في اكبر احراج للجنة الانظباط هذا الموسم : باوزا يتهم التحكيم بالرشوه ويشكك في الهلال ,, وغالي يضرب ويمرح ويسرح .. ( والكل نايم )
تدرون من ارحم ؟
مارحمت ياسر لانها اخذ ضربه على وجهه .!
ولا رحمت الجمهور الي جته كوره تمشي مليون من البطل الملاكم " غالي "
ولا رحمت ويلهامسون على الضرب الي جاه ..!
ولا رحمت رادوي واستفزاز مدرب النصر له ..!
مارحمت احد كثر مارحمت لجنة الانظباط ورحمت موقفهم الحالي
..
الحين وش يفكرون به ؟
تتوقعون بيشطبون مدرب النصر ؟
يوووووهـ .. طيب والاعلام النصراوي ؟
وااعضاء شرف النصر ؟
وش بيكون موقفهم ؟ وكيف الشارع الرياضي بيقوم عليهم ؟
لاني متاكد لو وقفوا او شطبوا الي اسمه ديسلفا ..
ماهو بس النصر بيقوم ويحمق عليهم ..لآلآلآ
تراهم يمشون على نهج " الشلليه " .
من يوم ماتاسس هالفريق يحاول يحتك في الانديه
عشان عنده نظره مستقبليه ثاقبه
..
كان يحتك في الهلال ,, وشاف الدعوه ماضبطت
تلزقوا بالاتحاد والاتحاد مشاهم وصرفهم بطلال المشغل ومرزوق العتيبي والواكد !
كانو يتلزقون بالشباب وجاهم البلطان وصفعهم على وجيههم ..!
عشان كذا لو لجنة الانظباط شطبت ذالمدرب بيقوم الربع الثانيين الي هو الاصفر الثاني ..
وجمهوره بيسوي فيها المسكين الي انظلم وسٌلبت حقوقه ..!
ياهو احرااااااااااااااااج ..!
والله احراج انتم ماتتصورونه ..!
بيجي في بالهم .. هالحين تونا الموسم الماضي مبعدين مدربهم ..
وقبل كم موسم ساحبين مدربهم بحجة االمهمه الوطنيه ..!
وتونا موقفين لاعبهم لانه " يطق اللاعبين "
>~ ركزو على [ يطق ]
وشلون تبوننا الحين نقلب على ذوليك ونوقف لاعبهم ونشطب مدربهم ؟!
تحسونها قويه ..! ونوعا ما بتفجر غضب شله من الشارع الرياضي ..
رغم انها واقعيه ومستحقه .. تماما مثل فوز الهلال اليوم ..!
تتوقعون بكره بيجيكم قرار .. ونصه مثل كذا ..! تخيلو معي شوي
عاجل : ايقاف لاعب نادي النصر حسام غالي وشطب المدرب النصراوي ديسلفا ..!
ياترى بنسمع ذالخبر بكره ؟
لكم الجواب
الوضع المتطور
