صدقت والله نحس في نحس

مدري ليه لما اشوف الهلال في استاد الملك فهد احس انه مهزوم مهزوم خاصه في المباريات الحساسه جدا

نحس ولا موب نحس ..

حاضرين فيه حاضرين .

إقتباس الرسالة الأصلية كتبت بواسطة Z3EEM . FC كآن هنا وينك يخوي ماعاد تنشآف بالمنتدى .. ؟ ع العموم اتفق معك بكلامك والعيب مو من الملعب من ظروف الفريق نفسها \\ وبأذن الله بدآيه من مبآره الاهلي يمتعنا الهلال ويرجعنا الهلال للذكريات الجميله والبطولات التاريخيه \\ الي ياما وياما حققها الهلال بالدره \\ كآن هنا شكرآ ع الموضوع

يا هلا وغلا .. أتغلى وانا اخوك : ..
ان شاء الله الهلال يبي يبيضها بكرة .. وأنا متفائل بالزعيــم خصوصاً أنه لقى له فرصة للهروب بالصدارة بعد تعادل الشباب ..
والزعيم ماله فرصة أحلى من هالفرصة عشان يبعد .. الشباب مش كل يوم حـ يتعادل ..
والاتحاد بادي يقترب ويشتغل بهداوة ..
يعطيك العافية زعيــم .. خلنشوفك ^_^

إقتباس الرسالة الأصلية كتبت بواسطة أبو نجـــلاء ختاماً، ما يجب أن نعرفه هو أن التاريخ المحزن للهلال في السنوات القليلة المنصرمة في الدرة كان له أسبابه التي كانت هي الكفيلة بإحزان الهلال والهلاليين وليس للدرة الحبيب ذنب في ذلك، ولن تكون الأمور مختلفة لو أقيمت المباراة في أي مكان آخر، لأن الفريق سيكون هو الفريق وهو وحده الذي سيصنع الفارق مع جمهوره، لا للملعب ولا للأرضية ناقة في ذلك ولا جمل ! بعد ذلك كله، كونوا متفائلين، وآزروا زعيمكــم .. الذي كلي يقين بأنه سيسعدكم بإذن الله ![/COLOR][/SIZE] [/COLOR]

عزيزي كما قلت ليس لاستاد الملك فهد صلة في خسائر الهلال
بل العيب في تلك المباريات التي لعبها الهلال حيث كان مستواه سيء

وليعلم الجميع أن استاد الملك فهد هو استاد البطولات الهلالية

والانتصارات الهلالية

تفااااااااااااااااااااءلووووووووووووووا ودعوا عنكم التشاؤم

كماقيل تفاءلوا بالخير تجدووووه


الرسول صلى الله عليه وسلم يحب الفاءل

استغرب بعض ردود الأعضاء بدون مايقرؤون الموضوع

انا متفائل بنتيجة كبيرة انتصار للهلال بإذن الله

متى مالعب الهلال بجدية من بداية المباراة سيكون فوز ساحق بإذن الله


ننتظركم بعد المباراة[/QUOTE]
يا هلا وغلا .. وان شاء الله الفوز حليف الزعيم وبـ ( الـــدرة ) ..

إقتباس الرسالة الأصلية كتبت بواسطة الـصـخـرة من تقصد عيني بعينك شكلنا بنتزاعل ياداحم... اجل قاعد تمدح بؤرة الاستاد ياساااااااااااااتر كل هذا علشانهم عيّوا يدخلونك هذاك اليوم بالملز << مايدري اني انا اللي قايل لهم شف عاد بابعدي.. انت وكل الاعضاء اللي طاحت عيونهم على كلامي الحين : الملاعب كلها وحده... هنا وبأي مكان بالعالم مافيه فرق بين ملعب وملعب الا العوامل الجويّة وأرضية الملعب واقصد بالعوامل الجوية ملعب الامير سلطان في ابها مثلاً.. مرتفع عن سطح الارض لأن المنطقة كلها مرتفعة وتقل نسبة الاكسجين مقارنة بباقي ملاعب المملكة واذا قلنا أرضية الملعب.. عندك ملعب حائل اكبر مثال... ارضية سيّئة جداً وماتصلح لكرة القدم لكن القياسات والابعاد اعتقد تقريباً واحدة وماتفرق حديثي الدائم بتفضيل الملز عن الاستاد كان مبني على عدة دوافع : اولاً / ملعب الملز ( شعبي ) بالدرجة الاولى وقديم وله ذكريات رائعة لنا كهلاليين على وجه الخصوص ثانياً / ملعب الملز اقرب ثالثاً / اللي يبيعون فصفص بالملز احسن من اللي عند الاستاد رابعاً / وهو الاهم... ملعب الملز قريب لبيت اهلي... واطلع من الملعب واروح لهم بسرعة علشان آخذ علوم ابوي ( الهلالي المحنك ) خلوها تملّز .. خلوها تملّز

هلا وغلا صخصوخة قلبي ..
والله يالحبيــب اني ما طقيت خبر لا لك ولا لـ موضوعك << وراك زبدت له على هونك على هونك ..
عموماً أنت ممكن تكون وجهة نظرك منطقية .. وتستحق الاحترام بصراحة وأنا أأيدها " بعض الشيء " .. لكن المؤسف أن فيه ناس صارت تعتقد وتتشاءم وهذا الشيء اللي ما نبيه .. لأنه أول شيء وأهم شيء معارض لتعاليم ديننا الحنيف .. والامر الآخر أنه لا يمت للمنطقية بصلة ..
يعني تحس انك مخفة وانت تسمع هالسوالف ..
وعلى فكرة .. الملز ممكن يكون أفضل من ناحية الجمهور ..
يعني 15 ألف بتحسهم غثاء كغثاء السيل في الملز ..
أما 15 ألف راح تعتبرهم عار في الاستاد ..
لأن هالخمسطعش الف يالله بالطقاق يملون لك جزء من الواجهة ..
أكثر من عامل يخلينا نقدر الملز .. لكن ما يخلينا نتشائم بالاستاد وندخل في بالنا افكار مغلوطة ..

يعطيك العافية صخصوخي ..
منور .

إقتباس الرسالة الأصلية كتبت بواسطة باتو الهلالي انا من الناس اللي ما احب المباريات اللي تكون في ملعب الملك فهد دائما مباريات تكون ذات رتم بطئ والجمهور بملعب الملك فهد كانه يصيبه شي خاصه جمهور الهلال قبل المباراة ماشاء الله تبارك الله لكن لما تبداء المباراة تقول مستحيل يكون هالجمهور هو اللي قبل المباراة لكن لما تكون المباريات في ملعب الامير فيصل بن فهد خذ متعه خاصه لما تكون للهلال سواء من اللاعبين او الجمهور . والله يوفق الهلال فمباراة الاهلي ان شاء الله

امممم .. ممكن يكون كلامك صحيح ..
لأن النوعيات اللي نشوفها بالملز مختلفة تماماً عن الاستاد ..
يعني بالعربي .. اللي يجي الاستاد ماهوب جاي للكورة " غالباً " ..
لكنه يقول تمشيه وطقطقة ..
أما الملز ما يجي له الا اللي يدور الهلال .. وممكن هالشيء هو اللي يميز الملز ..
باتو الهلالي حياك ربي وبياك

بداية يجب أن نتفق أن الايام الجميلة تتجاوز الايام السيئة في الدرة مع الهلال ..
ولكن مثل ماقلت هي بس في السنوات الماضية وللظروف احكام كما تفضلت ..

ولكن عندي ملاحظة يالدحمي ترى مباراة الهلال والشباب خسرناه لان الفريق كان
مرهق من مباراة الاتحاد اللى كانت تسبق المباراة بسبب لعبنا مباراة كبيرة وصلت للاشواط الاضافية ..
وكانت قبل المباراة النهائية بأربع ايام على مااذكر .. بعكس الشباب اللى كان مريح ومعسكر بالعين مع عبداللطيف الحسيني ..

اما معسكر باكيتا التاريخي مع الهلال في العين كان قبل مباراة ( الاتحاد ) 2-1 اللى سجل فيها عمر الغامدي .. وكان الفريق راجع قبل المباراة بساعات تقريباً راجع فجر المباراة ..

هذه المعلومة اردت ان اصححها ..
واعود لما يطالبه الجمهور لإقامة المباراة في ملعب الملز ..

الاستاد ميزته أنك تلعب الحين فيه ( أن ) الفريق يتعود على الملعب علشان البطولة الاسيوية ..

اما الملز .. اقرب من ناحية المواقف .. ومن ناحية المدرجات للملعب .. ومن ناحية بيتنا ..
كذلك الملز لو يجي فيه 13 الف متفرج تحس فيه حضور جماهير ويأثر على الفريقين أما الاستاد لو يجي فيه 35 الف متفرج تحس انه فاضي ..

اخيراً اشكرك على الموضوع .. وإن شاء الله الهلال كان وسيضل ( زعيما) في الملز والاستاد وغيرها من الملاعب

محبتي ...

انا طال عمرك اغالطك
بالعكس الاعظاء بعضهم كذبوووو وصدقوو كذبتهم بأن استاذ الملك فهد شؤم اذا لاعيبة الهلاال بيومهم وتركيزهم والله لو بسانسيرو رااح يعطي اروع كوورة بس شنو نقول ....

ســلام ســلام يـ المـلــز ؛؛

بالتوفيـــق لزعيمنـــــا ان شــاء الله ؛ و نطلع بالثــلاث نقــاط ؛؛

جزاك الله خير ..
,,

انا ارى انه نحس لكن كلامك منطقي صراحة..,

مانقول غير الله يوفق الهلال..,

تصدق كنت أفكر بهذا الموضوع قبل شوي .................
وبعد التفكير لقيت الحل .... أستاد الملك فهد مايصلح تلعب فيه بمهاجم واحد بحكم كبر الملعب تحس فيه ضعف واضح في الهجوم بس في الملز الملعب أصغر يمديك تلعب بمهاجم واحد ليش؟ لأن لاعبين الوسط يمديهم يساندون المهاجم بسرعة بس في الإستاد ياخذون وقت أطول عشان كذا نشعر بضعف الجانب الهجومي في الإستاد أتمنى ينتبه السيد قيرتس لهذي النقطه وشكرا.

لالالا للتطير والتشائم ......,

مشكوووووووووور والله يعطيك الف عافيه

تفائل بالخير,,,,,,,,,,,,,,,,,,,,,,,,,,,,,,,,,,,,,,,

الله يعين على درة المتاعب

شاكر لك

الغريبة انكم تذكرون الخسائر في استاد الملك فهد ولم تذكرو البطولات التي حصل عليها الزعيم في درة الملاعب
بطولة ابطال العرب2
كاس اسياء
كاس السوبر
كاس المؤسس
بطولة الدوري مع الشباب
كاس ولي العهد عدة مرات

والله وجبتها على الجرح من زمان ودي اوصلها للاعضاء في المنتدى من جد يااخوان هالملعب بالذات الهلال حتى ولو يفوز لا يقدم مستوى جيد في المباراة ولنا في مباراة النصر في الموسم الماضي في الدوري وولي العهد عبرة ومباراة الشباب في خادم الحرمين المباراتين ...
بالتوفيق للزعيــــــــــــــــــــــــــــــــــــــــم