|
رساله هامه جداً للمدرب جريتس:هذه اسباب الخسارة امام الشباب بنهائي كاس الامير فيصل وامام النصر بالدوري وياخوفي نخسر يوم الاربعاء بنفس السبب....!!! السلام عليكم ورحمة الله وبركاته الجميع يذكر ان زعيمنا كان مستقر بتشكيلة ثابته طوال مبارياته ببطولة كاس الامير فيصل بن فهد رحمة الله،لكن للاسف بالمباراه النهائية قام المدرب البلجيكي(جريتس)بتولي زمام الامور وقام باستبعاد الحارس حسن العتيبي،واشرك الحارس خالد شراحيلي،وخسر زعيمنا النهائي باخطاء شراحيلي والجميع شاهد الاخطاء. الخلاصه: بمباراة حساسه تم استبعاد الحارس حسن وادخال الحارس شراحيلي(وخسر زعيمنا). هناك مثال آخر: مباراة زعيمنا امام النصر بالدوري الدور الثاني كان زعيمنا مستقر على تشكيلة ثابته ولم يكن هناك لا اصابات ولا ايقافات،لكن للاسف قام جريتس بادخال تعديل ليس له مبرر بصراحه وهو استبعاد المدافع ماجد المرشدي وادخال المدافع حسن خيرات بمباراة ديربي تعتبر حساسه وبالنهاية خسر زعيمنا المباراة. الخلاصه:بمباراة حساسه تم استبعاد المدافع المرشدي وادخال خيرات(وخسر زعيمنا). يوم الاربعاء القادم: مباراة زعيمنا امام النصر ايضا ببطولة سمو ولي العهد مباراة خروج مغلوب زعيمنا حاليا ولله الحمد لا اصابات ولا ايقافات،لكن للاسف جريتس يريد ان يكرر نفس الاخطاء السابقه وللمره الثالثه على التوالي ويتردد من خلال مانقراء بالصحف انه سوف يستبعد الحارس الخبير محمد الدعيع،وادخال الحارس حسن العتيبي!!!! الخلاصه: ألم يستفيد جريتس من اخطاءه الماضيه القاتله؟ الاجابه لا والدليل: رغبته بشكل غريب جدا تكرار نفس الاخطاء الغريبه وهي عدم الثبات بتشكيلة ثابته بمباراة كبيرة وحساسه جدا(والفريق لايعاني من ايقافات ولا اصابات ولله الحمد). حسن العتيبي حارس كبير وأثق فيه لكن كانسجام وخبره مع الفريق الاول ارى ان الدعيع هو افضل من يقوم بحراسة مرمى زعيمنا امام النصر بالذات. للاطلاع وابداء مرئياتكم حيال الموضوع تحياتي |
صراحه ملاخظاتك كلها في محلها وانا استغرب منه مدرب كبير وعالمي من شده الاستغراب صرت اقول اني ماافهم في الكوره |
والله عندي كلها واحد يحرس الدعيع او العتيبي بس بصراحه التغير في التشكيله تسبب لنا (قلق) لكن ان شاء الله يكون حسن كالعاده متألق اهم شي الحضور + عدم السخريه او الثقه المفرطه والمبالغه فيها |
اتمنى ان يشرك الدعيع لانقلل من العتيبي لكن مباراه حساسه واهم شي من لاعبينا التركيز في اول ربع ساعه اهم ربع ساعه من المباراه بالتوفيق للزعيم |
الصراحة جريتس مافيه أحد يقدر يفهمه لكن هذي مسؤوليته يعني لو قدر الله وخسر الهلال هو المسؤول الأول عن الخسارة بعدين المباراة هذي خروج مغلوب يعني مافيها تعويض غير كذا الهلال هو حامل اللقب العام الماضي. بالتوفيق للهلال يارب |
بصراحة التغيير بالتشكيلة وخصوصا في هذا الوقت الحساس يخوف لكن ربنا يوفقك الزعيم ونتاهل وناخذ الكاس |
على ان يلعب المدرب الدعيع الزوري مرشدي هوساوي الكوري رادوي الفريدي ويلي نيفز عيسى المحياني ياسر القحطاني بشرط ان لايكون هناك ثقه مفرطه ولاكن ان يكون هناك تهيئه نفسيه من قبل الجهاز الاداري وبث روح الحماس والقتاليه بالميدان واضمن لكم الفوووووووووووووووووووووووووز بنتيجه عالميه زي مباراه الاتحاد عندما لعب الفريق بروح وحماس دمر الاتي فمبالك بنادي الفقر وكلامك مثل العسل حلو مره يااعلامي ياسلامي عليك |
انا معاك ياخوي في نقطة شراحيلي ومعاك في نقطة خيرات بس مخالفك تمامآ في نقطة العتيبي عشان هاذي المباراه راح تكسبه الثقه وهو بصراحه يستاهلها تقبل مروري |
كلام جميل واتمنى من قريتس الاستمرااار ع اشراااك الدعيع مايحمله من خبره ويكفيك انه ديربي وان شاء الله يارب يارب يارب العالمين>>> ان الهلال يفووووز يوم اربوع <<< شكرا لك |
مباراة العتيبي000 واذكركم:smilie47: |
انا اخالفك اخوي النقطتين الاولات .. لايمكن ان نحمل الخسارة حسن خيرات او شراحيلي لان فارق امكانياتهم بسيطة بالنسبة لمن وضعوا بدلاء لهم ... صحيح لهم تأثير لــكن لانحملهم الخسارة بمجملها وبالنسبة للنقطة الاخيرة انا اوافقك الرأي تماما لسبب واحد انة محمد الدعيع ولايقارن بأي بديل مهما كان مجرد وجودة في خارطة الفريق ومن ضمن المشاركين ترهب النصراويين فما بالك عندما يواجهوة داخل ارضية الملعب فحتما سيدب الرعب في قلوبهم وخاصة انهم صغار بالسن ويواجهون لاعب بحجم وثقل الاخطبوط وجود الدعيع مهم في مباراه النصر ويعطي اطمئنان وراحة للاعبين من يوازيك ومن يساويك ياكامل الاوصاااف .. الله يخليك لنا يابو عبد العزيز |
ياناس قولو لجيريتس .. الله يستر بس ... أنا ودي ان الفريدي يكون بديل لنيفيز ، وخالد عزيز لازم يلعب من بداية المباراة ورادوي محور متقدم ، صدقوني نفوز بالراحة . |
آأإأآهــم شششي الحضـوووور ........~|| |
يعطيك ألعافيه أخوي ، :ga:والعتيبي مو ناقصه غير المشاركات ، ولو شفناه بالدوري / صدقني راح يثبت نفسـه وإن شاءالله راح يكون قدها ، موفق الزعيم الاربعاء يارب ونشـوف مجهود من اللاعبين كـُل ،وتفاءلوا بالخيـر تجدوه ُ ،:rose:، |
بسم الله الرحمن الرحيم بالنسبه لكلامك عن حسن العتيبي فالطبع لو كنا واقعيين فالعتيبي ليس بمستوىا حارس القرن الدعيع !! ولاكن هذا لا يخفي أبداع وتآلق حارسنا حسن بالتوفيق للزعيم في مباراة الاربعاء وتفائل بالخير ولا تتشائم علىا الزعيم يا زعيم ....} |
بأذن الله مبآرآة العتيبي وكل اللآعبين قد المسؤليه على أنٌي أثق أن الدعيع له ثقله بالحراسه >> في مهآجمين من الربكه يضيعون الهجمه بس وش نسوي دآمهآ سياسة مدرب أن شآءالله خيره |
إقتباس:
وانا احس نفس الاحساس وآن شاء الله يكون قد التوقعات :smilie47: |
العتيبي حارس كبير وبإذن الله الفوز هلالي |
كلام صحيح 100% وموضوع في قمة الروعه وفقك الله أخي :s13s صحيح جيرتس مدرب عالمي وصارم بس المشكله الكبرى عنده العناد بالمباريات الهامه وكل هذا على حساب الزعيم أتمنى يشارك الدعيع في مباراة الأربعاء لصعوبته ولي مايمثله الدعيع من ثقل بالحراسة الهلاليه:alzaeem: |
اقول عاد ماهنا فرق بين الدعيع وحسن ويكون في علمكم حسن جاي قبل الدعيع وماخذين معه كم اسيويه يعني كلهم كبار والكبير الله مجازفته بـ حسسسن احس عـآدي جد !! |
اتمنى المدرب يبدأ بهذي التشكيله الدعيع الزوري المرشدي هوساوي لي عزيز رادوي الشلهوب نيفيز ولـي ياسر واهم شي ينزل عزيز لا يلعب الفريدي من البدايه ويخلي رآدوي مكان الفريدي ويشوووت عليهم الين يقول بس ويخلي عزيز لتغطية الهجمات المرتده وبإن الله راح نفوووز |
اصلن الي درب الاولمبي كاس فيصل بتير مومارت مو جيرتس جيرتس صح كان قاعد بدكه الاحتياط لاكن يساعد بيتر |
إقتباس:
|
كلام عين العقل ولا يختلف عليه اثناان ونشاء الله ثقتنا كبيره في المدرب الكبير ولاننسى انه كبير يعني يعرف وش يسوي تحياتي وحترامي على هذا الموضوع القيم يا خي العزيز |
كلام جميل واتمنى من قريتس الاستمرااار ع اشراااك الدعيع مايحمله من خبره ويكفيك انه ديربي وبالتوفيق للزعيم |
.. ليس هناكـ أن تغيير مفاجئ للتشكيلة ..! الكابتن حسن .. هو الحارس الأساسي منذ إنطلاقة البطولة من أمام الفيصلي .. .. و أنا أراهن على تألق حسن .. :rose: .. |
كلامك صح ان شاء الله يكون عند حراسة المرمى حسن العتيبي مع انو شراحيلي لاعب ممتاز بس مايصلح يلعب الا في الاولمبي وان شاء الله بعد مايبدل المرشدي ويااااااارب الفوز هلالي |
المدرب قريتس مدرب أعداد وليس مدرب تكتيك مثل كوزمين والأدلة كثيرة خصوصا في المباريات المهمة والصعبة والله يستر من التخبطات |
قريتس الحين ما غير الا الحارس والحارس عادي ما يضر ع التشكيليه مثل ماجد المرشدي يعني كل النجوم مشاركين بستثنـا الدعيع وانا ارى من وجه نظري ان اللي يقوم به المدرب صحيح وتفكيره يعجبني المهم الفوز ان شاء الله من نصيب الزعيم بشرط؟؟؟؟؟؟؟؟ اول ربع ساعه مايدخل فينا هدف وبعدها الفوز هلالي تحياتي :) |
عن نفسي اثق في المدرب ثقة تامة واعتقد انه يعمل وفق منهجية تضمن للفريق استقراره وجاهزيته لموسم طويل واستحقاقات كثيرة قادمة كل لاعب له مخزون لياقي ان تم انهاكه سيكون التاثير سلبي على الفريق في اخر الموسم وخصوصا الاسيوية لهالسبب احب اكون متفرج على عمله حتى ينتهي الموسم .. ونتائج الفريق في نهاية الموسم هي التي ستحدد قيمة العمل الذي قام به ومدى صحة تعامله مع الفريق طوال الموسم |
اخوووي سبق ونزلوا موضوع وقالوا لاتقولون اسباب الخساره عشان مايستفيد الخصم |
الدعيع ماشاءالله صعب احد يغطي عليه لاكن العتيبي مبدع بصراحه وجميع المباريات اللي شارك فيها قدم فيها مستوى روعه انا اتمنى انه يكون حارس الزعيم في هذي البطوله |
والله عندي كلها واحد يحرس الدعيع او العتيبي بس بصراحه التغير في التشكيله تسبب لنا (قلق) لكن ان شاء الله يكون حسن كالعاده متألق اهم شي الحضور + عدم السخريه او الثقه المفرطه والمبالغه فيها صراحه كلام سليم ورد سليم وانا معكم |
اول شي الحمد لله تفعلت عضويتي وهذي اول مشاركة لي وتعليقي على موضوعك إن حسن العتيبي متحمس يبغى يثبت نفسه بإي طريقه للأدارة الهلالية عشان يجددون عقده فأتوقع المدرب لما شاف مستواه مع الفريق الاولمبي ماحس فيه خطر لو يلعب مع الفريق الاول ويثبت وجوده وإن شاء الله يلعب الاربعاء ويبدع ويخدمنا مثل ماخدمنا الدعيع واكثر إن شاء الله وبالتوفيق لنا إن شاء الله في كل البطولات وتوقعاتي للمباراة إن شاء الله 2/0 ومايهمني من يسجل لو يسجل حسن العتيبي ههههههه |
اتوقع راح تكون مبارة حسن العتيبي بس انتم عطوه فرصه وإن شاء الله يبدع وبتوفيق للزعيم امام نادي الفقر |
كلام منطقي ورائع واهنيك على الطرح.......... بالتوفيق للزعيم..... جيريتسI LOVE YOU:ba::ba::ba: |
اتمنى ان يشرك الدعيع لانقلل من العتيبي لكن مباراه حساسه واهم شي من لاعبينا التركيز في اول ربع ساعه اهم ربع ساعه من المباراه بالتوفيق للزعيم |
مشكووووووووووورين على الردود لي عوده تحياتي |
جيريتـس ناااوي لهــم ع نيــه:naughty: واللــه يووفق الهلآل ويتأهــل:ba1::ba: |
الله يوفق الزعيم يوم الأربعاء.... وبالتوفيق لحسن يوم الأربعاء,.... لااله الاأنت سبحانك أني كنت من الظالمين |
اسمح لي اخوي .. تغيير عنصر او اثنين بالفريق مهما كانوا و مهما كانت الاسباب لا يمكن ان يؤثر على اداء الفريق خسرنا امام الشباب بالنهائي بسبب اداء الثلاثي المتواضع الزوري و الشلهوب و الغامدي .. و خسرنا من النصر لأن الفريق بأكمله لم يظهر بمستواه او حتى نصفه !! تقبل تحياتي و شكري |
للمرة المليون لازم نتاكد من الحارس الاحتياطي انه تمام باذن الله والعتيبي كان حارس الهلال الاساسي ـأأأأأأأأأأأأأأأأأأأأأأأأأأأأأأأأأأأأأأأأأأأأأأألف شكر |
على ان يلعب المدرب الدعيع الزوري مرشدي هوساوي الكوري رادوي الفريدي ويلي نيفز عيسى المحياني ياسر القحطاني بشرط ان لايكون هناك ثقه مفرطه ولاكن ان يكون هناك تهيئه نفسيه من قبل الجهاز الاداري وبث روح الحماس والقتاليه بالميدان واضمن لكم الفوووووووووووووووووووووووووز بنتيجه عالميه زي مباراه الاتحاد عندما لعب الفريق بروح وحماس دمر الاتي فمبالك بنادي الفقر |
يــا إخواني جريتس يتبع الطريق ـــه الاوروبيــــه الحارس الاول : للــــــدوري و الحارس الثاني : للكـــــأس |
انا اصلا اول ماشفت ماجد المرشدي ماهو في مباراة النصر بالدوري :yes:قلت 70 % بنخسر لانه له تأثير والله يوفق حسن العتيبي وانشالله هو قدها |
جريتس كبير لاكن اخطاءه بالدفاع و العتيبي كبير قدام الرائد وهذي الانديه و المفروض الدعيع اساسي في المباريات الصعبه اما اذا هزمنا النصر ما يشارك الدعيع في نصف النهائي لاننا بنباري الفايز من مباراة الانصار و نجران بالتوفيق للزعيم |
طيب خسرنا المباراة الماضيه بوجود الدعيع المهم اعادة الروح وعدم الاستهتار بفريق النصر نعم هم تجميع من منسقى الفرق ولاعبي الدرجة الاولى لكن احترام الخصم مهم والعتيبي افضل حاليا بمراحل من الدعيع ماضى الدعيع شاهدله على التميز عالميا لكن دوام الحال من المحال |
أهم شي آلحضضضضضور ثم آلحضو ثم آلحضو وآلله يكتب آللي فيه آلخير لنآ : يآرب وفق آلزعيم فوق كل أرض وتحت كل سسسسسسمآء |
رأي الدعيع يا أخوان تسجل فيه هدفين من النصر مااقدر أقول الا أنها سخيفه ومادري وش يصير للدعيع في مباريات النصر أهداف ترفع الضغط |
وجه نظرك معقوله ولكن مااشوف فيه اشكال من التغيير فالعتيبي كويس تحيه |
والله انا كنت ابحضر المباراه بس يوم دريت ان العتيبي الحارس ... قلت سلااااااااااااااااااااااااام والله يستر ويوفق الزعيم .. |
العتيبي كبيير... وراح يكون قدها وقدود.. ؛؛؛ ثانكس على الموضوع بالتوفيق للزعيم.. |
يارجال النصر لعب معانا بالعنزي وماعنده مشاكل !! الفوز يحتاج للعزيمه والاصرار واستغلال الفوارق في الامكانات داخل الميدان وتوفيق من ربك |
كلام صحيح ولاتنسى استبعاد الفريدي من بدايه الدور الثاني اايش المشكله مدري المدرب قام يتخبط الله يستر |
ماسمعتوا كلمة اسمه هلالي وبس |
إقتباس:
والعتيبي بعد فيه الخير والبركه بس الدعيع غير انه مبدعُ وجود اسمه ب التشكيله بحد ذاته قوه (: |
كل لاعبين الهلال فيهم الخير والبركه لاكن يا اخي لا تحمل شراحيلي ولا خيرات الخساره لان الخساره وارده مهما كان اللاعب وانا ارى ان خيرات وشراحيلي قادمين وبقوة للنجوميه خدمة ناديهم وشكرا |
لتصحيح ياخوي ترا مباراتنا مع الشباب كاس الأمير فيصل المدرب ما كان جرتس يعني جريتس ماله دخل جرتس له دخل بالفريق الأول بس تقبل مروري |
بكره مبارات حسن إذا اثبت نفسه جددو معه ولى يروح الله يستر عليه نبي حراس شباب |
بالتوفيق لنادي القرن _ الي بيفوز سواء من الهلال او النصر سيحقق الكأس وبإذن الله الهلال يفوز ويحقق الكأس _ |
| الوقت المعتمد في المنتدى بتوقيت جرينتش +3.
الوقت الان » 09:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd