25/02/2010, 12:02 PM
|
 | زعيــم متواصــل | | تاريخ التسجيل: 26/07/2007
مشاركات: 53
| |
|
لايفوتك تعال بالله وشف وش سوا هالولد عشان الزعيم(ملك اسيا)
السلام عليكم يازعماااااااااااء ****** الحمدلله رب العالمين على توفيق الزعيم والله يجعل افراحنا دوم ****** موضوعي فيه سعة صدر واللي ماله خلق يقرأ يضغط العودة يمين او الأكس الاحمر يسار ويريح راسه ........ ****** ادخل لموضوعي وهو موقفين تضحك واحد منها لازم يوميا" يتكرر واعتقد بعض الاعضاء يتذكر اني كتبت موضوع سابق عن اسامه والمحياني وانهم جيراني ومن جماعة المسجد بالرياض وانا كتبت الموضوع لذكر محاسنهم اللي يفتخر فيها كل مسلم واهمها المواظبة على الصلاة واولها صلاة الفجر واني اتمنى من كل مشهور خاصة يحذو حذوهما >>> متعوب عليها الموقف الاول بعد مانزل موضوعي بالمنتدى تفاجأت بوجود دخان كثيف يطلع من اللابتوب حقي  بسبب اسقبال مئات الرسايل من الاعضاء يستفسرون عن الحي والمسجد وحقيقة اني قريت كم رسالة والباقي ديليت لاني عارف مضمونها ولاهوب حقران للمرسل العزيز ولكن ابتنفس شوي ....... طيب ليش انا ماقلت لأحد ؟؟؟ انا اقولكم السبب وهو ان ولد اخوي الله يصلحه عمره 11 سنه مهبول مثل ابوه بشي اسمه الهلال ودايم يصلي بالمسجد وهولابس فانيلة الزعيم واذا شاف احد اللاعبين نقز وصف جنبه عشان يسلم عليه بعد الصلاة كل هذا مافيه مشكله عادي جيران ويمون بس وشو اللي مهوب عادي ؟؟ اني كل ماطلعت من المسجد اشوف الولد طاق حنك مع عيال بعمره وكل يوم والثاني وجيه جديدة المهم ذاك اليوم سألته وقلتله تعال انت تسولف مع اسامه معليش مع عيسى معليش بس تسولف مع عيال اول مره اشوفهم لاااا حبيبيا وقف وقلي هذولا جيران جدد ماشاء الله وصاير كنك عمدة الحي تشيك على كل جديد قال لااااا ياعم هذولا زملاء فصلي (خامس / ب) كل يوم اواعد واحد او اثنين اوصف لهم البيت والمسجد ويجون مع السواق عشان يشوفون عيسى واسامه واشخص عليهم وانا اسلم عليهم واثر الرجال كل يوم وهو جاي من المدرسه وراه سيارتين او ثلاث سواقين اصدقاه عشان يدلون البيت والمسجد قلتله اعقل بس ولاتشغل حارتنا ومسجدنا خلنا رايقين ........ الموقف الثاني وبصراحه ادمعت عيني على البراءة يانااااااااس وهو انا راجع ذاك اليوم للبيت وقبل لا اوصل شفت سيارة سواق اخوي واقفة عند بيت عيسى واسامه لانهم جيران بعض المكاوية ورحت ابتأكد الا هذا طيب الذكر ولد اخوي واقف وطاق تكميلة الزعيم نزلت وش عندك انت هنا توك جاي من النادي متمرن وش اخبار جريتس والشباب خير ان شاء الله عندك مدرسه بكرا ووش تسوي هنا قالي ورااااك علي ياعم دايم تهاوش وشاب علي قلت طيب اخلص عطني طراق ازين اقول وش تسوي هنا وبكل براءة ياناس وانا اشووووووف عيونه فيها العبرة اللي ودها تنزل بس كتمها  وزي ماقال شاعرنا بن فطيس ( العبرة اللي تاصل الحلق وتحير ياقربها لو قيل لي يا عويني ) وبصراحه انا حسيت اني زودتها عليه قلت طيب ياحبيبي وحضنته ومادريت الا نزلت دموعه قلت خلاص اتوب بس قلي وش عندك هنا قال تعال شف الا يفتح باب السيارة اللي ورا وما اشوف الا محضر مطعم بيتزا هت كله معه قلت وشوله هذا قال ودي اعشي اسامه وعيسى عشان الفوز بالدوري بس الله يهديهم تأخروا ما رجعوا قلت ياحبيبي انت والله سويت علوم توك صغير عليها بس انا اشهد انك رجال ولد رجال وزعيم ولد زعماء ولا افضله عليكم المهم قلت انتظر عشان يفرح بس الشباب تأخروا وعيا الولد يمشي لين واعدته اني اعزمهم بالبيت واخليه هو اللي يقهويهم ...( ما عندهم خبر انه عازمهم كان جو بسرعه هذه بيتزا هت ياحبيبي لا وأم حوايف جبن بعد والله ذويق الولد) ****** وش رايكم ياشباب ولد صغير يفرح ولله الحمد بزعيم القرن وكل سنه بطولة بطولتين اقل شي او ولد يشوف ابوه يشجع غير الزعيم ويصير مثلة ويجية ماجا ابوه من الهم والغم والوسوسه والاحلام وغيرها اللهم لاشماته ....... ****** على طاري الزعيم وش قصة كل من طلع له ريشتين قال انا زعيم  خلاص نبي نغير اللقب هذا الى ( مــــــــلكــــــــــــــــ اســــــــــــــــــــــيــــــــا ) وكل الزعماء تحت مظلة الملك .... اخيرا" كل ماذكر اعلاه صحيح واحمدالله على اخلاق هذا الولد اللي بفعله يكون بمصاف الرجال وارجو الرد برد مناسب لاعدمتكم او الانسحاب بدون تجريح اخوكم ومحبكم |
الوضع الشجري
