السلام عليكم ورحمة الله وبركاته
بداية يعلم الله أن جميع مايرد في هذا الموضوع انما هو حقيقي ولم ينسج من الخيال مع العلم أن صاحبنا هذا اللي يدور حوله الموضوع كان نصراوي متعصب جدا جدا لدرجة أنه كان يفقد أعصابه حيال أي موضوع يمس نادي النصر الشقيق ؛؛؛ لكن الحين شوفو وش صارلـــــه ؟؟؟
قبل البداية: الحمد لله أولا وأخيرا اني هلالي اباً عن جد
إهداء لكل زعيم وزعيمه
ملاحظة: أستأذنت صاحبي قبل نشر القصة فوافق بشرط أن يتم حجب الصور المرفقة في الإيميل المرسل لي وكذلك حجب أسماء الأشخاص.
القصة:ــــ
بيان الى من يهمه الامر
قصتي كانت قبل 14 سنة يوم كنت بثالث ابتدائي شجعت فريق النصر و كان البيت كله يعج بالنصراويين الا تركي اخوي صاحب مقولة " وراك زعلان علينا وطولت " كان يشجع الشباب ايام سعود السمار يوم يلعب الكورة اوت في مباراة ظفار انهزم الشباب وهو للحين مستقر على فريقة الحقير ... فما ذكرته انفًا كان البيت يعج بالنصراويين وكنت اشجع النصر حبًا و عشقًا وهيامًا و لا كنت اعرف مستقبل هذا الحب ...!!!
مشت السنين والسنون و البنون و انا اشجع فريق ماجد محيسن الهريفي اليساندرو ديلبييرو وكانت كوكبة نجوم و راحوا كأس العالم وفرحنا و كانت الانتكاسة .. بعد كأس السوبر صام النصر الى هذا اليوم عن البطولات وحنا طول الـ 10 سنوات نقول البركة بالادارة الجاية و فريقنا من جرف لدحديرة من جرف لدحديرة لعل وعسى يقووم والله لو انهم غنم كان حسوا ولعبوا علشان هاللي يموتون بالمدرجات علشانهم ... لكن وش تقول ..!!!
10 سنوات وحنا نلعب على انفسنا ونقول الهلال فريق تحكيم و بطولاتهم غش وجابوا حكام اجانب و لا زالوا يحققون بطولات ورحنا قلنا لاا الهلال فريق حظ وصار يفوز بدون حظ بنتائج خيالية بعدين رجعنا وقلنا تحكيم و صرنا نتقلب من تحكيم الى حظ ..!!
اصبح شغلنا الشاغل نادي الهلال وش يسوي نادي الهلال وش يحط نادي الهلال وش يخطط نادي الهلال ...!! وتركنا فريقنا 10 سنوات يترنح ما بين مركز رابع وبين ثامن والهلال اللي نشوف وش يسوي قاعد يحقق بطولات ..!!
و رحنا صرنا نتكلم بالتاريخ اللي اسميه لغة العاجز لان الانسان ان ما كان فيه حاضر يشغله فيرجع للماضي وهذا ما انطبق على جماهير النصر تمامًا صرنا نفهم بالتاريخ الرياضي اكثر من تاريخ المملكة و السبب شلة الكديش اللي تعاقبوا على نادي النصر 10 سنوات ما شفنا كأس ولا ملعقه ..!!
10 سنوات وحنا نقول السنه اللي بعده هذي اعداد هذي اعداد اللي يسمعنا يقول نعد منتخب البرازيل مهوب نادي .. وكل ما قلنا السنه هذي اعداد السنه اللي بعده يتغير 15 لاعب ..!! وش هالاعداد ؟؟
10 سنوات وحنا مهانة كرامتنا ما نتكلم الا بالتاريخ كل العالم سفلوا فينا طاش ما طاش و بيني وبينك و حتى هوامير الصحراء ..!!!
شتّان بين الهلال وبقية اندية الدوري ومع الاحترام الكبير للنصر .. فالحب انتهى بالنسبة لي 14 سنة حب بدون فائدة ...!!
وش ابي بفريق ما يقدر الجماهير اللي تحضر .. اضعف الاندية صارت تفوز علينا .. حتى صور العماني فريق درجة اولى في عمان يتعادل معنا و بالرياض ...!!
في حين الهلال يهزم حامل اللقب بـ 5 - 0 لو تعاد المباراة 100 مره فاز الهلال 5 - 0 ...؟؟
يقدر اي فريق سعودي يفوز على الاتحاد بـ 5 ؟؟
الهلال يملك شخصية الفريق البطل .. الهلال بالعربي ترتاح وانت تشوف مباراته ... وانا اتحدى اي نصراوي يكون مرتاح وقت ما يناظر مباراته .. والاكيد انه يشوف المباراة لحالة او مع شلة نصراويين ..!!! ويسأل نفسه ويشوف ..!!
انا قررت بشكل سري عام 1429 هـ تشجيع فريق غير النصر ولكن لم احدد لانه كانت فيه مفاضل بين الاتحاد و الهلال بحكم انهم ناديين مسيطرين على البطولات الكبرى ولكن قررت الحين اني اشجع الهلال ..!!
كما لا انسى ان اشكر الدكتور خالد ش , و الاستاذ فهد ح , و الاستاذ وليد ش , الذين كان لهم اليد الطولى و الدعم المستمر في ابقائي هلالي ...!!
شكرًا يا استاذ فهد على فانيلة الهلال ..!! وعقبال ما نحتفل بالدوري و آسيا ....
لا احد يلومن يا جماعة انا انسان زهقت و تعبت 14 سنه كافية ..!!
ياخي الواحد لا صارت حرمته مضيقه صدره و حارقه اعصابه يطلقه وهي حرمته فما بالك بنادي ما طق لابو جدك خبر ..!!!
قريبًا مشاكل المشجع النصراوي النفسية مع الامثلة و التجارب ..!!!
اخيراً اللهم لا شماته
والحمد لله أني زعيم 
الوضع الشجري
