عرض خاااااااص ((اشتري اثنين بدبل السعر مرتين..!!)) - صفحة رقم 2 - نادي الهلال السعودي - شبكة الزعيم

الزعيييييييييييييييم · #1 03/02/2010, 11:22 PM

أهلييييين بالابضايات ..<<< مدري قد احد قالها والا لا اخاف يقولون يقلد ..

من زمان عنكم .. اشتقنالنا ..

ندخل في الموضوع سييييده الين مايجيك حرف T ..

وهو قصتي من العرض المجاني وتدبيل السعر ..

اخليكم مع التقرير الصحفي التالي ..

كتب الزعيييييييييييييم - شبكة الزعيم - الرياض
اكتشفت شبكة الزعيم تلاعباً واضحاً وفاضحاً في احد الاسواق الشهيره بالرياض - تحتفظ شبكة الزعيم باسمه - حيث انه يقع على طريق الملك فهد مقابل الفيصلية مباشرة

وتحكى القصة ان .............

تدرون خلونا بالعامية ازين ..

مره من المراير وانا رايح للسوبر ماركت رايح اشتري لي تويكس (سويت دعاية

)
وانا ماشي لقسم الشوكلاته ادور كيسة (لواحد مش لاثنين

) والقى كيستين ملزقتين مع بعض ..

مع تخفيض خمسطعش% ..

واااو نااايس ..

وقبل لا اخذ الكيسه اشوف سعر الكيس 10 ريال ..

واخذ الاثنين مع تخفيض 15 بالمية ..
واروح للمحاسب ويصير الحساب 25 ريال ..

وش هالتلاعب ..

واتعدى المحاسب ويجيني الهام يقول ارجع ..

يالحبيب .. الحين هالتويكس كيسته الوحدة بعشرة .. والثنتين عليها تخفيض وتخلونه 25 ريال ..!؟
يعني لو اخذ كيستين بدون تخفيض تصير 20 ريال..

المحاسب قالي رح لبلال ..
يابلال وين بلال ..
هاي بلال قاعد اكلم بلال .. وهو انلخم وما عرف وش يقول
قالي خلاص جب الفاتورة ومدري ايش خذ لك تويكس ثاني

رحت لمكان التويكس مرة ثانية .. والاقي المدير المصري
قلت له السلام عليكم .. لو سمحت اخوي هذا التويكس عليه تخفيض 15%
والواحد بـ10 ريال .. والاثنين بـ25 ريال ..!
قالي لأ المفروض 15 ريال
قلت حسبها لي بـ25 ريال
قال ايوه .. اه .. ايه .. رح للماحسب
قلت وش محاسبه المحاسب قالي رح لبلال ومخليني قاعد اسوي دويرة عليكم ..!

قالي رح وانا جاي وراك ..
رحت والرجال يتسحب قلت له تعال تعال هنا ..
جا وقعد يطق طق في الجهاز ويقول اي والله 25 ريال ..!

أأأه .. يعني .. خلص العرض

..؟
طيب حتى لو خلص العرض بيصير بـ 20 ريال

..!

وهو على طول رجعلي فلوس وانحااااش ..

ولاكملت التحقيق معهم في هالتلاعب الكبير

..!!
المشكلة اذا صار الحساب 11.25 يقولك باقي ربع ..!!

ورحت مرة ثانية للتويكس ..

واخذت لي كيسه وحدة بعشره ريال ..

محور الموضوع
1/ما الحل مع هذه التلاعبات خصوصاً انها تتكرر كثير خصوصاً اذا كان فيه مقاضي كثيره ولاينتبه لها الناس ..؟!
2-لماذا دائماً تتكرر
3-ولما لايكون الخطأ في نقص السعر وليس زيادته..؟
4- ولماذا لايكون هنالك تدقيق ..؟!
5/اتحفونا بما عندكم عن هذا الموضوع ..

::أخوكم::