والله كلامك سليم مليونين بالميه ويعطيك الف عافيه على الطرح الحلو

بالنسبه لي والله اني احترم الانديه كلها الا النصر مااقدر والله لانهم رئيسهم بنفسه وهو كبيرهم وراس هرمهم قام يتعرض كيان الهلال
اذا كبيرهم مافكر بهالمعادله فهل تعتقدين انه ممكن غالبية جمهورنا بيفكرون بهالشي
انا اقولك انا معك مليون بالميه وكلامك سليم ومااطلع خطا بس ترا احنا اكبر المتعرضين للهجوم
ومره ثانيه يعطيك العافيه وماقصرت وشكرا

ماودي أقول كلام سليم عشان مايكون هناك تناقض في كلامي .
النصر من عرفناه وهو محارب للهلال ..
يعني أنتي تقولين وش ذنب كيان النصر وتاريخه بأنه طاح في أيدي ناس متعصبة وحاقدة على الهلال
/
النصر من عهد الامير عبدالرحمن بن سعود وهو محارب للهلال ..
وعبدالرحمن بن سعود ترأس النصر لحوالي 40 عامآ وأغلب بطولات النصر كانت في عهده
يعني أنا اظمن أن الـ 40 سنة هذي كلها حقد وظغينة وكراهية ضد الزعيم
.. من وجة نظري أرى ان النصراوي يلد وهو يكره الهلال وهي فطرة ..,.؟؟
لكن يظل الزعيم زعيم رغم انف الحاقدين
..,
أشكرك ياوسن ع الطرح ...,
.

_____________________________________________________________________

فعلا صدقت لكن انا اقول السبب الاول هم الاداره

وخصوصا الاداره التى تكون فاشله وتضع اخطاءه على الخصووم

والله انا اقول مافيه غير حل واحد وهو العقب من الاتحاد السعودي على اي اداره تصرح او تحاول استفزاز الخصوم

وشكرررررررررا

دخلت أشوف الموضوع بس ما عجبني وخلاص طالع

(:

اول شئ يااخت وسن انا ماابي اكون مثالي لابعد حد لان هالمثاليه مع بعض الأندية ماتنفع

ثاني شئ وبأمانه انا احترم واقدر كل الأندية كما هم يقدرون الزعيم وجمهوره لكن من لايقدر الزعيم وجمهوره لايستحق التقدير ويستحق منا مثلما يفعل ..

والتعصب لايوجد له حل لانه مرض ازلي بالكرة العربية عامة والسعودية خاصة

يعطيك العافيه على جهودك

لك وسن

مافيه توافق بموضوعك , بصراحه انا متابع لمواضيع وهي جيده باستثناء هذا الموضوع ,

وشلون اختي نشيل الاداري والاعب والجمهور ,

ما فيه مجلس الا وتلقين النصراوي والهلالي , مع بعض ,

لكن المشكله من يوم طاح النت بيدين الاطفال ,

لا اكثر ولا اقل

تحياتي

لاتقولين معادلة ولا شي .. هذا التنافس ( أزلي ) بين الناديين .. وماضي يكمله حاضر

ماراح تمحين التاريخ في يوم وليلة .. يبي لك شهور عشان تطهرين العقول من تراكمات السنين

ماابي والله اجاملك واقووول صح واكذب عليك واقوول اي والله النصر كبير والنصر تاريخ

انا بقول لك معادلة ثانية .. التاريخ والكيان والنادي بكبره .. ماتكون ( بعد الله طبعا ) الا بالادارة والجمهور واللاعبين .. واللي الى يومك هذا يحاربون الهلال .. ويوما بعد يوم يزيد كرههم للهلال وحربهم علينا تزيد

بالله عليك وشلون نحبهم ؟؟؟؟

ياشباب الله يهديكم انا قلت النصر كمثال مجرد مثال طبقوا الشي هذا على باقي الاندية

بعض الاندية طاحت في إدارات ماتستاهلها

يا أخت وسن .. التعصب موجود في كل مكان .. وهو نتاج التنافس .. ومرحلة مابعد التنافس الشريف

ماتقدرين تخلين كل الناس مثاليين .. في كل مكان في العالم يوجد تعصب ومستحيـــل ينتهي .. الا بالعكس يزييييد

وانا عن نفسي مايهمني الا الهلال وبس . . وبعدين حنا ليه مشقين اعمارنا نبي نصير مثاليين ..؟؟؟؟