| شرحت لك يا اخوي اني تابعت مباريات الهلال
وفي مباريات الهلال والاتحاد كانت واضحة في خطة الاتحاد انه اللي يكون قريب من ياسر يمسكه ولا يعطونه فرصه ....... بس ما وصلت لدرجه اثنين معاه في نفس الوقت
( فرق الاتحاد انه يلعب بخطة هجوميه وعلشان كذا قلت لك ان قلوب الدفاع هم اللي يطلعون مع ياسر وشف ويلي كم هجمه لعب فيها ذاك الوقت )
وطبيعي يكون المدافع ماسك راس الحربه للفريق الخصم ولا يعطيه فرصه لو وصل الامر انه يروح معاه لغرفة الملابس
( طيب اذا طلع راس الحربه ودخل بداله لاعب وسط بنفس امكانيات راس الحربه
شنو راح يصير بالحارس والدفاع المتراجع معناتها انه ضاع قدامه وبكذا تكون
الخطه طبقت بشكل صحيح )
بس ما شفنا 3 مدافعين او اربعه مدافعين يسحبون مع ياسر لوسط الملعب او للجهه اليمنى او اليسرى
وفي مباراة النصر ما فيه شي اسمه 2-0-8
كان النصر لاعب ب 1-5-4
1-5-4
هذي على الورق بس
وكانت خطته يقفل النص بمحورين وشفنا حسين عبدالغني بمركز المحور في مباراتنا مع النصر وبرناوي في مركز الظهير
وقلوب دفاع النصر في هذيك المباراة واحد منهم جاب هدف يعني
الهدف جا من كورة ثابته والكور الثابته ليست مثل الهجمه المنسقه
وهدفهم الثاني قطعها سعد الحارثي من الشلوب قريب من الـ 18 ومررها للسهلاوي وجاء الهدف )
ويعتبرون صغار بالنسبه لياسر حتى لو انهم ممتازيين ياسر المفروض بخبرته يقدر يفك نفسه من الرقابه ويفلت منهم
بس شفنا ياسر مستسلم لهم وغير كذا كان الفريق كله مو يومه
مو بس ياسر هو اللي استسلم كل لاعبي الوسط معه بعد
والان يثبت كلامي بخطة النصر 2-0-8
قلي هجوم النصر شنو سوى غير الهدف الثاني
كله لعب بالوسط وتسللات من كثر اللعبات الطويله
عندك 8 لاعبين من النصر اربعه منهم مان تومان مع لاعبي الهلال
والاربعه الباقين مهمتهم التواجد بمنطقة لـ18 لاي دخول من الخارج
وعلى فكره مافيه شي اسمه راس حربه وهمي
معليش بس ما عمري سمعت براس حربه وهمي
يعني ابراهيموفيتش راس حربه وهمي
او
هيجوين او فان نيستروي راس حربه وهمي
او عماد متعب راس حربه وهمي ؟؟؟؟؟؟؟؟؟
كنت اتمنى اتذكر اسم الفريق اللي قابل برشلونه قبل كم يوم عشان اقدر اقولك
ابراهيم وش كان يلعب وعلى فكره ترى ميسي هو راس الحربه الوهمي وشف دخوله
وتسجيله للاهداف بشكل كبير
اول حاجه اللي اشووفه واللي اعرفه انه جيريتس يلعب اغلب المباريات بخطة
2 - 4 - 4
وتكون
الدعيع
الزوري المرشدي اسامه لي يونغ
الغنام
رادوي
الشلهوب
نيفيز
ولي
ياسر
ويكون ياسر راس حربه ونيفيز خلف المهاجمين وولي المهاجم الثاني
ويا اخي العزيز انا اللي اشووفه مافيه شي من اللي تقولة انه ياسر يسحب المدافعين
وعندك اخر مباراة مع الفتح مو ويلي هو المهاجم الثاني جميع لاعبي الوسط يعتبرهم قيرتس مهاجم ثاني
ولولا قتل رادوي بالمحور الدفاعي لاصبح مثلهم وتذكر مباراتنا الاولى مع النصر
كيف هو اللي دخل على الكورة واللاعبين خارج المنطقه وسدد تسديده بغت تفقد خالد راضي ذاكرته
معليش بس من جد ماني فاهم هالنقطه
تغطية دفاعيه ؟؟ ......... عيسى من يوم عرفناه وهو راس حربه كيف تقول يقوم تغطية دفاعيه
طيب وش دخل هوساوي يصلح هدف نيفيز الثالث على الاتحاد
الفكره الهجوم بكامل الفريق
ويدافع بكامل الفريق
سرعه الهجمه ؟؟ ............... ارجع اقول عيسى راس حربه يعني شغلته من 10 سنوات ينهي هجمة مو يبني هجمه
تمنيت ان فيه فريق اخر لعب غير الاتحاد بشكل هجومي
عشان ماتصير امثلتي كلها على الاتحاد وشف كيف تناقل الكره بين اللاعبين
حتى ياسر راس الحربه اذا كان متراجع يوصلها للي قدامه بسرعه
طريقة التحرك ؟؟؟ .................. لاعب صراحه من ايام الوحده والمباريات اللي لعبها مع الهلال اشوفه يعرف وين يتمركز وبداخل الصندوق
اذا انت تشوفه انا والله ماشفت هالشي فيه
لاني احس انه مابينه وبين باقي اللاعبين تفاهم
تلقاه يدخل على اللاعب بنفس المنطقه
مع انه المفروض يغير مكانه في حالة وجود لاعب اخر في منطقته
متى يكون داخل الصندوق ؟؟؟ .......... هنا اوقف واقول لك اسمحلي مافي شي اسمه متى يكون داخل الصندوق لانه حتى المدافع يكون داخل الصندوق
فيه مباراه للهلال كان ياسر ونيفيز يسحبون الدفاع
ويلي متقدم من اليمين والشلهوب من اليسار
مررها ويلي للشلهوب وجت هدف بالراحه
وين الدفاع وقتها ؟
ياسر اللي تقوله هذا كله ما يطبقه !!! واساسي ؟؟ اقسم بالله لو ياسر مايطبقه اني اول المنتقدين له وراح اذكرك ان شاء الله
نبي نعطي فرصه للعنبر والصويلح وعيسى نبي تنافس على المركز
الحمد لله انهم عينين في راس
اتمنى الحين تحكم عقلك لا تحكم قلبك في الفريق
وبعدين 20 هجمه في الشوط وراس الحربه ما يسوي حاجه نصيبه
منها 7 اهداف فقط ؟؟؟؟؟؟؟؟
20 هجمه للهلال وليست لياسر لوحده ونتج عنها 48 هدف
ومعليش ما ادري كيف عرفت انه ياسر يخدم خطة جيريتس
مع انه ما افصح فيها
الله خلقني ذكي وش اسوي 
اخوي منادي ان شاء الله مافيه شك في حبك للهلال
وان شاء الله الهلال هالسنه يفرحنا ببطولة آسيا ان شاء الله بعد الدوري
وان شاء الله يرجع ياسر لمستواه ويعقل ويعرف انه وراه جمهور تنتظره
ودمت بخير
تسلم ياغالي وان شاء الله يسمع منك الله
وان شاء الله عيسى يثبت نفسه ويرضي محبينه وانا اولهم | 
الوضع العادي
