إقتباس الرسالة الأصلية كتبت بواسطة al.zaeem100 معليش بس في بعض الجماهير همجيه ما يفهمون كيف تبغى الشرطه تتعامل معهم ؟؟؟

يعني نعشق الجيب بواحد ونشغل الدبل ونصدمهم؟
فيه الف والف طريقة لظبطهم
وصدقني
الامن هو اللى يستفز الجماهير
ياخي كل يوم النادي من غير شرطه ولاشي يصير
بالمطار نستقبلهم ولا يصير شي
تبيني اقولك الوضع بالظبط
حقد على الهلال
وقتل فرحة كل هلالي
هذا اللى صاير
وبس

انا شفت المنظر من شاشة السعودية الرياضية ..قسم بالله تقل يجربعهم بالجيب مرة يمين مرة يسار .. والمشكله شوي وينط عليهم من فوق السور ..
متخلفـــــــــــــــــــــــــــــين . والمفروض انها تنشر باليو تيوب حتى يكونون عبرة لغيرهم ..
مقهوووورين من الفوز ...
ــــــــــــــــــــــــــــــــــــــــــــــــــــ
هم العسكر كذا اكثرهم طفشان وجاي للدوام غصب ويفش غلة بالجماهير ...
كنا مجموعه طالعين نحتفل بفوز الهلال ببطولة يمكن عام 1414 او بعدها ما اذكر .المهم انا لقينا دوريات قاعده تجربع وتلحق بالعالم المحتفله ونصير بينهم غصب لان الدوريات الثانية تقول اطلع مع ذاك الشارع اللي فيه حووووسة ..المهم طحنا فيهم ويهم يصفطوننا وياخذونا للنقطة اللي باليورومارشية وخذ تلحيف بعصيان الاعلام وكفوف ويحشروننا يمكن 50 بغرفة ما تجي 3x4 وبعدها يركبوننا بالباص وقبل لاتدخل الباص لا زم تذوق لك محطة (( ضربة) وهم قاعدين يفرشوننا بالليات يقولون لنا مبسوطين انكم فزوتوا بالبطولة والله لنوريكم وشلون تفرحون ..

بــــس كل هذا يهون أهم شي الزعيم قاهرهم

هههههههههه ياعمري والله انكم ترحمون انا شفت المقطع

بس لاحياة لمن تنادي لوتبتل تتكلم محد عطاك وجه هذولي بعض الناس همج محد

يعطيهم سيارة بس والله ان الموقف ضحكني

حسبي الله عليهم ايه انا كنت هناك بالنادي عيو علاينا لاندخل وراعي الباترول بغى يدعس رجل واحد لاكن ستر الله حسبي الله عليهم

قسم بالله ارتفع ضغطي الا بالجيب وش يحس فيه وش ذا التعاااااااااااااااااااااااامل؟؟ هذا وحنا جالسين باادب وفرحانين هذا تعااااامل مرفوووووووض من الدوريااااات الامنيه ...الا كانت بدل ماترتب الاوضااااع باسلوب راقي .. (( لاقدر الله وانت تبي تفرق الناس بالجيب وطاااااح واحد وطيته وش السوووووووووواة ؟؟ ارجوا من ادارة النادي مخاطبه الجهه المسئوله وققف الشخص الا بالجيب وردعه م هذا التصرف الطااااااااش ((((الذي وهو سبب رئيسي لعمل لشغب وليس///// فظ الشغب ان كان فيه شغب)) دمــــــــــــــــــــــــتم زعمـــــــــــــــاء

بالفعل انا شفت المنظر على الرياضيه واستغربت ليه مايفتحون النادي للجماهير

الظاهر ان الشرطي الي في الجيب نصراوي

وازيدك من الشعر بيت امس كنت في الملعب عند الرابطه

طلعت اصلي العشاء وارجع الا البوبات مقفله

واكلم الجندي قلت له يا خوي نبي ندخل قال رح كلم الظابط

واروح للظابط نقيب قلت له ابي ادخل قال لي بالحرف
انقلع عن وجهي قلت له يعني ما ادخل ويمسكني ويدفني من ظهري
لو اني ما شديت ظهري صار له شي قلت له تراني رايح اصلي
قال لي و احد قال لك صل
السؤال هل الحكومه صارت تجند مو مسلمين

والله كلها تهون عند يوم قال لي احد قل لك رح صل

والله لو تبي الصراحة اللي صار امس قدام النادي من الجماهير مهزله

ناس يتسلقون السور وناس مقفلة البوابة وناس ينطون فوق سيارات

اللعيبة والموظفين في النادي

صح اللي سوه الشرطة غلط بس هذا اللي طالع بايديهم

المفروض تكون متواجدة شرطة مكافحة الشغب عشان يمنعون المشجعين المتخلفين

وفي النهاية مبروك الفووووووووووز

والله العظيم كرهنا الاحتفال في النادي

وأتمنى أدارة نادي الهـــلال تشوف هالموضوع

إقتباس الرسالة الأصلية كتبت بواسطة تياقو نيفيز506 حسبي الله عليهم ايه انا كنت هناك بالنادي عيو علاينا لاندخل وراعي الباترول بغى يدعس رجل واحد لاكن ستر الله حسبي الله عليهم

وهذا اللى شفته بعيني
والله العظيم شي يقهر

إقتباس الرسالة الأصلية كتبت بواسطة سليمان الحربي1 والله انك صادق واسمحلي انشر الموضوع بكل المنتديات

انشر يابعد روحي
ودي الموضوع يقراه كل عاقل

إقتباس الرسالة الأصلية كتبت بواسطة حـــ الهلالي ـــزو والله لو تبي الصراحة اللي صار امس قدام النادي من الجماهير مهزله ناس يتسلقون السور وناس مقفلة البوابة وناس ينطون فوق سيارات اللعيبة والموظفين في النادي صح اللي سوه الشرطة غلط بس هذا اللي طالع بايديهم المفروض تكون متواجدة شرطة مكافحة الشغب عشان يمنعون المشجعين المتخلفين وفي النهاية مبروك الفووووووووووز

وحتى ولو يابعد قلبي انت
عاد يصدمهم بالسيارة؟
الشغلة وصلت للصدم والله

إقتباس الرسالة الأصلية كتبت بواسطة والله اني هلالي بحت وازيدك من الشعر بيت امس كنت في الملعب عند الرابطه طلعت اصلي العشاء وارجع الا البوبات مقفله واكلم الجندي قلت له يا خوي نبي ندخل قال رح كلم الظابط واروح للظابط نقيب قلت له ابي ادخل قال لي بالحرف انقلع عن وجهي قلت له يعني ما ادخل ويمسكني ويدفني من ظهري لو اني ما شديت ظهري صار له شي قلت له تراني رايح اصلي قال لي و احد قال لك صل السؤال هل الحكومه صارت تجند مو مسلمين والله كلها تهون عند يوم قال لي احد قل لك رح صل

اقبض بعد
الله يرحم الحال بس
ياخي كرهت الملعب والله بسبب تصرفاتهم