18/01/2010, 04:52 PM
|
 | زعيــم مميــز | | تاريخ التسجيل: 18/01/2007
مشاركات: 1,902
| |
|
مباراة الرائد واللقب ((50)),,وعمر بدال محمد!!
السلام عليكم ورحمة الله وبركاته
الف مبروك تاهل الفريق الاولمبي وباذن الله الفوز بالبطوله
يجب علينا كجمهور هلالي في منطقة الرياض الحضوووووور في مباراة الرائد ما ابي اي كرسي فاضي في الملز
هذي المباراه باذن الله راح تعطينا الدوري وكاس فيصل ويوصل عدد البطولات للرقم خمسيييين باذن الله
لان الهلال اذا فاز على الرائد راح تعطيه دفعه معنويه كبييره وراحه نفسيه على الوضع في الدوري قبل مباراة كاس فيصل النهائيه
ولان الشباب راح ينضغط اكثر بعد كل فوز هلالي بالدوري ويمكن يتعثر الشباب بسبب تركيزه على النهائي بشكل اكبر وبكذا تقريبا حصلنا على الدوري
ثانيا راح يريح جريتس ويخليه يشرك لاعبين او ثلاثه من الاساسيين مع الاولمبي
وانا ارشح عزيز وهوساوي ويخلي والشلهوب وياسر بالاحتياط
وتكون التشكيله كذا
شراحيلي
الزوري ــ هوساوي -- خيرات -- عمر الغامدي
عزيز- الغنام
الفرج-- الفريدي -- العابد
المحياني
صدقوني كذا بنتخلص من مشكلة الظهير الايمن وبيكون عندنا ظهير ايسر هجومي ويكون الغامدي فقط للتغطيه الدفاعيه والحد من خطورة عبدالله شهيل
وعزيز يسيطر على المحور الدفاعي بمساعدة الغنام الي يساعد الغامدي في الجهة اليمين
لايجيني واحد ويقول ان المدرب ابخص انا اعرف انه ابخص بالفريق بس مو ابخص مننا كجمهور هلالي بلاعبيننا
انا اعرف ان عمر الغامدي يستطيع اللعب كظهير ايمن وسبق ان لعب في هالمركز ايام باكيتا عدة مباريات
لكن مومارت يمكن يخفى عليه هالشي
الزبده ان نامي ماخذ خانه فوق 23 سنه وهو مع احترامي مايادي بالشكل المطلوب يمكن بسبب انقطاعه وخصوصا انه بيواجه عبدالله شهيل او حسن معاذ يعني لازم يكون لاعب خبره ومركز وقوي في الاتحامات مثل عمر الغامدي
وباذن الله بهالتشكيله اضمن لكم البطوله
((( اتمنى من الاداره ان تعرف اهمية بطولة الامير فيصل هذه السنه بالذاااات لانها اتت في وقت حساااس جدااا وفي مرحله حاسمه ولو لاسمح الله خسرها الهلال قد تسبب في عزوف بعض الجماهير العاطفيه عن الحضور وقد تاثر على نفسيات الاعبين وخصوصا الصغار ولاسمح الله قد تاثر علينا في الدوري )))
وان شاءالله الاداره تعي هذي الامور وتضع كل ثقلها في 90 دقيقه لن تظر الاعبين ذوي اللياقه العاليه والاعداد الجيد كما نرى في لاعبين الهلال.
واهم شي الحضوووووور بكرا لازم الكل يحضر اتمنى اني اجي للملعب الساعه 6 ويقولون خلاص الملعب فل وارجع البيت والله اتمنى بس هل ممكن يسويها جمهور الزعيم .. ؟
ترا كلها 22 الف كرسي لاااازم تكون مليانه بكرا باذن الله
مـــلاحظــة
هذي وجهة نظري الشخصية
(( والاختلاف في وجهات النظر لايفسد للود قضيه))
مـــودتــي
اخوكم
عبدالعزيز |
الوضع الشجري
