تبون الصراحه...
ياساتر...
وخلونا ندردش بالعامية
يعني نبي نقلب البساط احمدي
تدرون ليش ياساتر
لانه مشكلة اذا انتقل الغرور للمدرجات وماصرنا شعب كروي مثل ماكنا واتمنى ان نبقى
ليش اهداء البطولة مقدما للاهلي....
لايكون نجران اليوم لاعب على باب واحد...وكل اللي حصل ان الهلال جته فرصه وجاب قول ورجع قفل بابه..
يالغاليين...مباريات الكؤؤس هذا طابعها...فقط تحتاج لهدف وتتأهل
ريال مدريد خرج من كاس اسبانيا من فريق تقريبا ليس على الخريطة فقط معروف باسبانيا وعلى مستوى المزارعين!!!!
ريال مدريد...مليارات بالملعب وعلى كة الاحتياط ومداخيل تفوق كبرى شركاتنا هنا!!
هدو شوي...الهلال لعب وفاز والان نحن في النهائي...يعني نحتاج قول مع توفيق رب العالمين والكاس تعود لنا ونمتلكها بعد
يعني رفع معنويات اللاعبين تحتاج الى مواضيع فيه شوية هدوء...تركيز...رزانه...نوع من التحذير بطريقه اسلوبها يكون سلس
في الشوط الاول...واعوذ بالله من كلمة ((لو))...لو قدر لنا وسجلنا الفرص لكانت الخمسة مكتوبه على شاشة الملعب قبل نهاية الشوط....
ماننكر الاخطاء..ولاتقصير..ولاهبوط المستوى...لكن وش الفايده لو كنا متسيدين المباراة من اول ثانية الى اخرها والنتيجة هزيمة من كره مرتده معها نشيل عفشنا ونتابع نحن واللاعبين المباراة من خلف الشاشة...لالالالا...الله لايقدرها بس
المواضيع القادمة تكفون مانبيها تحتوى على ليت هذا يشارك وهذا يجلس وذاك يقوم وهذا يقعد...
لتكن تشجيعيه وفيه من الواقعية الكثير....
امام الاهلي او الاتحاد او النصر او الشباب لاخوف على فريق مثل الهلال...لانك امام فريق يلعب كره منظمه...فيه انتشار..فيه توزيع..فيه خطه مرسومه تستطيع انك تقابلها بتكتيك مماثل....لكن خطة صك بابك وشوت للهجوم..لعل وعسى يجي قول...صعب انك تكون في كامل تركيزك...فالكرة غاليا في الهواء ومن الباب الى الباب...
باذن الله الواحد الاحد...ستكون البطولة الخمسين او الخمسون مدري ايهم اصح..لاني قلبت البساط احمدي...ستكون في احضان عاشقها..في بطولة هلاليه مفضله..اتمنى ان يدوم فضل الله علينا بها...
على الطاير
*ادخل الوسط الرياضي..بتصير مشهور...لكن يمكن يطول الوقت شوي...سب الهلال وحاربه...وشكك فيه وفي بطولاته...تحصل اكثر من 5 صحف محلية تخليك((الفارس الهمام))
هذا التباكي والتشكيك..لاحظته على مشرف كرة القدم في ذلك النادي...في مباريات الدوري...والان يصر العزف على نفس الوتر...ويبدو انه قارءي جيد((لسيرة خبيلان...في فن الهذيان))
سته فاصله تسعه من عشره((6.9من10))...دقه لو نشرها هذا الخبير في قطاعات كلها لاصبحنا من اول الدول تقدم...مشكلة عندما تعطى لقب خبير...وتخاف مجرد ان يتصل بك((خبل ما)) ويقولك لاتقاطعني ولا ابي تعقيب..فترتعد فرائضك...وتصبح مجامل.
*حكم مباراة الاهلي والشباب يبدو لي انه تاجر((حبحب)) او((بطيخ))..لانه يعرف ينقي...ويدري بالبطيخه الحمراء من البيضاء....
عقول ادارية من فئة((حكم يسولف مع لاعب)) و((الحكم منقي اللاعيبه اللي عليهم كروت))..سلم لي على ذيك الاندية..وان صحت..فهي صحوه مؤقته...وستعود اما للهذيان عبر الانترنت...او للتباكي.
*بعد المباراة كان يقول((رادوي تكلم مع الحكم ربع ساعه)) وفي غرفة البال توك صارت((نص ساعه))...مدري سمعنا ثقل...او فوارق التوقيت علم لايعرفه الا((الهبل))
*مايخوفني في النهائي..الا نقص الاهلي...
*((للجاهلين فقط))...في بطولات اروباء للاندية..يكون هناك حكم من جنسية ايطالية مثلا ويتواجد في احد الفريقين اكثر من لاعب من نفس الجنسية..فما المشكلة...لكن يمكن اللي في رومانيا كلهم((عيال خاله او عمه)) وحنا((عيال قريه...
)) *الله اذا راحت بي الذاكرة وتذكرت جمهور الهلال في كاس المؤسس...منظر ان شاء الله يتكرر في يوم الجمعه..وبنفس الهدير والتشجيع والقوه.
*حسن العتيبي..انت مبدع ياخي..مبدع....
لا..للانتقاد الان...ساندوا وبعد البطولة بمشيئة الله...بصير هكرز واخترق المنتدى وافتح لكم كل الصفحات وانتقدوا اللي تبون
*نقطة فوزنا بالمباراة باذن الله تعالى هي اصوات الجماهير بغض النظر عن اي شي يحصل اثناء المباراة حتى لو لاسمح الله وتقدم الاهلي...المهم...عدم الصمت حتى اخر دقيقه من المباراة وابشروا بالبطولة..وخلونا نقتدي بالجماهير الاروبية((تشجيعا)) في هذه الناحية.
*سامحوني ان طولت..لكن كلام بالخاطر ومن القلب...توكلت على الله وكتبته..لعله ياصل لقلوبكم...
ياااساتر...طيب ايش الحل...سب الهلال وشكك فيه تصير مشهور!!!!! 
الوضع المتطور
