اللي يحب شخص ينتقده نقد هادف .......

وهذي الصور اللي نشوفكم فيها ياللاعبين الزعيم اتمنى تشوفونها ......

اما اسلوب المجاملة ما ينفع ابد وبالعكس يضر اللاعب اكثر

نبداء بـ ياسر


ياسر بيله جلسه في مقاعد الاحتياط عشان يتعلم من غيره ......

مين يقول انه يحتاج وسط او صانع لعب ليه واللي عنده وش يسون , افضل صانعي اللعب في الدوري عنده ياسر ما صار يعرف يتمركز داخل منطقة الجزاء ضايع

عيب ياسر انه مكابر ما يسمع الانتقادات عكس ابو عبدالله ( سامي ) الحين ياسر واحنا ثاني موسم نعلمه اغلاطة ولا سوى شي ........

هذا اللي يزعل حقيقة من المفترض توصل اصواتنا كمحبين له ويصحح اغلاطة يعني ما خلصنا من سقوطه النايم والكثير عند اي احتكاك تباطئ كبير في التسديد لا يليق بلاعب مهاجم , ايضا تمركز على ياسر ان يتعلم التمركز ياناس محترف وش فيها لو استعان باشرطة وبمقاطع فيديو للاعبين عالمين ويفيد نفسه ويتعلم كيف يتحرك .........

بعدين تغير اداءة صار يلعب على الواقف مسوي انه لاعب محور ارتكاز وعلى طاري الواقف او اللعب الواقف

اكيد جاء على بالكم لاعب اتعبنا بالوقوف والبرود الفريدي ياهو غريب الولد ....... اوضح لعب الفريدي لو تلاحظون الفريدي يحاول تقليد اسلوب زيدان في تحركاته البطيئة والثقيلة متناسيا ان زيدان بداء هذي الطريقة بعد ان تقدم بالسن ,,,,,,, يالفريدي افهم توك صغير ومن المفروض تلعب لعب سريع مثل اقرانك والذين هم في سنك ميسي وكريستيان وباتو والشباب الحلوين الصغار ... وانا هنا وضعت هذي الاسماء لاني اعلم يقينا ان خامة الفريدي وفكرة يجعله يفكر ان يصبح احد افضل اللاعبين وليس لاعب عادي .. لذا يالفريدي إاللعب بالطريقة التي تناسب عمرك انت مازلت شابا وفي مقتبل العمر فلا تضيع موهبتك بتقليدك للاعب تحبه مثل زيدان وانت تستطيع الحركة اكثر منه ........ اخي الفريدي انا اتقبل لعبك الواقف اذا وصلت 35 سنة نقول عادي من حقه اما الان فلن نرضى الا بالركض ومو اي ركض يعني ميسي وحوله .........

وبطل ثقل وبرود -- وعلى طاري البرود لاعب تحسن مستواه بشكل كبير هذا العام اكيد عرفتوه لكن ما زال يحمل عيب لم يغيره من زمان -- الشلهوب عزيزي محمد اعلم اننا سعداء بانك عدت الى سابق عهدك ولكن بقيت نقطة لو تغيرها تصير عسل للاخر وانت عسل --- سرع تمريراتك وانتبه لمن حولك ياسهل انقاطع الكورة منك في احيان كثيرة وانت ما شاء الله عليك حجمك يساعدك تكون خفيف وسريع البديهه بالله عليك حاول تسرع كراتك وخاصة عند تواجد لاعب هلالي قريب منك ... وانت كنترولك حلو -- وعلى طاري الكنترول اتعبنا اتعبنا اتعبنا
لاعب بداء ممتاز وجعلنا نرسم له مستقبل نجم كبير في الزعيم وبعد ما اخذ لكزس كافضل لاعب هلالي واعد طاح مستواه -- اكيد عرفتوه الزوري والله حرام عليك سريع وطولك جيد ومناسب لكن عيبك الكنترول والله غريب كنترولك وصدقني لو ما تحسنه فانك تضع نهايتك السريعة مع الهلال يا الزوري تعلم الكنترول روح للمدرب وخله يعطيك تمارين خاصة لتعلم الكنتره -- بعدين اصابك برود مو طبيعي خلك سخن وانت توك شاب -- شوف مثلا مثلا الدوخي ما بروح بعيد لاوروبا او عبدالغني -- مع تحفظي لذكر اسمه -- لكن شفهم ركض في الملعب وهم كبار في السن لان هذا اللي لازم يكون في خط الظهر - صح ان عندهم اغلاط ولكن كتبت اسائهم كمثل حيوي للاعب ظهير , الظهير يحتاج لاعب تكون لياقته الافضل بين لاعبين الفريق مو ابردهم ويظهر عليه التعب بسرعة -- صدقني صدقني انت متعبتك التغذية -- وهذا واضح عليك لانك تتمرن مع الفريق بإنتظام مثلك مثل ولهامسون لكن تتعب بسرعة والسبب غذائك حافظ عليه -- توك صغير والمفروض تكون نشيط للغاية -- بعدين تعلم ايضا العرضيات احس انك تلعب عرضية بعدين تشوف وين تروح الكورة يعني هشك بشك -- لا ياخوي شوف وين اللاعبين وحاول تحط الكورة عند اللاعب اللي تبيه -- كذا تتعلم وغير كذا لا ---

وعلى طاري التعلم -- اخونا المرشدي اعتقد بعد شقة عمان وجائزة افضل لاعب مقتنع انه ادا المهمه اللي عليه وخلاص يمكن يفكر في الاعتزال واذا كذا تفكيرك صدقني ما تستحق تلعب بنادي مثل الزعيم .. اخي المرشدي والله اني كنت اراهن عليك ولكن للاسف واتمنى تعدل اغلاطك الواجد ....

وعلى طاري الاغلاط العام او في هذا الموضوع تحدثت عن لاعب يدور اي احتكاك عشان يحسب له فاول او بلنتي وكدنا ان ننهي المسألة فاذا بلاعب اخر يطلع لنا اكثر من السابق في البحث عن الاغلاط والاحتكاك والمشكلة محترف رسالة الى نيفيز يا نيفيز ما ادري وش الله بلانا بقصة التساقطات هذي -- المشكلة انت جاي من دوري برازيلي ومعروف اللعب البرازيلي قوي جدا وبه احتكاكات اكثر من حكات الخشم في الشتاء ---- ودي توصله رسالة او اي مترجم يقوله او الجهاز الفني نيفيز لاعب كبير بس عيبه الري اكشن او ردة الفعل بطيئة تنقطع الكورة بسرعة ---

ولي مستواك حلو --

الغنام ما اقول الا ما طفشنا الى جمهورك وخويانك اللي كل ما كتبنا عنك طلعوا يناقزون دفاعا عنك وانت والله ما عندك ما عند ... نامي والعنبر والعصفور واللاعبين اللي كل ما جاء مدرب يغثنا بواحد منهم

المهم هذي رسايل وياليتني اشوف اللاعبين عشان اوصلها واتمنى يقرونها لاني والله اقدرهم واحب الهلال


وهذي الملاحظات ليست وليدت خسارة النصر فقط ولكن امور نراكم فيها دائما
نتمنى تطوير مستواكم الفني

اما نواف العابد والدوسري وسلمان الفرج وشلة الشباب اقولهم العبوا لعب اوروبي (( ميسي )) يعني ركض في الملعب وصدقوني راح تحترفون اما لعب الواقف هذا لا وصلتوا 35 سنة --




معليه على الاسلوب لاني ابي اوصل رسالة ما ابي اتفلسف

تحياتي