..

الكلاسيكي

إقتباس للأسف ان الكثير يفتقد لأبسط اساليب الحوار , فكيف بـ نقل الخبر السيئ !!

فعلاً والله أشياء نراها بأعيننا : /
أتفق معك بـ شدة وقعها على الجميع
فكيف بـ أهله / المرضى .. !!

إقتباس هي كلمه .. ان لم تستطيع ايصال الخبر , فولي المهمه لمن هو اجدر بك ..

صادق والله بس تبقى
المشكلة إن كان الخيار الأوحد :/

إقتباس اسال الله ان يجعل اخر الاحزان .. في عامنا الذي مضى بخيره وشره ..

آمين يارب


الكلاسيكي

ممتنة لـ حضورك
و إضافتك للموضوع ..


..

\للأسف الاحظ فيه نوعية من الناس سبحان الله تتلذذ

وهي تنقل الاخبار سواء زينة ولاشينة

مايهمهم اهم شي لهم قصب السبق بنقل الخبر

وكذا يفاجئون بالخبر من دون مقدمات ولاتلطيف ولاشي من هالقبيل

ع طول ينزلون الخبر ع الشخص مثل الصاعقة وهويضيع بهمه وهم ولاهمهم

سيم سيم الجزبرة


مثل هالنوعية اخاف اذا قابلتهم

لأني اكون منتظرة باي ساعة خبر

ع الاعصاب القعدة وياهم والله هيك دون مبالغات

لذلك تبعا لشعوري تجاههم

حرمت انقل أخبار لأي كائن كان

حتى لوكان الخبر حصري عندي موعندغيري <<مع انها ماقد صارت بحياتي

لأني انادايم اخر من يعلم بالخبرمن زود الفهاوة ولله الحمد

بس مهما كان يجي غيري ويستلم الخبر ويوصله

وانا كمن لايرى لايسمع لايتكلم في هالناحية

خصوصا خصوصاالاخبار السيئة

الله يبعدها عنا * ويحفظلنا ولكم غوالينا

******
عاشقة ابداع فكرة
ابداع اسلوب
ابداع طرح
ماننحرم هالطلة يارب

وما يهون مبدع التصميم

يا هلا عاشقة الوطن
موضوع حلو كثير
بالنسبة للمواقف سبحان الله في ناس تتعرف تتصرف وفي ناس لا
ما عندهم سالفه مره يعطوك ياها على بلاطه على بالهم الدنيا لعبه

بالنسبة لي ما اعتقد اني مريت بهذه الامور ولله الحمد
يعني ما توصل لمصايب كبيره وكذا

مره صار حادث لرحيمي وانا وراه بسياره وهو بسياره
على طول تركته ودقيت على أخوي الكبير قلت له اطلع برى بسرررررررررعه
وصلت البيت تقريبا بدقيقه وحده وهو واقف برى بالبجامه
يقول لي خير وشفيك
قلت له رحيمي صار له حادث

يقول هاا وين وو
ركب السياره وانا امشي
هو يسأل وانا صااااااااااااااااااامت

دقيقه تقريبا وحنا عنده


بعيد الاضحى الي فات قبل العيد بيوم
صارت مشكله بسيطه المهم المشكله تزعل امي بالحيل وامي مو بالبيت في شي صار بالبيت
امي ببيت اختي
رسلت لاختي رسالة الصبح
كتبت كلام كثيييييييييييييييييير تقريبا 7 رسايل قصيره عشان الكلمتين الاخيره بس بالاخير قلت لها يا ويلك من امي صار كذا بالبيت

هي قرت الرساله الضهر وقالت لأمي العصر امي زعلت شوي وبس

بشكل عام مستحيل اوصل الاخبار الي مو حلوه لو مدري وش صار
ابلغ اخوي الكبير هو يتصرف خلاص

شكرا لك

..


عقـل الهلال

ياهلا أخوي

إقتباس فيه ناس تكرره تجلس معها لأن سبحان الله الاسلوب عندهم -1 ولو شفته تحس انك شايف ابليس وفيه ناس سبحان الله عندهم اسلوب رقيق يخفف الصدمه عليك وجههم بشوش منور بالأيمان تتقبل منهم اي خبر يوصلونه لك .

و ربي صادق
فيه ناس ممكن نتقبل منهم أكثر من غيرهم
والسبب " بشاشة وجهه "


عقـل الهلال
شاكره لـ حضورك
وإن شاء ماتضطر بيوم لـ نقل الأخبار السيئة
و لا أن تتلقاها ..

..

..


INN✿CENCE

منورة ..

إقتباس ماشاءالله وش هالنشاط بعد الروايه

إقتباس على طاري الروايه الحممدلله خلصتها , وجيت برد ع الموضوع بس اختفى

أي نشاط قولي أبعد عن الأختبارات ..
أهم شيء أبغى رأيك ..

آمين يارب
إن شاء ماتضطرين لهالشيء

وتكون حياتك هابي لايف ..


INN✿CENCE

شكراً لـ تواجدك ..



..

..

شكسبـal.zaeemـــير

الله يرحمها برحمته

إقتباس المهم حركنا من الرياض باقي على الطايف 300 كيلو يدق جوالي الا ولد خالي الكبير يقولي جدتك ماتت كذا على طول انا ما امداني افكر الا قلت هاه قالي قل لامك الخبر بس لا تفجعها طيب انا وراك تفجعني

صدقني ضحكت غصب مع إنه موب وقته : /

بس ماشاء الله عليك قدرت تصرف الموضوع ..
ذكرتني بوفاة جدتي الله يرحمها
كانت بالمستشفى بالرياض وبعد مارجعت أمي للمدينة بيومين توفت ..

شكسبـal.zaeemـــير

أبد وأنا أختك الموضوع للفضفضة والأستفادة
الله يرحم موتاكم ويطول بعمر الجميع
شاكره حضورك ..


..

..

мя.ħάίţħάм

أهلاُ بك أخي هيثم

إقتباس ان تفقد شخصآ عزيز على قلبك شي محزن

إقتباس ولكن مآ باليد حيله هو الآن بين يدي الرحمن .. ينبغي علينا الايمان بالقضاء والقدر ..

و هو إن شاء الله بـدار خيراً من داره
رحم الله ابن عمك ، وأسكنه فسيح جناته

إقتباس ,, ربمآ خرجت عن مسآر الموضوع

إقتباس آسف لآ آريد آن آكتم آحزآني ..

بالعكس أخوي
أنت هنا حملت الخبر و كنت في موقف مُتعب
ربما سؤاله حينها قد حملك حمل لم تكن لتطيقه
و أكبر دلالة على معزة ابن عمك هي ردة فعل معلمك
.. الموضوع للفضفضة ..
فلا داعي لأن تأسف

мя.ħάίţħάм

شاكرهـ لـ تواجدك ..

..

نفسي اليوم تأبى حتى فنجان قهوتي العربية الصباحي ، فهي في شغلٍ عنه ،

فالمنظر محزنٌ ومؤسفٌ ..

عش الوطن جعلني موضوعك أبوح بمشاعري فأطفأتِ مشاعري المشتعلة بماء

(قلمك) البارد ..!

هنا سأتوقف خوفً من ان اغير مسار ماسكبه قلمك ..وخوفً عليه من التشويه

هلا عاشقه الوطن
الموضوع الصراحه روعه جدا
ومن المواضيع اللي قليل النقاش فيها

هل من الممكن أن تخفف طريقة إيصال الخبر من وقع الألم .. ؟اممممم يمكن تخف ويمكن لا على حسب الشخص الملقي والمتلقي

إذا ماكنتـ الشخص المسؤول بـ إيصال الخبر هل من الممكن أن تتهرب من هذه المسؤلية .. ؟ والله احاول اتهرب بكل الطرق لكن اذا صار ما فيه الا انا الشكوى لله

هل سبق لكم أن كنتم في موقف كـ هذا
سواءً " تلقيتم مثل هذه الأنباء / أو كنتم أنتم من نقلها .. ؟؟
ايه ، انا اللي بلغت امي بوفاة خالي الله يرحمه ويسكنه الجنه

..


بطلة
ياهلا والله ..
مصممة " تراها بنوته "

إقتباس ذكرتيني بوحده الله يستر عليها وربي عليها اسلوب بنقل الاخبار السيئة تموت بنقل الاخبار مايهمها الخبر سيء ولا غيره أهم شيء تكون السباقة بنقل الخبر خخخ ,,

ياكرهي لـ هالفئة ..
مدري وش يحسون فيه .. !!
تحسينهم يستمتعون كذا ..

إقتباس اللهم اغفر للمسلمين والمسلمات الأحياء منهم والأموات

اللهم آمين

بطلة
يعطيكِ العافية
و ألف شكر على حضورك ..

..

قبل كم سنه توفو عمي وعمتي في يوم واحد الله يرحمهم ان شالله وموتى المسلمين اجمع عمي الكبير بلغنا نقول لجدتي الي هي تصير عمتهم تخيلو جت من عرس وفجأه تلاقي قدامها انا وعمتي ماعرفنا كيف نوصل الخبر بس قلت لها : جده احنا فقدنا ناس كثير وغالين علينا والله يرحمهم وعمي وعمتي ماتو بعد الله يرحمهم بس كانو متشهدين ومتبسمين طاحت علينا عاد مدري طريقتي صح او غلط بس كنت مجبوره اقوول
وانا عن نفسي اتهرب من نقل الخبر السيئ الا اذا ما كان فيه احد غيري والله يرحم موتانا وموتاكم يارب العالمين

..

الفيروسه الزرقاء
منورة والله .. فيّو

إقتباس يوم توفى أخوي - الله يغفر له و يرحمه ويجمعني فيه بجنات النعيم - وصلنا الخبر من ولد خالي أتصل ع و صوته متغير و قالي : ترى أخونا عطاك عمره ! هو قالها و إلا ماقالها صنمت في البداية ! بعدين صرخت صرخة خلت كل الدنيا تجتمع حوالين ، و الدموع صارت مثل النهر عيت ماتوقف وأنا أصيح أهلي يسألوني وشفيك !! وش صاير ، ماقدرت نوب أتكلم ، كل ما أجي أتكلم الدموع تسبقني و أصيح .. شوي إلا و دق التليفون وردت ماما و درت عن الخبر برضوا أتذكر موقف ثاني ، يوم توفت بنت عمتي - الله يغفر لها و يرحمها و يجمعني فيها بجنات النعيم - دقت ع ماما و قالت لي إنها توفت و صتني أعلم أختي الكبيرة ، عاد أختي كانت في دوامها .. أتصلت عليها و قلت لها تقدرين تستأذنين ؟ ودي أطلع معاك اليوم .. و بعد ماركبت في السياره قلت لها إنها توفت .< type=/> vbmenu_register("postmenu_13872576", true);

الله يرحم أخوكِ و بنت عمتك
الله يرحمهم برحمته

بين الموقفين " مختلفة " ردة فعلك
الأولى " بالصدمة " وتلقيها
و الثانية " بالمصيبة " ونقلها
و أكيد زين ماسويتي مع أختك " ماشاء الله "
قدرتي تمهدين للخبر صح

إقتباس الله يبعد عنا الأخبار السيئه و يحفظ لنا أهالنا من كل شر ومكروه و يطول لنا في أعمارهم ع طاعة الرحمن

آمين يارب

إقتباس و أسمحي لي أوجه لك نفس السؤال اللي طرحتيه لنا !!

بما إني مكسله الحين
بأقتبس لك موقفين حصلت لي وكتبتها في مكان ثاني
الأول :

إقتباس _ عمي " محمد " الله يرحمه

إقتباس كان آخر إختبار لي كان عندي Grammar والمادة متفائلة فيها بشكل كبير وكنت مقررة أحتفل بصدق ، أختي قررت تعشيني بمطعم ، وأخوي بيمشيني .. وغير خطط مابعد 12 خلصت إختباري .. اتصلت على أبوي .. / آآآلو أبوي / بعد شوي أتصل فيكِ .. سلام بعد دقايق أبوي يتصل فيني ويطلب مني أكلم واحد من أخواني يجيبني طبعاً بالحر أكلم أخوي يحولني على الثاني ولما طفشت منهم وعصبت قالوالي : نبي نروح نصلي ونحضر الدفن ليه مين مات ؟ عمي مات

والثاني :

إقتباس _ يجي أخوي يصحيني وأنا مانمت إلا متأخر

إقتباس يقول اجلسي عند الصغار أمي بتسافر ؟ وين .؟ الرياض .. جدتي ماتت

طبعاً كلها قالوا لي مباشرة بدون مقدمات ..


الفيروسه الزرقاء

ممتنة كثير لـ حضورك
والله يبعد عنك " الأخبار السيئة " ..


..