انا زيك الموسم هذا كله ما حظرت ولا راح احظر

تعامل سلاتيح الامن يرفع ظغطك

أقســـم باللي بسط سبع .. ورفع سبــع ..

إني شفــت أشياء أكبر من كذ1 ...

مباراتنا قدام الحزم أنا حضرتهــا .. سألت عسكري قلت له : المويه تدخل .. قال لا .قلت طيب البيبسي : قال ماتفهم أنت توكل بس .. < بالله هذا إنسان ؟؟

..

وفي مباراة النصر .. واحد معــانا بالمنتدى جايب لافتة يحلمووووون16 .. أول ماشافها العسكري سحبهــا وسحب فنيلتة بطريقة فيها إهااانه .. وخوينا هذا يقول له : يرحم والديك إحنــا تبع المنتدى ..
العسكري قاله : أصص لا آخذك إنت بدالهــا < لاحول ولا قّوة الا بالله .. أنا كنت خلفة بالظبط .. وقلت له هوّنها وتهون ..

محاربين الهلال اللي أكبر من الأمن ماتبي ذولي يسوون كذا ؟؟ (( والله ما أدري وش يوزرهـ بس لو يقرأ كلامي أكد لهم هـ/الشي ))

..
وماخفي كان أعظم ..

بس الحمدلله على كل حـــاال .. الشكوى لله والله يرحمك يا فيصل بن فهـــد ..}

كان الله بعونكم وياخوان
والله مانبى هذا الكلام يخليكم ماتازروان الهلال
بالعكس نبيه يكون دافع لكم
وكلن ان شاءالله بياخذ حقه
ان الله يمهل ولايهمل



اررق التحااايا

كلامك صحيح ياخوي وربي محاربين محاربين بشكل ماتتصوره يعني وربي رجال الامن تعاملهم مع مشجعين الهلال زفت وتدقيق بحت يعني لو ياخذو العسكر هذولا ويخلونهم في المناطق الحدوديه وربي يطلعون اشياء مااحد قد صادها من شدة الانتباه والتركيز على جمهور الهلال
ثانيا : اصلا انت من وين تلقاها
من اتحاد الكرة
من لجنة الانحطاط
من لجنة المسابقات
من لجنة التطوير
من مدراء الملاعب
من رابطتنا الموقره ( كويسين )
من كل مكان بتحصل يوقفون بوجهك والسبب انك تعشق نادي القرن زعيم اسياء

بخصوص اقتراحك هذا وانا اخوك احس انه صعب الا بعد مايكون الملعب خاص فيك وقتها لك الحق بس الوقت الحالي احسه صعب
لن لو بنقول شوفو اوربا الفرق الاوربية كل فريق له ملعب ماعدى ايطاليا ممكن كل فريقين مشتركين لهم بملعب
ومشكور على مووضوعك يالغالي

إقتباس الرسالة الأصلية كتبت بواسطة F.C.H الحل وانا اخوك عندي ومالها الا هي تدري وشو انك تجيب عساكر أجانب

هههههههههههههههههههههههههههههههههه

دمك شربات

قاطعوا المباريات يااداره الهلال حتى نخلص من الابتدائيه الي لابسين بدل

والله مدري وش اقول لأني ماعايشت الوضع

لكن هي وحدة من ثنتين ...

كل واحد يذكر قصته حتى نعرف ان فيه تقصد لجمهور الهلال وانه مايكون فيه تبلي من بعض الجمهور ( وهذا ليس موجود ان شاءالله)

حتى مانسميها حالات فرديه اذا ذكر اكثر من موقف ...

النقطة الثانيه .. انكم تعاندونهم وتحضرون واي شيء يصير ضد مشجع هلالي صورة لو ماتعرف المشجع الهلالي ( يعني افزع له لان هو بيكون تحت الانظار وانت لا )

او انكم ماتحضرون كلكم لو علي الاقل مباراة حتى يعلم الاعلام والادارة ان هناك تجاوزات من الامن ضد الجمهور الهلالي .. واذا وصلت للأعلام أكيد بيحسنون وضعهم ويعملون حساب للجماهير الهلاليه وغيرها .. اتمنى انهم ما ينسفون فشلهم علي جمهور الهلال كاالعادة ومحاوله ألصاق التهم به وانهم جمهور يحب المشاكل

( مع ان الاختيار الثاني ماأؤيده لكن اخر العلاج الكي )

يا أخوان أحضروا

بثيابكم أو طقم الهلال وشال فقط

أما أشياء ثانية أنس

لأنك بتحط نفسك في مواقف وإحراجات
ثم تجي وتقول العسكري والأمن

أنت اللي حطيت نسك في هالموقف

ترى الأعلام والعبارات ممنوعة وتتصادر
والأقلام والكمرات الفيديو والسبح والأشياء الثقيلة
ممنوعة

أما اللي تقول أنهم داخلين بأعلام هذولي مخبينها في أماكن
حساسه

بعني مهوب ضنك أنه دخل به كذا قدام الأمن

هو مخفيه في أماكن ما تنوصل

وخلوكم عاقلين كفاية نقل مباريات
ترى هالحين الأعين مصوبة عليكم
مالقوا شي على المدرب والاعبين لأنهم منضبطين أتجهوا للجمهور



رستووك

إقتباس الرسالة الأصلية كتبت بواسطة الحارثي999الهلالي طبعا كلكم تعرفون الواجه في ملعب الملز يوجد غرفه دخول الحكام .. اذكر كنت حاظر مباره لزعيم وكان فيه اطفال اعمارهم مابين 8 الى 10 عددهم اثنين ينادون لاعبين الهلال ويمزحون مع بعض وكان العب مستمر للمباره والله العظيم جو 3 من رجال الامن يطلعون العصى السوداء ويخوفون الاطفال ويصارخون على الاطفال بصوت مرتفع !!! طـيب وش دخل الاطفال البريئه ؟؟ والشئ الاخر لماذا ملعب جده وملعب الدمام يسمحون بدخول الاعلام وشعارات الانديه وملاعب الرياض كل شئ فيها ممنوع !!! والشئ الاخير وخاصه في استاد الملك فهد لما الواحد يطلع يصلي قبل المباره يقولون مافيه دخول ؟ طيب انا اخواني الصغار او اصدقائي حجازين لي مكان يقولون تبي تروح والا نوديك الغرفه ونلبسك تهمه شغب ؟ اتمني ان الاداره الهلاليه بقياده الزعيم الامير المحبوب ورجلات الهلال ان يجدو لنا حل في ايقاف مصخرات رجال امن الملاعب

خلهاااا على الله,,,,,,,,,,,,,

الله يعطيك الف عافيه اخي العزيز بارر الله فيك ,, وأعتقد اغلبية الجمهور الهلالي يعاني من العساكر ,,

ومن المضايقة والتصرف السئ منهم والواحد منهم تلاقية .. جندي تحت الصفر ورافع خشمه مدري على ايش !! ,,


عموما ياليت (ً مانخلي هالأمور شماعة لعدم الحضـووور ) وترا مو بس انا وانت وكذا واحد يصير معهم مثل هالمضايقات ,,

عموماً اللي بيمشئ بدون مايحاول يدخل ماء !! ؛ علشان يشربه او يجيبه لزملائه محد راح يقوله شئ ,,

يعني من اللآخر كل واحد يتحمل لحد ماتنتهي المباراه ويكون مجهز الماء وكل شئ بالسياره ويشرب على راحته ,, < والله انها حلال بس وش نسووي

:

والله شئ يرفع الضغط !
ليـش الأمن صآرو كذآ ..؟!

وليش تستسلـمون لهم لهالدرجه !!
صحيح لآزم تتجآهلهم , بس لآ نسكت ..


فكرتكـ أخوي مرآ حلووهـ , وصلوهآ عبر إيميل النآدي
لو تروحون تدريبات النآدي كلمو أي آحد و وصلو له الفكرهـ , و وش تعآنون من الأمن ~

والله لو كل وآحد منّآ يرسل رسآله لـ إيميل النآدي , رآح يوصل صوتنآ لـ شبيه الريح
مثل مآ وصل في مهزلة الملز , و الحملة ضد art وآشياء كثيـر ..


حرآم كل هذآ يصير بس لأنكم هلآليـيـــن ~
الله يكون بعونكم يآ رب ..
و الله يبآركـ فيكم , بالرغم من كل اللي تشوفونه من الأمن إلآ إنكم تحضرون


:

اقوول والله انه اقتراح مع احترامي ساااذج لانه ممنوع تجيب ناس تنظم فيه شركات منظمه زي ماسا شفت وبعدين

هذي الي يصير المفروض الرابطه الي تنظمه مو اي واحد تجيب اعلام نظاميه وتعلم الجمهور وش يسون رووح شوف

جمهور بشكتاش وش يسوون رئيس الرابطه ينظم من نص الملعب والناس كلهاا معااه مو ماسك المايكروفون ويهايط

ياهلال عزك عزناا ياهلال ومحال الي جايتلي الصداع والمرض والله يقولون محترفين وين الاحتراف وحنا وين بس..

والله اني ابغا انام الحين وانا مقهور يوم شف الحلاقين وهم منظمين وحركتهم وحده وحنا ما نبغاا نتقدم ..

عوافي والاقتراح صعب واذا الاتحاد السعودي وافق كم يبغالك عشان تنظم وترتب مع احترامي

المشجع السعودي والهلالي خاصه عقليتهم الكرويه شوي محدوده يجيب معااه 2كيلوا فصفص ويقعد وهاتك فصفص ودخان

وبس اصلا مع احترامي الشديد لجمهور الرياض خاصه ليش تجي الملعب بثووب يعني انت رايح عند الجماعه ولا عيب

اذا لبست تشرت الهلال على هاك الجينز ولا بنطلون رياضه وجيت الملعب عشان يبان اللون الازرق زين مو طاق اللثمه

وطالع يمين ويسار بس تبصبص وكلنا عارفين وعشانه تبصبص ولا في قلي شي كثيرر بس وش يقول الواحد

والله لو اكتب صفحتين ما كفت الي في قلبي ...شكراا..