كرهت ياسر بسبة التطبيل والاعلام .. ورجعت مكانته بعد التسجيل الاخير - صفحة رقم 3 - نادي الهلال السعودي - شبكة الزعيم

الحرس الوطني · #1 14/02/2010, 08:58 AM

بسم الله الرحمن الرحيم

الكثير مننا سمع لقاء ياسر مع هلالي ثنياني مشرف منتدى الجمهور وتسحيبات الثنيان والثالث الي كان معاهم

وانصح الي ما سمع انه يسمع ,, لانه بين ووضح نقاط كثير منا ماكان يعرفها,,

وتهنا وضعنا

بين مطبلين لياسر

ومنتقدين لياسر

وحاقدين على ياسر

والاعلام

انا اول ما سمعت ان ياسر بيسوي لقاء قلت الله يعيننا واكيد سقطه جديده مثل الي بالمدرج يتفرج وان افضل واحد والبلنتيات اهي الي خلت الشلهوب هداف وكنت اقدر اصير هداف لو انا الي نفذتها ومن هالتصريحات

وللاسف راح نكرهه زيادة

بس التسجيل هالمره طلع غير

لانه بدون فبركه واثاره ومن القلب للقلب ووضح نقاط مهمه

وبالنسبه لي وللكثير معي اهم شي قاله ان ياسر بنفسه غير راضي على ياسر حاليا وانه يفرح لان الهلال فاز ولكن يحزن لانه لم يسجل

لان المطبلين يقولون ان ياسر نفسه اهو ياسر الي قبل بس الجمهور ماراح يرضى وطماع واصلا ياسر مسجل 8 اهداف وقريبه من معدل تهديفه المواسم الي راح يعني ما تغير شي ....

وياسر بنفسه قال انا غير راضي عن اهدار هالفرص ... اااه يالمطبلين

بالمختصر

انا اذا شفت مثل هالفرصة تضيع وفي مباريات هامه

اشيل واعتب على ياسر لان عندنا امل فييييه .. ننتقد ياسر لان عندنا اامل فيه

لكن اقرآ الجريده اشوف ياسر يقول انا افضل لاعب

افتح المنتدى موضوع هنا يقول ان ياسر اهو سبب تميز نفيز

ورد من احد المطبلين يقول ان ياسر هو من اهدى الشلهوب وولي صدارة الهدافين

ومع الايام صرت اكره رقم 20

لكن تصريح ياسر الاخير الي من القلب للقلب وضح اشياء كثير

ورجعت محبت ياسر للقلب خصوصا ان ياسر قال راح ابتعد عن التصريح للاعلام

بس باقي نشوف الحماس والروح والاهداف من ياسر في الملعب

ونفتك من المطبلين الي يشوهون صورة ياسر بدون ما يدري في المنتديات

وباذن الله راح يردد كل الجمهور كلنا ياسر

وراح يرجع ياسر الي نعرفه

لتوضح

الي ينزل مواضيع تصاميم لياسر او يقول حملة كلنا ياسر.. هذا محب

اما الي يقول ياسر اهو سبب ان الشلهوب يصير هداف واهو الي اسمه يشغل ويربك الدفاعات ومن هالكلام .. هذا مطبل

وان شاء الله راح يجبرني ياسر اغير توقيعي بعد مباراة نجران
والله يوفق هجومنا بعيسى وياسر والعنبر والصويلح