عادي الحين بالعكس اختك تحمل وتولد وتملي لكم البيت بزارين ..
* امك الله يحفظها نفس امي ..
امي تقريبا ماتوا سبع اولاد وبنت وحده ..
السبع الاولاد اللي ماتوا ولا واحد منهم كمل تسع شهور كلهم سبع واربع شهور ..
بينما البنت اللي ماتت ..
كان اسمها ثناء ..
كانت اول مولود لامي وابوي وكان امي عمرها 12 سنه ..
امي ولدتها وفرحت فيها لين صار عمرها شهرين واستفرغت دم وقبل توصل المستشفى ماتت الله يرحمها ..
امي دايم تقول انها احلى منكم كلكم ..
* اصعب شي هو لما تفارقي اختك وملكة اسرارك .. << مباشره جبت الاسرار ..
عاد الحين اتوقع تعودتي تكوني بالبيت وحيده .. هع
الله يسعد اختك ويسعدك ..
* رغم ان الاب يكون اكثر قسوة من الام الا ان الاب دائما مايكون هو له الاولويه بالقلب رغم ان الام سكنت القلب قبله << عاد انتي حاولي تفهمينها
لاني حاولت اشرحها وافهم نفسي ماقدرت هع هع ..
شووكرا مررره هنووووفه على ماتقومن به من جهوود
وفقك المولي لما يحبه ويرضاه ..
واحنا نحبك مره ولوكنت اقدر كان كتبتها لك بالهوا هع هع ..
اهلا اهلا صغيره
منووووره يا فراشه على قولهم
ثالث مره اكتب الرد ان شاءالله يارب مايخرب عليا اهيء
الله يهني اختك ويسعدها ويفرحنا فيكِ قريب يارب
مشكله انك صغيره كيف بنزوجك ما ادري .. الله يعين اخويه عليكِ
المهم انو يومك حلوو ولو انو فيه شويه حزن
ذكرتيني يوم زواج اختي نفس الحوسه .. بس ربي سهلها الحمدلله
والله مدري ايش اقول احس قلت كل شي يوم تزوجت ماعندي اضافات
مدري وش فيني هالفترة اللياقة زيرو , صاير ما اقدر اجمع كلمتين على بعض ..
من نزل هالمووضوع وانا كل يوم اقول بكرة ارد عليه وانسى ..
لكن اليوم مسكت معي وقلت ما راح اطلع حتى ارد لو بكملة شكرا ..
الحين من جدكم انتم كلكم اربعة .. وما تحسون بوحشة ..؟!
بالنسبة لي اذا ما بالبيت اقل شئ 15 شخص وما حولي زحمة وصجة وازعاج ما ارتاح ..
بداية الله يوفق اختك بزواجها وعقبالك الله يوفقك ويسعدك ويانس وحشتك دنيا واخره ..
وصراحة ما استغرب حرصك على ابوك وشوقك لمساعدته اذا كان انتي بالمنتدى تساعدين اللي ما تعرفينه وتوقفين معه ..
فما بالك بابوك واقرب الناس لك ..
الله يخليكم لبعض ولا يفرقكم الا على خير ..
يعطيك ربي الف عافية على اليومية الرائعة ,,
/
هلالي من ارض اليمن , القيصر رهيب
الف شكر لكم على الفكرة والاعداد والتصميم ,,
ياهلا والله وغلا
توني داخل للنت ولزوم احجز هنا بالموضوع الرائع يكفي انه عن اختنا الغاليه اللي الجميع يتفق على محبتها ... الهنووف ..
برب
===========================
باك انا جيت ياهلا بالغاليه حيل على قلوبنا الهنووف وشلونتس عساتس بخير وش حالتس الحال من بعضه خخخ زي الحاله بس نختلف شوي بعدد الاخوان والاخوات آخر العنقود ويقولون آخر العنقود سكر معقود ولا القعده حبه رعدده
من خلال اللي قريته اشوفه فتره صعبه وصراحه مدري احس الزواج فرح ليش اتضايق!! صح اني راح افارق اخوي ولا اختي ولا صديقي بس يبقى عايش سعيد هذا بحد ذاته يزيدني سعاده . اختي تزوجت بالرغم انه اقرب اخواتي الى قلبي لكن انبسطت بيوم زواجه لان سعادته تكمل عند زوجها وضمها لمولود
ايضاً اخوي اللي انا واياه نتهاوش من يوم حنا صغار ودايم لاطلعنا من المسجد حنا ثلاثه انا اصغرهم طبعاً يجي اخوي الكبير ويقول منهو الأول اللي يوصل البيت ؟؟؟؟؟؟؟ ثم يالله انا واخوي كل واحد يسرع ويركض للبيت ولا نوصل البيت الا متهاوشين كلن يبي هو الأول يوصل
تزوج وانبسطت بزواجه ولكن اكثر ما احرجني بيوم زواجه هو سؤال الحضور هل انت العريس؟
كان ودي يتآخر عشان انبسط معه وندور ونكشت ونفله بس يبقى مصلحته بالزواج أهم والحمدلله تم وعنده بنوته حلوه شكله طالعه على عمه
الهنوف ماشاء الله عليه تسأل عن الغايب وتحب تشارك الغير بجميع الأحوال ..
وهذا اللي يبدو لي والله اعلم .. موقف حصلي قبل فتره وتحديداً عام 2008
لظروفي الخاصه قررت اني ابتعد عن النت كلياً . لمصلحتي .. فعلاً ابتعدت وقبل ان ابتعد كتبت عباره وداعيه قلت اذا فيه احد اخطينا بحقه ولا ادري بالضبط مين ممكن يلين قلبه علي ويسامحني لما يقرأ العباره .. كتبته وسجلت خروج .. وانا والله مدري متى ارجع ..
فعلاً غبت عن النت كامل لعدة شهور .. وبعد ان زالت ضروفي ولله الحمد دخلت النت ومباشره المنتديات اللي مسجل فيها والمسن ايضاً له نصيب الأسد
وانا ادخل للنت تفكيري واحساسي وكل اللي بداخلي ممكن اعبره بكلمه وحده فقط ( مشتاق ) . مشتاق اانا اشوفه وحشني كل شي فيـه يادنيا ويــن اللي غدا لروحي رفيق اللي احبه واعشقه واوله عليه
دخلت الزعيم ووجدت بعض الأحبه اللي ارسلوا لي رسائل يتطمنون عني ، ومنهم اختي الهنووف وهذا تكرم وتفضل منهم الله يعطيهم الصحه والعافيه .
بادره طيبه ولم استغربه صراحه منهم
اختي الهنووف من دخلتي للزعيم حتى هذه اللحظه لم اجد منه شئ يضايقني وهذا ليس معنى ان غيره ضايقني لا بالعكس الجميع اخوان وما شفت منهم الا كل محبه واحترام وتقدير .
ممكن اعبر نظرتي له انها ماشاء الله عليه محبه لأدخال البهجه للأخرين سباقه لكل شئ تحسه يسعد غيره .
وطبعاً المستفيد الأول من هذا التكرم هو المتكرم نفسه لان السعي لا سعاد الآخرين يعود بالمنفعه لمن يسعدهم بالمقام الأول .
الله يوفق اختك يالهنوف ويسعدها بحياته ويرزقها الذريه الصالحه وجميع المسلمين .
وعقبالنا كلنا ان شاء الله .
ويرزقنا البر با والدينا
بالتاكيد اصبحت الفتاة قادره على منافسه الشاب بخدمة اهلها
والله يرزقني برهم ورضاهم وخدمتهم وان شاء الله اننا خير من الف شاب
ايه والله كلنا عيال مجلس والله لايفقدنا غالي
\ /
تميزت بترجمه الاحداث
شعرت بـ أنك لم تقرأ فقط بل شاركتني مشاعري واحسست بما احتوته حروفي
حضور انتظرته لاني متيقنه بـ انه سيكون مختلف
ممتنه لك ايها الراقي
ابوطـــلال
هلا والله بـ كاتبنا الساخر واخونا الصغير
ابوطلال ناوي تحرجني يعني
مدري وش اقول ردك احرجني كثير وكلامك كبير علي اتمنى ان استاهل نصفه
الله يجزاك خير على دعواتك ويارب اكون خير مما تظن بي
رايك في الهنوف شرف لها من اخ كبير تكن له كثير من الاحترام والتقدير
ومثل ماذكرت بردي السابق الاختلافات دليل على اخوتنا باذن الله
الا مدري قد اختلفت معاك ناسيه
وبخصوص علاقتي بـ ابوي فكما ذكرت البنت دايما متعلقه في ابوها اكثر
وانا امي الله يخليها لي يمكن ماتكلمت فيها كثير لان تفاصيل يومي كانت بصف ابوي
والا كلهم فيهم الخير والبركه وربي لايحرمني منهم
\ /
يعطيك العافيه على تواجدك
مدري وش اعلق وش اقول ماقول الا الله يسعدك كما اسعدتني
M!ss 7up
هلاوغلا
لا بالعكس يومي مو حافل بالدموع
\
/ شاكره لك حضورك
INN✿CENCE
هلاوغلا
لاتطنزين امين يارب ويخليك بعد
ايه صدقتي زوج البنت مثل الاب وان شاء الله يعوضون ابوي
وماقصر شهادتي فيه مجروحه
لا انا هونت مابي زواج متنازله عن فرحتي اهم شي راحه اهلي
\
/ الف شكر لك
من البنات المقربات لـ قلبي الله يسعدك
ربي يحفظك واصير احسن منك بالتصوير والتصميم
عقد الياسمين
هلاوالله
لا اجل شرهتي عليك كبيره ماقصرتي
ايه فقد اي شخص بعيد مؤثر كيف باحد من البيت جعلنا مانفقدهم
\
/ يعطيك العافيه ع حضورك
وربي يسعدك يارب وعقبالك
الضحى
هلا بـ أمنا
الله يجزاك خير :$ ايه زواج الابناء الشعور يكون مختلط
\
/ يعطيك العافيه على حضورك الذي اتشرف به
ويارب تفرحين بـ ببناتك وابنائك
abo-homood
هلاوالله
الفراق صعب وجعلنا مانفقدهم يارب الله يجزاك خير يارب وعقبالك
\
/ وانا والله التي استمعت بحضورك
الشكر لك
مستشارالهلال
هلاوالله بك اخوي
ترا هذا يوم مو قصه
\
/ شكرا على حضورك
والله يسعدك وعقبالك
تميــــ100ــه
هلا والله بهنو :$
لان البنت علاقتها باخواتها اكثر والبنت غالبا لها حس بالبيت اكثر من الولد
في بادئ الأمر نسأل الله أن يحفظ لك الوالد والوالده وينعم عليهما بالصحة والعافية .. والله يحفظ لنا ويديم علينا نعمة الأب والأم فديتهما
ونسأل الله أن يبارك لأختك واختنا ايضا وان يسعدها ويوفقها ونحن واياكم وجميع الأحبة الأعضاء ،،،
فراشة الاستشاري المتميزة دوما : الهنوووف
نسأل الله ان لا يحرم الاستشاري والمجلس العام من عطاؤك وحرصك وجهدك النبيل ... أختنا الهنوووف ما شاء الله عليها وكما تفضل أخوانها وأخواتها الأعضاء .. عطاء جميل وحرص نبيل وخلق رفيع .. وان تحدثنا فلن نوفيها حقها فنحن قريبين من عملها
وما قلنا فيها هو ديدنها من قبل ان تترشح للأستشاري .. لذلك كانت الثقه فيها كريمه وهي لما حملته على عاتقها كفؤ .. الله يعطيك الف عافية ،،،
أجمل ما في هذا اليوم هو المشاعر النبيلة والأحساس المرهف نحو جهود الأب والأم معا .. والتي جسدتها الهنوووف في موقف واحد من مواقف عديدة ومستمرة يحرص دائما الوالدين على بذل الغالي والرخيص والجهد العظيم من أجل سعادة ابنائهم ،،،
حقا .. كم في حياتنا من الشباب والفتيات الذين لا يعيرون أو يقدرون التضحيات والجهود التي يبذلها ابائهم نحو اسعادهم .. وفي ذلك ظلم لهم عظيم ،،،
كم تبلغ سعادة الأب والأم ان يشعرا فقط مجرد شعور أن ابنائهم يقدرون ما يبذلونه لأجلهم .. حقا أن سعادة الدنيا والآخرة تتملكهم فقط لمجرد أننا اشعرناهم أننا نشعر بهم ،،،
شكرا لفراشة المجلس العام المتميزة .. شكرا أن منحتينا هذا اليوم المتميز من ذاكرتك
هلا والله
والله يجزاك خير على حرصك على التواجد والله كلمه شكر تعني لي الكثير
لاتعودنا على الهدوء صرنا نننزعج من الصراخ والازعاج
امين يارب واياك
الله يسلمك والله الواحد ينبسط لما يقدم مساعده لغيره ويفرج عليه همه
ان كنا لانملك مساعده لانفسنا لتفريج كربنا وهموما فلعل بتفريج كرب الاخرين تفريج لنا
\
/ يعطيك الف عافيه اخوي فهد واشكرك مره ثانيه على حرصك على التواجد وصدقني حضوركم يعني لي الكثير تراني دايم اتوسم فيك الخير والطيبه ربي يحفظك وتظل مثل مـ انت الله يخلي لك غاليك
بريماكس
هلاوالله
الله يسلمك انا بخير يامال الخير
شلون يعني حبه رعدده اخر العنقود سكر معقود هذي اتفق معاك فيه
ماتشوفنا ملح وقبله
ايه صحيح الزواج فرحه بس لابد من حزن على فقدك لشخص عاش معاك اكثر من عشرين سنه
عقبال مايحضرون زواجك ويفرحون فيك
الغالين علينا يستاهلون نسال عليهم
ولاعاد تغيبون ماعاك بسال ترا كثرتوا ماشاء الله يالاعضاء -->تكفين
اشكرك على كلامك احرجتني والله وزرع الفرحه بقلوب الاخرين شي مو سهل
واتمنى ازرعها لناس افتقدوها وبحاجه لها
\
/ مدري كيف اشكرك على حجزك وعودتك الي اسعدتني والله شاكره لك مشاعرك وكلامك واتمنى ان اكون عند حسن ظنكم وان كنت غاليه عليكم فـ انتم اغلى عندي مدري وش اقول :$ الله يسعدك دنيا واخره وعقبال مانبارك لك عريس ان شاء الله وتسمي اول عيالك ياسر وكانها بنت الهنوووف تستاهل
هلالي وسيد زماني
هلا بك
الله يسلمك اخوي والاروع مشاركتكم لي
\
/ وانا استمتعت بحضورك والشكر لك انت
@ هلالي من ارض اليمن
هلاوالله بزميل المهنه
انت وماجد مفروض اسحب عليكم
امين يارب ويحفظك لاهلك ويطول بعمر والدينك
الله يجزاك خير على كلامك وانا الي سعيده بتواجدي مع ناس مثلكم
وهذا من طيب اصلك
مايحتاج اتكلم فيك لنا لقاء بـ استضافتك
عاد اظن اهلي مايدرون عن مشاعري
وحرصي عليهم شكلي بخليهم يقرون الموضوع
مشكله الكثير منا يقدر مايعمله ولكن يخجل من ابداء الشكر لهم
\
/ شكرا لك ايها الكريم على حضورك وكلامك شهاده اعتز فيها من اخ غالي الله يسعدك
@ ماجد مقبل
هلا والله بماجدونا الاديب السابق الي خذوا لقبه
الله يسلمك يارب وعقبال مانفرح فيك
عاد لو ماتعزمني عليك حق مرافقتك في مسيرتك المجلساويه ومن اهل البيت صرت
\
/ تواجد من اخ اتشرف فيه فـ يعطيك العافية والف شكر لك وعقبال مانسمع خبر زواجك
ايه تزوجت والفال لك
لا وش وحيده و مالي الا غرفتي الحمد لله
العبره بالاشخاص الموجودين بالبيت اوقات عشره ولافيهم بركه وكل واحد بغرفته
واوقات واحد ويملى البيت -----> ماتمدح عمرها ابد
ليه مواضيعي كلها ضحك الله يرج عدوك تخليني اطالب بقلب الساخر من ابوطلال
\
/ تواجد طال مافتقدناهـ الف شكر لك على حضورك وان شاء الله ماتقطع مفروض انت بعد مارد عليك مثل الي الثنين الي قبلك كل مواضيعك توقف على ردي بتنجلد وياهلا بك
هلاليه سنعه
هلا والله بشمعتنا الله يبارك فيك وعقبالك يارب
امين يارب والله يسعدك وياجعل ايامنا كلها فرح
ايه والله المشاعر مختلطه ماتدري تفرحين او تحزنين
الله يجزاك خير
\
/ يعطيك العافيه حضورك والله يخليك لغاليك وعقبال مانفرح فيك يارب شاكره لك وماننحرمش
EMINEM KSA
هلا والله
امين يارب ويخليك لاهلك
والله وانا اختك تواجد الابناء اوقات عيال عاله على ابوانهم
وبالمقابل يستفيد من ازواج بناته
واكيد البنت او الولد تواجدهم مؤثر بس حكمه ربي فوق كل شي
الله يرزقنا صلاح العطاء
\
/ شاكره لك حضورك وربي يحفظك
وفي النهاية الف شكر لكل من اكرمني بحضوره ولكل من قرأ شي من حروفي مشاعركم واحساسكم كان له اثر علي وشهادتكم اعتز فيها واتمنى ان اكون استحقها وان شاء الله ماننحرم من تواجدكم بالمجلس
مااا شاااء الله اختك تزووجت خلاص !
اتذكر كلامك عن انها مخطوووبة :|
ألف ألف مبروك لها وعقباالك يا الهنوووف
من كلامك حسييت بوضعك في البيت وحيدة ما بين ام واب الله يكون بعوونك ومالك الا غرفتك :|
أول مرة أحسك كاتبة موضوع بالمجلس وتعبرين من قلب وبدون مزح واستهبال
موضوع عجبني وتذكري انه هااليووم كاان يووم زفاف اختك اسعد يوم لها وبنفس الوقت المشاعر
للي تلخبطت داخلها بين بداية حياة جديدة ونهاية حياة الاخت وام واب ..الخ
صدقيني انتم الاربعة كان هاليووم كبيير بذاكرتكم بين حزن لفراق وفرح للزواج
![][ (¯`·._) فراشة المنتدى الاستشاري ( الهنوووف ) ..ضيفاً على -: ( يوم في ذاكرتي ) -][ (¯`·._)](iconimages/t863408_rtl.gif)
.. 
.. 
<< لانها مو يوم 
..
.. 
.. 
.. 
.. 
.. 
الوضع المتطور
