|
تكفون ياعيال مابي احد يتدخل تراها بيني وبين الدعيع ,, وياأنا يالدعيع السلام عليكم قبل كل شيء حضور جمهور الهلال امام الاتحاد مهم جداً جداً والأهم هو الكثافة والتشجيع والدعم لنجوم الهلال ,, فالاتحاد يعاني ولكنه قوي ولديه لاعبين مميزين ولهم القدرة على حسم الأمور ولكن اذا كان هناك دعم جماهيري هلالي كبير وتشجيع يهز الملعب كعادة الزعماء فإن شاءالله سيكون الفوز من نصيب الهلال لان الاتحاد سيعاني من جماهيرية الهلال وتأثيرها على نفسياتهم وفي نفس الوقت سيكون حضور الموج الأزرق دعم كبير للاعبي الهلال وسبب رئيسي للفوز بعد توفيق الله . فياجمهور الهلال لنقف مع الهلال في أقوى وأهم مباراة وانتم الرقم الصعب والله محيي من يبي يجي من خارج الرياض وعلى راسهم الغالي (Abo 3mr ) اللي بيجي من عرعر عشان الهلال ولاعبين الهلال والبعض بيجي من جدة ومن مكة ومن القصيم ,, والحمل كبير علينا ياجماهير الرياض فهالله هالله بالتواجد الكثيف والمبكر . نرجع حق محور حديثنا والله ياعيال انا ناوي نية على ابو عبدالعزيز وتكفون لاحد يتدخل تراني راعي طويلة وانا وراه وراه والموسم طويل ولا يجي واحد ويقول لاعاد تنتقده تراها بتصير طق وطقيق وبق وبقيق ( مع احترامي لرقم 24 :d ) عاد اقولكم انا مو معجبني محمد الدعيع ,, مادري ليش مو عاجبني بس انه مو عاجبني وحاولت اعرف لكن ماقدرت واقرب الظن عشانه يضحك اذا سلم على الحكم قبل المباراة واحيان احقد عليه اذا شرب موية والكورة ركنية على مرمى الهلال ( كيف ركنية وهو يشرب موية ) واحيان انقهر منه اذا طلع الكورة للركنية لانه المفروض يصد اي كورة تجيه حتى لو من الكابتن بسام راعي المزعات الشهيرة اللي بالكابتن ماجد .. يعني مو معقولة الدعيع اللي وقف لمنتخبات عالمية مثل البرازيل وصد اصعب الهجمات طوال مشواره الحافل تجيه هجمة يطلعها ركني ولا من زود القهر يضحك مع هوساوي بعد الهجمة .!! خلاصة الكلام انا ناوي انتقد محمد الدعيع بعد كل مباراة حتى لو يبدع بصد الكور ولو يصد ركلة جزاء ولو وش مايسوي راح اكتب مواضيع راح اكتب مواضيع ( اجل ليش مسجل بالمنتدى :d ) طبعاً انا مايهمني حال الهلال ولا وضعه الفني ولااستقراره ولا يهمني مباراة مهمة ولاافهم وش معنى كلمة ( الوقوف مع الفريق ) ولايهمني اختراع اسمه معمعة الدوري وتأجيل النقد ,, انا عضو احب انتقد لان الدعيع قبل 4 اشهر وخمسة اسابيع و15 يوم و12 ساعة و33 دقيقة و54 ثانية طلع في حوار صحفي وللأسف زودها وطلع بالتلفزيون يعني مخلي الشبكة وال3 خشبات وجالس يصرح بكل مكان .!!! ^ ^ ^ للأسف هذا اللي جالس يصير عند بعض الجماهير لازم يستلمون لهم لاعب ,, مرة ياسر ومرة نيفيز ومرة ولي ومرة الزوري واحيان يروحون للمرشدي واذا شافو مافي فايدة والا اللاعب (اي لاعب ) يقدم مستوى كويس راحو وقالو الفريق مايحتاج رادوي واذا شافو الجمهور رفضو مثل هالكلام راحو وقالو نيفيز مايفيد الفريق واذا لقو نفس الرفض من غالبية الجماهير راحو وقالو ياسر يصرح كثير واذا ماحد صدق هالخرابيط قالو ويليهامسون يركض كثير << العن ام النقد ياشيخ :d والحين طلعو بموضه جديدة وصجو روسنا فيها وهي سالفة مهاجم اجني ( مادري الظاهر تخبيص جيريتس بالفريق مو معجبهم :to: ) ياناس خلو جيريتس يشتغل على كيفه يعني مدرب عالمي مايدري وش يسوي .!! مو معقول جيريتس ماتهمه سمعته ولانجاحه ولا البطولات والا معقولة حنا اكثر خبرة من جيريتس .!! انا ماني ضد النقد لكن ضد النقد بكل وقت .. انا ضد اننا نشغل الفريق بأمور مانملك القرار فيها .. يعني لو ناطلب بمهاجم اجنبي من هنا الى يوم اجازتي اللي بعد كم شهر :d ماراح نغير شي من قرار المدرب لانه ( مدير فني صاحب شخصية قوية وناجحة ) انا على استعداد اني اناقش قضية المهاجم الأجنبي مع فترة التسجيل القادمة .. لكن الحين والفريق امامه مباريات قوية والبعض يعيد ويزيد بهالكلام اللي يضر الفريق ماحد عنده استعداد يناقش قضية لاتفيد الفريق . قلتها مراراً وتكراراً بعض جمهور الهلال يكرر خطأ جماهير الجار وهو الانتصار لرأيه والفرح اذا حدث صدق قوله ولو على حساب الفريق وللأسف البعض أصبح يخرج بعد المباراة وهو من أسعد الناس فقط لأن اللاعب الفلاني كان مستواه سيء ويأتي العضو ليقول انه قال وقال وصدق ماقال بغض النظر عن مصلحة الفريق ووقت النقد وطريقته ,, وللأسف البعض ينتقد لاعب حتى لو كان هناك عشرات المواضيع وكأن الحال لن ينصلح الا اذا كتب هو موضوع مكرر عن نقد لاعب او مشكلة معينة .. ونعيد ونكرر لسنا ضد النقد ولكن لافائدة من نقد لايقدم ولايؤخر وقد ننقاش قضية ورأي ولكن هذا الرأي يتكرر في اليوم الواحد اكثر من عشر مرات . نقاطي برعاية موبايلي اذا جا مهاجم اجنبي كم يبي من وقت لين يتأقلم وبعدها تعال شوف المواضيع اللي تتكلم عن فايدة الأجنبي ( هذا اذا اقتنع جيريتس ) جمهور الهلال لاتوجد اي فايدة من حضوره الا اذا كان هناك تشجيع جماعي يهز المدرجات ويثير الرعب في لاعبي الاتحاد ويبعت الحماس في نجوم الهلال . ياما وياما انتقدنا العنبر ونامي والتايب والدعيع وسامي وياسر والشلهوب لكن في وقته , اما النقد ليل نهار وتركيز على لاعب واحد فهذا ماهو نقد هذا يسمى قسوة غير مبررة . اتمنى اذا سجل احد اللاعبين هدف ( اي هدف من اي لاعب ) اتمنى تكون الفرحة كبيرة وياليت يروحون للجمهور ويشاركونهم الفرحة لاننا ملينا من فرحة اللاعبين وهم عند الزاوية وبعدها يرجعون لنص الملعب ( شوفو ويلي كيف يفرح وتعلمو ) الموسم طويل والفريق في حاجة لجميع الجماهير الهلالية من خلال الدعم والتشجيع والحضور والنقد الهادف وتكفون خلو المواضيع المملة على جنب لانها تكررت كثير . ( ان شاءالله ) يوم الخميس من الدوام على الملعب على طووووووووووووووووووول لايمين ولايسار لا أكل ولا قهوة ولاموية << كلها مالها طعم الا اذا فاز الهلال ان شاءالله والله بعض الاعضاء يكتب مواضيع رائعة وفيها كلام كبير وتفيد الفريق والمطلوب منهم مواصلة الابداع وان شاءالله التكريم القادم نشوف اسماهم بين المكرمين . |
ياحبيلك والله.. يازين الأسلوب الي كذا.. جريتنا وراك جر .. كلامك والله جدا صحيح وسليم.. من المهم الالتفاف جميعا حول النادي والشد على أيدي العاملين فيه ولنترك الأمور الفنية للتي هي يده وهو من يقررها لأننا لن نكون أفهم منه على وجه العموم لأنه مطلع على أدق التفاصيل وأعرف بحال فريقه..-أعني السيد جيريتس-.. والنقد إذا جاء في وقته وبالمقدار المناسب كان ممتاااااااااااااااااااز..أما أي خلل في الشيئين (الوقت - المقدار والكمية) فستكون دماااااااااااااااااااااار.. شكرا مرة أخرى.. ..سيناتور هلالي.. |
الدعيع عمــلاق أسيــــا ..!! ولا أحد يقف أمامه ,! والدعيع أسطـــورة بـحد ذااته , ماشاءالله عليه , والهـــلال فيق كبيـــر وعريــق , ويكفي أنه يملك لقـــب ( نـــــادي القـــــــرن الأسيــــوي ) ..!! ,, الف شكر لك , |
يعطيك العافية اخوي حمد كفيت ووفيت وانا اقول ان عتبنا على المشرفين في المنتدى هناك مواضيع لااعرف كيف تنزل في المنتدى شكرا حمووووود :smilie47: |
الله يعطيك العافيه أخوي حمد من حق أي عضو في هذا المنتدى أن ينتقد ... وعلى طاري ويلي أنا غير راضي عن مستواه !! سقوطه على أرضية الملعب أكثر من وقوفه عليها ! المشكله ما يعرف يمثــل ويمثــــــل ..! الله يعيين بس ويوفق الهــلال ......... آمييين |
باذن الواحد الاحد اللي ماتنام عينه الفوز هلالي باذن الله |
الدعيع كبير واكبر من الكبير فا لا يهمونك |
مشكور اخووي حمد والله جد (بعض الجماهير)كل يوم مالكله لاعب اذا مالقو احد قالو جماهير الرياض المهاجم الاجنبي كنت افكر فيها بس خلاص مابييه بعدين اذا جاء المهاجم بدال مين لي يونغ / يالله جانا احد يمسك الظهير ايمن رادوي/ ماسك الوسط كله نيفيز / ريفالينو اول ويلي / عشان مبارات الي راحت مالغب كويس انتم شفتو لعانه زيد |
مشكووور وماقصرت وياليت كل الأعضاء يكونون مثلك ويطرحون مثل هالطرح ويطرحون ومواضيع يستفيد منها (...الزعيم...) |
اهلا بك يجب ان يعلم الجميع بأننا مع النقد الهادف وليس لجم من يطرح رأية لأن بعد طيور الطيور بأرزاقها سيظهر من كتب وقال حذرنا تكرارا ومرارا ولا حياة لمن تنادي هناك لاعبون عليهم علامة استفهام وتعجب اتمنى إعطاء الجميع حرية التعبير عن رأية شكرا لك ولطرحك |
والله دايم مبدع و اسلوبك روووووووعه ! وكلنا بنحظر بإذن الله وبالتوفيق لــ نادي القرن |
ولله انك صادق ياحمد الهلالي كتبت وكفيت ووفيت ماشاءلله عليك .. وان شاءلله نشوف حضوووور يملي الملعب وانا حاظر مباراه الشباب وان شاءلله احضر مباراه الاتحاد حضرت مع النصر وتعادلنا 2-2 ومع الشباب 2-2 الله يستر بس ماحضر ونتعادل بعد |
كبيــــــــــــــــــــــــــــــــــــــــــــــــــــــر يا بو عبدالعزيز |
والله انك صاادق بس اسلوووبك روووعه اتحدااك ماتنتهي مباارة للهلال الا واحد من الاعضاء نااط ورااح يكتب موضوووع طوولة خمس امتار>>>برااا عشاان يبرربرر بس مشكوور اخوووي |
استغربت وانا اقرا اول الموضوع قلت مب عوايده حمد بعدين عرفت القصد:naughty:... بس تصدق في الصمييييم s13s,, جمهور الهلال لاتوجد اي فايدة من حضوره الا اذا كان هناك تشجيع جماعي يهز المدرجات ويثير الرعب في لاعبي الاتحاد ويبعت الحماس في نجوم الهلال . نبي الجمهور زي الخميس اللي فات رهيييييييب الشوط الاول:smilie47: ,, اتمنى اذا سجل احد اللاعبين هدف ( اي هدف من اي لاعب ) اتمنى تكون الفرحة كبيرة وياليت يروحون للجمهور ويشاركونهم الفرحة لاننا ملينا من فرحة اللاعبين وهم عند الزاوية وبعدها يرجعون لنص الملعب ( شوفو ويلي كيف يفرح وتعلمو )زي فرحة الشلهوب بالهدف ال2 على الشباب راح للجمهوووووور ,,(ان شاء الله يكررها على الاتي ):ba1: s13s ( ان شاءالله ) يوم الخميس من الدوام على الملعب على طووووووووووووووووووول لايمين ولايسار لا أكل ولا قهوة ولاموية << كلها مالها طعم الا اذا فاز الهلال ان شاءالله ان شاء الله تعشى احسن عشاااااء يااااااارب:razz:,, |
وعدنا الخميس إن شاء الله ,,, |
ياسلام عليك :) ياريت كل المشجعين مثلك بس :D |
يا هلا وغلا حمد نورت الشبكه:naughty: بالنسبة للانتقاد احس انه شي مهم عند الاعضاء فزنا والانتقاد موجود تعادلنا والانتقاد موجود اجزنا الانتقاد موجود اجل لو خسرنا وش بصير:s5s: ليت لو في شي يتكلم بالواقع بس بالنسبة للمهاجم الاجنبي من بداية جريتيس مع نادي القرن ما شفته يلعب مباراة فيها مهاجمين داخل الصندوق بوجود اربع مهاجمين بالفريق ياسر والمحياني والصويلح والعنبر نجيب مهاجم وش نسوي به ان شاء الله خطة جريتيس تعتمد على مهاجم ثاني الدور هذا قايم فيه نيفيز والفريدي بأبدع ما يكون بس الحين ولي هامسون هو الي يلعب مهاجم ثاني خلف ياسر قلت خطورته ولا استفدنا من موقع اللاعب مثل كماتشو بالشباب مدري الاعضاء يبون مهاجم وين يبونه يلعب مو عارف معقوله يلعب على حساب ياسر افضل مهاجم بآسيا:ranting: على العموم بالتوفيق ان شاء الله يارب لجريتيس ونادي القرن وكل الشكر لك اخوي:rose: |
باذن الواحد الاحد اللي ماتنام عينه الفوز هلالي باذن الله |
هههههههههه الله يرجك اقسم بالله كلامك ع العين والرأس وان شاء الله انه بعض الاعضاء يقرأون الموضوع هذا ويستفيدون كفايه تجريح |
\\ ياعيني عليــــــــك ياحمووودي بصرآحــه إبدآع .. !! ..:::.. أهنييك على الطرح الرآآقي ..:::.. مبدع كالعــآدهـ // وأنا معــك في كل اللي قلــته بجد والله مو معقول كل شوي ماسكيين لي لاعب .. ترى الاعب بالنهايــة إنســآن معرض للخطــأ .. والطامــه الكبرى ..// إذا دخل اللاعب اللي انتم تنتقدونــه وقرأ الموضوع صدقوني رآح يتــأثر أيـا كــآن .. !! شيء طبيعي يشوف كل الأعضــآء قالبين علييه أكييد رآح يشك بقدرآتــه وبالتالي ينزل مستوآهـ .// كلــنــآ ماحناا بضد النقد لكن بشرط أن يكون .. نقد بنــآء ..// لالنقــد لمجرد كتــآبــة موضوع وإظهار الحمــآس .. إذا عندك إنتقــآد بنــآء تعال وكل الأعضاء رآح يكونون معك وإذا عندك إنتقـآد لمجرد إنتقـآد .. خلــه بدآخلــك مانبيييه . @ نقــآطي بررعــآيـــــــــــة قــ الزعييم ــلب .. :s2: << بدا التقلييد * أتمنى من الجمور الحضوور الكثيــف والتفاعل مع الراآبطــه جيدااا .. !! * إكتشفت شيء جديد هو أن لاعبنــآ الكبير عبدالله الزوري عندهـ هوآيــــه منذ الصغر ألا وهي {{ الهوجسه دآخل الملعب }} ../ * يالييت يلعب جيرتس بمحور واحد قدآم الإتحااد أعتقد إنهاا طريقــه مناسبــه .. وإن إظطر للعب بمحوريين يلعب بخالد عزيز ورآدوي ..!! * بسس خلاص مع السلامـــــــــــه :s2: ؛ ؛ |
علىىىى قولة شبية الريح جمهور الزعيم مايحتاج لدعوة اكيد راح يمتلأ الملعب لأنه جمهور الزعيم ولانها اهم مباراه بالدور الاول بالتوفيق يارب لزعيـم اسسسسـيـااااااااااء... |
هههههههههههههه والله في البدايه فكرت من جد راح تطق ابوعبدالعزيز والله كلامك عسل والاحلى الاسلوب والله يوفق زعيمنا يعطيك العافيه |
الدعــــيع لو يريحنا من طلعاته من الباب حنا بخـــير.... تجي حزات احس ان الدعيع يبي يلعب بالنص او مهاجـــم .. . .!!1 |
ماشاء الله عليك ياا اخووي حمد اسلووبك جداا راائع وطرحك مميز تسلم انااملك :rose::wub: وربي يهديهم بعض الجمااهير ع قول المثل مع الخيل يااشقراا مايفكرواا في الكلاام بس يتكلمواا وخلااص:yes: وانت موضوعك من المواضيع المميزه واللي تفيد الفريق وان شااء الله تلقى التكريم:wub: باالتوفيق للاعبين والزعيم يوم الخميس :alzaeem: اسفه ع الاطااااااله:wub: |
إقتباس:
زبدة الموضوع بصراحه موضوع كويس جدا .. للأسف البعض من الاعضاء صار كل همه انه ينقد اي لاعب ،، ويتقصده ويحقد ويسب ويشتم ونسي انه لاعب هلالي يخدم الكيان الهلالي حتى لو كان مستواه متواضع بنظر البعض منا . انا هنا ماقصد الدعيع بلاشك .. انا اتكلم عن اللاعبين بشكل عام ، نعم النقد مطلوب لكن المطلوب متى وكيف ننتقد ؟؟!! هالسؤال لازم تشوفون له جواب يازعمــاء ،، مو في اي وقت ننتقد ولا بأي اسلوب ننتقد ايضاً اكيد هالاندفاع منكم ماهو الا من شدة حرصكم على الهلال ، لكن لدينا مدرب كبير وادارة محنكه لذا لاخوف بإذن الله . إقتباس:
فعلا ،، راح نخسر واحد من اجانبنا اللي يقدمون مستويات حلوه بلاعب قد لا نحتاجه الآن وترا المدرب ماهوب مستحي يطلب مهاجم اذا بغى :d إقتباس:
اهم نقطه ،، ماهو الحضور بس هو اللي يبث الروح في نفوس اللاعبين ، الحضور والتشجيع طوال المباراه هو اللي راح نجني ثماره من لاعبينا بشكل عــام لأن انت تشجع بالمدرج وهو يسمع كل هالجمهور يشجع اكيد راح تحفزه نفسياً وراح يقدم كل اللي يملكه . الف شكر لك ياحمد .. موضوع مميز :rose: |
إقتباس:
أحرجتني يابعد حيي يستاهل الزعيم الحضور والعنوه وأكثر واحد يحمسنا للحضور هو انت أخوي حمد الله يعز مقدارك وبإذن الله تكتمل فرحتنا بالثلاث نقاط وتقبل مروري دمتم بود أخي العزيز |
كم مره وانا ابي اكتب عن المواضيع هذي اللى مالها داعي ولالنا اي فائده كلها خاصه بالمدرب. لاكن كفيت وفيت هذا الموضوع الرائع يعطيك العافيه على الموضوع الهادف اتمنى من الاعضاء صاحبة المواضيع تتعلم الله يوفق الهلال في جميع مبارياته تحياتي |
والله انك صادق شغالين نقد على الاعبين سوا ابدع والا مستواه زفت ورانا مباراة مهمه يوم الخميس وللحين مشغولين بالنقد وهالاسبوع اسبوع نقد على ابو سعيد ما اقول الا الله يعينه يعطيك العافيه |
تسلم ياغالي ع الموضوع اللي يسكت كل المنتقدين وربي ماتخيل يوم الهلال من دون الدعيع |
يــــــــا عــــيــــنـــــــي عــــــلـــــــيــــــــــــك .... |
\\ موضـوع رائـع كـ روعـه قلمـك المميـز .. وبأذن اللـه سيكـون حضـور جمهـور الزعيـم بالموعـد كعادتهـم .. واللـه يوفـق الزعيـم بالنقـاط الثـلاث يـارب ..! |
إقتباس:
لآ إن شالله .. الثآلثه ثآآبته .. والفووز .. |
الله يقطع بليسك هههههههههههههه من جد كذا اكثر الاعضاء انا لو اني اقدر اكتب موضوع جديد كان امدح في اللعبيه مو مثل بعض الاعضاء اقول هذا اكثر من قريتس ههههههههه |
خفيف ظل كالعادة اخوي حمد يعطيك ربي الف عااااااافية |
.. حمد , يا خي يا أنك مبدع أو أنك مبدع :d أسلوب جداً مميّز وكاتب هلالي نفخر فيه .. :wub: يعطيك العافيه وواصل على هيك إبداع :smilie47::rose: |
والله وربي اقسم بالله كلام عين العقل هذا اللي اتمناه انا يا اخوي انا ودي اسوي موضوع مثل كذا لكن اذا جلست على اللنت ضاع الكلام والجمل المفيده لكن انت جبتها يالغالي والله ماقصرت والوعد في الملعب <<<<<<<<<< تقبل مروري |
صحيح النقد بكل وقت يسبب للاعب احباط اذا تحت اللاعب مو انتقاد نصائح ع الاقل جزيت خيرآ ع النقل |
^ ^ اي نقل .. لي 3 ايام اعدل وانقح فيه وانت تقول نقل ..!!! الله يهديك هههههههه عواااااافي |
واااااااااااااااااااااااااااااااااااو ماشاء الله بجد مبدع الله يحفظك وموووووضوعك ياليت كثير اعضاء يفهمونه ويفكونا من المواضيع الي مال امها دااعي وبداال ما يحمسون اللاعب ويشجعونه يكتبون مواضييع تحبطهم ياليت الشبكه تشووف حل لمثل هالمواااضيع |
انا مايقهـرني في جمهور الرياض الا اذا كانو مالين المدرج ووقت المباره هدو ولا نسمع صوت الا مع هجمه ؟؟؟؟ شئ يقهرررر نبي نشوف لعب وفي نفس الوقت الجماهير تشجع الاعبييين !!! ومايفقع مرارتي الا اذا الرابطه غنت >> اجيبه يعني اجيبه لو كان تحت الحراسسسه ؟؟؟؟؟؟ مدري وش يحسون فيه؟ |
كتبت فابدعت والله انك صاادق يقهرونك بعض الاعضاء تمسك معهم على لااعب وبعد يومين مباراة مصيريه مع الاتحاااد اتمنى من جميع الاعضااء عدم القسوه على الاعبين |
الله يعطيك الف عافيه ع الطرح المميز بس نبي مهاجم ونطلع ابوكلبشه ونجيب صخرة الدفاع حمد الصقور خخخخخخخخخخخخخخخخخخ امزح تقبل مروري |
خذلك بوسه على راسك مني هذا الكلام كنت ابغى اوصله للاعضاء لكن انت قدرت تشرحلهم بطريقه كوميديه حلوه مثل حلاوتك شكرا لك ويا ليت يفهمون الاعضاء اللي مكتوب كلمه كلمه |
يعطيك العافية اخوي حمد كفيت ووفيت وانا اقول ان عتبنا على المشرفين في المنتدى هناك مواضيع لااعرف كيف تنزل في المنتدى كل الود |
يعطيك العافيه اخوي حمد كلام سليم 100 % آحترآمي وتقديري |
صدقت اخوي حمد بعض الجماهير ودها تنتقد بأي طريقه واذا جادلته قالك انا مسجل بالشبكه من عام الف وخشبه ومشاكراتي فوق الخمسه الاف يحق لي انتقد وفيه فرق بين النقد والتجريح وياليت البعض يترك الامور الفنيه البحته للمدرب او اخبر بها مهاجم اجنبي او غيره العلم عند المدرب جمهور الهلال الكبير ننتظركم يوووم الخميس لاتخيبون ظننا |
يعطيك العافيه على الطرح الرائع . بالتوفيق لزعيم |
والله دايم مبدع و اسلوبك روووووووعه ! وكلنا بنحظر بإذن الله وبالتوفيق لــ نادي القرن موضوع مكانه بالقلب والله |
لاهنت يالغالي وان شاء الله جمهور الزعيم ماراح يقصر وراح يحضر ويملى الملعب وترى الزعيم مستواه مميز وله ثمان انتصارات وتعادلين وماخسر ولا خسارة يعني ليه مانحضر ونسناند الزعيم الله يعطيك الف عافية وان شاء الله موعدنا الخميس يازعماء |
مشكور ماقصرت كفيت ووفيت لكن الجمهور ما ينتقد لاعب الا من حبه له والدعيع كبير ما ينخاف علية بالتوفيق للزعيم امام الاتحاد... |
إقتباس:
معك كل الحق في الكلام اللي تقوله شيء غريب انتقاد الجماهير الهلالية بأنها صارت مثل جماهير الجار تحب تنتقد وبس ! والصحيح ان بعض الأخوان صاروا يتضايقون من نقد الجمهور الهلالي المخلص لنقاط الضعف في الفريق واللي أثبتت مباراتنا الأخيرة مع الشباب ان آراء بعض الجماهير صحيحة وبالتحديد حول نقاط الضعف في الفريق الهلالي وان الاختبار الحقيقي لنجوم الهلال المحليين والأجانب والمدرب العالمي جيريتس هو مباراتنا مع الشباب والاتحاد والكل شاف في مباراتنا مع الشباب ان الهلال لم يستطع خلق أي فرص حقيقية من خلال لعبة جماعية سواءً عبر الأطراف أو العمق وكل خطورة الهلال في المباراة كانت عبر اجتهادات فردية من بعض اللاعبين مثل تسديدات نيفيز والشلهوب ومهارة الفريدي والا بصراحة كان وضع الهلال سيء دفاعياً وهجومياً ومدرب الشباب الأقل شهرة استطاع التفوق في هذه المباراة أما حكاية ان جيريتس أبخص وأعرف مننا وخلوه يشتغل بهدوء وبدون ضغوط من الجمهور والإعلام فنشوف وش نتائجه في نهاية الموسم ؟ وأكيد كل اللي ينتقدون جمهور الهلال اللي يطالبون بمهاجم أجنبي وتصحيح الأخطاء الدفاعية بيعرفون ان انتقاداتهم للجمهور خاطئة ! |
إقتباس:
يعطيك العافيه ومشكور أوي أوي اوي يامـعـلـم :razz: |
لبى قلبك ولبى اسلوبك وكلك موضوع في وقته بعكس باقي المواضيع ( التي ذكرتها ) نتمنى ان يبتعد هؤلا عن مثل هذه المواضيع وترك الامر لأصحاب الامر تقبل تواضع مروري :) |
السلام عليكم أخوي حمد . . والله أنك صادق بالنسبه لموضوع النقد, أنا شدني موضوع لأحد الاعضاء ماذكر أسمه الحين قال شي حلو بعد مباراة الشباب اللي هو لو أن الهلال فاز كان جريتس كل اللي أنتقدوه بعد المباراة بيقولون عنه داهيه ع دخول الفريدي و الدوسري في وقت واحد للياقتهم العاليه و السرعه . . وبالنسبه للاعبين دام أنهم للحين ماعطين اللي عندهم وماقصروا ليه النقد صح حنا جمهور طمااع بس نبي نفوز :d ماكن هناك فرق تبي تفوز بعد بس بهدوء أنتقدوا وعقلانيه وفي الوقت المانسب . . وفي الختام الله الله بالحظور يازعماء وبالتوفيق للهلال و الجميع إن شاء الله |
عواااااااااافي على الطرح يالغلا من البدايه وحتى النهايه مبدع يابطل في كتابتك موفق يالغلا موفق يالازرق ان شالله ... |
يعــــطيك العـــــافية اخوي حمد |
ياما وياما انتقدنا العنبر ونامي والتايب والدعيع وسامي وياسر والشلهوب لكن في وقته , اما النقد ليل نهار وتركيز على لاعب واحد فهذا ماهو نقد هذا يسمى قسوة غير مبررة . لا تعليق ... الله يعطيك العافيه مجنووووونك ,,, |
مشكلتنا كل واحد يعتبر رايه هو الصحيح فقط ولايقبل من غيره اي وجهة نظر ان اتفقت معي فانت فاهم و واعي وان اختلفت معي فانت جاهل وحاقد |
الدعيع عمــلاق أسيــــا ..!! ولا أحد يقف أمامه ,! والدعيع أسطـــورة بـحد ذااته , ماشاءالله عليه , والهـــلال فيق كبيـــر وعريــق , ويكفي أنه يملك لقـــب ( نـــــادي القـــــــرن الأسيــــوي ) ..!! ,, الف شكر لك , |
| الوقت المعتمد في المنتدى بتوقيت جرينتش +3.
الوقت الان » 02:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd