السلام عليكم ورحمة الله وبركاته

ياياسر الجمهور ينتظر مستواك الحقيقي اللي ماظهر الى الان واللي قدمته قدام الاتفاق جزء بسيط من مستواك

المعتاد وبصراحة تعبنا من موال سحب المدافعين ماننكر انك بذلت مجهود كبير بس نتمنى يرجع القحطاني موسيقار

زمانك وزماني يرجع مرعب الحراس مو ياسر اللي يسحب المدافعين لاننا عرفناك تهز الشباك

كتبت الموضوع لاني تذكرت مستواك الخرافي في الموسم قبل الماضي لما كنت ترمومتر الفريق ومباراة الفيصلي

بالذات جمهور الزعيم اكيد ماينسى الفاول اللي سجلته عليهم قبل موسمين في المجمعة في تهاية المباراة

وجمع بين الروعة والجمال وحسم النقاط الثلاث للفريق

الكلام مو معناه ان ابو عبدالعزيز ماخدم الفريق بالعكس نقدر خدمته للفريق وتفانيه وروحه العالية في كل المباريات

بس الكل يتمنى يشوف اهدافه الرائعة وبالتوفيق له ولجميع اللاعبين

مادام الكلام عن الهجوم في المباريات الاخيرة شارك عيسى المحياني مع ياسر في خط المقدمة بس صراحة ماعرفت

من لاعب الصندوق من المهاجم الثاني اتمنى من المدرب يثبت واحد منهم في المنطقة لانه في كورة شدتني في

مباراة الاتفاق وهي رمية تماس للهلال لعبها ياسر للمحياني ورجعت لياسر على الطرف ويبغى يعرض الكورة

في المنطقة ومافي احد تعرض لمين والمهاجمين برى المنطقة

خاتمة/ البعض بيقول الفريق قاعد يقدم مستوى هالكلام على العين والراس بس قدر الزعيم ان جمهوره طماع

ويطالب بالمزيد ولايشبع بطولات وهذا سر الزعامة وتقبلوا خالص تحياتي