اول شي ابي ابارك لك على الانتصار الكبير على "المنافس الحقيقي" واقول لك ولكل اللاعبين بيض الله وجيهكم وما قصرتوا...

طبعاً انا خصيتك بالحديث لاني اعرف انك اليوم تمثل الرقم الصعب عند جماهير الهلال..والجميع يراقب كل حركه وكل همسه منك...

بصراحه يابوسعيد..انا اجمل مباراة شفتها لك هي مباراة الشباب والاتحاد الماضيتين "لحد الهدف الرابع" بس !!!

لاني شفت فيك جديه والتزام وجماعيه بصراحه ما شفتها في ياسر من الموسم الماضي!!

بالتأكيد ياسر انت كمهاجم مطالب بتسجيل الاهداف..لكن صدقني الجماهير تعرف ان عيون مدافعين الفرق عليك والكل همه يوقف ياسر وناسين غيرك "وهذا سر تفوق وسط الهلال بتسجيل الاهداف"!!!

لا تنس يا بو سعيد ان اللي يصنع الاهداف في احيان كثيره يكون اهم من الهداف نفسه..شوف كيف كان التائب العام الماضي!! حتى سامي مرت عليه فتره كان هو من يصنع الاهداف للوسط وغيره من المهاجمين!! ومع كذا بقى اسطورة في الملاعب وفي قلوبنا..

ياسر علشان ما اطول عليك..هي كلمتين..

انت كبير وبتظل كبير سواء سجلت او صنعت..
بالنسبه لي الهدف الثاني والرابع هي منك لانك كنت انت من صنعها وشارك فيها..
لا يكون همك انك تسجل كثر ما يكون همك ان الفريق يفوز...

وسلامة قلبك