ذبـــح اســـلامــي - نادي الهلال السعودي - شبكة الزعيم

زعيم مستديم · #1 11/12/2009, 01:25 AM

بمناسبة مستويات الزعيم الراقية ونتائجة الباهره
كتبت هذه الابيات
اتمنى ان تنال رضاكم يازعماء
.
.

علمـوا كل الفرق لاتــــــرفع الاعلامي= الشعوب الزرق جت ترفع علم ناديــها
ياجماهــير الهلال مهلهل الاخصــــامي = احمدوا ربي على النعمه وعيشوا فيها
البطـولة في يديــنـا والوعــد قدامـي = قل لمن خذها يرجعها على راعـيـها
والنـتـايـج باهــره والطـق فيهم حامي = شوفهم يوم احتزمنا صدق راحوا فيها
من يخاف من الزعيم اكيـــد ماينــــلامي= الزعــيم يحط عــاليها على واطيــها
عين يضحــكها ويملاها فــرح وتـنامي= وعين تضحك بس لاجا دورها يعميها
في نفـوس منافسيـنــه يقتل الاحــــلامي = والشعوب الزرق كل احلامها يحيـيها
مانقــول انه بطــــل والاخرين اقزامي = بس من غيره غرور نفوسنا يرضيها
بالـتــفـنـن يذبح الاخصام ذبح اسلامي = لو تبي تلعب كره برجولها ويـــــــديها

مبروك يازعماء الفوز والمستوى والخمسة ماهي غريبة على

الزعيم

اخوكم

زعيم مستديم

ابومشاري الهلالي · #2 11/12/2009, 02:36 AM

مبروك الفوز ومبروك هذا الذوق الرائع والنظم الجميل

ملاحظه ارجو ان تاخذها بسعه صدر

الذبح الاسلامي من المصطلحات الغير محببه الى المتلقي وبالذات في الرياضه

ارجوك تغير العنوان والبيت الاخير ممكن وانت الشاعر المقتدر ان تغير جزءه الاول.

البدائع بلاد الروائع · #3 11/12/2009, 02:39 AM

يعطيك العافية

صح لسانك يازعيم
ومبروك مبروك

صريح الكلمه · #4 11/12/2009, 02:39 AM

الف مبروك الزعيم ياكبير ,,

بس عتبي الوحيد هو عنوان الموضوع ,,

مهما كان ماتوصل انا نفكر بالطريقه هذي مجرد نصيحه وانا اخوك ,,

امنيه كل مشجع في هذا الصرح الشامخ ان تغير عنوان الموضوع ,,

كل الود ,,,

ابـوعزوز · #5 11/12/2009, 02:42 AM

صح الساانك وانشاء الله من احسن لأحسن

ميسي2010 · #6 11/12/2009, 03:24 AM

يعطيك العافية

صح لسانك يازعيم
ومبروك مبروك

زعيم مستديم · #7 11/12/2009, 09:27 AM

ابو مشاري الهلالي

ياهلا ومرحبا

ومشكور على ملاحظتك

التي على عيني وعلى راسي قبولها

مع انني قلت بالتفنن

عموماً انا سأحاول التغيير

لو سمحت لي تقنية المنتدى

Carizma · #8 11/12/2009, 09:33 AM

الف مبروك هذ1 المستوى والنتيجه والذبـح < ههههههههه

صح لسانك ولإ هنت عزيزي

بالتوفيق لـ الزعيم في القادم

غزاوي الهلال · #9 11/12/2009, 09:43 AM

الحمدلله كما ينبغي لجلال قدرك

على هذه النعم كلها

وشكرا لك على كلماتك الرنانة والجميلة ولكنك خدشتها وشوهتها

بكلمة " ذبح اسلامي "
ان كانوا هم يستهترون يتطنزون او حتى يتشمتون

اخوي انا اقولها لك
افرح

ناقز
تمتع
تغنى بناديك
انطرب براحتك
لكن استهتارك او تشمتك بأي شخص

اقسم بالله العظيم انه ماراح يزيدك حتى فخر ماراح يزيدك

الحمدلله انه ربنا ارزقنا حب الهلال والله يعين غيرنا على تشجيع خصومه وربنا يديم الحال
لكن صدقني هم تشمتوا فينا ووصفونا بأبشع الصفات

شوف الحين حال فريقهم

تخيل انهم مضطرين لأستبدال اكثر من 8 لاعبين الموسم القادم اعمارهم

طقوا 30 ومنين لهم ميزانيه بزمن ارتفاع عقود اللاعبين

وكالعاده الزعيم ثابت وغيره ينتهى ويمسك غيره المنافسه المؤقته علشان يرجع هو بعد مايحاول يستعيد عافيته

وصدقني انه كل ماشفتهم يستهترون او يتشمتون في زعيمنا

اتفائل خير لان ربي مايهمل وتذكر كلامي

وبكل الاحوال نحمدك ونشكرك ياربي

اخوكم غزاوي الهلال