19/12/2009, 11:44 PM
|
كاتب ساخر بالمجلس العام | | تاريخ التسجيل: 21/08/2005 المكان: حيث يعيش الشلولخ
مشاركات: 6,845
| |
فهد المرداسي .. الحكم الرائع .. ألا يستحق الإشادة ( رغم إني مااعرف وش ميولة ) دايم نكتب عن .. لاعبين .. سواء في مركز الهجوم أو الدفاع او الحراسة .. او الوسط ..
وإذا غفلنا عن اللاعبين شوي ونسيناهم ..... مانقصر برئيس النادي .. ونائبة .. وناس تدعي .. وناس تشيد وتجدد الولاء بالسمع والطاعة .. للإدارة الفلانية .. ودعم الإدارة العلانية .. حتى رؤساء الأندية المنافسة إستقبلناهم عندنا بالشبكة ..
حتى المدرب .. كوزمين مثلاً وحدوا التواقيع بالمنتدى لعيون ابو الكوزم .. كوزمين يعني كتبنا فيه .. ومدحنا .. وفيه ناس ( صاحوا ) يوم راح .. والحين جريتس .. طايرينبه بالعجه
الجمهور .. انا لحالي كاتب فوق العشر مواضيع بس في التغنى بجمهورنا الغالي بكل مكان ..
محللين ترانا ماقصرنا معهم .. والشنيف يشهد .. وفيصل ابو أثنين .. صحيح إننا سفلنا بمحللين مالهم بالتحليل لاناقه ولا جمل .. ماغير ( ساش ) و( الفريق كبير ) وقادر ..
أما الحكم ( المسيكين ) خصوصا السعودي ماقد جاء طاريه إلا بالشين !!
طيب هذا نقد .. وحقة وماجاه .. أقصد الحكم ..
بس لو بدًع الحكم .. خصوصاً إنه شباب ويمتلك شخصية قوية .. وقرارات سليمة .. مع اخطاء قليله غير كوارثيه
هذا الحكم .. لايخرج الفريقين منه إلا مقتنعيين بالفوز او بالخسارة ..
يبتسم في وقته .. ويكشر في وقته .. ما(يكركر ) وهو في وقت لابد إنه يكون حازم !
تحركاته بالملعب ولياقته عالية .. ويبدو لي بأن أخلاقة عالية وله عقليه إحترافية ..
اتمنى للحكم ( فهد المرداسي ) التوفيق ...
وانا ياواحد مااعرف والله وش يشجع .. ولاأدري وش ميولة .. لكنه أعجبني في أكثر من مباراة
سعيد بتواجد مثل هذا الحكم في ملاعبنا .. بعد عبدالرحمن الزيد ..
لابد لنا من الثناء لكل من يستحق الثناء ..و هذا الحكم يستحقة فلا ندري قد يكون إنقاذ تحكيمنا من خلاله ..
اخوكم الصغير ابو طلال |