بمناسبة فوز نادي الهلال ببطولة الدوري وكأس سمو ولي العهد لهذا الموسم فإن الشاعر المتألق فيصل اليامي وكعادته في مثل هذه المناسبات الهلالية قام بإهداء هذه القصيدة لكل الزعماء والتي تحمل في مطلع كل بيت حرف من حروف اسم الامير عبدالرحمن بن مساعد رئيس نادي الهلال
وهي الان متوفره بالنص وبالتسجيل الصوتي بصيغة MP3
اضــــغـط هــــنـا لـتــحــمـيــل الـمـلـف الـصـوتي للــقــصــيـدة عادتك يـالأزرق وهـي لـك عـاده
عودتـنـا والمـجـد لــك كـالـعـاده
بنيت لك قصـرٍ علـى أعلـى قمـة
قــصــرك ورواد الـفــخــر رواده
دربـه صعيـب الا علـى عشـاقـك
اللـي بنـوا لاسمـك سيـادة سـاده
أحبـاب وأوفــى مالخلـيـل لخـلـه
محـبـك يـــورث غـــلا لأحـفــاده
لين اعتمدت لاسيـا باكملهـا
سفيـر ومفـوض وفــوق الـعـاده
راسـي وكنـْك طويـق ماقـد هـزه
ريحً توقـف تحـت ظـل امجـاده
حلمـك يمـوت بكـل عـام ويحـيـا
يمـوت حلـم وحلـم مــن مـيـلاده
مـعـك الــى أن يقـتـلـه تحقـيـقـه
وفـي سبيـل امجـادك استشهـاده
نادي ولكـن ماانـت نـادي عـادي
غنـي عـن التعريـف أو الإشــاده
بالمختصـر يكفـي الـى قيـل انـك
نادي الهـلال اللـي يخـرج قـاده
نـادي الهـلال اول زعـيـمٍ واخـر
مهمـا زعـم غيـره بـمـا لا فــاده
مـن سبـعـه وخمسـيـن ميـلاديـه
ورقـاب الانـجـازات لــه منـقـاده
سنه يجيب الكاس جنب الدوري
وسنه حدا الاثنين حسب امراده
اصعب بطوله عند غيـره تسهـل
امـــام قـــوة عــدتــه واعــتــاده
علـى مزاجـه والخصـم لـو عنّـد
أجبـره يدفـع لـه رســوم عـنـاده
دام الزعيم, وبارض عشقه دمنـا
ورقـابـنـا لـــه بـالـغـلا ســــدّاده
قصيدة جديدة للشاعر فيصل اليامي : دام الزعيم وبارض عشقه دمنا .. ورقابنا له بالغلا سداده (بمناسبة البطولة) 
الوضع الشجري
