والله عند خالي شغاله قاعده عندهم أكثر من 25 سنه

خلاص صآرت وحده من العايله

جايتهم يوم ولد خالي في سنته الأولى والأن عمره 28 سنه

غير السيرلانكيات لاتدورين

بس ولله الحمد ماعندنا شغاله

ولانبي بعد

السلام عليكم

يعطيك العافية يالارسنالية

الخدم ضرورة ملّحة .. اتكلم عم الشغالات لاني شخصياً ما اشوف فيه داعي للسواقين لا صار في البيت اكثر من واحد يسوق مثلاً .. هو صحيح طلبات الحريم ما تخلص بس يستاهلون اهلنا <----- قمط

بالنسبة للمواقف والله كثيرة .. ويجي منهم شر بصراحة .. فيه مواقف سحر صارت وكثييير عندنا .. غير السرقات اللي تصير حدثي ولا حرج .. بس باقول شي مهم ومن واقع تجربة واشياء سمعت فيها .. لحد يعطهم الثقة لأنهم غالباً يخونونها !

ما قصرتي

اول موضوعك قوي قوي قوي ومتعوب عليه واهم شي كلمة اذكر ..هع

والله صار موقفين واحد كويس والثاني لا هع
الاول عندنا بس(قطوه) طبعا كل وقتها تدور بالبيت ومرا مدري ايش جاها وصارت تماوي كثير والشغاله ملت منها الا شوي وبترمي عليها الجزمه وانتو بكرامه وطلعت قدام الخدامه وجدت الجزمه بوجهي هع..

الموقف الثاني مع الخدامه نفسها الى فوق الدلخه..
انو فكرت تنحاش وطلعت من البيت بس لابسه لثمه وكاشخه هع ماتدري ان البنت الى تمشي لحاله بالحاره ومتلثمه شي مشبوه الا وتطلع وفيه ولد جيرانا ويمشي وراها انتي ياحلوه عبرينا ..الخ اخر شي اوووه انتا ايش يبغا قعد يناظر يوم قال انتي شغاله بيت... قالت ايوا وترجع هع بس من بكرا وهي في الفليبين هع

وبس.. تقبلي مروري

ماعليش الخط صغيرهذي الى مسوي نفسه قوي وقاعد يتفلسف هع

خخخخخخخخخخخ

ولا يا عليكم مواقف


انا اكثر موقف يعني اذكره

جدتي الله يرحمها قبل تتوفى كان عندها خدامه ويا سواق زوجها

الموهم حملت وجابت بنت

وبحكم جدتي بشقراء ساكنه

فكنا لما نروح عندهم هناك

ويطقون بزرانا بنت الشغاله اذا خذت اغراضهم

قامت جدتي تدعي على بزرانا وعلى امهاتهم^_*<<الي هم بناتها من شان بنت الخدامه^_^

والله صارو خالتي يغارون من الخدامه^^

تحياتي

هلا وغلا سنيوره

هلا بـ سنيو .

و عليكم السلام و رحمة الله و بركاته ..

إقتباس على سالفة الولاده .. اذكر وحده من البنات تقول سواق خالتي طلع زوج شغالتنا بعدها بفترة بسيطة اكتشفنا انها حامل

يـ الله ، كثير سمعت مثل كذا
خالتي الله يعافيها و يخليها لنا ، زوجة السواق ولدتها وحتى سوت لها نفاس ههههههههههههههه قسم بـ الله كن نضحك عليها لا دقيت عليها وقلت لها وينك فيه تقول أتقضى لـ النونو أقول أي نونو تقول زوجة السواق عاد قبل أمس رايحه لبيت خالتي و شفت الولد ياهو كبر وصار عمره سنه
كنها أمس يوم خالتي تقولنا خبر ولدتها

إقتباس صديقتي تقول عندهم سواق مهايطي ! .. ينفخ عليهم يضرب عيالهم الصغار ..

هههههههههههههههههههههههههههههههههه
مدري ليش يوم قريت سواق مهايطي تذكرت سواق خالي ، ذاك السواق توحفه ! مدري هو يكرهني وإلا شقصه أم أمه
مجرد ما يشوفني راكبه في السياره يحب يعاندني ! عاد مره كنا شارين أيس كريم وجالسين نأكله بـ السياره نقول له لا تسرع علشان ماينكب علينا !
إبن اللذين احنا قلنا وإلا ماقلناه مادرينا إلا ومسرع و أكلنا مطب عاد شوفي أشكالنا شنو صارت
اصلاً تعودنا كل ما أركب ويا بنات خالي يا يوكلنا مطبات وإلا يسوي نفسه فاهم و يعرف المكان و إبن اللذين يضحك اذا تنرفزنا من تصرفاته

إقتباس بعض الخادمات حراميه وبعضهم الله يكفينا شرهم ساحرات !

يب صدقتي ، اتذكر مره في استراحة أهلي تعرفين كل العالم تجيب شغالتهم و ياهم ومسوين حزب هالخدم المهم تفاجانا يوم رجعنا لـ البيت إن مأخوذ من بوكي فلوس أنا في البداية ظنيت إني صرفتها لكن يوم اجتمعت مره ثانيه و يا أهلي لقيت اغلب البنات برضو ماخوذ منهم فلوس بالاستراحه كذلك المسكينة مرة خالي جوالها أنسرق .

إقتباس - تحبون تطيحون الميانه مع الخدم ؟ يعني انتي يالبنت تسولفين مع الخدامة وضحك واستهبال ؟ وانت يالولد نفس الشيء مع السواق ؟

لا و الله ما أحب اطيح الميانه وياهم ، صح إن فيه خدم يستهبلون عندي ويحاولون يتميلحون بس ماعطيهم فيس !
معاملتي وياهم جديه لأني عارفه أن لا عطيتهم وجه بيغثوني

إقتباس - مواقف صارت لك مع الخدم ؟

ياكثر المواقف اللي تصير لي وياهم ، عندي وحده قسم بـ الله قلق ! أول مره أكره خدامه كثر ما أكره هـ الادميه تخيلي ملقوفه بشكل مو طبيعي أي شيء أسويه لابد تعطي تقرير لـ ماما ، فـ البداية مامي ماتعطيها فيس لكن من تالي صايره تسمع لها !
أكثر موقف حقدت عليها فيه لدرجه تمنيت أروح اشوتها .. مره كنت طالعه ويا صحباتي ، و تقابلنا في السوق ع الموعد وتعرفين البنات لازم يروحون يتعشون في مكان ثاني فـ اقترحت صديقتي بما أن سيارتها كبيره كلنا نركب سواً في سياره وحده ونروح المطعم ، امي الله يسلمها ويجزاها خير ممنوع عندها منع باتاً إنك تركبين في سيارة صديقتك قريبتك يب أما صحباتك لا تفكرين!هم يركبون معك أما أنتِ لا

فـ أنا قلت دام المكان قريب ومو رايحين بعيد أركب مع صديقتي وقلت لـ الخدامه اركبي بسيارتنا و الحقونا
تعشيت و رجعنا لـ البيت بسيارتنا !
تفاجاة اول مادخلنا البيت بنت الذين سابقتني أنا ع بالي إنها مستعجله وراها شيء
توني بروح لـ غرفتي مادريت إلا امي تنادينا تعالي، و تقولي انتي راكبه مع صديقتك!
انا انصدمت أمي وش دراها .. توني جايه ماقلت لاحد شيء! قلت لها يب عصبت ع ، ليه تركبين مع صديقتك ورا ماركبتي سيارتنا !
قلت يمه ترى و الله مارحنا بعيد غير كذا سيارتنا لاحقتنا ، بعدين صديقاتي ماراح يخطفوني !!
قالت امي سويها مره ثانيه وشوفي وش يصير لك ! أنا قلت لها إن شاء الله تأمرين أمر يايمه وعد ما أسويها
مجرد ماطلعت من عند أمي رحت للملقوفه وهاوشتها وتمنيت و الله لو يجوز الضرب أني اضربها ع لقافتها ! طب وش دخلك أركب مع اللي أبي تروحين تفتنين ع ليش ..

إقتباس ان شاء الله يعجبكم طرحي الي مدري وش يبي < اثار السهر

يب ماشاء الله طرحك حلو و موضوعك خفيف ، ثانكس يالغلا عليه
إلا ماطرحتي لنا مواقف صارت لك ويا الخدم .. اعذريني يـ الغلا ع الاطاله




بـ التوفيق لك




سي يا


فيّو

هلا والله بالسنيورة ..

على البركة تغير اليوزر ..
الشغالات وما ادراك ما الشغالات ..
انا كنت احب الشغالات واموت فيهم بس الحين تبت ..
كانت عندنا شغالة شغل وسناعة ما اتوقع فيه احسن منها ..
والصلاة ما شاء الله تصليها بوقتها وحتى السنن ما تفوتها ..
وكنا بعض الاحيان نعتمد عليها تصحينا للصلاة ..
طبعا معاملتنا لها من احسن ما يكون وعادينها من افراد العائلة ..
ويوم جت تسافر وما كنا ناوين نفتشها بحكم الثقة والعلاقة اللي بينا ..
بس بعض القرايب لعبوا في روسنا وقررنا نفتشها ..
واثناء التفتيش لقينا معها سحر وشعوذة وخرابيط وشوية اغراض خاصة ..
من عقبها توبنا نثق في اي شغالة تجي مهما كان ..
اتوقع اني جاوبت على الاسئلة من خلال القصه اللي فوق ..

يعطيك ربي الف عافية على الموضوع ,,