عزيزي عزيز
عزيزي ياخالد عزيز
عزيزي الغائب
كان لك قلبي مدينه ولاحظ إني قلت كان
يعني انت الحين واحد خارج حدود المدينه
اعترف لك كنت اكثر من حبك ياخالد
وكنت اتابع لعبك وتحركاتك لو الكوره مو معك ولا هي يمك
كنت احبك وكنت اعزك وكنت اثق فيك وكنت كفو وكنت وافي
كنت قبل اي مباراه للهلال انتظر تجيني التشكيله مو بالتلفزيون
كنت انتظر بالجوال لاته تجيني قبل التلفزيون احيانا
بس عشان اعرف أنك اساسي في اسرع وقت زي ماكنت اساسي في قلبي وفكري
كنت حالف حلف إني بس اشوفك احب راسك لانك تمتعني بقوتك وكنت اشوفك وفي
كنت وكنت وكنت واليوم انا من ناحيتي ومن كل قلبي اقولك < كنت عزيز >
ومع الوقت واستمرار توهانك صدقني الكل بيقولها لك < كنت عزيز ياعزيز >
ابسالك ياخالد ياللي منتب عزيز
تتوقع فيه حياة احلئ من إنك تكون لاعب في نادي الهلال ؟
جمهور مافيه ومابوه ومفيش زيه !
إداره قمه ويكفي اذكرك بإسم < الامير عبدالرحمن بن مساعد >
بطولات وفخر وعز في عز
وش غير إنك تكون تحت إدارة هالانسان قبل اي لقب
عادل متواضع حقاني كريم طيب وكل طيب فيه
وماهو غريب الطيب من منبع الطيب وش لون نستغرب من الغيم الامطار
وش تبي اكثر يعني جامع كل زين وطيب
1. لاعب و بالهلال واساسي ومهم ولك جماهير وشعبيه ومحبين .
2. تحت إدارة الانسان الامير عبدالرحمن بن مساعد اللي ماراح تضيق إلا ويفرجها لك بعد الله .
3 . لاعبين معك على اعلئ مستوئ من الخلق والدين والتواضع والمحبه .
خالد لو مريت في ربع مامر به محمد الشلهوب شراح يصير فيك ؟
محمد الشلهوب ماتغيب ولا يوم بدون عذر و اصعب ظروف مرت على محمد وماتغيب ماشاء الله عليه
ياسر القحطاني مر في ظروف صعبه وقاهره وماقد تغيب بدون عذر ماشاء الله عليه
معقوله ياخالد تمر بظروف الى هالحد صعبه وتخليك تخلف بوعدك لنا وللامير بندر بن محمد ؟
ياحيف بس عليك ياخالد قهرتنا واحرجت اميرنا المحبوب بندر بن محمد
تصدق ياخالد صرت اقرئ اخبار الصحف واحس إني غلطان
اقول الاخبار هذي قديمه غياب خالد عزيز ياقدمه !
ياخسارة فرحتي في مباراة الاهلي برجعتك لكن كالعاده خذلتني !
بالاخير ومن كل قلبي
إذا انت تفكر بترك الزعيم زعيم الكل ياخالد
من كل قلبي اقولك
رح للذي خلاك تاج ـن على الراس
وإعرف تراني تاج راسك وراسه
وبعدها صدقني ماراح تكون لا عزيز ولا خالد وراح ننساك وتستاهل النسيان لإنك بغيته .
<
م ش ا ع ر ي >
فهد المفرج رغم عتابنا الكثير والشديد عليك إلا إنك وفيت لنا فشكرا وماللوفاء غير الوفاء يافهد
عبدالعزيز الخثران شكرا لك فقد كنت وافي
ياسر القحطاني اقولها بالنيابه عن كل الجمهور الهلالي < نحبك و شد حيلك ماراح نخليك يالقناص >
جماهير الهلال < انا اشهد أنكم ذوق بهالفريق والله يلوم اللي يلومكم بحبه > < العقل الصغير كالمجهر يكبر الاشياء التافهه دون ان يرئ الاشياء العظيمه >
< إن تستحق الاحترام ولا تحصل عليه خير من ان تحصل عليه وانت لا تستحقه > لكم ودي 
بعدها صدقني ماراح تكون لا عزيز ولا خالد وراح ننساك وتستاهل النسيان لإنك بغيته 
الوضع الشجري
