ملـــ 2 ـتقى هواة الـ ( iPhone ) - نادي الهلال السعودي - شبكة الزعيم

iAzizGA · #1 27/12/2009, 07:17 PM

بسم الله الرحمن الرحيم
السلام عليكم ورحمة الله وبركاته

بعد التفاعل الي حصل بالملتقى الاول ، وهذا شيء ماكنت متوقعه والله

..
بس شعبية الايفون طلعت من خلاله

،
ولان الموضوع الي راح ماكان منسق بشكل حلو وكان على ( عجلة )

وما كان في قوانين ولا شروحات بالبداية ..
قررت نفتح ملتقى مرتب اكثر

طبعاً ببداية الموضوع اشكر كل من شارك او ساعد الاعضاء

مايحظرني اسماء اخاف اقول ناس وانسى ناس

..

شكراً للجميع

iPhone

بتكلم بالبداية عن اصدارات الايفون ومميزاته ومايعيبه ..

الايفون نزل له ثلاث اصدارات

2g
3g
3gs

يتوفر من الايفون لونين فقط

أبيض / White
أسود / Black

سعة التخزين في الايفون :

8GB
16GB
32GB

بس بالايفون الـ (3GS) الغي الـ 8GB .. يتوفر منه (16-32) .. وهي الافضل طبعاً
لان الايفون لا يمكن مستقبلاً زيادة الذاكرة .. فالافضل 16 قيقا لان 32 مرة كبير ..

المميزات :

دعم اللغة العربية بالكامل . ( طبعاً قبل كان لازم تعربه بـ 120 ريال من ايفون إسلام لكن بعد الفريموير 3.0 تقريباً الايفون تعرّب رسمي .. ) .
سهولة استخدام وغير معقد .
شاشة بوضوح ممتاز وعالية الدقة لا تخدش بسهولة .
كيبورد مدمج بحروف يسهل الكتابة بها .
إمكانية توصيله بالتلفزيون .
كاميرا بدقة 2MP لكن بـ 3GS ارتقت لـ 3MP ، لكن في برامج بديلة وترفع دقة الكاميرا الى 2× الضعف ( يعني 3MP = 6MP ) ..
ايبود مدمج مع الجهاز .
YouTube مدمج مع الجهاز .
متصفح سريع . (Safari)
سعة تخزين عالية جداً .
خرائط العالم وبرامج الملاحة .
اتصال بالوايرلس مباشرة .
تصوير فيديو في 3gs وبالاصدار ( 2g-3g ) يوجد برامج تصوير فيديو .
نسخ ولصق .
GPS
3G

غالباً اي شيء يعيب او ينقص الايفون تحصل له برنامج بديل ..
الي يشتكي من الفلاش في برامج فلاش بالهبل

..

الي يشتكي من دقة الكام .. سبق وذكرت ان في اكثر من 20 برنامج للكاميرا منها من يزيد دقتها ومنها الزوم الخ ..

وبعد الصيغ الكثير قالوا الايفون مايشغل جميع الصيغ ..
بالعكس في اضافات وبرامج تخلي الايفون يشغل كل الصيغ ..

طبعاً ماراح اقدر اذكر عيوب الايفون وانا ماحصلت في ولا عيب الى الان !
يمكن اذا كان في عيب ما اعرفه لاني مو بحاجة له ..
الواحد مايقدر يحكم ع الجهاز الا من استخداماته .. ويشوف الجهاز يقدمها له او لا ..

اسعارالايفون

iPhone 3g 8gb = 2200 SR
iPhone 3G 16GB = 2700 SR
iPhone 3G 32 GB = 3100 SR

iPhone 3GS 16GB = 2300 SR
موبايلي
iPhone 3GS 32GB = 2700
موبايلي

طبعاً مع باقة مفوترة ورسوم شهرية .. الزامية

الاسعار تختلف من محل لمحل .. والفرق يكون من 100 الى 200

البوت روم الجديد

دفعة موبايلي الجديدة الثانية او الثالثة ناسي ..
كثير اشتروا منها وطلع البوت روم الجديد ..

البوت روم : هي الشَفرَة التي تخلي الجوال مقفل على شبكة واحدة وتم تحديثها ولم ينزل لها فك للقفل حتَّى الآن .

يعني للي بيركب جيل بريك راح يعلق الايفون ولازم تسوي ريستور او تفتح برنامج البلاك رين .. ويشتغل الايفون .. لكن لو كنت برا البيت وقفل عليك وين بتحصل البرنامج

..

للي يبي حل للاسف لسى مانزلت حلول ..
الي شرى ينتظر

- وش الفرق بين الجهاز المقفل وبين الجهاز المفتوح .؟
كثرت الاسئلة بالملتقى الي راح عن هالسؤال وبكذا بوضح هالنقطة من البداية ..

الجهاز المقفل : يشتغل على شبكة اتصالات وحدة ( مثل موبايلي فقط )
الجهاز المفتوح : يشتغل على جميع الشبكات (الاتصالات - موبايلي - زين الخ .. )

طيب انا شريت مقفل ما اقدر افك القفل ؟
مشكلتك محد قالك اشتره

لا امزح

الا تقدر لكن لو كان عليه ضمان راح يروح ومع كل ابديت للايفون راح تعيد فك القفل و"يقولون" مع الوقت ومن كثر ماتركب وتشيل بالشفرات الايفون يبطئ !

وش الافضل البلاك بيري او الايفون ؟

طبعاً هنا كل واحد وحسب احتياجاته . البلاك بيري صمم ليدعم المحادثة بشكل تام ..

الايفون صمم ليغنيك عن كل شيء ..

وبالايفون نزلت برامج محادثة قريب جداً من خدمة البي بي ..
ومع الوقت بتنتشر ..

وغالباً الايفون مايشتريه الا الراقين "فيس رافع خشمه"

Cydia

برنامج ينزل مع الجيل بريك تقدر من خلاله تركيب التطبيقات الي نزلت من شركات غير ابل .

شرح لطريقة تنزل البرامج المكركة على الايفون :-

بالبداية ندخل ع السيديا
نروح لـ
Manage > Sources > Edit > Add

واضف السورس هذا

كود:

http://iphone.org.hk/apt/

بعد اضافة السورس نروح للبحث :
mobileinstallation patch نبحث عن الباتش هذا ونحمله .

بعدها عيد تشغيل الايفون بكذا تقدر ترسل البرامج المكركة عن طريقة برنامج الايتونز ..

طيب كيف تحمل البرامج من الايفون مباشرة ؟

نروح للسيديا
Manage > Sources > Edit > add

ونضيف السورس هذا

كود:

http://cydia.install0us.com

كود:

بعد اضافته نخش عليه ونحمل الاثنين الي فيه ..

ونعيد تشغيل الايفون

نخش ع البرنامج ..

Home URL : http://www.downloadipa.info/index.php/all/

من خلال هالموقع تقدر تحمل كل الالعاب المكركة والمجانية ..
سواءً بالايفون او باللابتوب ..

بعد مانضيف الرابط ونسوي الاعدادات زي الي موضحة بالصورة ..
نروح ع الـ Browse ..
بيفتح لنا الموقع اكتب بالبحث اسم البرنامج او اللعبة الي تبيها ..
واختر الرابط الاول ( يحدثون الروابط كل فترة ) فالاول يكون الاجدد غالباً ..

وبكذا تقدر تحمل الالعاب من الايفون مجاناً ..

أهم البرامج الي بالسيديا :

Lockdown تقدر من خلاله اضافة رقم سري على اي تطبيق في الايفون ..
لتثبيت البرنامج Cydia > Search> lockdown
Cycorder لتصوير الفيديو Cydia > Search > Cycorder
iBlackList برنامج مفيد مرررة اي رقم مزعجك بالاتصالات عن طريق هالبرنامج تقدر تعطي الرقم ( بلوك ) .. وتختار اذا اتصل فيك يجيه مشغول او مقفل او انتظار الخ ..
MakeitMine لتغيير اسم الشبكة او كتابة اي عبارة مكان الساعة .
WinterBoard لتغيير الثيمات .

لطلب من الاعضاء اضافة تطبيقات للايفون :
هذه بعض الي عندي والباقي ان شاء الله بتكون مجزئة لدفعات بالموضوع
واي عضو اكيد بإمكانه اضافة اي شيء " غير مكرر بليز " ..

Guitar pro
مايسمى بـ "غيتار"

حلو للعزف .
مكرك من install0us

Piano pro
بيانو مطور ، مرة بطل

aLight

ينفع لا طفت الكهرباء

.. شاشة بيضاء بالايفون تنور ..

AnyRing

لتغيير نغمات الايفون ما احتجته لسى ..

AppBox Lite + Pro

البرنامج هذا داخله اكثر من ميزة ( الة حاسبة - البطارية وتفاصيلها - العملات وتحويلها - داشبورد - لمبة زي البرنامج الي قلته قبل - الخ .. )

Bnner
تكتب اي كلمة او اي رقم ( عربي - انجلش ) وتمشي بشكل حلو
( ترى ماينفع للترقيم

)

BeejiveIM
برنامج محادثة

Photoshop.com Mobile

فوتوشوب مصغر للايفون

اخيراً قوانين الاستفسارات او الطلبات :-

ياليت من يواجه مشكلة يشرح المشكلة بصورة واضحة .. عشان نقدر نساعده باسرع وقت ممكن .
الي يبي تطبيق معين ياليت يذكر اسمه او صورة منه .

هذه القوانين الحالية .. ( قابلة للتعديل )

بس تعبت

اعذروني اذا نسيت شيء
الموضوع اخذ مني ساعة ، .. جهد شخصي

واذا نسيت شيء برجع اعدل ع الموضوع

بالنسبة للتطبيقات الي وعدت فيها الاعضاء قلت لكم بالردود الجاية بتحصلونها مليانة تطبيقات ..

اخوكم /

عبدالعزيز

Astray

الداود · #2 28/12/2009, 01:17 PM

يامال العوافي والله ياعبدالعزيز

شغل كبير وان شاء الله نكون متواجدين معكم

،،، بنبلشكم شوي

alzaeem -4- ever · #3 28/12/2009, 04:01 PM

يا شباب ابي

iPhone 16GB 3gs - White

رحت لـ 5 فروع موبآيلي ومخلص

ابيه على ضمآن موبآيلي لاهنتوا

اللي يعرف ياليت يقول لي

إحسااااس هلالي · #4 28/12/2009, 04:19 PM

بغيت اسأل قيمته لاهنتوا كم قيمته اقساط في شركه موبايلي وكم القسط الشهري بالضبط وهل يدعم اللغه العربيه كاملا

مــحـمــد · #5 29/12/2009, 01:44 AM

ما شاء الله عليك اخوي

موضوع رائع ومرتب .... تصدق اني كنت افكر في الايفون وبعد ما قريت الموضوع زادت رغبتي به

بغيت اسألك

هل الاسعار الي انت حاطها هي الاسعار كاش الي عند موبايلي .....

وهل موبايلي بينزلون شي مهوب مقفل ولا كلها بتصير مقفله ؟؟

والف شكر على هالموضوع

مــحـمــد · #6 29/12/2009, 01:54 AM

ايه ... عندي سؤال بعد <<< عارف اني ابثرتكم

المهم ... هل لو اشتري 16غيغا اقدر اغير الذاكره ( الهارد ديسك) حقته في المستقبل الى 32 ؟؟؟

انا..! · #7 29/12/2009, 02:42 AM

يعطيك الف عافيه ع المجهود الكبيررر

وان شاءالله نشوف برامج للأيفون كثيره هنا علشان نحملها

iAzizGA · #8 29/12/2009, 02:57 PM

محمد ،
الله يعافيك .. تحت امركم بأي وقت ..

بالنسبة للسعر بموبايلي الي ذكرته هو السعر كاش .. ويعطونك شريحة وتدفع رسومها شهرياً 99 ريال .

طبعاً على كلام الشباب استعملها يوم يومين وبدلها بشريحتك اذا تبي ..
الايفون الي بموبايلي اذا الدفعة الجديدة فهو مقفل من ناحية البرامج .. ماتقدر تركب جيل بريك ..
لكن الشريحة عادي رسمي ..

بالنسبة للذاكرة ماتتغير ابد .. لانها هاردسك ( داخلي ) ..
وترى 16 مررررة كبيرة .. انا عندي بالايفون 14 صفحة برامج .. والذاكرة الي استخدمتها 4 قيقا الا ..

حياك الله واذا في اي شيء مو فاهم اسال ق1

iAzizGA · #9 29/12/2009, 03:20 PM

السلام عليكم ورحمة الله وبركاته ..

دفعة ثانية من التطبيقات الي بايفوني

..

طبعا المهمة بشرحها الباقي اعرف انه "بايخ"

برنامج البلوتوث المشهور ..

برنامج الايبود الكلاسيك .. شكل جديد وحلو ..

لمشتركي ME+ iDisk

iLingual
هنا مثال

+IM
برنامج للمحادثة ( Msn - SKybe - Yahoo - Gamil ... )

imagePRO
محرك بحث عن الصور .

ImageShack
للموقع الشهير لرفع الصور من الايفون ..
لازم يكون عندك حساب قبل ..

install0us
برنامج شهير لتحميل التطبيقات المكركه ..

iPray
اسلامي من ايفون اسلام ..

iTranslate
برنامج ترجمة للغات متعددة ..

DwnMan
داونلوود مانيجر البرنامج الشهير ..
للتحميل ..

iBlank
لتغيير ترتيب الايكون ..

PaperToss
لعبة ورق ممتعة ..

لي باك بدفعة ثالثة

iClassic iBluetooth

The Rocket · #10 29/12/2009, 04:29 PM

جهد جبااار ..

وبإذن الله راح أكون معكم بالبرامج والألعاب ..

بس عندي سؤال .. هل برنامج آي بلوتوث ينقل ملف من آيفون إلى جهاز نوكيا مثلا ؟.؟

واذا كان لا .. فيه برنامج كذا ؟

iAzizGA · #11 29/12/2009, 06:38 PM

إقتباس


	بس عندي سؤال .. هل برنامج آي بلوتوث ينقل ملف من آيفون إلى جهاز نوكيا مثلا ؟.؟ واذا كان لا .. فيه برنامج كذا ؟

ايه ينقل ويستقبل ..
من السيديا تحمله وله باتش تركبه عن طريق اي برنامج تحكم بالملفات من اللابتوب ..
مو عندي الباتش حالياً ولا كان رفعته لك ..

انا..! · #12 29/12/2009, 08:16 PM

اخوي عجزت اعرف شلون تحط ثيممم

The Rocket · #13 29/12/2009, 08:23 PM

إقتباس

الرسالة الأصلية كتبت بواسطة Astray


	ايه ينقل ويستقبل .. من السيديا تحمله وله باتش تركبه عن طريق اي برنامج تحكم بالملفات من اللابتوب .. مو عندي الباتش حالياً ولا كان رفعته لك ..

اها .. حلو ..

كنت متوقع انه يرسل من آيفون لـ آيفون ثاني بس ..

أتمنى الباتش ..

++

لو شريت آيفون 3gs ..ا 16 قيقا .. ومعه شريحة مفوترة 100 ..

اول ما ارجع اذبها عادي ؟؟ .. ولا يبي لها إلغاء ومدري إيش ؟

أعتذر عن كثرة الأسئلة في الفترة الماضية ، أبي اشتري الجهاز وانا عارف كل شيء عنه

iAzizGA · #14 29/12/2009, 09:53 PM

إقتباس


	لو شريت آيفون 3gs ..ا 16 قيقا .. ومعه شريحة مفوترة 100 .. اول ما ارجع اذبها عادي ؟؟ .. ولا يبي لها إلغاء ومدري إيش ؟

ما اقدر افيدك بمعلومة صحيحة .. لاني ماجربت .. انتظر الداود اظنه شرا من موبايلي .
لكن قريت بمواقع ثانية كل الناس تسوي كذا ..

iAzizGA · #15 30/12/2009, 07:49 PM

إقتباس

الرسالة الأصلية كتبت بواسطة انا..!


	اخوي عجزت اعرف شلون تحط ثيممم

من السيديا حمل برنامج WinterBoard .
وارجع خش السيديا وابحث عن الثيم الي تبيه .. في ثيمات كثيرة .

بعد ماتحمل الثيم ارجع للبرنامج بتحصل اسم الثيم حدد عليه علامة صح وشيل التحديد من الثيم الي قبله ..

واطلع من البرنامج وبتحصل الثيم تركب