السلآم عليكم ورحمة الله وبركآتـه..!!
مبروك عليكم الدوري يـازعمآء وعقبال بآقي البطولات ان شالله ..!!
ننتقل للي صآر بين خالد وتركي..!!
دق الجوآل ويرفعه خالد وينآظر الا تركي اللي متصل ..خالد استغرب الاتصال الساعه 1 الظهر..!!
خالد:الو..هلا والله تركي..!!
تركي:هلابك شخبآرك وش مسوي..!!
خالد:بخير الله يسلمك علومك انت خير وش فيك..!!
تركي:عسآهـ دوم ان شالله انا تمام الحمدلله لكن بس بسألـك متى بتروح للملعب..؟..!!
خالـد.:اها...مآدري والله بس احتمال كبير اصلي العصر هنآك ..!!
تركي.:حلو حلو..لحظه خالـد شوي خلك معي ..
هآإهـ يآعيال وش رايكم تبون نحضر المبارات والتتويج..؟
العيال:والله قدآإم مآورانـآ شي..بس مو ناقصين زحمه ووجع رآس..!!
تركي:ايوه خالد معليش كنت اسأل العيال بس..!!
خالد:لاعآدي سم امر ..!!
تركي.:خالد الله لايهينك اذا طلعت الملعب وحصلت مكآن زيـن احجز لي انا والعيآل تقريباً عددنـا 8 اشخآص.!!
خالد:اوكيـه من عيوني..!!
ننتقل للملعب..!!
خـالد حصل مكآن بالواجهه وحجز 4 كرآسي يمينه و4 كرآسي يسآرهـ..""
والجمهور كل شوي داخل واحد يدور مكآن حلو مايحصل
ويلتفت للكرآسي اللي عند خالد وينبسط ويتوجه للكراسي بيجلس
الا خالد خآش في عينـه..!!
خالد:معليش يآخوي الكراسي محجوزآت..!!
المشجع:ياخوي جاي من بدري ع شآن احصل مكان حلو واخرتها محجوز..!!
ويروح المشجع ويصآدف انواع الكرآسي الفاضيـه لكن عند كل
مجموعة كرآسي يحصل عند الكراسي شخص مثل خالد وينجبر يروح
ورا المرمى ع شآن يلحق نفسه قبل تبدا المبآرآت ويتحسف ويقول بينه وبين نفسه
لو انا داري ماتعبت نفسي وجاي من العصر لو انا ادري باللي بيصير اجي قبل المبارات بـربع ساعه..!!
باقي عشر دقايق ع بداية المبارات..!!
خالد يرفع الجوال ويتصل على تركي..!!
خالد:هلا تركي يآخي وينك ماباقي الا عشر دقايق ع المبارات وانتم مابعد جيتو..؟
تركي:والله ياخالد برد وبعدين العيال قالو نشوفها بالاستراحـه احسن ..!!
خالد:يآخي مالك داعي توك تقولي وانا من اليوم حاجز لكم كراسي واذا جاء احد بيجلس اقوله محجوز..!!
تركي:عاد وش تبينا نسوي ..؟اذا جاك احد بيجلس خله يجلس ولاتقوله شي..!!
خالد:اوكيه اوكيه..يالله بآي..!!
خالد جلس والكراسي اللي عنده كلها فاضيه وهي بالواجهه...
والمشجع خوينا اللي ورا المرمىآ مره يشوف الملعب ومرهـ يرفع عينه ويشوف الواجهه وكان بنفسه انه بينهم ع شآن يشجع ويتحمس مع الجمهور لكن اشكال خالد خربو عليه..!!
والواجهه فيها انواع الفراغات............!!
طبعاً كلكم عرفتو باللي صآر بين خالد وتركي والمشجع..والله اليوم بالملعب فيه كثار من جمهور محجوز
الىآ درجه وانا جآلس ويساري فيه كراسي تقريباً9 كلها فاضيه وجاني واحد سألني قال محجوزآت ..؟
وانا اشوف اذا فيه احد معه ولاحصلت احد تابع له ..وسألته انت واحد بس قال لا اخويآي يبون يجون بعد المغرب قلت له فيه كرسي واحد تبيه اجلس فيه..؟وهو يروح..!!
انا والله سويت كذا مابي يحتكرها قلت اي احد بيجي يجلس حياهـ الله ..مو يجي واحد ويحتكرها ويحجزها واللي جايين بدري يتوهقون ويجلسون ورا المرمى..!!
الموضوع كتبته من شي شفته اليوم ودايم اشوفـه لكن اليوم والله انقهرت من بعض الاشكآل ..!!
همسه بأذن المشجع الهلالي..:تكفى بطل كلمة محجوز فيه الاف المشجعين غيرك يجون بدري ع شآن يجلسون بمكان واضح وزين ..!!
طبعاّ الاسآمي اللي انا مختاراها اسامي ثنين جالسين عندي
قلت اسمي عليهم ..!!
اسف ع الاطآلــه...
هلالي535
الوضع المتطور
