|
معروض لـ ( طويل العمر ) !! " هذا اللي صار بالضبط في ملعب الملز " !! - نبذة عن مقدّم المعروض :/ * الاسم : مغاط !! * العمر : توني صغيّر !! * الجنسية : بادي أشك من تالي إني بنغالي !! * الديانة : مسلم سنيّ .. ومحوميّن تسبدي الحوثيين !! * الأكلة المفضلة : حب مصري !! * المشروب المفضل : - قبل ينلعب علينا ويزيدون النص كنت - أقدّر البيبسي .. أما الحين رجعت لـ جيم كولا !! * طموحك في الحياة : إني أدخل مباراة و ألقى الإنسان يـُعامـَـل على أساس إنه " إنسان " !! * حكمتك في الحياة : مالك إلا خشمك لو هو (أعوج) !! بس عقب ( عمليات التجميل ) !! أكتشفت إننا عايشين على " حكم و تصورات بالية " !! و اكتشفت إن هالحكمة نصبة وكذبة .. مثلها مثل : "مدّ لحافك على قد رجليك" !! إلا قم وأكرف واشتغل عشان تقدر تشتري لحاف أطول .. وتمدّه عشان يغطي سيقانك هالمشعّرة !! ----------------------------------- ----------------------------------- - نص المعروض :/ أنا يا طويل العمر إنسان أحّب الكورة !! صح إن عندنا أنواع الأنشطة والفعاليات !! والواحد يتلخبط إذا جاء الويك إند !! ما يدري وش يبدّي .. ولا وش يختار ؟! وياشين هالنصابيّن اللي يقولون لك (الكورة هي المتنفس الوحيد) !! تسنهم ما شافوا رجال الأعمال اللي ماغير طقاق على هالشاب كل واحد يقول للثاني .. ( أنا اللي حالــّه قبلك ) !! و آخر ماشفت رجل أعمال مالط أم الشنب .. ورابط بشته على خصره ومعه نعلة نايلون .. و يالله فكيناه من رجل أعمال ثاني !! باني لنا نادي " تعليم طيران" !! وأنا ما رفع ضغطي كثر رجال هالأعمال اللي ما يمرّ أسبوع إلا شايـلنا بالباصات الصفر .. ورايح بنا يا أما رحلة تجديف وإلا غوص !! يا أخي ملينــّا !! المهم يا طويل العمر .. إني رحت اليوم أحضر مباراة للفريق اللي أحبـّه !! وعشاني حبيّب وأصدق أي شي !! وعشانهم (مقدميّن) المباراة ومتذيهنين وقايلين إن الجوّ بررد مووت .. فأنا طقيت ذيك البجامة اللي تقول لبجامة علاء الكويكبي .. يالله مناااااك !! و فوقه ثوب شتوي (غاطين) !! وجكيت فرو لونه فيراني يحبه قلبك !! لدرجة لو تجيب طبق بيض وتحطه بمخابي ثوبي .. والله إن يفقسن قبل يقضي الشوط الأول .. من قوّ الحر اللي جوّا !! والله يوم جيت للملعب يا طويل العمر .. وإلا وش أشوف ؟! * أول شي شفته : - أكشاك بيع التذاكر الزجاجية الداخلية !! وأحب أشكركم بهالمناسبة .. لإحساسكم بقيمة (المشجع الرياضي) اللي هو (المقياس الأهم في نجاح أي تظاهرة رياضية ) !! و أشكر لكم حرصكم وقيامكم بإغلاق (الدرايش اللي على الشارع العام ) خخخخخخخخ تذكرها يا طويل العمر ؟! ذيك الدرايش ما غيرها .. اللي إذا صفيت بالسرا .. توقع يا يدعسك موتر يا تلخك مراية لموزين !! كل ما تذكرت أشكالنا وحنا مالين السايدين وراقين على الرصيف اللي بالنص ونحتري !! والله إني أموت ضحك .. تدري إن السرا واصل إلى مبنى مكافحة المخدرات ..والسرا اللي بجنبنا واصل إلى جامع الراجحي اللي على الدائري .. قسم بالله شي يوجع القلب 17 ألف متفرج متوقع حضورهم وراصين أم أمهم بدريشتين وعلى شارع .. الله لا يعيد ذيك الايام!! فأثمن لكم استغلال الساحة الداخلية وفتح أكشاك لبيع التذاكر .. بشكل يوحي بمدى اهتمامكم بالـ ( مشجع القلق) !! * خامس شي شفته : - لوحة إظهار عدد التذاكر المتبقية : أعجبني يا طويل العمر حركتكم .. وحرصكم على وقت (المشجع القلق ) .. وهالسابقة اللي تعتبر الأولى من نوعها !! عشان ما يرّص في السرا اللي طول قريح !! وبالأخير يطلّع بياع التذاكر راسه مع الدريشة هو وضروسه ويقول لك : ترا التذاكر قضت .. علـّم اللي وراك !! خخخخ تذكر هالبربسة يا طويل العمر ؟! الحين الله يحفظكم .. فعلا أثبتــّوا للمشجع الرياضي أنكم حريصين كل الحرص على كل ما يكفل راحته وسلامته ووقته !! وأكثر شيء أعجبني إن كل بياع تذاكر بمجرد ما يبيع أي تذكرة يضغط زر عنده قينقص الرقم اللي على الكشك الزجاجي .. اللي يوضح عدد التذاكر المتوفرة !! فيقدر أي شخص يعرف إن صفتــّه على سنع وإلا يقلب وجهه و يروح لكشك ثاني .. من البداية !! * رابع شي أعجبني : - الـ Duty Free of Malaz "السوق الحرة في الملز" !! الصراحة أكثر شي استانس عليه إننا فتحنا الباب لـ"المستثمر الأجنبي" يبربس ويحوووق أمها عند ملاعبنا !! يا حبي لهم ههههههه ودي تشوف أشكالهم يا طويل العمر .. و حنا نلاحقهم .. وهم يساومونــّا على أسعار التذاكر !! طبعا يجي (الباكستاني) شاري له 300 تذكرة !! و يحتري التذاكر تقضي !! ثم تعال شف تدبيل الأسعار !! قسم بالله يا طويل العمر إني شاريها .. أنا وخوّيي و بـ80 !! لكن إذا جاء أبو .. جايب عياله الأربعة أو الخمسة !؟؟؟! معك آله حاسبة يا طويل العمر ؟! أحسبها شف كم !! لاااااا هذا إذا صار (الباكستاني حبيّب وعلى نياته .. و له فترة بالسعودية !! ) وإلا قسم بالله إن سعر التذاكر اليوم متعدّي ( 120) ريال !! * تاسع شي أعجبني : - قرار عدم بيع أكثر من تذكرتين للشخص الواحد !! و أثمن لكم تعديلكم على القرار - يا حبكم عاد لتعديل قراراتكم خخخخ لعبتكم ذي!! - أيه أقول .. أثمّن لكم فتح المجال للشخص الواحد بشراء أربع تذاكر مرة واحدة !! أدري صعبة السيطرة على هالتلاعب !! لكن في علم القانون .. إذا ما قدرت تمنع ( الجريمة والتلاعب بنسبة 100 % ) فحاول قدر المستطاع ( التقليل من وقوعه ) !! وهذي طبيعة أكثر التشريعات والقوانين .. الهدف منها (الوصول لأعلى مستوى ممكن من صيانة حقوق الإنسان وممتلكاته مهما كانت تافهة ) !! بس والله يا هي ضحك يا طويل العمر !! أطعم شيء بالدنيا إنك تنزرف .. ولا فيه أي جهة رقابية تحفظ لك أبسط حقوقك !! بس لا تحسب إننا متضايقين !! لاااااااا بالعكس يا رجال .. ترا العالم مكيفــّة و فاليّن والديها !! * سابعطعش شي أعجبني : - تنسيقكم مع وزارة الداخلية !! و عمل ورش عمل شبه أسبوعية لرجال الأمن المشرفين على المناسبات الرياضية .. وترسيخ مفهوم ( احترام المشجع الرياضي .. أو باختصار " احترام الإنسان لمجرد أنه إنسان لا أكثر " ) !! ودّي إنك شايف وشلون المعاملة الراقية يا طويل العمر .. حتى فيه عسكري لاحقني !! و التفت وأثره وراي .. وأنا اللي أحط رجلي و لازنــّي و أنا اللي أعظ شليلي وهو مكيـّم وراي .. بس قهر صادني .. وأثر معه (باقة ورد) وهو يقعد يمحطنــّي فيها !! و ميّت من الضحك ويقول لي وشلون تدخل الملعب بدون ما أعطيك وردة !! الصراحة أنا تروّعت .. أدري إن عساكرتنا حبيبّين بس ما توصل الأمور للورد وعبق الزهور !! اللي طفشني صدق يا طويل العمر .. إننا متراهنين أنا وواحد نشوف كم عدد العساكر اللي ( مكشريّن وينفخون على العالم .. ويحسبون العالم بهم !! ) بس قهر مالقينا إلا واحد ..يوم جينا نكتب اسمه .. اعتذر وقام يحلـّف ما يعيدها وشطبنا اسمه !! ----------------------------------- ----------------------------------- - أشياء سقطت سهوا من المعروض :/ تخيلوا ؟! بدال الـ 150 ألف و الـ 50 ألف اللي تدفعها زين كل أسبوع .. وبمنهجية عقيمة !! تخيلوا لو قلـّل هذا المبلغ لـ 50 % وراحت للجائزة 100 ألف (75 ألف للفريق و 25 ألف للاعب ) ولتطوير (مشاكل الملاعب المائة الف الثانية ) ؟! بالله مهوب أصرف من هالبرابيس اللي انبحـّت أصواتنا وحنــا نسلط الضوء عليها !! تخيلوا ؟! يبادر مجموعة من رجال الأعمال اللي أكلوا الأخضر واليابس .. ويحس بواجبه الوطني ودوره التثقيفي والتوعوي !! ويشارك بوضع بعض النقاط على الحروف الواردة في المعروض أعلاه !! تخيلوا ؟! إني صاير بجيح ومتكلم - للمرة الثمانمية - .. عن مسألة ترقيم كراسي الجماهير !! وطريقة تدفق الجماهير لـ مقاعدهم !! و استيعاب الحس الوقائي الأمني المتضمن لهذا القرار من قبل المسؤولين !! تخيلوا ؟! يكون كل اللي صار اليوم .. فعلا مشروع لإسقاط وإعثار الزعيم .. عن مواصلة زحفه للقمة !! و ذلك عن طريق ( الإرهاق النفسي والجسدي لجماهيره ) التي تعتبر - دون أدنى شك - هي المحرّك الأساس والوقود الفعــّال لما حققه حتى الآن !! |
والله شيء يقهر اللي صار اليوم مافي تذكرة واحدة بالشباك وقدام الشباك واحد يبيع التذاكر بـ 50 ريال سرقة أنا أقول الحمدلله ما اشتريت التذكرة ودخلت مجانا رغم أني جاهز أدفع الـ20 ريال ألحين لو يطلبوها مني بس المسكين اللي دفع مبلغ محترم عند الباب للأجانب وأخوياه اللي بعده دخلوا مجانا وش ذنبه شفت قدامي يشتروا التذاكر بـ40 خمس أو ست تذاكر والحسابة تحسب ما أقول الله غير الله يصبرنا ما كأننا رايحين الملعب بفلوسنا :cry: مغاط دمت للزعيم كاتب مبدع دوما :ba: برايفت أكثر ما أعجبني ترقيم النقاط ذكرني بالتنظيم حق اليوم :razz: |
.. لم أضحك في حيآتي كمآ ضحكت عندمآ رأيت أحد مشجعي تشيلسي يأكل كم قطعت ( نجت ) .. وأنآ أتذكر ذلك ( البريق ) الكبير اللي يمر في ملاعبناآا والشاي بريالين .. كتبت فأبدعت مغآط .. |
شـــكرآ مغــاطــ شــكرآ ملكــ الذوق الرفيـــــــ ع يالبىــ قليبكــــــ انتـــ ومواضيعكـــ :smilie47::smilie47::smilie47::smilie47::smilie47::smilie47::smilie47::smilie47::smilie47::smilie47: :smilie47::smilie47::smilie47::smilie47::smilie47::smilie47::smilie47::smilie47: |
\\ لبـى قلبـك يامغـاط :d:smilie47: كفيـت ووفيـت يابعـدي :yes: , وحاضـرين حاضـرين لـو يصيـر اللـي يصيـر :s2: واللـه يوفـق الزعيــم :ba: :rose: |
هههههههههههههههههههههههههههه والله ياهو وناسة هالمعرووووووض اي صح مبروك كملت الألف ,,, مين قدك :d تدري عاد اتحداك تجاوب على السؤال .! الحين طويل وطوال العمر .. هم مايدرون بهالبربسة .؟ والا مالهم خلق .؟ والا ماهم فاضين لان عندهم مشروع النهوض بالرياضة \..! من يقدر يجواب .. وللمساعدة .. اتصل على الرومي او ابو اثنين .:s4s: تصدق انا مفكر اتنكر واصير باكستاني وابيع التذكرة على امثالك الطيبين اللي مايزعلون من حركات وخنبقة طويل العمر اعتقد سهل الواحد يصير باكستاني .. اي سهل ..وش يبيلها غير دفاشة وقوة قلب وطول فارع وهذي صعبة شوي لكنها ممكنة مع تركيب كنادر مثل المسلسل الكرتوني ( بسيط ) بسيطن بسيط واسمه بسيط . .. يالله وش نسوي .. اهم شي هم راضين وحنا ماكلين توفي لك وش فرقت الرياضة عن غيرها من حياتنا ,, داجين بكل شي وقفت على طويل العمر . يازين الدجة والبربسة وانت مقتنع ان سبب البربسة مطول على الموال وعداااااااااا اليييييييييييييييييييييييل |
000000000000000000000000000 |
اهلا بكم في المملكه العربيه السعووووووووووووديه ههههههههههههههههههههههههه |
الله الله الله على هالابداع ! وربي دائما ابداع و امتاع ! واللي صار اليوم لازم ماينسكت عليه ولازم الهلال يطالب بــ ابسط و اقل الحقوق لجمهوره ! يعطيك العافيه |
سلمت يمنإأآإأآكـــــــــــ ياااااااااا الغ ــــالي مغاط إبداع & إبداع بصراحة مبدع في طرحك وآسلوبك :yes::yes::yes: بس آسلوبك شى في طرح المشكلة الله يحفظك:rose: ودائمًا احرص على قرائة كتاباتك يا الغالي :smilie47: مغاط إإأآإأآآأإمممممم وش أقول بس والله مبدع .....بس تدري أخوي دخل ببلاش من الزحمة تصدق قال رجل الآمن ادخلوا جعلكم تفجرون الملعب:naughty::s5s: <<<خخخخخ تقبل مروري نبيّــــــــطة |
احلى شي باقة الورد :d وان دل يدل على حرصهم على نفسية المشجع :to: |
إقتباس:
والله يآخي قهر التذكره يبيعهآ لي بـ 80 ويين بس دخلت بدون تذكره تصدقوون هع |
اه بس يامغاط وش اقول ووش اعد قسم بالله جابو لنا المرض هالعالم المتخلفه كرهونا في الكوره يعاملونك على انك مجرم ومسجل خطر منت بمواطن صالح وقبلها انسان ولست حيوان احس الشغله استقصاد |
الشرط أربعون ...........................................................ز |
مميز بمواضيعك كعادتك يا استاذ مغاط الله يعطيك العافيه دمت في حفظ الله |
تبي الجد احس اني دخلت في عالم ثاني مع روائعك وما تستغرب انهم يصدقون كل كلامك وفي ناس بتقول هذا اللي يسونه للجماهير وبشكل خاص جماهير الهلال لان الامن يوزع لكل مشجع هلالي باقه ورد وشال طبعا الشال مو من موبايلي هذا هديه وتكريم لنا عشان حضورنا المميز يارجال خلها علي ربك وربي اني منغبن حد الثماله |
حياك الله يامغاط لاهنت على المعروض والشرح الوافي وفالك 3 نقاط تستاهلها ,,,, |
تسلم مغاط والله يعطيك العافيه .... كلامك كله بمحله لكن طويل العمر مشغول بالخطط المدروسه ... |
لن أتخيل تتحدث عن أحلام حقيقة أمر مؤسف مايحدث في التذاكر من إستغلال وتدبيلات بالسوق السوداء وكذلك بأماكن بيعها إن توفرت .. أما رجال الأمن وتعاملهم مع المشجعين فهذا أمر يعكس ثقافة العسكري نفسه وتعليمه وعليك أن ترى شهادات رجل الأمن لتعرف عن أي مستوى تعليمي تتحدث .. نعم التعامل مع الناس من الآداب الإسلامية التي نتعلمها بالتنشئة الإجتماعية وليس التعليمية ولكن هؤلاء لم يتعلمو إلا التعامل بنفخ النفس والتحدث مع المشجعين وكأنهم حيوانات ليسو بشر وهذا ماتسبب بعزوف الكثير عن الحضور للملعب ترقيم الكراسي لم يجيدو التعامل مع المنصات وهي منصات لكبار الشخصيات في بعض الملاعب مابالك بالمدرجات المخصصة للدرجات .. مازلنا نتعامل بعشوائية قص تذكرة واقعد وين ماتبغا .. معروض مرفوض ثم مرفوض ثم مرفوض .. |
الله يحفظك ويخليك كفيت ووفيت بس وين طويل العمر |
مشكور اخوي مغاط والله كنت مبيت النية انا والصغار نحضر المباراة لكن الحمد لله حصل لي ظرف بسيط منعني من الحضور ولكن بعد ما حصلت هذه الاحداث قررت عدم حضور الصغار نهايئا خوفا عليهم من اي طارئ يحصل ولسوء التنظيم الحاصل وسوء المعاملة وما شاهدته من افلام توضح المهزلة الملزية يجب من تحرك عاجل لوضع حل عاجل مع اني متأكد لا توجد لدينا حلول عاجلة !!!!! في الاخير نشكر الجماهير التي حضرت وساندت مع ما حصل لهم من مشقة وتعب ونكد وسء معاملة لله دركم |
مشكور اخوي مغاط يعطيك العافية |
من جد الله يعيييييييينكم ياللي تحضرون,, انووواع الاستهبال عليكم :( تسلم يامغاط كالعاده مبدع,,, الف الف الف مبروووكـ الفووز,, |
شـــكرآ مغــاطــ شــكرآ ملكــ الذوق الرفيـــــــ ع |
مميز بمواضيعك كعادتك يا استاذ مغاط الله يعطيك العافيه دمت في حفظ الله |
داااااااااايم مميز ما شاء الله تبارك الرحمن مواضيعك تفتح النفس خوي مغاط وياااااارب يكون فيه حل للمهزلة الي صايرة يارب |
الله الله الله على هالابداع ! وربي دائما ابداع و امتاع ! واللي صار اليوم لازم ماينسكت عليه ولازم الهلال يطالب بــ ابسط و اقل الحقوق لجمهوره ! يعطيك العافيه |
والله اول ما دخلت الموضوع متضايق شوي من ضغط الأختبارات الجامعية ^^^^^^^^^ واحد يكشخ لكن بعد ما قريت الموضوع كشرتي اكبر من كشرة رابح صقر ^^^^ خخخخخخخخخخخ الف شكر لك على الموضوع المميز جدا جدا |
الله الله الله على هالابداع ! وربي دائما ابداع و امتاع ! واللي صار اليوم لازم ماينسكت عليه ولازم الهلال يطالب بــ ابسط و اقل الحقوق لجمهوره ! يعطيك العافيه |
أه يالقهر الى متى ياسمو الأمير الأستغلال ؟؟؟؟؟؟؟؟؟؟؟؟؟؟؟؟ مغاط مشكور ويعطيك الف عافيه يالغالي |
صراحه ابداع مغااااطي جمييل وفعلاً شر البليه مايضحك ..حال ملاعبناااا حاااال:to: |
\\ لبـى قلبـك يامغـاط كفيـت ووفيـت يابعـدي , وحاضـرين حاضـرين لـو يصيـر اللـي يصيـر واللـه يوفـق الزعيــم |
يالله حيه يامغيغيط ابدعت والله خصوصا في باقات الزهور اللي انمحطت فيها الله يعين على هالجحلط |
ههههههههههههههههههههههههههههههههه تشكر مغاط صراحة على هالمعروض المضحك المبكي صراحة خففت شوي من المذلة اكلتها اليوم من ملعب المز صراحة اليوم حسيت اني سالب في الحياة ومالي اي قيمة والكلام ينطبق على كل الي حضرو واكلوها مثلي اهني الدوري السعودي على هذا التنظيم على فكرة بس عشان ما ينسون انه ما زيين الدوري في عيون الخلجيين الي حولنا إلا احنا كجماهير بثقافتنا ... وروقينا الي للأسف قوبل وراح يقابل في قادم الأيام في تنظيم ازفت من هذا التنظيم يعني ترا لو تفضى ملاعبكم من الجماهير صدقوني دوريكم ولا بريال والله ما احد راح يشترية يدوري بلا جمهور ولا بريال يعني بالله تعتقدون بتنضيمكم تبي تتفوقون على الدوري القطري والإماراتي لا طبعاً الدوري القطري والإماراتي يتفوق عليكم في الملاعب ... المحترفين ... التنظيم ... لكن !! ما يتفوق عليكم في الجماهير وعذا الي جعل دوريكم يتفوق عليهم وبالمعامله هذي تبي تخلون الجماهير تعزف عن متابعه انديتها عن طريق الملاعب وراح يكتفون بالشاشات تحياتي لك مغاط |
الله يعطيك الف مليوووون عافيه ع هالموضوووع اخ مغالط ولكن هذا احد بنوود الخطط المدروسه لزيادة دخل الاتحاد السعودي لان الباكستاني اللى يبيع التذاكر متقاول مع الاتحاد السعودي خخخخخخخخخخخخخخخخخخخ بالتوفيق للهلال فووق كل ارض وتحت كل سماء |
لاحول ولا قوه الا بالله بالتوفيق للزعيم |
مغاط احد الاقلام التي احرص على متابعة ما تطرحه الف شكر لك والشكوى لله اذا كان المشجع ينذل ويتمرمط عشان يحظر مباراة فريقه الله ابتلاه الله بحبه لكن حسبنا الله ونعم الوكيل |
مغاط ومافيك حيله \ وموضوعك قصه حياه جمهور كامل وشعب رحم الله بطن جابك وصان قلما تكتب به احبك با هذا واعشق قلمك |
الحمدالله اني ماطحت بنفس الشغلات هذي .. من جد ! فرق بين ترتيب الملاعب عالميا ومحليا !! مباريات كره السله على سبيل المثال في جامعتنا ( الاولى على مستوى امريكا حاليا ) افضل وارتب من احسن ملعب سعودي ! ليش .. هنا السؤال ... اتمنى رجعتي للسعوديه وملاحظه الفرق .. بالتوفيق ،، |
والله واقع الملاعب السعوديه صعب جدا يفترض بدل هالدريشتين كشكات كثيره لبيع التذاكر وكل تذكره عليها رقم المقعد في المدرج مثلا A يروح الشخص لمكانه بس قبل هذا ياليت لوفيه امن ملاعب عند كل مدرج 4 سكيورتي امن ملاعب ينظمون وكل شخص على مقعده ماادري ليه مانطبق هالاشياء وش ينتظر المسوؤل ... اشكرك يامغاط يامبدع |
وتخيل يا مغاط اني ما قريت موضوعك اليوم .. الف شكر يا مغاااط اللي مواضيعك دايما تبرد ال تسبد ولا لها اذاان صاغيه |
شـــكرآ مغــاطــ شــكرآ ملكــ الذوق الرفيـــــــ ع يالبىــ قليبكــــــ انتـــ ومواضيعكـــ |
ويبغون الدوري يتطور وهم ابسط اساسيات التطور ماطبقت عندنا !! الله يخلف بس .. ويعطيك العافية على هذا الموضوع الرااااااااااااااااااايق ... |
ههههههههههههههههههههههههههههههههههه الله يرج عدوينك يامغاطووه :d والله يانك نتفـت ام العساكر ياشيخ خخخخخ لكن مانقول الا هكذا الدنيا فكفكف دموعك وتسلم ع المووضوع ياقميل ;d |
مبــــــــــــدع يامغــــــــــاط الموضـــوع أكثــر من رائع |
أخي العزيز ( مغاط ) كتبت فأبدعت ولكن يؤسفني أن أقول لك ( لقد أسمعت لو ناديت حيا ولكن لا حياة لمن تنادي ) !!!! جماهير الزعيم أنتم وقود الفريق والذي من دونه سيتوقف قطار الفوز فمهما كانت المعوقات فالزعيم بكيانه من لاعبين وجهاز فني وإداري وعلى رأسهم قائد الإنتصارات الزرقاء وربان السفينة ( أبا فيصل ) يستاهلون أن نضغط على أنفسنا من أجلهم وأن نتحمل كل ما نعانيه من سوء تعامل سواء من بعض رجال الأمن عند الدخول للملاعب أو من سوء تنظيم من إدارة الإستاد ( ولكن كله يهون من أجل عيون الزعيم ) يــــــارب وفـــــق الزعيـــــــــــــــــــــــــــــــــــــــــــــــــــــــــــــــــــــــــــــــــــــم |
كلام من ذهب ونا اشوف الحل الوحيد هو بنا ملعب للهلال لأن المسؤلين ماعندك احد ولا حولك تطوير |
بصراحه ما ادري وش أقول عنك و عن مواضيع المتميزه كاتب كبير جدا جدا ,,, الله يعطيك العافيه و لا تحرمنا قلمك |
\\ لبـى قلبـك يامغـاط كفيـت ووفيـت يابعـدي , وحاضـرين حاضـرين لـو يصيـر اللـي يصيـر واللـه يوفـق الزعيــم |
كبير يامغاط جعلتنا في قلب الحدث والله يصبرنا |
لبـى قلبـك يامغـاط :smilie47: كفيـت ووفيـت يابعـدي , وحاضـرين حاضـرين لـو يصيـر اللـي يصيـر :) واللـه يوفـق الزعيــم :ba: :rose: |
واللي صار اليوم لازم ماينسكت عليه ولازم الهلال يطالب بــ ابسط و اقل الحقوق لجمهوره ! ملينآ من هاالجمله مارح نسكت مارح نسكت اصلان من للي بيأخذ حقنا اصلان الله يصبرنا انا ماهرني ان المشجع الهلاالي يعامل كانه يهـــــــــــودي اما المشجع الاصفر ماخذ راحته !! |
لالالا معقوووووووووول هل المعاناه ............... الحمدلله اني بنت ههههههههههههههههههههههه |
لبى قلب الكاتب الصغير :d بالعمر قصدي << هذا موجود بالنص .. المهم والله انك صادق بكل كلمه الا الوردود الي تجي من الامن:d ..مش خشمك يعطونك ورد بس وش نسوي بدت الحرب ضد الهلال من جميع الاطراف . تدري ليش عشان على قولتهم مايخرب الدوري وينتهي قبل مايخلص .! بالعربي يبي يحاولون يقربون المنافسه واذكرك .! وشفت الحكم اليوم . <<خش في موضوع ثاني .!:d يعطيك العافيه اخوي مغاط وبانتضار جديدك المنتظر دائما . كل التوفيق لنادي القرن الاسيوي :) |
اهلا بكم في المملكه العربيه السعووووووووووووديه |
موضوعك رائع .... ولاتنسى المطاعم المتنوعة اللي داخل .. وانواع الأطعمة اللي الواحد يحتار وش ياكل .. ومشالله البيسبسي يمكن يجيب لك اللوز من البرودة .. وحنا بعز الحررررررررر ... من جد هناك عشق للكرة بالسعودية ... على خدمات ابوكلب اللي بالملعب وكذا الحضور ... أجل لو الخدمات مثل باقي العالم .. أتوقع كل المباريات فل |
يعطيك العافية على موضوعك وياليت طويل العمر ( الكبير ) يقرى الي كتبتة يا عالم يا ناس اقسم بالله مهيب صعبة مسألة تنظيم بس.. كل تذكرة عليها رقم واجلس في مكانك وخلاص ليش التعقيد ؟ وش فيها لو صرنا منظمين.. ؟ ياخي بدال ما نمدح الدوري الإنجليزي والإيطالي وغيرة من ناحية التنظيم ننظم انفسنا ونمدح روحنا.. يعني لازم احد يموت بالملعب عشان نعيد التنظيم ؟ عموما مبروك الفوز |
:ba::s4s::s3s::ba::ba::to:هذي المشكلة تدفع فلوس ويذلون امك انا ابي اعرف وين التنظيم وين الرقابة حتى في المباريات بعد ما بقي شيء الله لا يغيــــــــــــر علينا هذا اللي حبيت اقوله |
اهنيك يابطل قلم رائع كتت فابدعت والله في وصف حال الجماهير |
ويبغون الدوري يتطور وهم ابسط اساسيات التطور ماطبقت عندنا !! الله يخلف بس .. ويعطيك العافية على هذا الموضوع الرااااااااااااااااااايق ... |
| الوقت المعتمد في المنتدى بتوقيت جرينتش +3.
الوقت الان » 12:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd