أشكركم على ردودكم التي اثرت الموضوع

إقتباس ياخي ياسر على عيني وراسي اللاعب من نهايه الموسم الي راح ومستواه هابط حنا نبي مهاجم بداله وبسط حقوقنا ياخي ولاهو اول لاعب يهبط مستواه بس الاصرار على مشاركته 90دقيقه كل مباراه شي يقهر لماذا لاتعطى الفرصه لعيسى على الاقل

أخوي الغالي . . موضوعنا مو ياسر انخفض مستواه ولا لا . . موضوعنا هل نحن أفهم من جيرتس ؟؟ . . طبعاً لا . . هل جيرتس يجامل ياسر على حساب الفريق ؟؟ . . طبعاً لا . . هل جيرتس يخاف من ردة فعل جماهير ياسر . . طبعاً لا وألف لا . . إذن المدرب محق في ادخال ياسر أساسي "على الأقل في وجهة نظره والتي تقبل أن تكون صائبة أكثر من وجهات نظرنا جميعاً" . . هو مدرب من طراز مرتفع جداً وهذه رؤيته . . يجب علينا أن نحترمها وأن نثق أنه يعمل في صالح الفريق

إقتباس لما تشوف اهداف محققه تضيع لما تحضر للملعب وتتحمل الإهانات والكلام السيء والبرد وايضا الحر والزحمه والأمراض لي الحق اني ابدي رأيي ياسر مستواه نازل من العام الماضي فرص اطفال لا يضيعونها ياخي والله شي يقهر الا اذا كنت ما تحضر للمباريات عاد هذا شي ثاني. لكن لما تشوف لاعبين بصراحه يحترقون في الدكه ولاعب بكل برود يضيع الفرص الواحده تلو الاُخرى هذا من حقنا انا نقول نبيه في الدكه . الأسطوره سامي جلس في الدكه في فتره من الفترات ؟؟ ولا ياسر جمهوره اكبر من جمهور الهلال من حقي انتقد ومن حق كل شخص يقول رأيه لكن اوما لاعب يلعب لبأعصابنا تسعين دقيقه ولا نقول شي مع إحترامي لشخصك ل اوالف لا |. تقبل مروري ودمتم في الزعامه

أخوي أنا ماني مناقشك أو مجادلك في مستوى ياسر . . أنت لك رأيك وأنا أحترمه . . وأنا لي رأيي وأحتفظ فيه لنفسي . . موضوعنا هو لماذا نتدخل في عمل المدرب ؟؟ . . جايبينه بملايين الملايين عشان نملي عليه رغباتنا ؟؟ . . نقول له دخل فلان واركن فلان احتياطي ؟؟
أنا لست من جمهور ياسر . . مع عظيم حبي له . . وأحب المحياني وأعشق العنبر وأموت في الصويلح . . بس أنا وأنت ولا شي عند فكر المدرب . . يعني ياخوي يا حبيبي يا عزيزي يا مهجة فؤادي أنت . . أنت أبخص من جيرتس ؟؟ . . أنا هنا ما أقول لك لا تقول إن ياسر نازل مستواه ولا مرتفع . . ولا أملك الحق إني اجردك من حقك في التعبير عن رأيك في أي لاعب . . لكن لا تدخلون في عمل المدرب

طالبتو بمدرب عالمي ولما الادراة وفت بوعدها ولبت طلبكم وجابته بملايين صرتو تدخلون بشغله وتملون عليه ما يجب أن يفعله !!

بنهايه الموسم وبطوله اسيا سينكشف القناع الحقيقي لمستوى الزعيم بالبطولات او بدونها

موضوع جميل جداً ونقد راقي
والمطلوب منا مساندة ياسر وليس القسوة ليه
ولا بأس بتدعيم الهجوم بلاعبين آخرين مساندين لياسر
وكما قيل لا يوجد فريق يأخذ كل البطولات التي يلعبها
ولا لاعب يسجل في كل المباريات

إقتباس سؤال ... هل ارغموا المدرب علي ان يقبل برأيهم ؟؟؟ هل قالوا المدرب فاشل وطالبوا برحيله لأنه لم يعمل برؤياهم ؟؟؟ هذا مدرب محترف يعني لو طرح 600 رأي لن يلتفت له وسيعمل مايراه صحيحاً ... إذن اين التدخل بعمل المدرب ؟؟؟ هذه اراء يقولها الجمهور سواء اخذ بها احد او لم يؤخذ ... وللعلم فقط ... جماهير الهلال وسياستها في عدم الرضى عن الخطاء والتكاسل مهما كان صغيراً هو سبب تفوق هـلالنا ... وقارن بين جمهورنا وبين جمهور ذالك النادي التي تبحث عن مبررات للعيبتها ولذالك فهم بمكانك سر .. ولنجمهما الاوحد حتى اقتنع بمستواه انه فعلا رائع ...وانظر هل فاد ناديه بالسنوات الماضيه ... ثم عد وتذكر تصريح ياسر ان انخفاض مستواه كذبه وهو رأي المقربون منه بالتاكيد واعتراف الشلهوب بمستواه المنخفض بالسابق ولذاك عاد شلهوبنا... رأي الجمهور مهم وان كنا نختلف فالرؤى ... ولكنني مع ان ياخذ المحياني فرصته ويتاقلم مع الفريق ... لسبب بسيط وهو عندما يغيب ياسر لاصابه او كرت لاسمح الله يكون البديل جاهز >>> هل رايي خطا ؟؟؟ اسيا قريبه ولا نريد ان يحدث للهلال كما حدث بالسابق غاب ياسر فاصابنا القلق علي مركز الهجوم ... كيف سيشارك باسيا لاعب غاب عن المباريات كثيرا !!! كما ان التنافس علي المركز بين اللعيبه يفيد النادي اكثر من لاعب ظمن خانته واكتفى ... يعطيك العافيه على الموضوع...

أول شي شكراً على اسلوبك الراقي في النقاش . . ثاني شي . . أنت قلتها بنفسك . . هو مدرب محترف . . وأنا وأنت وشو ؟؟ مجرد مشجعين نملك وجهات نظر متواضعة مع احترامي الشديد لك . . هل نأتي ونباخصه بعمله ؟؟

هل يعقل أن جيرتس المدرب المصنف عالمياً يستمرعلى خطأ في 10 مباريات وأنا وأنت على صواب !! . . أنتم ذبحتوا ياسر بكثر الانتقاد . . انتقدوه في مستواه بكيفكم . . لكن لا تنتقدونه لأنه يلعب أساسي . . ما فرض نفسه على المدرب يا ناس !! . . المدرب مقتنع فيه وملعبه . . وما اقتنع بالمحياني ولا لعبه . . وش ذنب ياسر!! . . ولا بتقول لي أنه يجامل ياسر !! . . ولا يجامل جمهور ياسر !! . . ولا بالواسطة يلعب !! . . مدام جيرتس يلعب ياسر أساسي . . أنا متأكد مليون بالمية أنه محق وأن ياسر يستحق أن يلعب أساسي وغيره ما يستحق وأن هذا في مصلحة الفريق . . نبي نفكر بقلوبنا ونقول حرام المحياني يحترق بالدكه . . هذا شي ثاني

بصراااحه ولاتزعل مني

موضوعك واسلوبك يذكرني في المداخله الفضائيه المشهوره

ولاناقص الا تقول انتم ماتربيتوا!!!

حنّا نروح نشجع ونحضر من ملعب الى ملعب ويتهاون في اللعب بالطريقه هذي ،،!

معليش يا صديقي ،، حنّا نشجع الهلال .. ما نشجع لاعب .. عندك عيسى والصويلح ،، حساسية التهديف موجوده ويلعبون بروح وقتاليه ،، لانه لايضمن مكانه اسااسي ،، اما اللي يضمن اساسي .. بيلعب بكل برود وتهاون ،، خونا صريحين شووي ياسر يبي له اربع مباريات احتياط عشان يرجع ياسر 2007 وترا و عيب اذا كان احتيااط ،، قبله يوسف وسامي ،، يعني ياسر الحين ما يتكّي جنب المدرب ،، !!!

تحياتي // قصة اسطورة

8
وجهة نظر ))

انا اتفق معك اننا مجرد مشجعين ولا يحق لنا التدخل في الامور الفنية الخاصة بالمدرب ... لكن هذه مجرد اراء وكل مشجع له

الحق ان يبدي رأيه ووجهة نظره لكن لا يحق له التدخل في عمل المدرب ... واذا كان السيد ايريك يرى ان المهاجم ياسر القحطاني

يستحق ان يلعب لمدة 90 دقيقة في كل مباراة يجب علينا كجمهور واعي احترام قرار المدرب ... وليعلم الجميع ان تسجيل

الاهداف وتحقيق البطولات هي اولا واخيراً توفيق من الله سبحانه وتعالى ... تحياتي لك ولما خطته اناملك اخوي عبدالعزيز

تقبل مروري ...

أشكرك من الأعماق يا راكان . . أحسك من جد فاهمني وفاهم وش أنا أقصد

نعم أتفق معك وأختلف معك ( أن لكل شخص رأي ولا بد أن نحترمه ) ، ونحترم قلم الكاتب الذي يريد ما فيه مصلحة النادي، ولكن المنتدى هو منبر للمشجع للبوح بأرآئهم ، والرآي النهائي يرجع للجهاز الفني والإداري في الفريق وهم مجموعة كبيرة ومثقفة تعرف ما هو المفيد للفريق .

موضوعك كان حول ياسر ... أتوقع ياسر يؤدي بشكل جيد إلى الآن ...
ولكن يوجد عليه ملاحظات التركيز وإستغلال الفرص السهلة ... ولكن في نفس الوقت لابد من تهيئة اللاعب عيسى المحياني للإستفادة منه ،، لأن الفرق الكبيرة لابد أن يكون البديل جاهز في أي وقت .... ولكنه لم يثبت إلى الآن موقعه في الفريق حيث أعطي الفرصة من خلال الفريق الأولمبي لوضع نفسه في التشكيل ولكنه مازال في بداية التأقلم وأتوقع مثل باقي اللاعبين أعطوه وفرصة وراح يرجع لمستوياته ...

الذي أتفق معاك فيه هو تكرارالطرح لمواضيع كثيرة في المنتدي ... والهجوم غير المبرر على بعض اللاعبين خصوصا ياسر .. الرجاء تحكيم العقل ،، قبل العاطفة
( ووضع مصلحة الهلال قبل أي شئ )

مشكور أخوى الكريم على مجهودك

الشكر لكم جميعا لإثرائكم موضوعي المتواضع
....................................................

صدقت اخوي

المفروض مهما كان نهتم للهلال والمدرب ادرى باللاعبين

الله يعطيك العافية ومشكور حبيبي على موضوعك الرائع وبالفعل يااخي صاروا احسن من جريتس يحللون وينقدون

تصدق اخوي اني من زماااااااان ماشاركت باي موضوع

ادخل مواضيع واطلع

يعني مجرد متصفح


لكن اقسسسسسسسسم بالله موضوعك بالصميم

قمة العقل والذكاء

يدل على شخص فاهم وواعي

تصدق اخوي لما اكون بالملعب واتفرج على المباراه

واسمع حولي اراء كثيره

طلع فلان ودخل فلان

فلان ليه يلعب مايصلح

اجلس اسئل نفسي

هالحين هذولي كلهم مدربييين .؟؟

طيب ليه عندنا شح بالمدربين الوطنيين ؟

موضوع رائع كروعتك

واهنييك من كل قلبي اخوي

وياليت نشوف مواضيع اكثر زي هالمواضيع

والله صادق لا والمشكله إذا قالوا كلمه مستحيل تتغير قناعتهم ؟؟ << إرحمـني يا مورينهـو
فيه أعضاء الله يهديهم لازم ينتقد يعصر مخه عشان يشوف على أي لاعب شي ويبدأ يشرشحه ..