تغيب الجمهور فغابت ابتسامته(شباب وش صار لكم) - نادي الهلال السعودي - شبكة الزعيم

وسن الهلالية · #1 16/12/2009, 12:05 AM

السلام عليكم

شباب ابو فيصل اليوم مااحد فيكم انتبه له اليوم
والله احسه مو على بعضه متغير عن المباريات الماضية
حتى يوم جاء الهدف الأولى اكتفى بالتصفيق من دون حتى لا يبتسم
ونفس الشي للهدف الثاني مع أن إللي سجله المحياني(بعتبارة أول هدف له)

اعتقد انه في امور كثيرة شاغله تفكيرة
لكن الظاهر انه تفاجأ بالحضور
الظاهر انه توقع حضور افضل واكثف من كذا
شباب انتم تعرفون ان هذة المباراة مهمه بالنسبة لنا جميعا يعني لولا لطف الله
لا كان سجل القادسية هدف التعادل في ظل اخطاء الدفاع
بالرغم من قلتها

شباب ارجوكم لاعاد يصير الحضور بهذي الطريقة
ارجوكم ياشباب راح من الدوري نصفه
راح النصف وماباقي الا النصف اهم شي الدوري ياشباب احضروا احضروا
كلها 12 أو 11 مباراة وينتهي الدوري
بعدها بطولات النفس القصير بكيفكم احضروا لاتحضرون براحتكم
أهم شي الدوري ياشباب
الدوري هو اكثر شي راح نزعل كلنا على فقدانه

الله الله بالحضور ياشباب كملوا دوركم وزفوا الفريق للمنصه وبعدها كثر الله الف الف خيركم

أختكم :وسن الهلالية

S.SAM · #2 16/12/2009, 12:14 AM

الي صار اليوم روح الفريق غابت مع غياب لاعبين إلى ثلاث
الي هم الفريدي وياسر ونيفيز
كلنا عارفين اننا داخلين الموسم والنجم الاول هو الهلال ومستحيل يتأثر بأي لاعب
صراحة مباراة اليوم مفاجاة بشكل كبير جدا ما كنا نتوقع هذا الشي
بالتوفيق ان شاء الله يا رب بالمباريات الجاية
شكرا جزيلا

&الزعيـــ1000ــــم& · #3 16/12/2009, 12:17 AM

اول شي احب اقول لك ان هدف المحياني اليوم يعتبر الهدف الثاني له بعد هدفه في نجران

الشي الثاني انا والله الى الساعه 7 العشاء كنت ناوي احضر بس تخيلي يوم كامل مواصل للاسف

ماقدرت احضر بس ان شاء الله اعوضها في المباريات الجايه

الحمد لله على ال 3 نقاط بأقل مجهود

ASAMR-WHDTY · #4 16/12/2009, 12:17 AM

والله يا أختي الغائب عذره معه ..

كل دول العالم تحط المباريات في وقت الإجازه الإسبوعيه ...

حنا لا وقت العمل ؟؟

وين تبين نحضر ومبارات يوم أثنين ولا يوم الثلاثاء ولا يوم سبت ...

مبارات الخميس الي راحت كان الوقت حلو يوم إجازه والكل حضر ..

لاكن الله يصبرنا على جدول المسابقات بس

يعطيك العافيه إختي ..

Hilaly Madridi · #5 16/12/2009, 12:18 AM

,,,,,,,,,,,,

والله يأختي وسن صعبة وصعبة جداً أن يمتلئ الملعب كل مباراة
حتى الريال وهو الريال مايمتلئ الملعب

بعدين المباراة مع القادسية وشوله يحضرون خليهم يقعدون بالدفا
عند النار ولا الدفاية أحسن لهم

أشكر الجماهير التي حضرت في ملعب الخماسية اليوم

من اليوم ورايح اسمه ملعب الخماسيه

.................

روحي الوجله · #6 16/12/2009, 12:20 AM

الجمهور جيد وليس قليل والوجهه شبه مليانه وهذا الحضور قياسآ
على ظروف الفريق مع غياب نجمان كبيران مثل ياسر ونيفيز
وبالاضافه لضعف القادسيه .......

weهلالي · #7 16/12/2009, 12:20 AM

الحمد لله على الفوز واناا كسبناا الثلالث نقااط وهذاا اهم شي ولازلناا ماشين صح في الدوري

واكيد للغيابات تاثير واضح على الفريق

ولاكن مااننسى ان عندناا مدرب مميز يعرف كيف يتصرف با مثل ها الامور

با النسبة للجمهور

ابي اقول ان الهلال اصبح يلعب كره ممتعه من لمساات جماالية

لذالك اتمنى الحضور مايصير زي اليوم في المبارياات القادمة

eyad.m · #8 16/12/2009, 12:21 AM

والله كلامك صحيح يجب مساندة الزعيم في جميع المباريات واعتبارها مباريات كؤوس
على كلا الحمد لله على الفوزوالف مبروووووووووووووووووووووووووووووووووووووك

SALAM--202 · #9 16/12/2009, 12:24 AM

والله الحضور اليوم معقول
نص الأسبوع.... والبرد.... ويمكن غياب نيفيز أثر على الحضوربالتوفيق للزعيم

عبورة الزعيم · #10 16/12/2009, 12:25 AM

انا احساسي مثلك على انو يقولون زعلان عشان مالعب الفريق...
بالعكس لعب ولعب كويس بس الفريق المقابل دفاعي بشكل غير طبيعي
وعشان كذا ماقدر يسجل اكثر من هدفين على انو فرص كثيرة جت بس ربي ماوفقنا فيها
وانا اقووول لالاززززززززززززززززززززززم الحضووور
وربي لو بيدي جيت بنفسي كل مباارة لعيون الامير عبدالرحمن اللي تعب عشانكم والله
ولة الفضل من بعد الله في هذا الفريق النموذجي اللي تشوفونة...
تسلمين ياوسن ع موضوعك الحلووو
ربي يديك الف عافية..

الــكــاســ20ــر · #11 16/12/2009, 12:35 AM

بالفعل للأسف الحضور اليوم كان ضعيف جدا مع اني توقعت العكس بعد الفوز على الاتحاد بنتيجة 5-0

الرجاء من الجميع نحن جمهور نادي القرن ان لا تخذل زعيمنا في قادم المناسبات وان نكون معا لتحقيق الدوري ومن ثم البطولات الاخرى والاهم هي الأسيوية

القـ المجروح ـلب · #12 16/12/2009, 12:35 AM

تبين الجد أختي
الجمهور ماقصر بالحضور
يعني معقول
ومو كل مباراة الملعب يتمليء
المباراة في وسط الاسبوع
دول العالم كلها تلعب في الاجازة
بالنسبة للمستوى
بصراحة الهلال اليوم وجد فريق يلعب بخطة دفاعية
وأيضا تخدير رهيب بعد مباراة الإتحـاد
الحمد لله على الفوز

حمـ(الهلالي)ــد · #13 16/12/2009, 12:40 AM

انا اشوف تواجدنا اليوم جيد ومناسب جدا خاصة بعد فوز الاتحاد العريض
وترا والله الجو كان بارد بارد وطقطقة اسناني سمعها جيريتس ههههههه

’’’

الحمدلله على الفوز وان شاءالله نشوف جمهور اكبر في القادم

♥ N E V E S ♥ · #14 16/12/2009, 12:41 AM

بصراحه ماتوقعت الجمهور كذا !

لكن ماقصروا ,,

مجنونه بفن الشلهوب · #15 16/12/2009, 01:00 AM

والله كلامك صحيح

اليوم فاز الفريق بس الروح الي كانت

موجوده في مباره الاتحاد غابت اليوم والحمد الله على كل شي

وان شاء الله الجمهور راح يحضر

يعطيك العافيه