السلام عليكم يازعماء


أتمنى قراءة الموضوع بهدوء لفهمه وأخذه على
محمل الجد وإللي مستعجل يقرئه بعدين
الموضوع مجرد فكرة






موضوعي عبارة عن مصدر دخل جديد
ما هو محتاج شي بس(أغرف من هالفلوس)وأمشي
لا تنتظرون دفعات الشريك الرسمي ولو قيمة النقل التلفزيوني



والله إني حسبتها بالحاسبة حق الجوال
وربي أن حاسبة الجوال عاقت معاه الحسبة ولا قدر يطلع الناتج
من كبرة
يطلع لي يقول(الرقم كبير)>>>>>>لا تشرهون عليه جوال الدمعة
صدقوني لو صار هالشي

ابشروا باحلى استاد مو ملعب للهلال
ابشروا بالاعب إللي ودكم فيه


نبدأ بسم الله الموضوع بصراحة هو






قبل كم أسبوع كنت أتابع سباق كأس ولي العهد
للفروسية هذا إللي في توقيعي
المهم وفجأة سبحان الله طلعت في رأسي فكرة
وقلت في نفسي ليه مايكون لنادي الهلال إسطبل خيل؟
اتوقع انكم بتضحكون بعد هالفكرة
لكن كملوا قراءة الموضوع
7
7
سبب تفكيري بهذا الشي أنه الشركات العالمية
وإللي يملكها رجال الأعمال في أوروبا وأمريكا الشمالية واستراليا

شركاتهم تمتلك إسطبلات للخيل تشارك في أكثر
من سباق في أوروبا وبعد البحث والتمحيص
اكتشفت إن ملاك هذي الإسطبلات ماكونوا
إسطبلات لأنهم يعشقون الخيل>>>>>>>>>>يعني مو علشان سواد عيونهم



وهنا كانت المفاجأة






الغرض من الإسطبلات هذي أنهم يحافظون من خلالها على استقرار شركاتهم





بتقولون لي كيف؟






اسعار الخيل هذي الأيام غالية ومرتفعه والجوائز
إللي تحطها الشركات الراعية لأشواط السباقات
تحط أرقام خيالية على الجوائز للخيل الفائزة



وهذا الشي كان دافع لرجال الأعمال أنهم يستفيدون من هذي الجوائز في جمع مبالغ مالية من خلال فوز خيلهم
في هذه السباقات في المحافظة على
استقرار وسمعة شركاتهم في حالة حدوث أي مشكلة مالية
(يشترون المهر وعمره 6 او 7 أشهر ويكون سعره بتراب الفلوس ويدربونه )






بتقولون لي شلون؟

اسمحوا لي اشرح لكم بإختصار
مجال الربح في عالم الخيل
عبارة عن ثلاثة:
1)سباقات الخيل
2)التلقيح
3)المزاد

السباقات
بعطيكم مثال ( هذا المثال موجود في السعودية كمان(ثلاثة اسطبلات تقريبا) وبعض دول الخليج مثل قطر والإمارات

هي عبارة عن حركة حلوة رجال الأعمال يسوونها علشان مايخسرون فلوس كثير ويكون الربح أكثر لاحظتها من خلال
متابعتي للمزادات في أوروبا
أنهم يشترون المهر وهو صغير(6 أو 7 أشهر)

ويشترونه بتراب الفلوس وقتها سعره بيكون
تقريبا 1500 دولار ويدربونه وأول مايصير عمره سنتين
يبدون يخلونه يشارك في السباقات وكلها كم سنة والحصان مجمع لمالكه تقريبا 5000000 ملايين دولار
ثم يعرضه في المزاد ويصك لك الربع مليار بالراحة


(هذي الحركة كثييييييييييييييييييييييييييييييييييييييييييير في أوروبا)



رجاء ركزوا في الحسبة الجاي وشوفوا الفريق كم ممكن يربح




يعني لو قلنا بحسبه بسيطة لو الأسطبل الواحد فيه 30 مهر
المهر الواحد عمره تقريبا في مضمار السباق 12 سنة
وحقق مثلا سبعة انتصارات ومتوسط الجوائز
في سباقات العالم هو 1000000مليون دولار
هذي 7ملايين


7x30=210 000000


مئتين وعشرة ملايين دولار راح تدخل لخزينة النادي سنويا

مئتين وعشرة مليون والاسطبل مافيه إلا 30 راس خيل
فكيف لو كان الاسطبل فيه 300 أو 400 رأس

لاتحسبون ولا شي بيطلع وصلوا على النبي

الناتج

2100,000,000


أثنين مليار دولا ومئتين مليون
تخيلوا هذا المبلغ يدخل لخزينة النادي سنويا

التلقيح
لو كان الإسطبل فيه فحل نسله ممتاز
التلقيح طال عمركم للفرس الوحدة هذي حسبه ثانية


المزاد
لو في مثلا حصانين يعتبرون ابطال حقق كل واحد فيهم
5 انتصارات وقررت الإدارة أنها تبيعهم
في المزاد الرأس الواحد عليه ربع مليار وهذا شي شفته
بعيني على قناة دبي الرياضية
في مزاد في بريطانيا



يازعماء



نادي الهلال حاليا يحتاج لأكثر من باب استثمار
علشان يقدر يغطي مصاريف تجديد العقود ورواتب اللاعبيين
والبدأ في مشروع الحلم أستاد الهلال
وغيرها وغيرها وغيرها.....................الخ

الإدارة حاليا تعتمد
أعضاء الشرف
دفعات الشريك الرسمي موبايلي
حقوق النقل التلفزيوني

وحتى لو كان دعمهم سخي ما راح يغطي احتياجات الفريق لدرجة
تسمح للإدارة انها تبدأ في مشروع أستاد الهلال مثلا


فكروا معاي يازعماء لو للفريق اسطبل خيل يشارك في سباقات أوروبا>>>>>>>>>لأن السعودية قيمة جوائزها منخفضة

صدقوني بيصير للنادي دخل ثابت تقدر الإدارة من خلالة أنها تغطي
مصاريف رواتب اللاعبيين
وتجديد العقود
وبيصير المجال مفتوح أنها تستفيد من السيولة المالية

ووقتها ماراح يكون فيه خوف أن الإداراة تواجه أزمة مالية
وبتكون قادرة أنها تبدأ في مشروع استاد الزعيم


وهي متطمنه انه لو المشروع احتاج دعم مالي الدعم وقتها موجود
ولو الفريق احتاج لدعم نفس الشي مافيه خوف لانه الدعم كمان موجود


بتقولون ماعندنا أحد يفهم في الخيل

بقولكم بالعكس ثلاثة ارباع اعضاء شرف النادي
ملاك خيل وأحسن ناس تفهم فيها
1)الوليد بن طلال(اسطبلين)
2)الأمير بندر بن محمد والأمير سلطان بن محمد
(أفضل إسطبل في المملكة ويشبه الهلال من ناحية عدد البطولات)
3)الأمير نواف بن محمد

هذا غير أن الأمير عبد الرحمن بن مساعد
والأمير عبد الله بن مساعد
يعتبرون من عشاق الخيل
وسبق وأن شفتهم في أكثر من مناسبة



الخلاصة:

لو كان للنادي اسطبل للخيل في أحد الدول الأوروبية
سيكون بمثابة البنك وصمام الأمن للفريق
لأنه أفضل مصدر ربح ممكن إداراة النادي تستفيد منه
وتحافظ على استقرار النادي
الأن أو حتى عندما تتم خصخصة الأندية
أتمنى أن يؤخذ هذا الأمر على محمل الجد
وهذة ستكون المبادرة الأولى من نوعها




هو عبارة عن فكر أحببت أن تشاركوني فيها




أختكم:وسن الهلالية

مصدر دخل مميز بيكون لو طبق لكن اتوووقع انه من الصعب تتطبيقه

إقتباس الرسالة الأصلية كتبت بواسطة الصخره 16 مصدر دخل مميز بيكون لو طبق لكن اتوووقع انه من الصعب تتطبيقه

صعب لكنه ممكن
اشكر مرورك اخوي

موضوع جدا جدا راااائعه صراحه عين العقل

والله بيكون دخل النادي مليارااااااااااااااااات

وارجع واقول اهنيك ماشاء الله على الطرح

إقتباس الرسالة الأصلية كتبت بواسطة كنعان آسيا موضوع جدا جدا راااائعه صراحه عين العقل والله بيكون دخل النادي مليارااااااااااااااااات وارجع واقول اهنيك ماشاء الله على الطرح

اشكر مرورك اخوي
على موضوعي المتواضع

إقتباس الرسالة الأصلية كتبت بواسطة دوم مبسوطه فكررره خطيره لكن هينـآ سؤال هل ستصل الفكره للمسؤلين عن النادي ..!! وهل ستطبق الفكره ..!! همسه <<~ لا اله الا الله على هالمخ يعطيك العافية وسن

اشكر مرورك وهذي شهادة اعتز فيها

إقتباس الرسالة الأصلية كتبت بواسطة мя.єтiкaтє موضوع رائع جدا وتسلسل اروع في طرح الافكار و اتمنى ان يصل الموضوع لاصحاب الخبرة في الخيول من اعضاء شرف النادي لان الموضوع حسب كلامك فيه مكاسب كبيرة للهلال معقولة الحسبة صح لان المبلغ اكثر من ميزانية بعض الدول الف شكر على الطرح دمتمـ بـ زعامة мя.єтiкaтє

نقول يارب توصل

الحسبه انا اجتهدت فيها يمكن تطلع صح ويمكن
يكون فيها بعض الخلل

ما اتوقع شكلك مبالغ ...!!


يعني هالحركات تبي تمر من عبد الله بن مساعد ..!!




وومكن بس ما رااح يطبقووونه
صعبه وفيه مغامره ...!!

إقتباس الرسالة الأصلية كتبت بواسطة فارس البواردي ما اتوقع شكلك مبالغ ...!! يعني هالحركات تبي تمر من عبد الله بن مساعد ..!! وومكن بس ما رااح يطبقووونه صعبه وفيه مغامره ...!!

ترى الحسبه يمكن ماتكون دقيقة مرررررره لاني بصراحة اجتهدت فيها

هو صعب لكنه ممكن

::

عفوآ الحسبة ماهي كذا

الخيل لايمكن يدخل أكثر من سباقين سنويا
وللخيل فارس ومدرب
وللخيل مصاريف أكل وشرب ورعاية وعلاج إن لزم الأمر

أخاف أطول ماتقرين الرد

باختصار الأرباح لاتغطي المصاريف في الخيول
يعني الهلال مثلا بطل الدوري وكأس فيصل وولي العهد وكأس الأبطال
مكافآتها هالبطولات مجتمعة جميعا ماتغطي رواتب ويلي و ايريك غريتس
فما بالك رواتب البقية ومقدمات عقودهم فضلا
هذا غير مكافآت الفوز
الخيل في السعودية والعالم لاينجح فيها إلا فقط
من يكون الاسطبل ويحافظ عليه ويدعمه لأنه عاشق
لا يوجد في العالم حسب علمي اسطبل تجاري
جميع الاسطبلات ملكية فردية لرجال أعمال
نشاطهم الأساسي في غير تجارة الخيول

بالتوفيق

×

إقتباس الرسالة الأصلية كتبت بواسطة العسيماوي :: عفوآ الحسبة ماهي كذا الخيل لايمكن يدخل أكثر من سباقين سنويا وللخيل فارس ومدرب وللخيل مصاريف أكل وشرب ورعاية وعلاج إن لزم الأمر أخاف أطول ماتقرين الرد باختصار الأرباح لاتغطي المصاريف في الخيول يعني الهلال مثلا بطل الدوري وكأس فيصل وولي العهد وكأس الأبطال مكافآتها هالبطولات مجتمعة جميعا ماتغطي رواتب ويلي و ايريك غريتس فما بالك رواتب البقية ومقدمات عقودهم فضلا هذا غير مكافآت الفوز الخيل في السعودية والعالم لاينجح فيها إلا فقط من يكون الاسطبل ويحافظ عليه ويدعمه لأنه عاشق لا يوجد في العالم حسب علمي اسطبل تجاري جميع الاسطبلات ملكية فردية لرجال أعمال نشاطهم الأساسي في غير تجارة الخيول بالتوفيق ×

مساك الله بالخير أخوي
اسمح لي اصحح لك معلومة
الخيل ممكن تشارك في اكثر من مرة خلال الموسم
لانه يكون فيه مثل التصفيات وتاهل للكوؤس الكبرى هذا شي

هو بتصير مصاريف لو كانت الخيل تتنقل من مكات لآخر
ولو تلاحظ أتني قلت في احد سباقات اوروبا يعني يكون
هناك المقر ومايكون فيه داعي انه يتنقلون علشان المصاريف

بعدين اخوي مااتوقع ان 10000000 راح تصرف على اكل وشر ورعاية
وعلاج ورواتب موظفين معقولة كلها راح تصرف
ماتوصل المصاريف لهدرجة
الشي الثاني أخوي

أنا قلت انه لازم يمسكه احد عشاق الخيل
وهم كثير بين اعضاء شرف النادي
وعلشان كذا انا اتوقع له النجاح لو صار


اشكرك على مرورك وردك هو راي احترمه واقدرة

ترى الملاك العالميين اللي تتكلمين عنهم اكثر الدخل مو من الخيل او جوائز المسابقة

الدعوى اكثرها مراهناااااااات او اغلبهاا