01/01/2010, 02:53 AM
|
 | زعيــم متألــق | | تاريخ التسجيل: 18/07/2008 المكان: بالله وين بكون اكيد بيتنا هع
مشاركات: 1,060
| |
|
اول بطوله هذا الموسم حققها النصر
السلام عليكم ورحمة الله وبركاته
نعم اول بطوله حققها النصر هذا الموسم هي فوزهم على الهلال لو اني منهم يقفلون النادي حقهم ويحتفلون بالبطوله
لكن اليوم يستاهلون الفوز لعبو وفازو ترا كله بسبب الهدف الاول الغبي اللي جا فينا لو الهلال سجل الاول اجزم لكم اننا راح نلعب افضل منهم ويمكن بعد انسدد اكثر من قول وبنلعب بثقه لكن الهدف اربك الاعيبه عاد دوروها اللي سدد الهدف الاول هو النصر وعلى مين على الهلال يعني بيقتلون نفسهم على انهم ينهزمون بنسبه لهم الفوز على الهلال بتنسى جماهيرهم كل الاخفاقات وراح يخلونهم افضل لاعيبه بالعالم وتوقعو انهم بكره يتجمهرون قدام النادي من الفرحه
ونفكت العقده من ست سنين وبيصيرون ابطال بنظر الكل وبيخسرون الهلال ثلاث نقاط ويعرقلون مسيرته بالدوري
يعني الفرحه غير غير وموبس كذا كل الانديه فرحانه تدرون اغلبهم ذاقو المر من الهلال وبذات الاتحاد
ابوخمسه
لكن اليوم لاعيبة الهلال موبمستواهم الشوط الثاني كانو افضل وضاعات فرص كثيره بس ان كانت هذي الخساره بتجيب لي الدوري وتصحصح الاعيبه بتكون خيره لنا وانهم مايصيرون واثقين ثاني مره من الفوز صح انهم يقولون عكس هالكلام بس احس داخلهم كانو متوقعين الفوز لكن الهدف النصراوي خربط كل شي ياخوفي يتأثرون من الهزيمه وبتنعكس على نفسياتهم بس
صراحه بعدمباراة الاتحاد المستوا نزل شوي مو مثل اول حتى مبارتنا الدور الاول مع النصر كنا الافضل
اما الشي المضحك ان جماهير النصر تقول اننا اليوم لعبنا مع رديف النصر اعتقد ان العنزي افضل من حارسهم راضي
وان كان ايدير غايب فالمرشدي بعد غايب اما الكوري حقهم وجوده زي عدمه ويقولون رديف مدري حسين والحارثي والطقه الثانيه ايش اعتقد ان اليوم البدلا افضل عندهم من الاساسين والشي المضحك اكثر انهم يقولون المفروض تصير تاريخه اليوم اللي يسمعهم يقول ضاغطين علينا طول الشوطين احنا كنا افضل منهم الشوط الثاني ولو جت ضربة الجزاء اللي تسبب فيها المحياني بدري كان شفتو من اللي راح يضغط طول المباراه المفروض هم مسجلين قولين فينا يكونون ضاغطين ويلعبون افضل انا ماشفت هالشي الشوط الثاني وكانو خايفين وحتى الوقت مابقى منه شي كانو خايفين من التعادل وارجعو ياجماهير الهلال لجميع المباريات حقت النصر والهلال لما الهلال يتقدم بهدف كيف يكون لعب الهلال
وكيف يكونون النصراويه خايفين ومرتبكين
لكن انا الغبنه اللي فيني هي عليكم ياجمهورالهلال انكم تسمعون
جماهير الفقر
يسبون ياسر وانتم ساكتين
دام لجنة الانظباط ماعندك احد خربوها انتم بعد ورددو حقت البالتوك صح مالها دخل بس وحده بوحده على الاقل ماتسكتون ياسر غصب يتأثر كل المدرج يسبونه غصب يكون مضغوط الله لايوفقهم ولايوفق كل من يردد هالشي وكل الانديه عليه حتى جماهير نجران ترددها ليش مو بشر ياسر ينتظر منكم ارد عليهم تدافعون عنه هو معتمد عليكم ياجماهير الزعيم صح مستواه نازل بس مانسمح لهم كل شوي يرددون
هالعباراه عليه والله قهر
اما الدوري بأذن الله مايطيرمنا ترا المباريات الجايه حياة او موت
مع الشباب ومع الاهلي ولاتنسون الاتحاد والباقين كلهم يتمنون عرقلة الهلال واغلبهم يقولون ان مافاز الاتحاد بالدوري مايروح للهلال يروح لشباب يعني توقعو الاتحاد يخسر
نفسه من الشباب علشان يفوز بالدوري ويقتال قدام الهلال حتى لو تصير تعادل كله كره بالزعيم
والله يعينا على صجة النصراويه لمدة سنتين قدام علشان هالفوز لكن الوعد يانصر كاس ولي العهد والملك وبأذن الله تعرفون من هو الزعيم
ملاحظه النصراويه يقولون ان سجلت بالزعيم الاول مايفوز وبذات من الفرق الكبيره شكلهم نسو مباراة الدور الاول وهذا الكلام ينطبق عليهم لما يسجل الزعيم فيهم الاول مايخسر الهلال منهم
شطحه
كنت اتابع المباراه مع اخوي اللي كسر علينا الدنيا بعد الهدف الاول من تعصبه حتى عيونه صارت حمرا وكل ماجت هجمه لزعيم وضاعت وهو ضرب المكتبه برجله وطاحت وحده من التحف  من القهر ومن عشق الزعيم وبعد المباراه اتصال واحد نصراوي علشان يتشمت قال اخوي له ست سنين ينتظر هالحظه المسكين  اختكم اورند عاشقة الزعيم
اخر تعديل كان بواسطة » اورند في يوم » 01/01/2010 عند الساعة » 05:24 AM |
الوضع العادي
