه ولا كان خلصنا قبل ولما رحنا لمنفذ قطر مرمطونا مرمطه غير طبيعيه كل سياره تاخذ في تسجيل الدخول اكثر من 5 دقايق وبعدها الجوازات ونفس الوقت حنا ثلاثه جلست تكتب في اسامينا اكثر من 5 دقايق لو حرف حرف كان خلصت من زمان وبعدين التأمين وما ادراك ما التأمين كاونترين وكل العالم عليه واللي يشتغلون فيه مصاريه وانواع التعطيل وماطلعنا غير 5.10 من الحدود وبعدين الطريق للدوحه كله كمرات ادعس هد واخيرا دخلنا الدوحه وزحمه عند الاشارات وحنا ورا الشباب ندور على الملعب ولما وصلنا ووقفنا رحنا للبوابه ونفاجأ لازم تذاكر من وين رح للجهه الثايه وركض كاني مشارك في مرثون وفي الاخير مافي تذاكر ونلقى شباب قطريين يعطونا تذاكر وهم مستغربين ويقولون الدخول مجاني ورجعنا للبوابه وتوهم يفتحونها بعد ماجتهم الاوامر وندخل الملعب والدقيقه 35
بس احلى شيء فزنا والمشوار من الرياض والبهذله اللي صارت نسيناها والسبب الزعيم ويستاهل الزعيم

هلالي بلجيكي · #37 26/02/2010, 11:04 PM

الحمدلله على فوز الزعيم وعقبااال الفوز بالبطوله الاسيويه ان شاءلله..

ولكن موضوعي انا كتبته علشاان ماتتكرر هالمشكله...

يعني حراام يجوون نااس من الغربيه والشرقيه والشمال والجنوب وفي النهايه مايشوفون المباراه بسبب جمرك قطر...

وان شاءلله يكون في حل ونحضر جميع مباريات الهلال في كل مكاان

Mr.ReKo0o · #38 26/02/2010, 11:12 PM

اتمنى ان يصل لاداره النادي الامر

للتفاهم مع موبايلي

فااااااهم · #39 26/02/2010, 11:45 PM

والله الكلام خطير ويجب على الرئيس عبدالرحمن بن مساعد عمل الواجب

ويجب على ادارة المنتدى رفع ذلك الموضوع وأيصاله لاحد مسؤولي النادي

فهذا اهمال ومن الظلم الكثير وفيه من الكذب والخداع والوعود الزائفة اذا صدق هذا الكلام ...