انها السامبا الهلاليه ( تعليقات , افراح , نقاط من الدور الاول .. كل شى عن المباراة ) - نادي الهلال السعودي - شبكة الزعيم

Mя.βάĐeя · #1 11/12/2009, 02:21 PM

بسم الله الرحمن الرحيم ..

قبل كل شى احب اهنى الشعب السعودي باكمله بعودة ولي عهدنا .. عسا الله ان يوصله بالسلامه ..

وستر له ان اسمه من خمس حروف ..

من الذاكرة :

اتذكر بعد مباراة الهلال ونجران واللي انتهت 5-0 لنادي القرن ,, قلت وبكل ثقه هاتو الاتحاد ..

مع ان الاتحاد كان يفوز وماخسر ولا مباراة ..

كل هذا لاني شفت فريق لايهزم مدرب لايعرف الدفاع ,, لايعرف الا اجيب خمسه بعدين افرح ..

نقاط من الدور الاول :

* الهلال لم يلعب مباراة في هذا الدور الا سجل فيها هدفين ,,

* لم يخسر في هذا الدور ..

* اقل فريق استقبالا للاهداف نادي الهلال ..

* اكثر نادي سجل هو الهلال ..

* هداف الدوري من نادي الهلال ,,

* والاهم والمهم هو صدارة الدوري ولله الحمد انها للزعيم ..

* ثلاث خماسيات فقط في الدور الاول ..

* لم يحصل الهلال على كرت احمر طوال الدوري الاول .. ولله درك من نادي ..

( ذلك من فضل الله سبحانه وتعالى ) ,, ماشاء الله تبارك الله ..

تعليقات على الصور المتحركه :

هدف على طريقه التزلج على الجليد ..

هنا بداية القصه ,, وبداية الروايه .. وترا الهدف في الدقيقه 5

لاحظ في هالهدفين يحطون الكوره في يد الحارس يعني على طريقه فيك خير ردها

الحين نجي لهالهدف ,, هذا الهدف شى ثاني ,, شوفو مبروك زايد كانه يقول هييي ماتفقنا على كذا ..

هالهدف له قصه .. والله مالك سنع ياياسر .. وش سويت ,, لايفوتكم المنتشري ..

مالك داعي ويلي تمغيط واهداف وكل شى

ولازال ياسر يواصل حركات الخيانه .. حقته .. وكان الله في عونك يامنتشري

رادوي

,, وكانه يقول لطلال احسب عندك علم بتسحب ولا شى وخر هناك بس ..

ماشاء الله تبارك الله .. طاقة لاتقف .. كبير ياويلي ..

وبقيادة رجالن على قلب رجال ,, انجازهم ماكل نادي ينوله

جعل ايامك كلها فرح سواء في الهلال او خارج الهلال ..

والله انك تنحب وتستاهل كل خير .. والله يخليك لنا ياشبيه الريح ..

انتم وش انتم ,, يالك من جمهور .. وياليت نواصل على كذا كل مباراة في الرياض والوعد الثلاثاء مع القادسيه ..

داهيه داهيه داهيه ,, انت غير طبيعي .. وفرحتك غير طبيعيه ..

الحين الرقص على انغام النمور ,,

عاشو .. انه السامبا الهلاليه .. يارباه يانيفيز ..

الله يرجك ياويلي ,,

مل من الطقطقه قال خنلعب شوي ..

ياويلوه ياويلوه ,,

,,

نقاط من المباراة :

* مين اللي شاف هوساوي يوم يتفلت بس قهر ضاعت .. كبير يابوكلبشه ..

* ياسر على خط المرمى يقول اسجل ماسجل اسجل ماسجل ..

* عبدالرحمن بن مساعد وفر لنا كل شى فريق قوي مدرب قوي ,, نبي جمهور قوي .. في كل مباراة للزعيم ..

* لي يونج ,, ويازينك من كوري ..

* دعيع ويازينك من محمد ,, انه السوبر ستار .. وجعلك معنا طول العمر ..

..

وفي نهاية الموضوع ..

اللهم وفق الهلال فوق كل ارض وتحت كل سماء ..

وعلى نغمات الزعيم نلتقي ..

بــدر ..