السلام عليكم
اول شي اقوله (هاردلك لك ياهلال) !!

بصراحه لو سألت اشد المتفائلين من النصراويين عن النتيجه قبل المباراه قال التعادل !!
في المقابل لو سألت اشد المتشائمين من الهلاليين عن النتيجه قبل المباراة قال التعادل !!

سبحان الله توقعت النتيجه هذي بس توقعت بصراحه واحد صفر للنصر !!
ببساطه ولو فكرنا فيها بعقل كان توقعنا الهزيمه !! والسبب ان الهلال نفسه هو الي هزم الهلال - ثقة قبل المباراه ، هدف مبكر ، ارتباك ، كور مقطوعه ، هجوم ضايع ، كل شي يقول الهلال مهزوم ياناس مافيه شي يخلينا متفائلين والله ،،،

انا الي خلاني اختار العنوان هذا لأنه فعلا قصيده ابياتها مكسورة ومافيها قافيه والله بداية من البيت الأول (الدعيع) الي ماعمري انتقدته ودايم ادافع عنه بس المره هذي وش اقول كسر البيت الاول للقصيدة (وركب الهدف الأول) !!
نجي للبيت الثاني (الدفاع) مافيه اي تفاهم مجرد ماترجع الكورة والله اخاف تنقطع ،،،والحمدلله النتيجه ماصارت كبيره مع انها في الشوط الاول كانت قاب قوسين او ادنى !!
كملها البيت الثالث (المحاور) اول مره اشوف رادوي متنرفز تفرغ للخشونه ونحمد الله انه ماطرد ،، والغنام (لاتعليق)
البيت الرابع كان في مباريات الهلال الي راحت من اجمل الأبيات وياما (وسع صدورنا) لكن المره هذي مدري وينهم انا اقصد صناعة اللعب ياناس !! مافيه اي كورة حلوة تقول هذي هدف زي ما كنا نقول في المباريات الي راحت اي كورة نحكم عليها قبل متوصل لمهاجمين انها هدف او لا !!!!
ونختمها بأروع الأبيات (الهجووووووم) ياسلام على ان الكور الي وصلت مهاجمينا قليله لكن كأنهم يغنون اغنية راشد الماجد (تفنن في ضياع الاهداف والله )

لكن في الاخير اقول الحمدلله على ان الهزيمه هذي جت في التوقيت هذا بالذات يمكن لو كانت متأخره يمكن تأثر على نفسيات اللاعبين وتضغطهم اكثر لكن الخيرة فيما اختاره لله والحمدلله

ارجع واقول ان الهلال فعلا كان اليوم سيء وانا ماراح اقول اكثر من كذا ومع ذلك احبه واحبه واحبه !!!!
والهلال مو اول فريق يخسر او يهبط مستواه في مباراة !!
بس ان شاء الله التعويض قدامك يا أزرق وان شاء الله الدوري وآسيا هلاليه بإذن الله

فعلا غاب الشاعر وغابت الجمالية في القصيدة التي تغنى بها زعيمنا واسعدنا بها ،،،

وان شاء الكريم راجع راجع راجع ياشاعرنا وراجع وراجع وراجع يا أزرقنا


توقع بسيط ،،،،
الأهلي بكره ان شاء الله بيفوز على الشباب
بس المستفيد من الجولة هذي هو الاتحاد !!!
توقع بسيط لا أكثر ولا أقل
وكل عام وانتم بخير ،،،،،،،،،،،،
آسف على الاطالة ،،،،،،












1