بندر نـكتتك بـطله بس مغبره شوي

خذوا ذي طيب

محشش محكوم عليه بـ الإعدام شنـقاً ،،

وهـم شـانـقينه شـافـوه يـأشر بيدهـ ،، نـزلـوه وقـالوا له وش تبي ؟؟؟

قال : الله ×××× بـغيت اموت

ههههههههههههههههههههههههههههههههههههههههههههه

بندريستا

طيب البنز قبل لا يجي كان وش هو .؟ ماكان نجم له مستقبل كبير ولا لا . وكان الكل يتوقع انه بيكون مهاجم اساسي مع هيقوين لاكن اللي حصل بداية الموسم هو اللي خلا مستواه لك عليه شوي لان راؤول كان ماسك الخانه ومخلي البنز وهيقوين يتناوبون على الخانه الثانية ولا لو أن راؤول محترم نفسه كان شفنا الأثنين سوى من بداية الموسم وهو الأمر الطبيعي بالنسبة لهجوم مدريد انه يكون في الهجوم بن زيما وهيقوين والاحتياط راؤول والرود وهذا اللي بيصير الفترة الجاية ان شاء الله لذلك الريال ماراح يجيب مهاجم سوبر على قولتك لأن في سوابر عده وان تهور الريال فما راح يجيب إلا فيا . وانا عند رأيي للحين الريال مايحتاج مهاجمين اساسيين يبي له ثنين شباب ومستواهم حلو يرضون بالدكة كم موسم .

^

إضاهر والله أعلم أنك ماشفت مباريات الريال الأخيرة وكيف إبداعات هيقوين .

للمعلومية ترى هيقيون عنده 8 اهداف وهو مالعب الا 6 مباريات أساسي كيف لو أنه اساسي من البداية كان تشوف خشمان وفيا وراه بـ فارق كبير وأنا متأكد أن هيقيون ان استمر اساسي طول الموسم انه بيكون هداف الدوري واعلنها من الأن
---
واذا انت ماخذ رأيك من كلام اخويانا في الرابطة فـ أنا اقول لك انت غلطان لان العيال ما أنتقدوه الا في وقت غبنه وهيقوين ماكان سيء الا في مبارتين . وبعدها شف كيف يمدحونه بالرابطة .

^
^

فـهد تسـمحلي اخش مـعكم بـ النقـاش

شـوف هيـقواين لاعب ممـيز والكـل يتـذكر الموسـم المـاضي ومبـاريـات هـ الموسـم ! بس اذا شـفناه في المبـاريـات الكـبيرهـ يضـيع ! وبـ العكس اشوف البـنز لو يـلعب مـكانـه افـضل بـ صـراحة ! لـكن تـخيل يـكون هـجومك روني ولا اجويـرو ولا فـيا ! فـهد ارحم عقـولنا وكفـايـة تـريش بـ هيـجواين

عـوال بـدون تـوقـيع الله لايـهيـنكم :$

شوفوا هيجوايين بطل وتوقع منه اي شيء .. حتى لو لم يظهر ( نفسيا ) امام الكبار

لكن مسألة ان الريال مو بجايب سوبر في الهجوم تبطون

فيا فأغويرو ، ومن بعيد توريس .. كلهم بيكونون على طاولة 2010 .. والله يكتب اللي فيه الخير .

هيجوايين مو راس حربه صريح ، الريال راح يحتاج لاعب راس حربة صريح بعد اعتزال راؤول او انتقاله الى امريكا الصيف المقبل ، ومع رحيل الرود المحتوم ... لذلك اتوقع راح يكون اما اجويرو او فيا هو النجم المقبل .

^
فيصل ياخي تراني أحب البنز أكثر من ابو شعر مخنز لاكن مستوى هيقوين ممتاز جدا وأحسن مافيه انه يوجد لـ نفسه اماكن تخليه قدام المرمى وجه بوجه صحيح إنه يضيع واجد لاكن مو مشكلة مع كثرة المباريات يستفيد من اخطاءه ومثل ما لاحظنا هيقوين كل ماله وهو في تطور ويقدم كل مباراة احسن من المباراة اللي قبلها . وودك انهم يلعبون اثنينهم لاكن حاليا الخطة ماتسمح لـ أن بلليجريني صار يعتمد على كريس خانتين اللي هي رأس الحربة الثاني والجناح .
يعني هيقيون اشوفه أكوس واحد يقدر يمشي امورنا في الفترة الجايه ولا مانع من مشاركات البنز

---


يعني البنز وهيقوين مافيه أمل يقودون هجوم الريال في مباريات الموسم الجاي .؟!
شيء غريب والله .
وش فيهم البيبيتا والبنز عشان مايلعبون سوى في هجوم الريال .؟!

سبق وقلتها إذا الريال تهور فما راح يجيب إلا فيا . غيرها ماراح يجيب إلا إحتياط يكون داعم كويس للبنز وهيقوين .

^
^

طيب يـا فـهد البـنز ليـه مـا يـلعب اسـاسي قـدام الكبـار !

يعني مباراة ميلان الذهاب سـوا خطورهـ وكانت له ركلة جزاء صحيحه وما حتسبت ! والأياب هو الي جاب الهدف ! ويوم دخل مباراة برشلونة سـبب خطوره وكان بـيجيب هـدف وبـلنتي صـحيح بعد ماحتسب له !

لازلت مقتنـع بـأن البـنز افضل من هيـغواين خصوصاً لما كان مع ليون كان يلعب قدام الأنديه الكبيره اساسي ! وخبرته اتوقعها اكثر من هيغواين !

^
قلت لك أنا أفضل البنز أساسي على هيقوين لاكن في الفترة الحالية لا , هيقوين أكثر فائدة للفريق وحرام تجلسه بالدكة وهو عايش فترة حلوه في الموسم هذا . انا ليه ما أبي البنز يلعب مع هيقوين , لانه اذا لعب مع هيقوين بيرجع كريس جناح وبليجريني بيريح مارسيلو وهذا اللي مابيه كلش إلا مارسيلو حبيب قلبي على العموم انا ودي من الموسم القادم يلعب الاثنين سوى ونجيب ورعان كويسين احتياط هذا كل اللي ابيه أنا شخصياً وعاد أنتم بكيفكم

على فكرة شباب

هذي ارقام من الموسم عن البيبيتا

البيبيتا 10 هدف من 12 مباراة لعب خلالها 811 دقيقه

إبـرا 11 هدف من 13 مباراة لعب خلالها 986 دقيقه

فيـا 12 هدف من 14 مباراة لعب خلالها 1290 دقيقه