انا يا سمو الامير .. أطالب بمهاجم أجنبي - نادي الهلال السعودي - شبكة الزعيم

الموهوب · #1 13/12/2009, 05:10 PM

صراحة .. بعد مباراة الهلال والاتحاد الخماسية ...
توقعت .. بل تأكدت بيني وبين نفسي ان المطالبات بالمهاجم الأجنبي ستختفي ..

وستظهر قصة جديدة غير المهاجم .. من الجمهور اللي اسميه جمهور " ما يطلبه المستمعون "...

لكن اللي قاعد اشوفه .. وماني مصدقه ...

لا زالت مطالبات الجماهير بمهاجم أجنبي مستمرة .. وكأن أولئك يعيشون على ظهر كوكب آخر !!
أو كأنهم يشجعون هلالا غير ذاك الهلال الذي احرز 33 هدفا ... 16 هدف تم احرازها في الشوط الاول و 17 هدفا في الشوط الثاني !!!

ايقنت الان .. ان هؤلاء القوم .. لن يسكتوا عن هذا الموضوع مهما حدث ...
اذا أداء الهلال مع نهاية الدور الاول من الدوري غير كاف

والله لن يقنعهم حتى لو احرز الهلال الخمس بطولات هذا الموسم .. وليس الخمس اهداف في الاتحاد!!

هؤلاء القوم .. إما انهم

1- مندسين ويريدون زعزعة الفريق .. أو
2- مجانين .. أو
3- متزمتين ومعاندين ولا يستمعون الا لأنفسهم ... أو
4- ما يفهمون كورة ... ويدعون انهم يفهمون كورة !

عشان كذا

انا من هنا أطالب الامير عبدالرحمن بن مساعد بإحضار مهاجم اجنبي .. حتى لو يكون معتزل ... ويا حبذا يكون افريقي يروّع .. وما يعرف وش معنى ابتسامة ... وياليت يكون شرس بعد ..

ونضيفه مع المحترفين اللي عندنا ويصير عندنا خمسة محترفين ...

لكن هذا المهاجم ما نسجله في لجنة الاحتراف ..

اقترح نخليه يتمشى في النادي ..
ويحضر المباريات مع الجماهير ويصور مع هالنوع من الجماهير ونعطيه راتب ..
ومهيب بعيدة هالجماهير يصوتون له وهو مايلعب .... وممكن نستخدم هالمهاجم عشان يتفاهم مع الجماهير اللي تزودها اكثر من اللازم في الانتقاد اللي مايفيد ...

المهم نجيب هاللاعب وبس ... عشان نفتك صراحة ...

ترى يا اخوان الاصرار على نقد معين .. على الرغم من وجود الكثير من المؤشرات اللي تثبت خطأ النقد .. يعتبر حماقة ...
وأي حماقة ؟؟؟
حماقة خالف تعرف ...

لو استمرينا على هذه النقطة في النقد .. صدقوني ما راح نطور فريقنا ... بالنقد الهادف الحقيقي ..

يوجد في الهلال بعض الاخطاء غير موضوع المهاجم ...

عندنا مشاكل اخرى ما زالت صغيرة وبحاجة الى النظر فيها ...

مثل
مشكلة الظهير الايمن .. ترى الكوري مهوب قاعد لكم طول العمر ... وترى عقده على ما اعتقد اعارة !
نحتاج حلول جذرية وليست مؤقتة ..

ما عندنا ياجماعة بديل حقيقي للدعيع ...

عندنا مشكلة راح نعاني منها لو أصيب الزوري مثلا ..

خلاص .. ماعاد فيه نقد الا المهاجم الاجنبي ؟؟؟

ترى والله انا ملينا وزهقنامن كثر تكرار مثل هالنوع من المواضيع ...

ياخي الاتحاد .. والنصر والاهلي والاتفاق والشباب ....... وكل الفرق تقريبا ..
عندهم مهاجم اجنبي ؟؟

رح شجع واحد منهم وخل نرتاح من ذا الاسطوانة الفارغة ... اللي قاعدة تنعاد بإسم النقد .. وحرية الراي ...؟

بالشمع الأزرق

* مباراة القادسية القادمة .. مهمة جدا لاتقل اهمية عن مباراة الاتحاد .. لانه هي الحلقة التي ستربط سلسلة لفوز المتكررة ..
* خاض الهلال اختبار الدور الاول .. واجتازه بنجاح وحقق نسبة 92% بسبب التعادلين مع النصر والشباب
* الدور الثاني .. لابد ان يكون جديد وليكن هدفنا .. الوصول الى النقطة 50 بدون اي هزيمة ...
* الشباب هو الملاحق الحقيقي حاليا للهلال .. ولكن ما يميز الشباب انه من الممكن ان يتلقى الخسارة من الوحدة او الفتح او الحزم او الاتفاق ... وهذا الشيء غير موجود في الملاحق القديم الاتحاد ..
* مشكلة ياسر القحطاني الوحيدة .. هو ان ياسر في السابق كان يعتبر اي فرصة تصل اليه هي الفرصة الوحيدة ويجب التعامل معها بجدية جدا ... الان ياسر نوعا ما ... يتعامل مع الفرص بنوع من التراخي على اعتبار ان الفرص الاخرى قادمة واذا ضاعت هذي الجاي اكثر ... ولكن يظل ياسر اللاعب الذي لايمكن لعاقل ان يضعه الا في الاساسي ..
* سامي الجابر .. يقوم بدور الطبيب النفسي بالاضافة الى ادارة الفريق .. فهو يتعامل مع كل التصاريح بحذر .. شديد ويعرف ما يقول ..
* بعد خمسة الهلال في الاتحاد ... الهلال قادر على تحقيق خمسة من نوع اخر ... وهي خماسية الموسم والخمس بطولات .. بطولة الامير فيصل وبطولة الدوري وولي العهد وبطولة خادم الحرمين وبطولة ابطال اسيا ..
ما اشوف انها صعبة على الهلال ولا اشوف انها معجزة لو تحققت ..
لان الهلال قادر على ذلك ... لوأراد ...

بن جبله المطيري · #2 13/12/2009, 05:16 PM

موضووووع رائع

اضم صوووتي لصوتك الحلو

ببسااطه وبدون تعقيد .. ماداااام فريقنا يمشي بأحسن مااايكون

لعب وفن وهندسه ومقروونه بنتائج روووووعه

ليش نشوش عليه ياااااااحلوين......

الفكرة · #3 13/12/2009, 05:20 PM

جب لك عامل بنجلاديشي وحطه مهاجم

الدعيع من هو البديل ؟
ظهير أيمن من هو البديل ؟
ظهير أيسر وخاصة عقب أمس (شافي) مو ذلك اللاعب ومن هو البديل ؟
أسئلة جدا محيرة !!
دور أول عرفنا معه قصة الهلال كيف استغنى عن عزيز ولم نعد نراه في مطالبنا !!
القادسية ليست فقط ثلاث نقاط بل هي اختبار للبديل الجاهز في رأس الحربة !!

تقبل شكري ووتقديري

Ņëšťļé · #4 13/12/2009, 05:23 PM

شفيك معصّب طيب ؟

هـدّي ,, بعـدين المنتدى ماوضع آلآ للنقآش حول إطآر نآدي آلهلآل ,,

خلآص خلنآ نتكلّم ونسوّي ونطآلب لآكن آلآدآره وآلمدرّب هم آولى بآلفـريق ويعرفون وبيقنعون آلجمآهير آن شآء آلله ..

بآلنسبه للكـوري فـ آنـآ معك 100% .,,

من هنـآ نطآلب بظهير آيمن صغيـر محلّي ..

لآزم آلآدآره تبدآ تبحث من آلآن حتىآ مآنرجع للآسيويين ولا آلآجآنب لآزم نستفيد من آلآجآنب في آلموآسم آلقآدمه ..

آشكرك

مهندس الكلمات · #5 13/12/2009, 05:24 PM

إقتباس

الرسالة الأصلية كتبت بواسطة الموهوب


	[COLOR="Blue"] يوجد في الهلال بعض الاخطاء غير موضوع المهاجم ... عندنا مشاكل اخرى ما زالت صغيرة وبحاجة الى النظر فيها ... مثل مشكلة الظهير الايمن .. ترى الكوري مهوب قاعد لكم طول العمر ... وترى عقده على ما اعتقد اعارة ! نحتاج حلول جذرية وليست مؤقتة .. ما عندنا ياجماعة بديل حقيقي للدعيع ... عندنا مشكلة راح نعاني منها لو أصيب الزوري مثلا .. خلاص .. ماعاد فيه نقد الا المهاجم الاجنبي ؟؟؟

انا اؤيد كلامك المنطقي اخي العزيز

واشد على يدك في تلك النقاط بالذات .. اتمنى الانتباه لها لاننا نريد هلال قرن اخر وليس هلال موسم

شاكر ومقدر وتقبل تحياتي

كريستالي الهلالي · #6 13/12/2009, 05:27 PM

انا بالنسبه لي ما يهمني وصفتني بالمجنون ولا بالمندس ولا بأي تعبير يريحك

اطالب بمهاجم

لو كان عندنا مهاجم ما تعادلنا مع الشباب والنصر

ولا راحت علينا الاسيوية

الملك راؤول · #7 13/12/2009, 05:32 PM

كما قلت في أكثر من تعليق ..

بعد مشاهدة الدور الأول كاملا ( وليست مباراة الإتحاد فقط )

أجد جيريتس و الرباعي الأجنبي يستحقون فرصة جديدة حتى نهاية الموسم ..

وواثق بإذن الله بالتأهل إلى دور الـ 8 في دوري الأبطال بنهاية الموسم ..

بعدها سنقيم الجميع قبل فترة الإنتقالات الصيفية و إستعدادا

للأدوار النهائية لدوري الأبطال ..

المطلوب الآن تركيز جيريتس على الثلاثي ( العنبر - المحياني - الصويلح )

من خلال صقلهم و تطويرهم و إشراكهم في كأسي فيصل و ولي العهد

حتى يكونوا جاهزين في أي لحظة ..

و إن كنت أراهن على العنبر متى ما وقف خلفه مدرب مثل جيريتس ..

يعطيك العافية ..

أسيرة الهلال 20 · #8 13/12/2009, 05:43 PM

تسلم الايادي على الموضوع الرائع

جاكي شان~™ · #9 13/12/2009, 05:51 PM

حرام والله نستغني عن الأجانب خصوصاً انهم اثبتوا وجودهم , وإدخال عنصر جديد بالفريق ممكن انه يفكك التجانس

المجموعه الحاليه من المعسكر الخارجي وهم مع بعض

زيادة على كذا بعد فترة التسجيل الثانيه ماراح يبقى بالدوري إلا كم جوله فقط , مستحيل المحترف يثبت نفسه في عدد بسيط من المباريات و ( سول ) أكبر مثال

فالأفضل اننا نبقى على نفس الأجانب هذا الموسم , وبدايه الموسم القادم نجيب لنا محترف اجنبي يكون له فترة مع الهلال بالمعسكر يمديه يتأقلم , ثم يلعب مع الهلال بقيه المشوار في الآسيويه

zaben20 · #10 13/12/2009, 05:52 PM

يعطيك العافيه اخوي على الطرح الرائع

اللى تتكلم عنهم ...
مندسين ويريدون زعزعة الفريق
مندسين ويريدون زعزعة الفريق
مندسين ويريدون زعزعة الفريق

فريقنا الحين توب التوب

ماشاءالله عليه متكامل .. الله يوفقهم

بانسبه للظهير الايمن اتمنى ان يكون لاعب محلى ..

اتمنى جلب (عبدالله الشهيل اوحسن معاذ)

تحياتي لك

الله يوفق الهلال في جميع مبارياته

leader ksa · #11 13/12/2009, 06:06 PM

يالبى قلبك والله وربي ماني لاقي كلمات اقولها

معليش للي مازالوا يطالبون لكن فعلا جمهور مايطلبه المستعمون

جمهور مايعرف معنى كلمة مصلحة الفريق

جمهور مايفهم كورة واللي يزعل يزعل

يكفي لحد هنا لازم يتوقفون عن مطالباتهم

الف شكر لك

والله قلت كل اللي ابي اقوله بإختصار

ỸàśśèṜ∫20 · #12 13/12/2009, 06:20 PM

والله كـلامـك هو الي بـ قلبــي !
وصـدقـت , نااس مندسه تبي زعزعة الفـريق والجمهــور الهـلالي .. لأكثر ولا أقل ..!!

ابو نواف9 · #13 13/12/2009, 06:27 PM

شكراااا لكن لو في مهاجم اجنبي في مباراة الاتحاد كان انتهت اكثر من 5

سيناتور هلالي · #14 13/12/2009, 06:32 PM

كلامك جميل ومنطقي..

وأنا قلتها قبل شهر ونص تقريبا : اتركوا أمور اللاعبين للجهازين الإداري والفني فهما الأدرى والأخبر بما يحتاجه الفريق الأزرق..

بس عجبني الأخ الي قال : وش فيك معصب طيب..؟ هههههههههه

..شكرا لك..
..سيناتور هلالي..

e6allee · #15 13/12/2009, 07:10 PM

الفريق الان مستقر ومقدم مستويات قويه ومدويه والمهاجم الاجنبي بيجي على حساب احد النجوم ياولي او نيفيز او رادوي وخساره نخسر واحد منهم
ولا اتوقع زمن الي لازم المهاجم يسجل انتهى