16/02/2010, 10:08 PM
|
| زعيــم مميــز | | تاريخ التسجيل: 30/09/2005 المكان: أمريكا_ ولاية بقالة شكور ض1
مشاركات: 20,922
| |
مشجع هلالي ينظم دخول الجماهير في الملز + واعراب حسن العتيبي ,, وياصبر نائب الرئيس ,!!
السلام عليكم ,,
في قهوة  في موضوع مافي قهوة  مافي موضوع
يقول المفكر حمـ(الهلالي)ــد , يوناني المنشأ من أصول بولنديه ومن أب بريطاني ويسكن في بلجيكا ويحدها من الشمال مدينة عرعر ومن الجنوب مدينة جنيف , يقول من أصعب الأمور على الانسان ان يكتب موضوع وكرت الجزيرة مايشتغل ومباراة الريال بعد ساعة  .
,, في مباريات الهلال دايم حضوري يكون بدري جدا جدا واشوف نفسي متأخر اذا وصلت الملعب الساعة اربعة ونص,, لاني متعود التواجد قبل فتح البوابات ,, هذا انا  , حاولت اتغير واتأخر واحضر الساعة الخامسة << يعني متأخر لكن ماقدرت مادري وش السر لكني متعود انا اشغل يوم الهلال بالهلال , ولكن في مباراة نجران حدث مالم يكن في الحسبان !!!! حمد يحضر للملعب الساعة السادسة والنصف  حتى العسكر قالو سلامات وش هالتأخير قلت أبد كنت اتقهوى ونسيت نفسي مع القهوة , مالكم بالطويلة حضرت 6 ونص وكنت ابي اشتري تذكرة وكانت زحمة عند شباك التذاكر والا اشوف واحد قادم من بعيد على صهوة جواده << وين رحت يابو الهلال , ماودي اقول الشباب 
المهم والا يجي مشجع هلالي قال يااخوان الشباك الثاني فاضي لاتتزاحمون هنا ,, يالله ياشباب توزعو على الشبابيك لاتاضيقون على انفسكم , بعدها راح للشباك الثاني المزحوم والا يوجههم ويدلهم على الافضل والاخف للزحمة ,انا قلت ابشر ورحنا للشباك الثاني والثالث الا والله فاضيات ومن الحماس أخذت تذكرتين
بيني وبينكم الشخص اللي ينظم الجمهور ماهو غريب علي واشوفه دايم وراعي نشاط وهمة وعاشق هلالي والا الغالي ابو لما عضو مجلس إدارة شبكة الزعيم هو اللي ينظم الجمهور .؟؟
مادري وش أقول لكن والله انه حل مشاكل كثيرة وبعض الجماهير بالملعب يشكرون هالشخص وهم مايدرون منهو , واكيد ان ابو لما عاشق هلالي ونظم الجمهور من حبه لهم وحبه للهلال ,, وممكن يكون من إدارة الملعب هالتنظيم لكن اللي يشوف نشاطه وروحته وجيته يعرف حب الهلال وش يسوي .
شكراً يابو لما ووالله ادري ان هالموضوع مايهمك ولاتبي احد يمدحك لكن اللي سويته والتنظيم والحماس والحب الهلالي بقلبك يجبرنا على قول
شكراااااا من القلب يابو لما .
نجي للجد والجد هالله هالله عليه
حسن العتيبي حارس بطل وامكانياته ماشاءالله عليها وحضوره الذهني جيد ,, لكن مشكلته الوحيدة هو انه يكره يوقف بين الخشبات , لازم لازم يطلع والا مايرتاح ابو عتب , ياحسن والله ان مالك معاذ عليه تسديدات مفاجأة ومن بعيد , وانت مابعد تصالحت مع الخشبات الثلاث , فياليت تهدي شوي من خروجك يالشاطر حسن , ماحد ينكر ان خروجك من المرمى في مباراة النصر منع اهداف كثيرة لكن بعضها فيه مخاطرة , خاصة وان تفاهمك مع المدافعين مااكتمل ..
يعني خروجك يجب ان يكون مقنن شوي , وياليت ماتطلع الا اذا شفت فايدة بنسبة 80% لان اي غلطة لايمكن تفاديها لان الحارس راح يكون آخر مدافع ,
ادري انت حارس متمكن لكن هذا هو العيب الوحيد تقريباً , والا ماشاءالله عليك مبدع بين الخشبات اللي تكرها
نقاطي برعاية موبايلي
الأمير نواف بن سعد ( وجه السعد بحئ وحئيئة ) يستاهل الشكر والثناء على التصاريح المتزنة والهدوء الرائع لدرجة ان هدوءه استمر رغم ان مراسل الرياضية سأله بعد مباراة نجران بهذه الصيغة ( ماهو رأي سموكم بعد تعاقد منتخب ساحل العاج مع جيرتس ,!! ) طبعا غني عن القول ان المذيع يملك الأخبار الحصرية وهو الوحيد الذي يعلم ان ساحل العاج تعاقدو من جريتس , طبعا كل المراسلين كان سؤالهم وش رأي الإدارة الهلالية في الحديث الدائر عن طلب التعاقد مع جريتس ,!!!! الا مراسل عادل عصام الدين كان له رأي مخالف .
الحضور الجماهيري كان رائع وروعته بالتفاعل الأروع وهذا أهم شي بالحضور ,, وياليت الرابطة تواصل حماسها في مباراة نجران وتفكنا من ياللي طامع بالصدارة .. خروج مغلوب أي صدارة .
بعض الاخوان يواصل البحث عن اي لاعب مرر خطأ او تهاون في تخليص كرة أو اضاع هجمة ويشن هجوم كاسح لهذا اللاعب ,, للمعلومية إلى الآن لم يتوصل العلم إلى اختراع لاعب آلي لايخطئ أثناء المباراة .
صحيح اننا نتمنى الحصول على كل الألقاب ونسعى لها ونغضب لفقدانها وهذا سر زعامة الزعيم ولكن فقدان لقب لايعني نسف الجهود والنقد الجارح والقسوة على من ابدع ودفع وجهز وامتع وواصل تفوقه لفترة طويلة وعلى الجميع , والأخطاء تحدث في كل فريق والطموح كبير لكن الى الان لم يتم اختراع فريق لايخطئ
شكراً للدعيع , شكراً لسامي , كبار مهما حاول الصغار البحث عن توافه الأمور , بالعربي نبي صحافة محترفة ملينا من قلقان القناة الرياضية .
للأسف مازال البعض ينتقد عدنان جستنية ,, على ايش ياناس والله انه من جنبها , لامقال مثل العالم ولا لباقة في الحديث ولا ,,,, ياناس فكونا من مهابيل الكتاب .
مادري كيف قناة عادل عصام الدين تكتب في تعريف أحد المتصلين ( قانوني ) والجميع يعلم بسرقته للمقالات , الا اذا كانو يقصدون [ السرقة بأسم القانون ] فهذا شأن خاص بقناة الوطن .
معليش على الإطالة وأحيان المصالة ونتواجه في الواجهة ويالبيييييه يالهلااااااااااال .
 |
الوضع الشجري
