والله انت اللي تفقد ابجديات الكوره ولا تعرف فيها شي
ياخي وش ذنبه إذا صار مهاجم وتجيه كور قدام الباب
بالعكس هو وظيفته التمركز الصحيح والتسجيل فقط
أما وظيفة التمريرات الحاسمه أو التمريرات اللي قدام الباب على قولتك هاذي من اختصاص صانع اللعب
يعني بالله عليك ياسر ياخذ الكوره من السنتره ويقعد يسحب فيها لين يوصل المرمى ويسجل ؟؟
وإلا يعطونه هو بعد قدام الباب ؟!!
وبعدين خله ينزل راسه وهو يلعب وش فيها آآآآمين يلعب وهو عاصب عيونه أهم شي يتحرك صح ويسجل لي
كرسبو من افضل المهاجمين في العالم في فترات مضيت طبعا هو للحين كويس بس كبر في السن ماعلينا من هاذي
أهم شي انه ماعمره رفع راسه دايم منزله ولا قد ناظر قدامه ومع هذا يسجل وجاب لقب الهداف مع لاتسيو ومع انديه آخرى
ونجي لقضية التسحيب اللي انت متضايق منها وتقول ان العنبر مايقدر يعدي من لاعب واحد هذا ايتو مافيه امل يعدي من نص لاعب ومع هذا في خمس مواسم سجل تقريبا 130 هدف لبرشلونة كيف صارت هاذي ؟!!
عموما أنت شكلك متعصب لياسر بس واقولها بصراحه حرام موهبه مثل عيسى تندفن بالاحتياط وياسر بالمستوى الباهت هذا
اتمنى أكون وصلت لك كلامي مظبوووووووووووط
الوضع العادي
