لاعب هلالي أسرع من الكورة .!! ولاعب آخر يجعلني أصوم 3 أيام ,, والرائد يتوعد الهلال بـ ,,,
السلام عليكم
عندي 3 نقاط بتكلم فيها وبإختصار لاني أتقهوى والقهوة أفضل صديق وحبيب وقريب لي .. يالبى اللي اخترع القهوة قسم بالله انه يسوى عصابة لجنة الإنضباط كلهم
المهم ,, بكرا مباراة الهلال مع الرائد والرائد الآن بدأ مرحلة الخطر والهبوط لذلك كل مباراة تعني له حياة أو موت وجماهير الهلال بكثافتها وحضورها وتفاعلها ستحبط هذا التحفز من لاعبي الرائد , ناهيك ان الهلال ولاعبيه وإدارته وجهاز الفني يتمنى حضور جماهير الهلال لدعم الفريق في أهم المراحل ,, فياجماهير الهلال قدمو لهلالكم ماهو منتظر منكم وحضوركم ليس به منة , فالهلال يقدم المسوى الرائع والأهداف والمتعة وقريب من تحقيق الدوري بشرط الفوز ولايتحقق الفوز الا بأمر الله ثم جهد اللاعبين وجهد اللاعبين نحن الوقود الحقيقي لهم ( طبعاً 95 ) .
لانريد من الجمهور التكاسل بحجة ان الدوري قريب .!! فكما كان الشباب قريب جداً ومطارد عنيد الا ان ظروف الإصابات داهمته وتراجع مستواه وفقد الكثير من النقاط .. والهلال معرض (لاقدر الله ) لنفس الأمر ,, والأفضل حضورنا بكثافة ودعم الفريق ليحصد النقاط قبل حدوث أي ظرف طارئ ,, والفائدة الأكبر بوجهة نظري الشخصية هو تفرغ الهلال لطولة ولي العهد وكأس آسيا مبكراً .. فالفريق يحتاج الى تركيز في مباريات خروج المغلوب ولايتحقق الا بضمان الدوري مبكراً ,, لهذا السبب حضورنا مهم .. ويالله عاد شدو الهمة وانا بكون معكم لاتقلقو << وش رايكم بلا تقلقو .
اما لاعبنا اللي يسبق الكورة فهو تحفة في تالي الوقت .. مادري وش اللي جاه .!! مع انه معنا له فترة وكان يقدم مستويات مميزة واذا غاب للإصابة نفقده .. لكن الحين الله يهديه ويخفف جسمه صار حالة من الحالتين .. ياأنه بالهجمة يركض ويسبق الكورة ,, والا يتوطا في بطنها .!! مادري وش مسوية له الكورة .!!
يابو صويلح ادخل على الله اترك عنك هالحديد اللي تشيل فيه ليل نهار .. والله ندري انك قوي وجسم ومعضّل, بس ياخوي ترفق على عمرك وانتبه لمركزك تراها ماتدوم ومن يتوطى الكرة ستنفقع يوماً في وجهه .
اما اللاعب حبيبي واللي صرقع فيني لدرجة والله اني حلفت ماحضر مباراة يلعب فيها وفعلاً من الموسم الماضي وانا على هالحال لكن الظاهر الرجال مطول بالفريق وانا مالي قدرة ابعد عن الهلال والحضور للهلال بالملعب ومع وجود الخبل لي يونق طنق شنق رنق << اسم جده الثامن عشر
لكن لي يونق ايو هنق ماهو موجود بالنهائي ( أولمبي ) وعشان كذا بأمتثل لأمر الله وبصوم والا أطعم مساكين عشان اكفر عن حلفي , والحلف والله كنت صادق فيه لان هاللاعب آداءه سيء والدليل هدفين في نصف النهائي كلها من جهته ,, ولو دقق المدرب في بداية الهجمة وكيف تراجع هذا اللاعب وسمح للاعب الأهلي بالتقدم ولم يحاول الضغط عليه لكان أشرك الكوري لي يونق حتى لو خسر الهلال النهائي .. وللأسف هذي عوايد هالجناح الطايح أي هجمة على الهلال من الطرف الأيمن يتراجع ويسمح للاعب الخصم بالتقدم .
والله يعين بأحضر النهائي لأجل الهلال ولاعبي الهلال الأولمبي وبصوم عن حلفي والله يستر من الجهة اليمنى .
نقاطي برعاية موبايلي
الغضب الكبير على لجنة الإنضباط لاتوجد منه فائدة والأفضل هو دعم الفريق وترك مهمة الرد على لجنة الإنضباط للأمير بندر بن محمد , وتصريح واحد من محامي الهلال أنا متأكد انه سيأتي بنتيجة .
عيسى المحياني ماقول الا واصل وواصل وواصل وواصل يابطل وبإذن الله ستكون أساسي , وواضح ان عيسى استوعب درس قريتس جيداً فمهما كان اللاعب له طريقة لعب معينة الا انه يحتاج للتكيف مع خطط المدرب وهذا ماعمل عليه الذكي عيسى .
تزيد فرحتي بأهداف نيفيز لأنه يقوم بالتعبير عن فرحته بحركات جميلة وجديدة , عكس بعض اللاعبين .!!!
للأسف 90% من الصحافة تبحث عن الإثارة والهدف هو الهلال لانه متصدر وقريب من بطولة أولية , وعلى جماهير الزعيم معرفة هذه الأخبار وغباء محرريها , ( أجل قريتس يقول ابي توليدو لاعب الأهلي )
الأمير عبدالله بن مساعد يملك الذكاء والدهاء ولاتوجد له تصاريح الا وتأتي ثمارها , واسألو الدعيع
وعاد عزيز لمركزه العزيز , وتفرغ رادوي لمساندة الوسط ,, ومالها الا خالد ,,
يوم الثلاثاء يوم مهم فهو من أهم الأيام لانه مهم واهميته لانه يوم ثلاثاء << الأخ يبي يحفز الجمهور ماهو عارف كيف
يالحبيب ياليت تفسرر كلامك عن لي يونغ الي فهمته انه ما يعرف يلعب هذا بالله كلام لووول..بعدين انت تقول مباراه الهلال مع الاهلي انا الظاهر اني شفت المباراه وما كان موجود الى ان كان تقصد ابو نامي <<خلاص تعودنا على مشاكله عــادي..وبس
يالحبيب ياليت تفسرر كلامك عن لي يونغ الي فهمته انه ما يعرف يلعب هذا بالله كلام لووول..بعدين انت تقول مباراه الهلال مع الاهلي انا الظاهر اني شفت المباراه وما كان موجود الى ان كان تقصد ابو نامي <<خلاص تعودنا على مشاكله عــادي..وبس
ياغالي انا ماتكلم عن مستوى لي يونق
اتكلم عن نامي ..والا لي يونق مجنوووووووووون
بااترك كل النقاط واعلق عالجمهور تكفووون ثم تكفووون ثم تكفووووووون نبي حضور وتشجيع يبيض الوجه وانتم قدها وماعليكم من امن الملعب وغيره ,,
نبي الملعب بكرا والخميس فلللللللللل ,,
للأسف 90% من الصحافة تبحث عن الإثارة والهدف هو الهلال لانه متصدر وقريب من بطولة أولية , وعلى جماهير الزعيم معرفة هذه الأخبار وغباء محرريها , ( أجل قريتس يقول ابي توليدو لاعب الأهلي )
خخخخخخخخخخ لا وبعد يقول جيبوا اللاعب لي واجيب لكم الدوري
ولا ملاسنة بين فلان وعلان وجيريتس اصلح بينهم خخخخخخخخخ
مشكووور وهذا الكلام الي يفتح النفس مو بعض الاخوان جمهور الرياض وجمهور الرياض وبامر الله حاضر لعيووون الدوري والهلال اما بطوله فيصل نامي وشلته ماضن انهم قادرين على الكاس الشباب اقوى من الاهلي اما اذا لاعب ابوكلبشه راح اكون اول الحاضرين اروح وانا متطمن على وضع الدفاع اهم شي في الفريق
طرح جميل كعادتك يالغالي
والمباراة النهائيه نحتاج لقلب دفاع ومحور , وصحيح الجهه اليمنى فيها خلل ولكن لو أتى المحور خالد عزيز
خفف العبئ على الجهه اليمنى , وأما قلب دفاع فهي تحتاج لـ أسامه فأنت شفت مباراتنا مع الأهلي كلها تأني
كرات عرضيه وفيه ارتباك من الدفاع , ولكن ان شاء الله مدربنا ينتبه ويصحح الخلل قبل المباراة ..
والأهم أن يشارك في هذه المباراة بعض اللاعبين الأساسيين من الفريق الأول واللي يحتاجهم في نقاط الضعف
بالألولمبي , ولأن الشباب مراح يلعب مباراته اليوم أمام الحزم عطيف والسعران والسلطان والقاضي ووليد عبدالله
وسوف يلعبون في النهائي أمام الهلال ..
ولكن بحول الله وقوته وعندي تفائل كبير بأن أولمبي الزعيم سينتصرون بأذن الله
وجمهور الهلال لايحتاج دعوة فهم يعرفون أن مبارايات الهلال المقبله تحتاج لوقفه
وبأذن الله نجوم الزعيم يخطفون الثلاث النقاط ليضمنوا الدوري لهم ليرتاحوا في أخر المبارايات
وان شاء الله هالموسم كلها بطولات للهلال , لعيون شبيه الريح
لاعب هلالي أسرع من الكورة .!! ولاعب آخر يجعلني أصوم 3 أيام ,, والرائد يتوعد الهلال بـ ,,, 
.. يالبى اللي اخترع القهوة قسم بالله انه يسوى عصابة لجنة الإنضباط كلهم 
.
,,
الوضع المتطور
