ويلهآمسون Vs الأهلـــي .! - نادي الهلال السعودي - شبكة الزعيم

آلقُنــٍآصُ © · #1 16/02/2010, 04:41 PM

السلآم عليكم ..

كيفكووم .. ان شاء الله تمـآم ..

أول شيء أبـآرك للجميــع التأهل للنهآئي .. وان شاء الله فآلنآ البطولة ..

وشسمة .. ملآحظة بسيطة بعد مبآرآة الأهلي الأخيرة لاحظتهآ ..

أن ويلهآمسون له علاقة خاصة بـ مبآريآت الأهلي ..

أولهن .. أول مبآرآة لعب فيهآ مع الهلال .. كانت مع الأهلي في الرياض

بإستآد الملك فهد الدولي بالرياض .. طبعا المبآرآة أنتهت سلبية 0×0

المبـآرآة الثآنية في جدة أنتهت 1×0 بـ هدف ويلي .. اللي رفعهآ لـ ياسر ودخلت بدون ما يلمسهآ ياسر

دورت المقطع باليوتيوب .. مآلقية .. ودخلت على ارشيف الأستويو مقفل .. مدري ليش .!

المهم أكيد تتذكرونة ..

عاد الموسم هذا ما أمدآكم تنسون .. الشيخ ويلي رآيح جاي يسجل على الأهلي .!

الهدف الأول تتذكرون بـ جدة ..

الهدف الثآني .. والمبآرآة انتهت 2×1

والدوري الثآني بالرياض .. طبعا إفتتح التسجيل ويلي .. - ماشاءالله عليه

-

بـ هدف رااائع .. وهذا الهدف ..
بقولة شي عن لهدف ..

بوقت المبآرآة هذي كنت اشوفهآ مع أخوي ..قبل الهدف أقولة ..

ويلي كآمل - ماشا الله - والكآملة وجه الله .. إلا انه مايعرف يضرب رآس .!

بعدهآ بشوي سجل هدف بـ صنآعة رآسة الفنتوكي ..

عاد صار كلامي صحيح .. مبآرآة النصر ومبآرآة نجرآن ضيع ضربتين رآس سهلات للي يعرف للرآس ..

لو كان مكآنة ياسر والا العنبر والا نيفيز .. كان فيهآ كلآم ثاني .. لكنه كبييير ويلي ..

المهم كشت انا شوي ..

هذا اللي عندي .. وكل الأمنيات بالتوفييييييق للزعيم في مبآرآة الأهلي

وان شا الله ويلي ورفاقة يكملون إبدآع مبآرآة النصر .. وفالنآ البطوولة يااارب ..

* أهم شيء الحدز من الأهلي .. يبي بطوولة .. أكيد جريتس مركز بالنقطة هذي ..

اما الغيابات لايهمكم .. ماضيعنآ مع النصر بالدوري الا الغيابات .. المؤمن لايلدغ من جحر مرتين ..

عارف ان تهيئة النهآئي غيير .. لكن أتمنى التوفيق للإدآرة والمدرب اللاعبين ..

وان شا الله نشوف الملعب فل من الجمآهير .. ونزف البطل لـ البطولة .. وبالتخصص في كأس ولي العهد ان شا الله

لكل من زآر الصفحة ..

* تم إزالة روابط الفيديو بسبب أنه يمنع وضع لقطات الفيديو التي تحتوي على إعلانات لمواقع أخرى .
المشرف

20 - الهلال - 14 · #2 16/02/2010, 05:19 PM

والله لو يسجل العتيبي ما عندك مشكله اهم شئ ناخذ الذهب و نفوز بالبطولهـ

تدري ليه ويلي يبدع بالمبارايات اللي قدام الاهلي .؟
لأن ويلي لاعب مساحات و الاهلي ما يقصر يوفر هالخدمه و يروح غلطهـ بسبتها
[ بس مسعد مبدع بمركزه يعني يمكن ينشب لويلي ] < لا تنسى ان ويلي راعي عكفاات يعين بيرقص الخال ض1

تحــياتي / طلال

كــثر الجفى ما يفيد · #3 17/02/2010, 12:59 AM

إقتباس

الرسالة الأصلية كتبت بواسطة 20 - الهلال - 14


	والله لو يسجل العتيبي ما عندك مشكله اهم شئ ناخذ الذهب و نفوز بالبطولهـ تدري ليه ويلي يبدع بالمبارايات اللي قدام الاهلي .؟ لأن ويلي لاعب مساحات و الاهلي ما يقصر يوفر هالخدمه و يروح غلطهـ بسبتها [ بس مسعد مبدع بمركزه يعني يمكن ينشب لويلي ] < لا تنسى ان ويلي راعي عكفاات يعين بيرقص الخال ض1 تحــياتي / طلال

صـــــــــــــــــــــح عليك قراءة فنيه حلووه
ثانكس على الموضوع

S البرنس S · #4 16/02/2010, 05:20 PM

ويلي متى ماتحرك وابدع البطوله هلاليه .. يعني عقده الاهلي

مشكور اخوي

ضايع ضايع · #5 16/02/2010, 05:21 PM

اي والله اهم شئ البطوله
يلاا ياولي نبيهاا
مشكوور اخوي على موضوعك الرائع
يعطيك الف عاافيه

سامي أنت الهلال · #6 16/02/2010, 05:26 PM

والله انه برحه
اجل هجمته امس قدام نجران تضيع ؟؟؟؟؟؟؟؟؟؟؟؟؟؟؟؟؟؟؟؟

والله مدري ليش مطيرينه الجمهور لا يشوت لا يضرب راس لا يشوت فاولات
بس سريع طقها واللحقها

Shaden Al-Hilal · #7 16/02/2010, 05:36 PM

-______-

ايه حسيت انه معقدهم : ) !!

إن شاء الله يسجل ويبدع ويمتع !

محامي الفيلسوف15 · #8 17/02/2010, 11:00 AM

إقتباس

الرسالة الأصلية كتبت بواسطة سامي أنت الهلال


	والله انه برحه اجل هجمته امس قدام نجران تضيع ؟؟؟؟؟؟؟؟؟؟؟؟؟؟؟؟؟؟؟؟ والله مدري ليش مطيرينه الجمهور لا يشوت لا يضرب راس لا يشوت فاولات بس سريع طقها واللحقها

^
^
^

الله يرحم حالك بـس

ويلي مسجل 11 هدف هذا الموسم .. ( تسعة اهداف بالدوري وهدفين بكأس ولي العهد )

ويلي اكثر لاعب هلالي صنع أهداف ( صنع عشره اهداف )

يعني لاعب يصنع عشرة اهداف و يسجل 11 هدف ..و ماتبي الجمهور يطيـر بـه ؟ ..

وفوق هذا سريع ومهاري ويزعج الخصم بـ تحركاته

ملك الهلآليه · #9 16/02/2010, 05:37 PM

أن شاءالله يبدع قدام الأهلي >> شكله يبدع أذآ شاف اللون الأخضر
تقبل مروري

relax ~ · #10 16/02/2010, 05:37 PM

مشاءالله عليه ويلي لاعب مايختلف عليه اثنين

ومستواه متصاعد مع الزعيم مع كل مباراه

وان شاءالله يكسب الهلال البطوله الــ 50 ونفرح فيها كلنا

الظَاهرَه ! · #11 16/02/2010, 05:43 PM

واكيد للنهائي ولي له كلمته ..

الف شكر لك يآ الغآلي ..

قـلـب هـلالـي 15 · #12 16/02/2010, 05:43 PM

اي والله اهم شئ البطوله
يلاا ياولي نبيهاا
مشكوور اخوي على موضوعك الرائع
يعطيك الف عاافيه

بالتوفيق للزعييييييييييييييم

آلقُنــٍآصُ © · #13 16/02/2010, 05:48 PM

مشكوور على مكرووركم ..

وان شاء الله البطولة هلالية ..

^_^

zizo521 · #14 16/02/2010, 05:51 PM

ان شاء الله يبدع زي العاده وتكون مباراه نجران حافز له للتعويض

واهم شيء الفوز لو يجيب الهدف واحد من الجمهور اهم شيء الفوز

وبالتوفيق للزعيم

!هلالي حتى الموت · #15 16/02/2010, 06:01 PM

وليهامسون له مواقف مع الاهلي

وبالتوفيق للهلال في المبارة سوا جاب الهدف ولهامسون ولا حسن العتيبي ولا الحكم

اهم شي الفوز والبطوله رقم 50 وبالتوفيق لزعيم