الف الف مبروك الفوز :$

قيقز نجم المباراة بلا منازع (L)

روني ضيع هجمه بغى يضيعنا معاها .. الحمدلله جا الفوز وتيفيز مسكين يكسر الخاطر هههه !

كنت خايف من سكولز هالمباراة لكن الحمدلله عدت ع خير !! وبيضها وجاب قول :$

كاريك اليوم راااايق واعجبني كثير من اروع المباريات لكاريك هالموسم


~~

اخر شي الحين مدري كيف حقين اليقا متحملين يوسف سيف
ضايق صدره قبل يجي الهدف مايبي اشواط اضافيه
يحطون الصورة ع سكولز يقول قيقز ويحطونها على ايفانز يقول رافا
ويقلع ابو سواليفه الساامجه ياشيخ !!

ويلا

برب

.


ايييه يا شيخ .. ترانا اليونايتد .. وهم السيتي ..!

مباراة روووعة .. ماتوقع فيه احد راح يقول مباراة مملة او ما استمتعت فيها وبالاثارة اللي صارت و السيناريو البطل اللي مشت عليه المباراة .. تبقى إثارة مباريات البريمر غير وربي غييييييييير

مجمل المباراة كنا افضل .. كنا اخطر خصوصاً بالشوط الثاني .. الشوط الاول الفريق كان سيء .. سيء بقووة .. السيتي كان اقرب للتسجيل .. الشوط الثاني اسفهل الفريق .. بس تبقى معضلتنا الدائمة .. تضييع الفرص السهلة ! .. يعني مثال بسيط فرصة روني و كاريك .. كلها بعد الـ 2-0 .. كانت تخلص المباراة .. بعدها تيفيز يسجل هدف رجعهم للمباراة .. و لولا توفيق ربي وهدف روني كنا بنتحسر على المباراة .. اوكي السيناريو بن كلب والفرحة غير بهالطريقة .. بس مو كل مرة راح تمشي معك هيك

مايك فيلان تكلم قبل اسبوعين عن هالنقطة .. يقول الفريق مشكلته باستثمار الفرص .. يقول تجينا فرص بالهبل في المباريات ونضيع كثير .. وهالشي احد اسباب تذبذب نتايج الفريق احياناً .. لما نقرى هالكلام ونتذكر مباريات زي تشلسي و بيرمنغهام مثلاً .. تتأكد من هالشي .. مباريات كنا افضل فيها ونضيع فرص ونخسر نقاط منها .. ان شاء الله يتعدل الوضع

عموما شي كويس المباراة ما وصلت الاشواط الاضافية وحنا ورانا متش ارسنال الاحد .. مع اني متأكد بنتأثر بدنيا يوم الاحد .. فيرغي رمى كل الاوراق ولعب بتشكيلة كاااملة تقريباً .. يمكن هذي تشكيلة مباراة الاحد .. ما عدا تغييرين شبه متوقعة .. فالنسيا بدال ناني .. اندرسون بدل سكولز .. ويمكن براون بدال رافائيل .. ولو ان تغيير رافا ممكن مؤشر على توفير الولد لتقفيط ارشافين .. واتوقع بارك بيكون بدال جيجز .. على طاري الراين .. يا عالم اللي يسويه هالولد مو طبيعي والله .. ماشاء الله تبارك الله .. شعور ماتدري شلون توصفه وانت تشوف لاعب بهالعمر يفك سبرنت بالدقيقة 88 مع ظهير شاب وقوي بدنياً زي ميكا ريتشاردز ويتفوق عليه .. لا خلا ولا عدم بس

سكولز - كاريك - فليتش .. سر غياب الفريق بالشوط الاول .. نفس هالثلاثي كانوا سر تفوقنا بالشوط الثاني .. وان شاء الله هالمجهود ما يأثر على الفريق يوم الأحـد .. اهم شي .. لو نشوف جدول المباريات اللي باقية لنا بالدوري .. اصعب المباريات المتبقية برى ملعبنا .. ارسنال .. الفيلانز .. السيتي .. فوز على ارسنال بالامارات يبي يفرق كثير .

مبروك مانشستراوية

إقتباس اخر شي الحين مدري كيف حقين اليقا متحملين يوسف سيف ضايق صدره قبل يجي الهدف مايبي اشواط اضافيه يحطون الصورة ع سكولز يقول قيقز ويحطونها على ايفانز يقول رافا ويقلع ابو سواليفه الساامجه ياشيخ !! ويلا برب

يا رجل .. اذا علق هو او ايمن مضيع الجادة .. معلق انجليزي مباشرة او اكتم الصوت ..

يالبى دراجي وعصام وبس

طبعا من معلقي الليغا خخخ

مبروك مانشستراوية

مبروك معلم حمادة

مبروك مانشستراويه هذا الفوز المستحق
اقسم بالله ان الشوط الاول جالس على اعصابي لكن الحمد لله الشوط الثاني
لعب مانشسترنا وكان ممكن تكون نتيجه كبيره لكن الحظ ضدنا



يالبيـــــــــه بس كنت متوقع ان الشوط الثاني غيــر
بس انك تظغط طوال 45 دقيقه اسمحلي قلة حيا ذي
انا هالحين مايهمني لو نخسر البطوله بس اهم شي دقينا روس المهايطيه


روني استمر استمر لاتوقف
مثل ماقال احمد سر تفوقنا ثلاث الوسط خصوصا الشوط الثاني

لي باك

عوافي

باك بعد ماشفت نتائج الدوري

حلو اليوم الارسنال تعثر بالتعادل

الترتيب




تشلسي باقي له مباراه مؤجله ومبارتنا مع الارسنال الاسبوع الجاي

يعني من الان اقلكم الدوري السنه ذي غير اكشن مو طبيعي

موفقين

معليش احمد زرفت الصوره بس والله مشوار ادور غيرها

اذا ظهرت روح مانشستر ما رح يوقف اي فريق قدامنا .. مبرووك الف الف مبرووك .. ولا عزاء للحاقدين

الفريق كله كان ممتاز من اول واحد الا اخر واحد .. ريو مستواه بططل واستعاد ايامه الجميله

روني - جيجز - ابو ساره - ايفرا - فليتشر - كاريك - سكولز - ناني - فالنسيا

الله يعطيكم العافيه .. امتعتونا واظهرتوا الوجه الحقيقي للمان

تبديل السير بإدخال فالنسيا مكان ناني ذكي لان فالنسيا جاي في وقت كان اللعب بطيء نسبياً ودخل انتونيو وحرك اللعب .

الله يديم علينا الفرحه .. Glory Glory man united

المباراه يبيلها تكتكه وتجميع صور وتضبيط افكار لان الحين وقت الاحتفال

^^

انت للحين علم نجران بتوقيعك ؟
شف الجماهير امس بس سمعا وطاعه كلهم للسير :$

~~

إقتباس ما عدا تغييرين شبه متوقعة .. فالنسيا بدال ناني

احمد :$
وش رايك بناني بالماتشين الاخيرات ؟

~~



اسمحولي !

دفاع المانيو بوجوده غير تنظيميا
اذا لعب فيدا وايفانس تحس اللعب تقفيط صح بس تحس انهم مطافيق شوي !
هذا ينظم لك الدفاع بس لو يخلي عنه حركاته البايخه مثل امس ضربته لتيفيز مالها داعي >_<


وين الارسنال وينه
هاتوووهـ

ما فيني حيل أهايط

.

إقتباس احمد :$ وش رايك بناني بالماتشين الاخيرات ؟

عزوز .. ناني رااائع لما يكون باليمين .. هالشي لاحظته من زمان .. الموسم اللي راح افضل مبارياته لما كان يلعب يمين .. مستواه يفرق كثير لما يكون جناح ايمن .. لما يكون على اليسار يعك اكثر .. يلف ويدور ولا جت على رجله اليمين رفع

بس تدري وش المشكلة ؟! .. فيرغي ما اكتشف هالشي الا متأخر .. وفي عز إبداعات فالنسيا اللي اشوفه مأدي اللي عليه و زيادة .. طبعا انا قلت فالنسيا بدال ناني قدام ارسنال لسببين .. الاول ناني لعب مباراتين ورى بعض + فالنسيا هو الجناح المفضل على اليمين

اتمنى يستمر ناني على هالمستوى .. واتمنى من السير يسوي مداورة بينه وبين فالنسيا على هالمركز .. بتصير فيه منافسة بينهم والفريق هو الكسبان من هالشي بكل تأكيد .. اهم شي يستمر ناني .. ويترك الفلسفة عنه شوي بس

----------------

عبدالله .. بدري على الهياط هالسنة .. هالموسم شكل فيرغي ناااوي يغير بـ السيناريو شوي ههههههههه .. شكله يبي يجيب الدوري باخر جولة .. فلا تستعجل على رزقك يرجعون الافريقيين وتدجون ان شاء الله خخخخ

بعدين ليه ما تغير العنوان ياخي لمتى وانا باقولك خخخخ

بالتوفيق للمان يونايتد

الله يعطيكم الف عااافيه
ومشكوووررررر

إقتباس ما فيني حيل أهايط

ابو عابد +5 و +3 خلاص روح زمنها
قايل لكم الدوري هالسنه اكشن مو طبيعي
اتوقع ماراح يحسم الا بأخر جولتين
ننتظر مبارتنا مع الارسنال
,’

وشسمه بالنسبه لـ ناني بالفتره الحاليه اشوف انه جيد
بس مثل ماقلت احمد لو يترك الفلسفه شوي
شفنا امس كاريك وسكولز اي فرصه قدام الباب على طول يشوتون
لكن ناني بهجمتين تفلسف شوي .. مع انه مستواه تمام امس وعاجبني
واتمنى من السير يستمر بادخاله بالتشكيله الاساسيه

وو ماتلاحظون شي امس ناني .. يقلد كريس بالجزمات ..(الله يكرمكم)
رونالدو ضد ملقا كان لابس لونها اصفر وامس ناني اصفر

برب

انتظر التقديم الجديد ..رابطة الارسنال

رسمياً

ايقاف ريو فيرديناند أربع مباريات



اصدر اتحاد كرة القدم قرار بإيقاف اللاعب الانجليزي ريو فيرديناند اربع مبارايات بتهمة السلوك العنيف .
وبذلك سيغيب فيرديناند عن مباريات ( آرسنال - بورتسموث - أستون فيلا - ايفرتون ) .

Manutd.com
Thefa.com

88

شي متوقع الصراحه !! الريو كان يستاهل الطرد بلكمتة لتيفيز واتوقع لو انطرد ممكن تخف العقوبه لو انطرد جينها !!

هدف تيفيز روعه صراحه واكد انه متخصص ضد المانيو شخصية البطل هي الي ظهرت في الديربي !!



لا غياب الافارقه آثر وين الي الي قال ان تشيلسي بيخبط بغياب الافارقه ؟

.



مابي مابي مابي مابي .. اتحاد مانشستراوي .. يستاهل الايقاف .. بس اربع مباريات كثيرة ! .. مباراتين وتخب .. مشكلة كذا .. راح يغيب عن ارسنال - الفيلانز - التوفيز .. و الثلاث مباريات كلهن اواي !! .. ميزة ريو اللي تفرق عنه وعن باقي مدافعينا انه هجوميا يجي منه بغض النظر على تنظيمه الدفاعي للفريق .. يقدر يبني هجمه بعكس الباقين .. بنفقده بقووهـ .. !

-------------------------------


توزيتش راح إعارة لآخر الموسم لـ فريق كولن الالماني .. طبعا مع امكانية الشراء الظاهر بـ 5 ملايين .. مع ان اللاعب مصرح انه يبي يرجع للمانيو ويحاول يحجز مركز اساسي .. مدري بس اشوفه اكثر لاعب انظلم من الشباب .. ما لعب كثير مع الفريق الاول .. مع انه كان يأدي افضل من كثيير منهم

--------------------------

ارسناليّة .. وش وضع الإصابات عندكم ؟ .. ادواردو و فيرمالين بالذات .. ولو ان بنتنر بيكون افضل من الكرواتي كثيييير .

إقتباس الرسالة الأصلية كتبت بواسطة ابوخالد-20 88لا غياب الافارقه آثر وين الي الي قال ان تشيلسي بيخبط بغياب الافارقه ؟

اللي واضح انكم ما لعبتوا الا مباراتين بس بدون الافارقه و كلها على ملعبكم

إقتباس الرسالة الأصلية كتبت بواسطة MANU10 انتظر التقديم الجديد ..رابطة الارسنال

حسب الجدول واضح اننا سحبنا على التقديم اللي المفروض علينا الجوله الماضيه

و أعتذر عن هذا الخلل لكن مدري وش وضع هالجوله التقديم على من ؟!


بالنسبه لـ اصاباتنا ادواردو موب لاعب قدام المانيو و فيرمالين 90 % موب لاعب بعد لكن سونغ بـ يرجع