هلا بالساخر المحنّك

يابوطلال انا عندي تعليق بسيط على العنوان..

انا اخالفك الرأي في قولك عن اللقب انه ( مستحق ).. انا اشوف انك اكبر من هاللقب

انت انسان صدرك شمالي وتحب الجميع والله عطاك خفة دم الكل يشهد فيها وانا اولهم

واحب اضيف نقطة للكل

خفة دم ابوطلال على الطبيعة اكثر بكثير من ابوطلال الكاتب في المنتدى

مستحيل تجلس مع ابوطلال في مجلس الا وتمسك بطنك من الضحك على قفشاته وتعليقاته الزاحفة

واحلى مافي ابوطلال انه مهما يذب عليك ماتزعل.. بالعكس تزيد غلاته عندك واسألوا شبوط

الله يديم هالبسمة ياساحر البسمة ويخليك ذخر لكل احبابك واولهم كاتب هالسطور المتواضعة

اهلاً وسهلاً ابو طلال .. الكاتب الساخر

موضوعك ذكرني بايام العز << كان معه بيجر ع عزه
اتذكر ان كان معي بيجر شاهين الصراحه مادري وش افكر فيه مع اني كنت صغير ماحد يدق علي ..

بس لزوم الكشخه , لا واعلقه بالجيب الجانبي والسلسله الذهبيه بعك اركبها ..
بس تحطمت لما طلع خويي بيجر احسن من بيجر الظاهر موتريلا او مدري وش اسمه نسيته ..

وبعدها قلت بلا بيجر بلا هم .. لان ماستصل علي الا اهلي يعني تعال بس

عاد تصدق .. قبل فتره ادور بطارية ريموت TV .. ولما دخلت السوبر ماركت عطاني بطاريه اصبع .. اكبر شوي ..
قلت لا عطني بطارية بيجر .. خويي ضحك علي ضحك .. يقول تذكر البيجر ..

ابو طلال .. سلم لي على فارس وطلال .. بديت فارس لان الاسم غالي

تقبل احترامي وتقديري .. دمت بخير

ياهلا والله بـ أخونــــا طلــــول <<اش رايكـ بالدلع بس
من قدكـ ياعم تســــتاهل اللقب والله مبـــــــــروكـ

إقتباس نتبارك في موظف إتصالات .. وفي موظف خطوط .. وفي مدير .. وفي امير .. ومرات في حتى مشرف منتدى .. علشان الرزه .. والكشخة .. والأهم الإستفادة والمصلحة .. وبركاتك يامعلم

عـاد تصدق ودي يوم أتعرف على أحد أستفيــد منه أســــتاذه مثلآ تتوسط لي في الجدول على الرغم
أني أكثــر من مرهـ أشوف ناس واصليــــن وأسولف معهم بس اذا جيت أبي أقول عطيني رقمكـ ينربط
لســــاني كلــــش ما أتنازل أطلبه

مبرووووووووووووووووووووك اللقب

عووووووووووووووووافي

يجي يجي يجي يجي يجي يجي ~>تقولهآ ورع بعض والأخيره تمدههآ

مبروك اللقبـ المستحقـ وموضوع مرة روعه

هلا ابوطلال , هلا بأخونا الصغير
صدقني إذا فيه شي فوزك باللقب (غير إنك ثنياني) فهو عبارة أخوكم الصغير اللي تختم بها مواضيعك

ذكرتني بالبيجر يوم كان الواحد ياخذه من أبوه إذا طالع للبر ولا البحر وبيطول ,, على أساس يقدرون يدقون عليه إذا تأخر
السؤال من وين بيدق عليهم لو احتاجهم, والجواب ان اتصالهم عليه ماله الا معنى واحد وهو (ارجع البيت)
أما الخطوط فلازالت سطوة موضفيها موجودة ولاأعتقد أنها ستتوقف فماتجده من داخل مكاتب الخطوط لاتجده لافي النت ولا التلفون ولاحتى في مكاتب السياحة

مبروك يابوطلال
فوزك إنتصار جديد للثنيانيين في هذا الكون الفسيح

ابو طـــــلال

الف مبروك على اللقب وبصراحه تستاهل كل خير كاتب قوي ومميز
وشكرا على هالمواضيع الثلاثه

هلا وغلا بـ أخونا الصغير أبو طلال

الا اذا كبر راسك بعد اللقب وصرت أخونا الكبير

البيجر
ما استخدمته .. على قولة واحد يقضي حاجة غيرك وما يقصي حاجتك

الجوال

كان لي سالفة معاه
أول ما طلع اخوي الكبير طلع واحد .. وذاك اليوم الاخ نايم وانا كنت بطلع وأخذت جواله معي
المهم ماشي وانواع الزعاطة قدام الشباب ..
وأنا راجع قلت بدق على البيت اشوف اذا يبون شي << نصاب يبي يدق وبس
المهم ادق رقم البيت يقول لي الرقم خطأ احاول مرة .. مرتين .. ثلاث مافيه فائدة
خويي قام يضحك علي يقول جيب احاول .. المهم نفس المشكلة مافيه فائده
قال لي شكله عليه فاتورة ومقطوع ..
وقاعد يضحك علي ساعة لين ما وصلنا يقول كاشخ بجوال مقطوع
المهم وصلت البيت واقط الجوال على اخوي واقوله اذا منت قد الجوال ليه تطلعه
قال لي وش السالفة .. قلت له الجوال مقطوع
قال لا الجوال شغال مو مقطوع
قلت له انا من اليوم احاول ادق على البيت ومو راضي
شاف الرقم اللي قاعد ادق عليه ومات من الضحك
وقال هذا جزاة اللي يسرق الجوال ومو عارف الصقر وراح يشويه
طلعت السالفة اني مو حاط رمز المنطقة الشرقية 03 قبل رقم البيت

===========

الموضوع الثاني
اخوكم موظف في احد فروع موبايلي
وطبعا العالم انواع الاتصالات .. نبي رقم مميز .. نبي نلغي خدمه .. نبي مدري وشو
يعني العالم هي اللي مستفيده منا

=============

من اغلاط الكلام مرة نزل مطر وطاح جوال اخوي في الشارع << ردي برعاية جوال اخوي
اقول السالفة لواحد من العيال قلت له .. مطر اخوي طاح في الجوال

===========

ابو طلال
استمر .. استمر
الله يعطيك العافية

الف مبروك اللقب يستاهلك

يااهوى البيجر اذكره خواني كاشخين فيه
مشكلة والله اللي يشوف نفسه ولا انه قوي عشان يعرف شخص في مكان اغلب الناس تحتاجه

اما الربكة رهيبه فضحتنا..
والله تصير لي دايم بس الله يستر علي


يعني كانك تلمح على شي عشان عيد الحب..
الله يخلي كل ايامنا محبه