هلا وغلا بريماكس .. من طول الغيبات جاب الهدايا
الله يجزاك خير على الموضوع .. وإن شاء الله كلنا نسمع الكلام ونصير شطار

الهدايا لها وقع في النفس على أي شخص .. كيف عاد لو جات الهدية من الابن أو الأخ؟
أحياناً إذا رحت السوق وشفت شي نسائي عجبني وسعره مناسب .. أشتريه وأهديه لأمي أو حدا خواتي ..
ما أقول هالكلام عشانكم لا يكثر بس والله منتو بأكبر همي لا بس جد والله ثم والله لما تشوف وجيههم يوم ياخذون الهدية إن ينشرح صدرك وأن تكررها أكثر من مرة

يمكن المرة الوحيدة اللي تحسفت أني أهديت أمي هدية هي أني استلمت مكافأتي أول ما دخلت الجامعة ورحت مجمع الراشد .. شريت لي خاتم فضة وقلت خلني أشتري لأمي هدية
اشتريت عطر على ما أذكر كان بقيمة 300 ريال يزيد أو ينقص شي بسيط .. وأهديته لها
قلت لها تراه عطر رهيب وقيمته 300 ريال ووريتها الفاتورة
تغير وجهها وقالت : وأنت وشو له تشتريه بهالقيمة؟ كان خليت الفلوس لك تصرفك في الجامعة الله يهديك << يا حبي لك يمه
بعدها خلاص بطلت أتفشخر مرة ثانية

نرجع ونقول الله يجزاك خير يا بريماكس ولا راح يحس أحد بقيمة الهدية للأم إلا بعد ما يجرب

^^^^^^^^^^^^^^

احد يقول سعر الهديه الي جاايبها

تسمع بالذوق ياسلطان

وعليكم السلام ورحمة الله وبركاته

اهلاً وسهلاً بك بريماكس ..
لن اضيف على كلامك وكلام الاخوان والاخوات , ولنا ان نرى الاثر الطيب من التهادي فيما بيننا ..
فكيف ان كانت الهديه للأم لها طعم اخر .. ولها اثر كبير على النفس ..

عني اخر مره اهديت أمي عطر , ومهما حاولنا ان نوفي للام حقها لن نستطيع ..
فكل كنوز الدنيا لا تعطي الام حقها .. اسال الله ان يطول باعمار امهاتنا ..

وجزاك الله خير على المساعده في نشر الوظيفه .. وهذا امر طيب ..

تقبل احترامي وتقديري ..
ودمت بخير

وعليكم السلام ورحمة الله وبركاته

هلا وغلا بريمو

إقتباس فنصيحه من محب .. اذا والدتك على قيد الحياة فهي جنتك وهي والله سبب توفيقك وسعادتك في الدنياء والآخره بر فيها وادخل السرور لقلبه وقدمها على كل مخلوووق

ونعم النصيحة والناصح والمنصوح ..

على فكرة مو شرط تكون الهدية نشتريها من محل ..
خلي أيضاً هديك كلامك الحلو لأمك .. يعني غازل أمك بالكلام الحلو تراه يجوز
بعض الناس ماشاء الله بار بأمه بس ماقد قال كلام حلو مثل يازين ثوبك يا أميمتي .. ويازين طبخ .. ويازين شعرك لو امك كبيره بالسن بس تراها تستانس

اللهم اجعلنا من البارين بوالديهم يارب ..

والله يعطيك العافيه يابريمو على الموضوع الجميل

وعليكم السلام ورحمة الله وبركاته
هلا وغلا بريماكس
الله يجزاك خير والله موضوعك روعه
والله يجزاك خير على حبك للناس
والله الهديه لها تاثير حتى لو كانت رخيصه
يا خي تحس ان فيه ناس تحبك
وبخصوص الشغل والله انها فكره حلوه
يكفي ان الواحد يستفيد من وقته
بشيء ينفعه ويكفه عن سؤال غيره

بخصوص سؤالك
انا الحمد لله كل ما سافرت حتى لو كانت داخلية
جبت لاهلي هدايا

جزاك الله خير وكثر الله من امثالك

موضوع جداً جداً راائــع ومميـز..!
والهديه شيئ مميز ورائـع صرآحة ,,
الف شكر لك ,,

إقتباس الرسالة الأصلية كتبت بواسطة بريماكس مقر الاداره من شان

هلا بريمو ,,

الهدية والله لها تأثير كبير على النفس اسألني بالذات إذا اكنت من ----------
اممم عن نفسي بين فترة وفترة اهدي أمي الله يخليها لي ماارتبط بمناسبة لا
خاتم ذهب - عطر - جلابية هذه الهدايا اللي يحبونها امهاتنا ,,

الله يخلي لنا أمهاتنا يارب ,,

شكر لك
بطلة

إقتباس الرسالة الأصلية كتبت بواسطة متآبعه بصمت اوووووووووووووووووووووووولي ض1 ـــــــــــــــــــــــــــــــــــــــــــ فسّر لي هالجمله إذا تكرّمت ـــــــــــــــ بريماكس ", بصراحه أنت {مرره طيّب] الله يكثّر من أمثالك من جد مدري وش أقول , يعجز لساني في مثل هالمواقف

هلا وغلا متابعه ..

شرف لي انك تكونين اول من ترد على موضوعي ...

التسفير الله يسلمك متغرمط يعني متغطي بالفروه ومقرب للدفايه بقووه

ان شاء الله فهمتي

الله يسلمك واحرجتيني بكلامك واتمنى ان اكون عند حسن ظنك واكون فعلاً طيب ..

شكراً متابعه والله لايحرمنا من هالتواجد الرائع ..

إقتباس الرسالة الأصلية كتبت بواسطة dal3_uae وين اللي بيروح يشوف المباراه وبيرد على موضوعي ..؟؟؟؟؟؟؟؟؟؟؟؟؟؟؟؟؟؟؟؟؟؟ :: + >> مو لك لامي وامك .. الله يحفظهم يا رب ويطول بعمارهم .. :: امي تاج راسي والله .. دنياي ما تسوىبدونهااا .. يوم كانت اتغيب عنااا ساعات .. نقعد نترياهااا .. لانه كل امور البيت متخربطة وهي محد .. الله يحفظها يا رب .. ويخليها ذخر لنا .. بالنسبة للهدية يا بريماكس .. أمي تستاهل روحي لو تنهدى .. ما يغى عليها شي الغاليه .. :: بالنسبة للعاطلين ومساعدتهم .. زين ما سويت بولد خالتك ما ادري عمك .. جلعه في ميزان حسناتك يا رب .. أحب لاخيك ما تحب لنفسك .. قليل منا اللي يفكرون في غيرهم .. هالايام .. اللهم نفسي .. لا يعرفون اخوان ولا عيال عم ولا عيال خال .. مثل ما قلت .. في ناس يطفشون من كثر ما يدورون .. وظايف .. اذا انت تقدر ساعد .. ليش لااا .. يمكن بهاي المساعده الله يفتحها عليك بامور ثانية ان شاء الله .. :: بريماكس الله عليك والله ع مواضيعك السنعه اللي نترياهااا لا تبطي ثاني مرة وانا اختك .. >> لموضوعك

هلا وغلا دلع ..

كفشتين اجل هههههههههههههههههههه

بالصدفه دخلت للمجلس وانا جالس اتابع المباراة مع اصحابي بالاستراحه وفجاه اشوف موضوعك توه نازل قلتي خلني ارد ورديت الأول .. وبعده دخلت جو مع لاعيبة زعيمنا الرائع ونسيت موضوعك وفكرت انزل هالمووضوع ونزلته

تراي للحين ماعدلت

كلنا نقول كل غالي يرخص لعيون امهاتنا بس هل فعلاً نفعل او بس كلام

اتمنى يكون فعل قبل كلام ... لا اقصدك انتي لا .. بس اقصد ان الجميع يعرف فضل الأم لكن لاجينا للتطبيق الله بالخير..

لا ولد خالتي

صدقتي اليوم نفسي نفسي ويمكن اللي بيسوي للغير يرجي من وراه مصلحه للأسف

تسلمين لى المرور والرد وسعدت كثيراً بتواجدك وعسانا ماننحرم يارب

إقتباس الرسالة الأصلية كتبت بواسطة الشيهـانه وعليكم السلام والرحمة بالنسبة للبرد احسه السنة هاذي أشوى من غيره ترى ماجتنا الصقوعة اللي جت بالسنة اللي راحت واللي قبله ياهوبرد ذيك السنين يخلي الواحد مايتحرك من مكانه اربع وعشرين ساعة لاصق بالدفاية ومندفن تحت البطانيات ,,,,,,,, نرجــــع لموضوعك أقول بريمو وين الهيئة عنكم ولامجمعكم قط مافيه هيئة ,,,,,,, الأم والله الأم لومهما سويناوقلنا وجبنا وودينا ماراح نوفيها جزء من حقهـاوهذا شي مفروغ منه مايحتاج نعبر عنه الله يخلي لي مامتي ويخليلكم ماماتكم بس بالنسبةلموضوع الهدية مشكلة البعض مايعرف يبادرفيها يعني يالله يحتاج شي يذكره ولامناسبة من شان يهديها والمشكلة البعض مايعترف ولاحتى بالمناسبات يهدونها وهم ان شاء الله موكره فمهاتهم بس غافلين عن هالشي هذا ولا مشغولين اهداءات للأصدقاء والازواج والاحباب والام خارج الحسبة عالعموم ان شاء الله تحصل الفائدة المرجوة من موضوعك ويبادر اللي يتناسى ويتذكر بعد اللي ناسي اخيرا وليس اخرا يعطيك العافية عالموضوع الهام ويجزيك عنه كل خير إلك

هلا وغــــــــلا ..

والله بالنسبه للبرد ترى لسنا اللحين بالبدايه ماجانا البرد اللي يسمى برد ..

المجمع مدري فيه هيئه ولا لا بس الحمدلله ماسكين طريقنا حنا بس الله يهديه دحومي بغى يجيب العيد

الشيهانه .. كلنا نعرف قدر الأمه .. لكن هل فعلاً نطبق مانعرفه ..؟

اتمنى والله من كل قلبي ان يبادر كل عاق ويبدل الحال الى بر لانه راح يلاقي بداخله شئ تغير عن السابق

يشعر بشعور الراحه والطمأنينه وهو خارج من البيت ووالدته راضيه عنه تمام الرضاء

قد لايعرف هذا الكلام الا من فقد احد والديه ويعرف قدرهم وفضلهم الله يطول با اعمار الجميع ...

شكراً لك على تواجد الرائع .. لاحرمنا الله هالتواجد

إقتباس الرسالة الأصلية كتبت بواسطة ^ العنود ^ الله يحفظ لنا امهاتنا ,, ياارب ,, لو مهما سوينا مارح نوفيهم حقهم ,,, بريماكس ,, ( مدري ليش يوزرك يذكرني بسيتي ماكس ) موضوعك حلوو خاصه بهالوقت في كثير صغار او حتى كبار علاقتهم ,, بـ امهاتهم ,, علاقه سيئه ,, وفي كثير من البنات يفرحون انهم يزعلون امهاتهم او مايسمعون كلامها ,, حياك الله

هلا وغلا العنود ..

اللهم امين ..

اجل ستي ماكس هههههههههههه والله حلو يعني اجي على بالك انتي وغيرك بخارج حدود النت؟؟
بس هاه ما اوصيك لاشفتي ستي ماكس وتذركتين لاتنسين تدعين لي

ايوالله صدقتي الله يحسن احوالهم ويهديهم

شكراً العنود على التواجد الرائع .. لاحرمنا الله هالتواجد ودعواتي لك بالتوفيق ولا تسحبين علينا وتهون عليك العشره

إقتباس الرسالة الأصلية كتبت بواسطة وهبووو فنصيحه من محب .. اذا والدتك على قيد الحياة فهي جنتك وهي والله سبب توفيقك وسعادتك في الدنياء والآخره بر فيها وادخل السرور لقلبه وقدمها على كل مخلوووق الله يحفظ لنا امهاتنا ...

آميييييييييييين .. شكراً على مرورك يابطل وحياك الله

إقتباس الرسالة الأصلية كتبت بواسطة ام متعب التميمي بريماكس هنا يا هلا ويا مرحبا بيني وبينك وش اشتريت لامك هديه؟^_* والله بالنسبه لي كل بين فتره وفتره اشتريلها حاجه او اديها فلوس والله يعينا على رضاها فديتها جعل يومي قبل يومها بريماكس بحكم انك شاب وبعد كم سنه بتصير شايب وش ممكن يقدملك هديه؟ يعني وش ممكن اعطي ابوي هديه؟ لاتقولي عطر غيرها تحياتي لك واذا لقيتلي وظيفه دق علي زي ولد خالتك

هلا وغلا ام متعب ...

احتفظ فيها الهديه لنفسي واا ملزمه ارسلتلك عالخاص

الله يحفظ لك امك ويرزقك برها

اللي فهمته من تساؤلك تقولين وش تبي يهديك ولدك لما تكون شايب ..؟ كذا صح ؟

والله يا اختي كل اب وله شئ يعجبه واالابناء يعرفون اللي يرتاحله ابوهم ..

بعيداً عن الهدايا يكفي اكلام الطيب معهم والبر فيهم هذا بحد ذاته اكبر هديه

ان شاء الله ادق لاحصلت وظيفه لك .. بس وش تبين لايكون الراتب 7000

شكراًً لك ام متعب والله لايحرمنا من هالتواجد ...

صراحة موضوع رائع من جميع النواحي، موضوعان مختلفان ولكنك ربطت بينهما بطريقة جميلة

فكرة إهداء الأم هدية رمزية هي فكرة رائعة، لأن الأم لا تراجع وراءك تكاليف الهدية ولا تربط قيمتها بحبك لها أو بحبك لها، هي تفتخر في كونها هدية منك، وأنت تفتخر ببرها.

أما الموضوع الثاني، فجميل جدا أن يكلف المرء نفسه مساعدة الآخرين، لن يحاسبك أحدٌ لو لم تفعله، لن يعلمَ أحدٌ أصلاً، لكن في عمل ذلك أجرًا كبيرًا من الله وحبًّا من الناس.

شكرًا لك أخي الحبيب بريماكس هذا الموضوع الجميل
أسأل الله أن يوفقك لما يحبه ويرضى