محمد كيف حالك ؟! ياخي ما تلاحظ انه مافي شي عاجبك بالدنيا ؟! وش تبي انت ياخي
لا تنبرش ترا دعابه .
قبل أي شي .. نتفق على شيء واحد وهو .. أن وزارة التربيه خططها أي كلام بصراحه .
يطلعون بأنظمه .. لكن للأسف ما يتم تطبيق 5 % منها .
سمعت أن النظام الجديد بالمدرسه .. أنهم قسموا ( أعمال السنه ) الـ ( 20 ) درجه على حاجات كثير مابين واجبات وحضور ودفتر واختبارات قصيره ومشاركه ومدري ايش .
من جدك أنت أنه تم تطبيق هالنظام في كل المدارس ؟
أغلبهم .. يعطون ( 20 ) علطول .. وأقل طالب ماينزل تحت الـ ( 15 من عشرين ) .
أوك كان عاجبني الوضع لما كنت بالمدرسه .. بس ماننكر أنه خطأ .
هذه نقطه ..
النقطه الثانيه اللي ودي أتكلم عنهـا .. أنه فيه مدرسين يبيعون الأسئله للطلاب ..
لما كنت بثالث ثانوي ( بمدرسه حكوميه ) .. كان أحد اخوياي بمدرسه ثانيه اهليه .. مرني البيت ليلة اختبار الفيزياء النهائي .
قلتله : بشر كيف الفيزيا معك ؟!
راح عطاني ورقه وقالي : شف .
شفت الورقه .. تخيل وش مكتوب فيها
مكتوب أجوبة الاسئلة حقت الاختبار النهائي للفيزيا .. لا وليته كاتب الجواب كامل .. لا لا .
يعني مثلاً سؤال صح وخطأ ..
موجود كذا : 1 - صح .. 2 - خطأ .... الخ
تخيل حتى الأجوبه بس يحفظها حفظ .. بدون اسئله ..
اصبر مابعد شفت شي
قلتله : طيب حفظتها ؟
قال : لا .. بروح الحين ابرشمها
تخيل رغم كل هذا .. يبي يبرشمها ..
سلم لي على وزراتك يالحبيب
ومثل ماقلت انت .. المدرس يروح له يدرسه درس خصوصي بالبيت ويعطيه ( حقه ) .. وطبعا ( حقه ) مب مقابل أنها يفهمه المنهج .. بل مقابل انه يدحش ورقة الاختبار بفمه
لكن وش مصيره ؟!
راح وطي ( بإختبار التحصيلي ) .
الإختبار التحصيلي كشف كل الطلاب .. كشف من اللي كان يجيب نسبه يستحقها .. ومن اللي ( طووووط )
..
بالنسبه لإختبار القدرات .. أنا معك أنه ماله لازمه .. لنكن منطقيين .. وش الفايده منه ..
لا تقول لي : يختبروا قدرات الطالب ..
وش القدرات وجايب لك أسئله على وزن ( العلاقه بين المزرعه و الشجره ) .. انت بتختار وبتقول هي نفس ( العلاقه اللي بين صحن الفول .. والفول نفسه ) ..
شيء كبير .. يوجد بداخله شي معين
التحصيلي مهم .. لكن القدرات ماله لازمه ..
قبل لا أختم .. انت ما عليك من قرارات الوزاره .. انت خلك بنفسك وبس .
اتمنى لك كل خير يامحمد .. شد حيلك بالدراسه وسوي اللي عليك والباقي على ربك ..
لمحه : في الازمه الماليه الاخيره يامحمد .. فيه كثير من شركات اوروبا فصلوا جزء كبير من موظفينهم ..
هل تعرف فصلوا من وخلوا من ؟!
خلوا اللي يستحق انه يبقى واللي يشوفوه مميز في عمله وشهادته ..
السوق شرس .. والشركات ماترحم ..
لازم تكون معك شي عليه القيمه .. علشان تعرف تثبت نفسك ..
لكن بتقعد تعترض وتعترض .. مابتستفيد شي . ولا حد بيسمعك ..
تدري في السنة اللي تخرجت فيها كانت السنة الثانية يطبقون فيها القدرات وفي تقديم الجامعات طبقوا التحصيلي غير ان الثانوية العامة كانت وزارة يعني قمة الخوف والأعصآآب
كلامك ماحد يشكّك إنّه سليم , لكن ترى القياس والتحصيلي ما صارت مثل أوّل
اليوم فيه كتب تنباع مثل رام1 ورام2 والأمين والمدري وشو ,
الزبدة إنّك تقدر تاخذ فكرة كبيرة عن الاختبار ..
بـ عطيك مثال , أنا بـ أوّل اختبار كان اللفظي هو اللي مطلّعني ,و الكمّي رايح فيها بس الحمد لله الدرجة كانت زينة ..
المهم خذيت لي رام1 , وشفت كل الطرق على الأسئلة في القسم الكمّي ..
والله ما أكذب عليك الاختبار الثاني جبت في الكمّي 98 أو حاجة زي كذا ..
وقبل كلّ شيء لا تنسى تتوكّل على الله , وتقول لـ ماما تدعيلك ..
يـ الله شدّو حيلكم والمستقبل بإذن الله بإيديكم , بالتوفيق
بالنسبة لي / المعدل التراكمي أفضل من إختبار الوزارة .
المعدل التراكمي بتكون الأسئلة من استاذك , يعني مضمونة أكثر , وبتكون كمية المذاكرة اقل , والنسبة بعد بتكون أفضل , لكن أسئلة الوزارة لازم تذاكر المنهج كامل , وانت وحظك , يكون اللي كتب الأسئلة متساهل مع الطلاب , أو واحد عكس ذلك .
وبما أن المعدل التراكمي يكون معتمد على المدرس , وتكون الأسئلة من استاذ المنهج نفسه , فأكيد بتكون عقليات الأستاذية تختلف من مدرسة لمدرسة .
فمثلا / انا أعرف أشخاص لما طلعنا ثاني ثانوي راحوا مدرسة أهلية , وذي المدرسة معروفة بالدف في الدرجات , يعني هو من المأكد بيتخرج بنسبة فوق الـ 99% , وأنا لأني في حكومية لا سمح الله إن نزلت نسبتي , هو يدخل جامعة الملك سعود مثلا , وأنا ما أنقبل .. !!
فلازم يكون في إختبار من الوزارة عشان تكون الفرص الجامعة متساوية , مو هذا لأنه كاش يروح أهلية ويتخرج بنسبة عالية , ونحن ناكلها في الحكومية , فذا الإختبار يحدد الفاهم واللي متخرج على البركة ..
مدرسنا الرياضايات مصري , يقول / في السنة الماضية جاء لمصر 100 طالب سعودي حاصلين على 100 % , وكلهم يبون طب ..
فالوزارة هناك شكت بموضوع الـ 100 % وإعتمدت من السنة اللي بعدها إختبار القدرات .
وأنا أشوف إنه يكون إختبار واحد , ياقدرات او تحصيلي , أو يسوون إختبار واحد يجمعون بين الإثنين .
بس انا اشوف التراكمي أحســــــــــن مليون مرررره من أسئلة الوزارة يعني النظام اول على كلام اختي تقول طول السنة
مجتهدة ومستواي كويس واخر شي يجيبون اسئلة من الوزارة تعجيزية وتخرب مادونك وما وراك.
الحمدلله اني مالقت عليهم..
اما اللحين حلو مافيه وزارة والأسئلة من الأساذة يعني زيـــــن على زين وأكثر المدرسين يحددون او ماشابة إلا اللي يستقعدون
لك وأكيد يكون هذا سببه موقف سابق...
بالنسبة للقدرات والتحصيلي والله انه عســــــــــل
القدرات والله انه سهـــــــــــل يعني على التخويف المبسق ماتوقعتة كذا
انا التحصيلي هو اللي أستقعد لي لأنة يعتمد على المواد من اول ثانوي إلى ثالث ومن هذا اللي يتذكر دروس اول ثانوي ولا ثاني
اتذكر جابو قصيدة من الأدب حق اول ثانوي من القائل وأنا يالله أتذكر دروس ثالث الفصل الثاني هالدور يبون اول ..
بس عموما والله ترااه سهل بس العالم مكبرين السالفة واللحين فية كتب وفية اختبارات تجربية ..
بس القهر القهههههههر انك بعد ماتخلص الثانوي والمعدل اخر شي ياخذون 30% او 20% من الثانوي والباقي على القياس
والدرااااااسه كلها عالفاضي يعني شد حيلك بالقياس وأدخل اللي تبغى,,,
اما السنة التحضيرية لا تعليييييييييييييق تخيلوا الاسبوع اللي فات سألت صديقتي الدكتورة قالت وش فايدة السنة التحضيرية
تخيلوا وش قالت! قالت حاطينة عشان التصفية يعني يصفون الطلاب ومايطلع منها إلا القليل هم اللي يتخصصون والباقي يمسكون الباب...
بس والله اني كنت مثلك افكر بالقياس والدراسة والمعدل ويوم تخرجت وجربت الجامعة عرفت ان الثانوي والقياس ولاااااااااا
شي عند الجامعة يعني الجامعة هي المحك الحقيقي لك تبي منك تعب وجهد وسهر يعني مافيه يمة ارحميني..
الله يوفقك ويوفق الجميـــــع وتتوظفون بالسلامه..
باريو موضوع بالصميم
ماندمت شي زي ندمي على دراستي للسنه التحضيريه ولا يوم دخلت العلوم الغوا عن العلوم السنه التحضيريه والطالب المستجد بالعلوم يدرس سنه اعداد وثلاث سنوات تخصص
ما اقول الله لايوفق من كان السبب
ولكم باك أبوحميد الثانوية والتحصيلي أمرها بسيط .. والنظام الجديد فيها ممتاز وفي صالح الطالب المجتهد اللي يستحق الجامعة .. أما القياس والقدرات فهذي اللي فيها ظلم للمجتهد وتكون في صالح الطالب الذكي ..
بالنسبة للجامعة صدقني ما يبي لها طالب ذكي أو عبقري .. تبي بس طالب مجتهد منظم .. أما الذكاء وحده ما راح ينفع معك في الجامعة مهما كان ذكاءك ..!
الله يوفقكم في القياس والتحصيلي .. ويعينكم على ضياع 12 سنة بسبب يوم واحد في اختيار القدرات !!
ولكم باك أبوحميد الثانوية والتحصيلي أمرها بسيط .. والنظام الجديد فيها ممتاز وفي صالح الطالب المجتهد اللي يستحق الجامعة .. أما القياس والقدرات فهذي اللي فيها ظلم للمجتهد وتكون في صالح الطالب الذكي ..
بالنسبة للجامعة صدقني ما يبي لها طالب ذكي أو عبقري .. تبي بس طالب مجتهد منظم .. أما الذكاء وحده ما راح ينفع معك في الجامعة مهما كان ذكاءك ..!
الله يوفقكم في القياس والتحصيلي .. ويعينكم على ضياع 12 سنة بسبب يوم واحد في اختيار القدرات !!
نظام التحصيلي و القدرات أحسن شئ سوته الوزارة في الحياة
) .. 
وإعتمدت من السنة اللي بعدها إختبار القدرات .
الوضع المتطور
