إقتباس الرسالة الأصلية كتبت بواسطة بنت الهلال الاردنية يالحضاري الفريدي نزل بدل الشلهوب اللي ما لعب زين مبارح و الفريدي لعب ورا ياسر مو عاليسار يا فهمان ... لا تزعل هذا رايي الشخصي..

اما الفريدي بدل الشلهوب قوووووية ..!!

مدري يمكن الارسال يتأخر عندكم بالاردن ..


لاتاخذي بخاطرك تراها مزحة ..

ولكن تصحيحاً لمعلوماتك الفريدي والشلهوب نزلوا جميعاً مع بداية الشوط الثاني

وللمعلومية ايضاً الفريدي لعب 80% من وقت الشوط الثاني بالجهة اليسرى ولم يسبب أي خطورة !! فكيف تقولي انه لعب خلف ياسر !! كان خلف ياسر الشلهوب ونيفيز وهذا ما كنت اناقشه

اخي الكريم اتفق معك على التغيير الغريب للعابد وهو ما شاءالله عليه مجتهد في الجهة اليسرى ومسبب ازعاج

أرجو من الجميع أن يسمع مقابلة جريتس مع الجزيرة, ليعلم ماهو سبب التغيير؟

واللي زاد الطين بلة هدف نجران المبكر في الشوط الثاني سبب ربكة ولخبطة في حسابات الهلال

والله عمرو كان مبدع ورجعنا 4 سنين ورا يوم كان ثنائي هو وخالد عزيز

اللي يعيب الفريدي لاعب يمشي بالحركه البطيئه يرفع الضغط ماعنده حماس فرق بينه وبين العابد السماء عن الارض

انا تابعت مباراه الأهلي والشباب يوم الأحد الماضي بشوف مستوى الناديين خصوصآ ان الهلال

بيقابل واحد منهم ...

لكن انا استغربت واللي تابع المباراه استغرب تغيير مدرب الاهلي ..!!

باخراجه مالك معاذ وحسن الراهب بدايه الشوط الثاني ..!!

هذا مايهمني كهلاليين تخبطات اي مدرب آخر

ويارب يكرر فعلته ويخرج مالك والراهب امام الزعييم ..


لـــكـــن ..!!

استغربت تغيير الداهيه جيرتس باخراج العابد ..!!

العابد في الشوط الأول عامل عمايل ومسوي ازعاج للخصم ..

خصوصآ انه وسط الزعيم كأن متوازن وضاغط ع الفريق النجراني ..

ويلي مسوي ضغط من اليمين والعابد ضاغط من الشمال ونيفيز من العمق

وهذي توهت الخصم وطريقه قويه وذات فعاليه خصوصآ انها ضغط ع الخصم من الاجنحه

والعمق ..



والفريدي كبير لكن يعاب عليه البطء قليلآ .. وخصوصآ ان جيرتس الموسم هذا قلل من عطاء

الفريدي لانه يلعبه محوور ..!!

الفريدي صاحب نزعه هجوميه وليس دفاعي ..

انا نفسي المدرب ماينزل الفريدي محور ..!!

اقل الايمان ينزله باواخر الشوط الثاني بدل وسط مهاجم ..



عمومآ جيرتس له تكتيك وقناعااات واحنا مع المدرب قلبآ وقالبآ



سر يازعييم فما زال للذهب والابداع والمتعه (بقيه) ...

كلامك سليــــــــــــــــــــــــــــــــــــــــم ميه بالميه

الفريدي لم يستطيع ان يخرج من البرود الزائد

وانا اشوف انه ما يقدر يجاري لعب الهلال السريع المنتظم في كثير من الحالات

وقهررررررررني في الهجمة اللي كان فيها اناني جداااا ولعبها بطريقة غريبه للحارس العامري .. مع ان ياسر كان متمركز في موقع قريب منها وممتاز

اتمنى يطور من مستواه....

والله ياخوي قبل فترة كتبت موضوع عن جيريتس ...

ولكن الموضوع انفهم اني اطالب باقالته .. والبعض قال اني مندس .. وكلام من هذا القبيل .. وبالاخير انحذف الموضوع

خلاصة موضوعي ان جيريتس ضعيف جدا من الناحية التكتيكية وفي قرائة المباراة

وناجح لياقيا واعداديا .. وانه اخذ من المدح والاطراء اكثر مما يستحق ..

وان سر نجاحه هو دعم الادارة القوي له ولاعبي الهلال وامكانياتهم العالية

ولابد الا نتوقع منه اكثر مما قدم .. لانه وبصراحه في اي لحظة تضيع منه المباراة ولا يجيد العودة في المباراة

لكن الجود من الموجود

وشكرا على موضوعك وملاحظاتك .. واتمنى ان يزداد وعي الجماهير خلال الـ 90 دقيقه .. لا مع الريميكسات والتصاميم والموجات الاعلامية

اولا مبروك التاهل للنهائي ثانيا اخوي انت قلت ان غريتس فا جانا بالتغيير لان غريتس كان في الدوري يلعب بالفريدي كمحور والشلهوب وسط فاعتقد ان تغيير الخطة اثر على الفريق في الشوط الثاني ثالثا اخوي لو تلاحظ ان الجهة اليسرى بالهلال بطئ لان الزوري لايساعد بالهجوم كثيرا فاعتقد بان الزوري لو يلعب بهذه الطريقة في اسيا سوف نخرج من من البطولة
رابعا اخي موضوعك ممتاز جدا ارجو منك المواصلة بابداعاتك اخوك الكاسر 20

العابد كان مقدم مستوى رائع


وانا استغربت تغيره وكنت اتمنى ان يخرج نيفيز لان نيفيز لو اخذ اصفر مايلعب النهائي

بس الحمدلله ربك ستر

واتمنى من الثعلب العجوز المباراه القادمه يدخل الشلهوب بدل العابد


لان النهائي يبيله لاعب خبره


واشكرك على موضوعك الجميل والشيق

كلامك 100%

ولكن حتى لو لعب الشلهوب وسط أيسر ولعب البارد في أي مكان يحبه كان التغيير سقطة تحسب على جيرتس

فلا الشلهوب قادر على القيام بمهام الوسط الأيسر وأهمها دعم الظهير وصناعة اللعب بسبب مشكلة استرتيجية في الشلهوب بالنسبة لدعم الدفاع والقتالية على الكرة وزاد الطين بله أن الشلهوب عاد لتواضع المستوى

ولا البارد حارق الدم البليد الفريدي قادر على القيام بمهامه لإنشغاله كالعادة بالاعتراض على قرارات التحكيم والتعصيب وهذه المهارة الوحيدة التي يتقنها حالياً مع الأسف

في النهائي رجاءاً جيرتس بطل اجتهادات كادت تطيح بنا أمام متذيل الدوري فأمامك الأهلي وهجومه الناري وطموحاته الكبيرة لكسب الكاس والعودة للبطولات

الحيطة للمرة الألف ما أدري ماهي قيمتها حينما يتحرك أفرادها ويسمحون للكرة باختراقهم خاصة المرشدي.

العتيبي الله لا يهينك يمدحون الركادة والخروج من المرمى في كل مناسبة غير محمود وكدت تجيب العيد لكن ربنا ستر ولطف

بمستوى الهلال أمام نجران أقول من الأن مبروك للأهلي وباي باي أسيوية

أعتقد ان جريتس أجرى التغيرات بغرض عدم الكشف عن كافة أوراقه و خططه التدريبه كون المباره مراقبه من بعض مدربين الفرق الي رح نقابلها في أسيا ومن بينهم كوزمين والدليل انه رجع نفيز محور للي لاحظ هذا الشي

هذا مجرد توقع مني
على العموم الاكيد ان المدرب له اسبابه في التغيرات وغيرها

مشكور اخوي على الموضوع