يا اهلاوي اذا تملك الشجاعه قول فريقك تعبان .. التحكيم الهلال انظلم اكثر منك لكن يبقى الكبير كبير ( تحدي من هلالي لكل من يعلق خسارته على الحكم )
السلام عليكم .. الف مبروك التأهل
والكبير يظل كبيييير 
/
اغلب منتديات الخاصه بالنادي الاهلي .. جل الاعضاء فيها فاتحين مواضيع كلها على ان التحكيم هو اللي خسرهم اليوم .. رغم ان الحقيقه يا اهلاوي واضحه ولا هي محتاجه نياحه او تباكي او حتى ايجاد العذر من هزيمة شباب الزعيم لكم ..
لكل اهلاوي يقول ان التحكيم السبب ..
ماعليك الا انك ترجع للمباراهـ وتشوف /
1_ ( د 19 ) .. حالة تسلل غير صحيحه .. في بداية المباراهـ والهلال متقدم بـ هدف .. كما هو موضح بالصورة ..
2_ ( د 33 ) ضربة الجزاء اللي واضحه وضوح الشمس بعد لمسة اليد لـ معاذ مدافع الاهلي .. صحيح هي تقديريه لكن كل مقومات انها ضربة جزاء موجودهـ اليد تحركت واوقفت الكرة واستفاد منها المدافع ..
وللتأكد اكثر .. رابط من اليوتيوب يوضحها لكم .. يشكر الاخ نيلمار على المقطع ..
3_ ثلاث تسللات لم يعلن عنها الاين الكثيري في الشوط الاضافي الاول وهي ماقبل هدف الاهلي الثالث .. وهنا اقول ثلاث تسللات = ثلاث انفرادات غير صحيحه ..
4_ ضربة الجزاء الاولى والثانيه للهلال .. صحيحه ..
فـ الاولى واضح الدفع .. والثانيه لمسة يد واضحه وزين ان الحكم شافها ولا كان ضاعت حقوق الهلال فيها مثل بلنتي الشوط الاول الغير محتسب ..
5_ محمد السفري .. كم اشتراك عنيف لـ هاللاعب بالشوط الاول والثاني .. ؟ وماحصل على الاصفر الا بعد احتكاكه مع العابد في الشوط الثاني .. !!!
والا كان المفروض في كذا تدخل له يستحق الاصفر .. وعلى اقل تقدير يكون تدخله على العابد اللي اخذ عليه بطاقه صفرا تكون الثانيه له والحمرا بعدها ..
6_ مالك معاذ الكرت الاصفر اخذه للاعترض وناداهـ الحكم وماستجاب له فـ اعطاهـ كرتين ورى بعض وبموجبها يستحق الاحمر .. فين الظلم اللي تنادون فيه .. ؟
7_ لن اتكلم عن هدف الاهلي الثالث ومدى صحته .. ولكن ..
هل يعقل كل هذه الاخطاء يتعرض لها الهلال وهو يلعب بـ لاعبين شباب واحتياطيين للاساسي ..
وبعد ذا كله يجي المشجع الاهلاوي ويترك لاعبينه بالمباراهـ واخطاء مدربه ويحط الاخطاء التحكيميه شماعه لـ الخساره .. ؟!!
عزيزي الاهلاوي .. الهلال سنين بالدوري يفوز عليكم رايح جاي .. والاولمبي طلعكم من كاس فيصل قبل موسمين في جدهـ .. وقبل اسابيع بالدوري رددنا سرى الليل يابو ثلاثه 
هذا اكبر دليل ان الهلال كبير وصعب .. وماغلط البلطان بتصنيف الكبار ..
لكنه بذكائه افلت من تصنيف هؤلاء الكبار ..
قدركم انكم واجهتم كبير الكره السعوديه حتى وهو يلعب بـ شبابه .. لذلك بالنسبه لنا لاغرابه من ردة فعلكم هذهـ ..
لاننا تعودنا ان الضعيف دائما يحاول ان يعلق خساراته على اي شي اخر لعله يكسب تأنيب ضمير الرأي العام .. رغم ان الكل صاحي وشايف ..
المفروض تلومون مالك ليه يصر على المخالفه واخذ الاحمر
تلومون المدرب ليه مانزل الراهب
تلومون خبرة الدفاع والمحاور
تلومون اللاعبين اللي خارج الفورما
على اقل تقدير تلومون القدر اللي جعلكم تواجهون الزعيم
ان كنتم ترون انكم من الكبار ..
والتحكيم ان كان الليله سيئ ..
فـ سوئه لامس الهلال اكثر من منافسه .. ولكن يظل الكبير كبير 
.. يظل الكبير همه البطولة والمنافسه وليست الاعذار والتباكي عند فقدان الفوز ..
هو درس من شباب الهلال .. وبالمناسبه انتم في مرحلة بناء وصنع جيل قادم للاهلي استفيدو منه .. يمكن تصيرون تفوزون على الاتحاد دايم ونشوفكم منافسين للزعيم 
/
اما هلالي .. فهو كبير بـ حضور شعارهـ في كل الملاعب ..
ومن يرتدي ذلك الشعار .. سيكون له من كبرياء الكبير نصيب ..
لن اقول للاهلاويين اغلقو ملف تحميل الاخطاء للاخرين .. ولكن قولو ماشئتم وتصرفو كما تشاؤون .. يكفينا ان نظهر الحقيقه ..
ونطوي الصفحة بكاملها .. فـ مثلنا حق له التفكير دائما في الذهب والانجازات ولا غيرها 
دمت كبيرا يازعيم .. كما هو انت دائما 
الوضع المتطور
